Grupi i hakerëve anti-ISIS: do t’iu japim fund aksioneve të terroristëve

VOAL – PARIS, 16 NËNTOR – Anonymous, komuniteti ndërkombëtar më i madh i hakerëve dhe aktivistëve digitalë, ka shpërndarë një video në internet, ku shprehet i vendosur për të “zbuluar anëtarët e grupeve terroriste përgjegjëse për sulmet në Paris”, shkruan Voice Of Albanians – voal.ch. Njëkohësisht, Anonymous postoi një hashtag #OpParis për ta promovuar iniciativën.

Nuk është hera e parë që ‘hacktivistët’ zbresin në fushëbetejë kundër xhihadistëve të ISIS-it, të cilët, gjithashtu, po përdorin gjithnjë e më tepër internetin dhe rrjetet sociale për ta përhapur propagandën por edhe, mbi të gjitha, për të rekrutuar anëtarë të rinj të grupit të tyre. Menjëherë pas sulmeve të janarit në Paris, Anonymous ndërmori një fushatë për të kufizuar aktivitetin e ISIS-it në internet. Tani hidhet një hap më tej. “Ne nuk do të ndalemi, nuk do t’i falim dhe do të bëjmë gjithçka që t’iu japim fund aksioneve të tyre,” thotë një zëdhënës i organizatës, veshur në të zeza e me maskën e Guy Fawkes, emblema e vërtetë dhe e mirëfilltë e Anonymous.

“Ju bëjmë thirrje juve,” vazhdon aktivisti. “Bashkohuni, mobilizohuni, mbrojini vlerat e liritë tona dhe prisni një mobilizim total nga ana jonë. Kjo dhunë nuk duhet të na dobësojë forcën për t’u bashkuar dhe për të luftuar së bashku kundër obskurantizmit dhe tiranisë.”ansa