VOAL

VOAL

Copyright © 2022

VOAL

Origjinaliteti i një shkrimtari – Nga FRAN GJOKA

December 7, 2018


              (Profil rreth veprës letrare -artistike të shkrimtarit Viron Kona)

Për shkrimtarin Viron Kona, tashmë me një korpus të gjerë të krijimesh letrare -artistike për të rritur e fëmijë, është folur dhe shkruar shpesh. Janë me dhjetëra artikujt e shkruar për të nga studiues, shkrimtarë, gazetarë, dashamirës dhe lexues të pasionuar të librave të tij. Dhe, të gjithë ata që shkruajnë, bashkohen veçanërisht në  një pikë: Viron Kona është origjinal, i thjeshtë dhe i sinqertë në krijimtari. Vepra e tij dallon sapo nis leximin, dallon nga natyrshmëria sesi ai e zhvillon idenë dhe përmbajtjen, dallon në stilin e thjeshtë e të drejtpërdrejtë që ai përdor, në ndjeshmërinë dhe në ritmin e tregimit, novelës apo kapitujve të romaneve që shkruan. Ai nuk stis, nuk sajon, por krijon mbi bazën e një realiteti që njeh dhe përjeton. Duket sikur me krijimin e tij, ai i ofron lexuesit një tufë lulesh të këputur në një lëndinë apo në një shkëmb që rrihet nga era dhe jo një buqetë artificiale të zbukuruar me kujdes dhe hijeshi por pa aroma dhe ngjyra natyrale. Mbase, edhe këto veçori artistike bëjnë që librat e këtij shkrimtari janë tërheqës dhe të kërkuar, ata zënë vend në biblioteka, për ta diskutohet e flitet në takime të llojllojshme, shkruhet dhe botohet jo vetëm brenda kufirit të Republikës së Shqipërisë, por edhe jashtë saj, e veçanërisht në diasporën shqiptare si për shembull në Suedi, ku shkrimtari Kona është i pranishëm me disa libra të përkthyer.

VIRON KONA

 

