Për vite me radhë piktorë dhe fotografë nga e mbarë bota gjejnë te Lugina e Lejlekëve inspirimin për veprat e tyre

KONYA – Lugina e Lejlekëve në vendin Beysehir në Konya të Turqisë, paraqet vendin ku për vite me radhë piktorë dhe fotografë nga e mbarë bota gjejnë inspirimin për veprat e tyre.

Në pranverë dhe verë, lugina paraqet vendtubimin e shumë kurreshtarëve nga vende të ndryshme të botës, të cilët përmes ekspresionizmit të tyre, shfaqin bukuritë e këtij rajoni.

Një shfaqje e tillë është regjistruar të enjten në mbrëmje, kur mbi luginë ndriçoi hëna e plotë.

Kryetari i komunës Beysehir, Murat Ozaltun tha se në këtë zonë jetojnë qindra lejlekë, të cilët në Beysehir ushqejnë të vegjëlit e tyre.

“Kjo pamje mund të shihet çdo pranverë por edhe gjatë verës. Gjatë qëndrimit këtu, zogjtë shtegtarë janë një pamje të cilën shumë njerëz dëshirojnë ta regjistrojnë. Lugina është e rëndësishme jo vetëm për turizmin e këtij rajoni, por edhe të Turqisë në përgjithësi”, rrëfen Ozaltun.

Sipas fjalëve të tij, foletë e lejlekëve gjenden në një largësi të vogël njëra nga tjetra, dhe se lejlekët janë në lëvizje të vazhdueshme. Një nga pamjet që mund rastësisht të regjistrohen, sigurisht që është edhe hëna e plotë që plotëson bukurinë e Luginës së Lejlekëve.