Papa Françesku thotë se emigrantët “nuk janë të rrezikshëm, por ata janë në rrezik”.

Këto komente ai i ka bërë dje në Vatikan gjatë takimit me qindra fëmijë, përfshirë edhe një djalë emigrant nga Nigeria, prindërit e të cilit u fundosën gjatë përpjekjes për të arritur në Itali.

Vlerësohet se 10 mijë njerëz janë shpëtuar këtë javë afër bregdetit të Libisë, derisa koha e mirë dhe deti i qetë ka ndikuar që mijëra njerëz të përpiqen me anije gome të kalojnë nga Afrika Veriore për në Evropë. Gjatë këtij udhëtimi shumë prej tyre janë fundosur, ndërsa njerëzit kanë vdekur.

UNICEF-it thotë se 3 fëmijë ishin në mesin e 45 trupave të pajetë që janë gjetur dje në det.

Papa Françesku shpeshherë ka folur hapur lidhur me vështirësitë e emigrantëve. Ai i ka vizituar emigrantët në ishullin grek, Lesbos, muajin e kaluar.

Papa me vete në aeroplan gjatë kthimit, i ka marrë 12 fëmijë për të dhënë shembull se si vendet duhet t’i mirëpresin refugjatët.