  1. Profili i këtij shkrimtari, modest dhe punëtor, është shprehur me realizëm nga shumë studiues, shkrimtarë e gazetarë, duke filluar me emra të njohur si, profesorët: Koço Bihiku, Shefik Osmani, Gjovalin Shkurtaj, Pajtim Bejtja, Hektor Veshi, Murat Gecaj, Qazim Dushku; nga doktorët e shkencave: Pandora Dedja, Fatmir Terziu, Nuri Dragoj, Bajram Mejdiaj; nga studiuesit dhe përkthyesit Ullmar Qvick(Kvik), Sokol Demaku, Qibrije Hoxha, Sadulla Zendeli-Daja, Hysen Ibrahimi; nga studiuesit e letërsisë Harallamb Fandi, Xheladin Mjeku, Sejdo Harka, Gëzim Tushi, Fatmr Minguli, Lule Shameti; nga artistët: Pjetër Gjoka e Kristaq Paspali; nga shkrimtarët: Dalan Shapllo, Agim Cerga, Gaqo Bushaka, Ndoc Gjetja, Koco Kosta, Bashkim Kozeli, Ferdinant Hysi, Faruk Myrtaj, Andon Andoni, Çelik Petriti; nga gazetarët: Erik Jullander (Suedi), Csaba Balkus (Hungari); Hyskë Borobojka, Vjollca Spaho, Kadri Tarelli, Faik Xhani, Veledin Dyrmishi, Fran Gjoka, Kristo Mërtiri, Zenel Sina, Merita Thartori (Kuçi), Muharrem Dardha, Gentiana Zagoridha, Zabit Rexhepi, Dhimitër Xhoga, Zhani Canco, Namik Selmani, Mehmet Deliu, Petrit Malushi, Ndue Dragusha, Bashkim Saliasi, Merita Hoxha, Jola Hitaj, Alqiviadh Dede, Ibrahim Hajdarmataj, Agim Qoku, Josif Devole, Bashkim Minga, Mentor Hoxha, Bujar Poçari, Eduart Hoxholli, Kleo Lati, Murat Drita, Sulejman Velaj, Bardhyl Dake, Josif Devole, Përparim Kalemi, Rexhep Cullhaj, Adnan Laha, Myftar Veliu, Mato Kollozi, Ali Xhelili, Krenar Merolli, Lulzim Hoxha, Qemal Vrioni, Luan Çipi, Isa Ferizaj etj;
  2. Në korpusin e më shumë se 40 librave të botuara (romane, novela, vëllime me tregime, poezi, epigrame, fabula, rrëfenja), por dhe në qindra artikujt studimorë, kritikë e letrarë, Viron Kona shfaqet i plotë: me pamjen, mendimin dhe botëkuptimin e tij realist e përparimtar. Ai shfaq kurdoherë opinionin dhe qëndrimin e tij të përparuar, shkruan me një stil të thjeshtë dhe konciz, pa zbukurime dhe forma të stërholluara, përdor një figuracion të pasur artistik, ku figurat letrare, shprehjet frazeologjike, fjalët e urta dhe pikante rrjedhin natyrshëm; gjuha e Viron Konës është korrekte, një shqipe e pastër dhe e kuptueshme nga cilido lexues. Madje, ne lexuesit e rregullt të librave të tij, kur lexojmë krijimet artistike të Vironit, na duket sikur e kemi pranë dhe dëgjojmë me endje rrëfimin e tij të sinqertë, ndjejmë stilin dhe tipin e tij të shtruar e të ngrohtë, bashkëbisedues dhe tërheqës. Viron Kona është një shkrimtar bashkëkohor, që pasqyron në letërsi kohën e tij. Veprat letrare, si ato për të rritur dhe për fëmijë, mbajnë vulën e një individualiteti krijues, tashmë të konsoliduar dhe të plotë; krijimet e tij janë pasqyrime të thella e realiste, të shprehura me guxim dhe pa paragjykime, ato shfaqin erërat, flladet por dhe stuhitë  e klimës social-kulturore të kohës që jetojmë. Romanet rrokin temën e luftës për mbijetesë të shqiptarëve, temën e rëndë e tronditëse të emigracionit dhe pasojat e saj në shoqërinë shqiptare, duke nënvizuar optimizmin dhe besimin në të ardhmen demokratike të Shqipërisë. Ndërkaq, në letërsinë e z. Kona shpalosen natyrshëm pamje dhe zhvillime nga bota e shkencës, kulturës, artit dhe letërsisë, si asaj shqiptare dhe botërore. Nëse te veprat për të rritur ai trajton me forcë dhe me zë të fuqishëm kritikë problemet dhe dallgët që njerëzit janë të detyruar të përballojnë e kapërcejnë, në letërsinë për fëmijët ai shfaqet tepër i ndjeshëm dhe optimistë, u ngjallë lexuesve të vegjël ndjenja të bukura, shpresë dhe besim për një të ardhme më të bukur, nxit tek ata dëshirat për dije dhe kulturë, i drejton tek e ardhmja, te zhvillimet social-ekonomike e, sidomos te kultura, krijimtaria dhe shkenca, te dashuria për njeriun. Viron Kona nuk shkruan pa e njohur episodin, ngjarjen, realitetin e gjërave që bën objekt të krijimtarisë. Mund të themi se në librat e këtij shkrimtari është jeta e tij, e pasqyruar artistikisht dhe  e përpunuar në imagjinatën krijuese. T`i lexosh librat apo të bisedosh me këtë njeri të urtë, modest dhe të ditur, sikur shfleton faqet e një enciklopedie të pasur dhe tërheqëse, që të mban ndezur interesimin e kureshtjen, të ngjallë e të ndezë dëshira dhe imagjinata të bukura për jetën.
