Gjendja në Shqipëri është kritike.
Ky është përcaktori i këtij tranzicioni çerek shekullor.
Kush ka bërë dhe bën politikanin është shkaktuesi i saj.
I gjithtë sistemi është i kalbur. Shteti është në duart shpërdoruese të partive që ndërrohen me rotacion.
Sistemin e kanë kalbur PS, PD dhe LSI.
Ndërsa oligarkët e mediave janë në rolin e prostitutave ndaj klientëve të politikës.
Ndryshojnë klient sipas pagesës.
Ata gazetarë që punojnë me profesionalizëm për të përmbushur misionin e tyre numërohen as me gishtat e njërës dorë. Populli është i dëshpëruar sepse i bie murit me kokë dhe nuk ka kush ta dëgjojë.
Një mësuese më shkruante në rrjetin social “Nesër fillojmë mësimin me ngrica, pa ngrohje, me fëmijë që mezi do na ndjekin. Kam 35-vjet që jap mësim në atë shkollë. Asgjë nuk ka ndryshuar, mos edhe më për dreq.”
Ndërsa selitë e partive dhe institucioneve shtetërore janë të ngrohta, komode, lluksoze dhe me sekretare dhe zëdhënëse të kolme, të kuruara dhe të posadala nga sallonet e bukurisë.
Një punëtor nga rafineria e naftës Fier mori sot në telefon në emisionin Koha për t’u Zgjuar e Bashkim Hoxhës dhe i tha se 150 punëtorë janë prej tre muajsh pa rroga, se kryeministri u kishte premtuar dhe ata vijojnë të shkojnë në punë, të nxjerrin bitum, por jetojnë me borxhe sepse nuk marrin paga. Punëtori u kujtoi politikanëve se zgjedhjet janë duke afruar!
Po është e vërtetë, zgjedhjet po afrojnë dhe nëse nuk arrihet të mbrohet vota e lirë, sistemi do të transformohet totalisht në një sistem mafioz. Varfëria është ekstreme dhe diktatura e varfërisë i bën njerëzit që ta shesin votën për një copë bukë.
Ndërsa në emisionin e tij që ritransmetohet herët në mëngjes, Rezear Xhaxhiu kishte ftuar artistin dhe regjisorin e njohur Osman Mula. Të dy, edhe Bashkim Hoxha, edhe Rezear Xhaxhiu bëjnë emisone të ndryshme nga formati, por që kanë si emërus të përbashkët shërbimin që i bëjnë qytetarit dhe shoqërisë.
Nuk munda që ta ndiqja të plotë dialogun Mula-Xhaxhiu. Arrita kur biseda po përmbyllej. Por ajo që shqiptoi Osman Mula ishte dramatike, rrëqethëse, revoltuese dhe e verteta pa doreza! Ai tregoi për një mikun e tij të ngushtë. Është një mik i artë tha Osmani, me integritet, i ndershëm, një zotëri i vërtetë, që është autori i kolonës zonore të 40 filmave dhe e ka pensionin 100 mijë lekë të vjetra në muaj, ndërsa deputetët e parlamentit të Shqipërisë shumica prej të cilëve nuk u dëgjohet asnjëherë zëri i gojës kur dalin në pension marrin nga 1000 Euro në muaj! Dhe në fund Osmani Mula kulmoi:”Parlamenti i Shqipërisë duhet të rrethohet i gjithi me kordon si vendi i krimit!”
Fliste me dhimbje dëshpëruese dhe pezëm Osman Mula. Ne e njohim shumë mirë. Ishte viti 1991-1992 kur Osman Mula fluturonte prej entusiazmit dhe kishte aq shumë shpresa se pas përmbysjes të diktaturës, në Shqipëri do të vendosej demokracia dhe shteti ligjor, që do të ishte i barabartë për të gjithë qytetarët, ku vlerësimet do të bëheshin sipas meritokracisë dhe jo sipas diktatit të njëshit, ngjyrave të partive politike dhe kastës.
Osman Mula tashmë ka mbetur i zhgënjyer ashtu si gjithë intelektualët e ndershëm dhe të gjithë shqiptarët nga kjo klasë politike që ka sjellë vetëm mjerim për qytetarin dhe gjithë prosperitetin e privilegjet pa përmbushur asnjë obligim i kanë përvetësuar një grusht i vogël njerëzish që pa dallim kanë shpërdoruar si votën e popullit ashtu edhe pushtetin.
Për këta e ka fjalën Osman Mula dhe ka shumë të drejtë!
Juve që perëndija u ka vendosë sytë në prapashpinë në drejtim të prapanicës dhe flisli gjëra që populli jonë shumë mirë i njeh. Mos u mundoni të spjegoni gjëra të njohura dhe të perfolura. Nese keni ndonjë dituri për të ardhmen e popullit Shqiptar ju lutem botoni. Ka shumë tema që askush nuk i trajton psh. (grekët nuk pranojnë teritorin e Shqipërisë , Sërbët nuk pranojnë Kosovën dhe bëjnë qmos për ta asgjasuar ate, të rinjët Shqiptar nga Shqipërija Kosova dhe Maqedonija flijojnë jetatat e tyre në betejat e pakuptimta në Siri dhe Irak) Juve e nderuar ju ka ngelur të shkruani për “lepuj”. Në kohën e Enverit në vitin 1945 gjithë Shqiptarët kanë qenë analfabet pashkrim dhe lexim 1965 janë përshëndetur me analfabetizmin. Në kohën e Enverit vajzat shqiptare nga Prenjezi-Librazhdi kanë shkuar në Universitetin e Tiranës me Kamioneta që kanë bartur xehe dhe vozitësi nuk ka guxuar ta pyes si e ke emrin, ndërsa tani vajzën tënde në klasë të shtatë poqese vonohesh me e marrë nga shkolla fillore mundesh ta gjeshë në Itali apo në Greqi e detyruar nga vagabondat Shqiptar të bëj punë të flliqura. Ne që kemi një shtet me plotë mangësi në : arsim,kulturë,histori,kreminalitet , prostuticion,hajni,vrasje ,kidnapime , politikë etj.etj. Ju e nderuar për të tërhequr vemendjen popullatës shqiptare nga problemet e vërteta të damshme Ju merreni me personat e vdekur duke ju lënë hapsirë personave të gjallë të prishin imazhin e Shqipërisë …..mbaruan Enveri , Lepujt , por ku jeni ju në sistemin e shumëfolur demokratik dhe ku janë sukseset e juaja që detyruat 1/3 e shqipërisë të largohen nga shteti i Skënderbeut Legjendar. Nga shteti pa kurfar perspektive . Më falni nëse e kam gabim, për kohën që ju mora..