  3. Duke qenë një shkrimtar aktiv, që ka jetuar harkun e dy sistemeve, atë të diktaturës dhe të demokracisë, Viron Kona është i vërtet dhe bindës në letërsinë që shkruan, por edhe i ekuilibruar në nxjerrjen e përfundimeve dhe të vlerësimeve: përshëndet demokracinë dhe të ardhmen e saj  të sigurt në Shqipëri, perspektivat që ajo hap në të gjitha fushat, duke nënvizuar  mundësitë që i krijohen njeriut të lirë për të shpërthyer dijet, kulturën, aftësitë individuale praktike dhe teorike për të ndërtuar një jetë gjithnjë e më të mirë për veten, për familjen, por dhe duke kontribuar për atdheun…Ai nuk e mohon faktin që, edhe në periudhën e  “diktaturës së proletariati”, ky popull ka punuar dhe kontribuar me mish e me shpirt për vendin e  tij: edhe për ta zhvilluar atë në fushat ekonomike, të ndërtimit, të prodhimit e të  mbrojtjes, ashtu dhe në fushën e kulturës, të arsimit dhe të emancipimit të shoqërisë. Disa arritje të rëndësishme të asaj kohe, shkrimtari Kona nuk i shikon si meritë të partisë në pushtet apo të individëve politikë e partiakë, por si vepra që u ngritën me sakrifica të mëdha popullore (ndërtimi i hidrocentraleve, tarracimi i kodrave të bregdetit, rrugët automobilistike dhe ato hekurudhore, lufta kundër analfabetizmit, elektrifikimi i vendit etj.). Ndërkaq, ai mban qëndrim dhe dënon mungesën e lirisë së shqiptarëve në kohën e  diktaturës, shfaqjen dhe veprimin e luftës së klasave, varfërinë e skajshme, bunkerizimin e vendit, mbylljen dhe izolimin e Shqipërisë nga bota me një perde të hekurt.
  4. Në librat e Viron Konës spikat jeta dhe 49 vitet e punëve që ai ka kryer deri sa doli në pension në vitin 2015. Ai thotë se e ka ndihmuar shumë për krijimtarinë e tij vecanërisht punët e vështira që ka kryer sidomos në rininë e tij: në Uzinën Mekanike të Vlorës, puna për dy vjet resht në aksionet për ndërtimin e hekurudhave Librazhd-Përrenjas dhe Fier-Ballsh; kryerja e deyrës ushtarake në disa reparte speciale të ushtrisë në Tiranë, Kërrabë, Skrapar, Gjadër, Palermo; arsimi i Lartë në Fakultetin Histori-Filologji, dega Gjuhë – Letërsi; puna si drejtues i rinisë i rrethit të Vlorës, puna në administratën partiake e shtetërore për probleme të arsimit, artit, kulturës, shkencës, organizatave të masave; profesioni i mësuesit, duke filluar nga fshati Ibë e Sipërme Tiranë e, më pas, drejtor në shkollat: 9-vjecare ”4 Dëshmorët”, e Mesme e Gjuhëve të Huaja ”Asim Vokshi”, gjimnazi “Ismail Qemali”; detyra redaktor i gazetës “Mësuesi”, e më pas  inspektor në Ministrinë e Arsimit, derisa doli në pension. Ka ndikuar në krijimtarinë e tij kryerja e një kursi relativisht ushtarak në Shkollën Ushtarake të Bashkuar,Tiranë; shkuarja në emigracion, ku provoi punë të vështira, raskapitëse e përcmuese (“Në Tiranë shkruaja libra, në Athinë ngrija thasë “ Ose: ”Kur pronari grek mori vesh se refugjati që kishte në makinë ishte shqiptar, ndali makinën dhe i tha refugjatit të hipte në karroceri të makinës në atë të ftohtë dimri, kurse qenin që ishte në karroceri e mori në kabinë”); Dhënia e Çmimit të Parë për librin “Eh, more Bubulino!” nga UNICEF: Organizata Botërore e Fëmijëve, dega në  Tiranë; përkthimi i librit të tij për fëmijë “Bubulino” (“Men kara Bubulino!”) në gjuhën suedeze; ftesat, disa herë, për pjesëmarrje në veprimtari përuruese për librat e tij në Suedi; turneu në krye të një ansambli të këngëve dhe valleve për rreth një muaj në Turqi; qëndrimi prej 3 muajsh për një operacion të rëndë në klinikat e Budapestit etj. “Një shkrimtar, është interesant, kur, krahas talentit, pasionit dhe këmbënguljes për ta çuar punën e nisur deri në fund, ka edhe një jetë personale interesante”, – shkruan ai.
  5. Personazhet dhe heronjtë në veprat e Viron Konës, lëvizin dhe zhvillojnë jetën e tyre në terrene e mjedise gjeografike e historike reale, të vërteta dhe interesante të cilat dhe vet autori i ka njohur mirë: kështjellat e lashta shqiptare, veçanërisht ato të zonës së Vlorës, që është dhe vendlindja e shkrimtarit ku ai ka jetuar e punuar deri në moshën 35 vjeç. Në veprat e tij, lexuesi ka rastin të mësoj saktësisht dhe të përshkruara me bukuri të veçantë artistike ngjarje pikante historike, që kanë ndodhur në kalatë shqiptare të Kaninës, Amantias, Skelës, Himarës, Lumit të Vlorës; Krujës, Albanopulit, Petralbës, Lisit dhe Akrolisit, Butrintit, Klodianës, Petrelës, Prezës, Rozafës, Beratit, Elbasanit; në ato vepra lexuesi ndjen vlerat dhe pasuritë e mëdha kulturore e artistike që bartin vendbanimet historike dhe qendrat arkeologjike në Shqipëri si: Butrinti, Antigonea, Orikumi, Amantia, Aulona, Bylysi, Apolonia, Lini, Komani, Grazhdani, Tepelena…; ndërkohë që, lexuesi, i rritur dhe ai i vogël, merr në mënyrë artistike informacion të panjohur më parë për mjedise, zona dhe vende që ngjallin kërshëri të veçantë, si: Gjiri i Vlorës dhe  i  Dhramës; gadishulli i Karaburunit, ishulli i Sazanit; emocionohet nga bukuria dhe misteret e bregdetit të Adriatikut dhe të Jonit, nga historitë në malet dhe luginat e Tiranës, Vlorës, Krujës, Matit, Bulqizës, Dibrës, Kurbinit; lagunat e Karavastasë, Nartës, Patokut, Kune Vainit; vendet e bukura e turistike si: liqenet e Lurës, parku kombëtar i Llogorasë, Pisha Flamur, Rrugët e Bardha të Palasës – Dhërmiu, Himara, bukuritë e Zvërnecit, Valbonës, Qafështamës…

-Kafshët dhe shpendët, mbrojtja e tyre, ekologjia dhe lufta kundër ngrohjes globale, fokusojnë episode dhe ngjarje të veçanta dhe tërheqëse në librat e këtij shkrimtari. Ato përshkruhen në mënyrë të gjallë, krijojnë emocion dhe vizione të reja e të gjera. Viron Kona i paraqet kafshët dhe shpendët si personazhe që flasin dhe bisedojnë, kryejnë aventura, por edhe shfaqin luftën e tyre për mbijetesë. Te këto krijime, zbërthehet bukur dhe me realizëm fjala e popullit kur shprehet: ”Ujku qimen e ndërron, por zakonin se harron!”. Ndërkaq, fabulat, idetë dhe mendimi artistik i autorit, i shprehur edhe me “gjuhën e Ezopit”, nxit dhe zgjon te lexuesi mprehtësinë, inteligjencën, por edhe nxit imagjinata, dëshira dhe ëndrra të bukura për ta dashuruar dhe për ta mbrojtur natyrën, për të mbrojtur gjallesat, kafshët dhe shpendët, sikurse, me kolor artistikë, ai paraqet përpara lexuesit edhe bukuritë magjepse të mjedisit shqiptar, ato arkeologjike dhe natyrore, vendet turistike-perla të rralla të këtij vendi evropian me bukuri të pakrahasueshme. Veçanërisht shfaqen këto në vepra si: “Dardi” apo “Dardi në gadishullin e vetëtimave”, ku paraqitet një udhëtim me anije, turistik  shkencor dhe me aventura, rreth e përqark gadishullit të Karaburunit; “Pulëbardhat përbindëshe”,(ku tregohet për fatin e hidhur të disa refugjatëve, që i besuan jetën e tyre disa skafistëve me gomone për t`i çuar ata në Itali,por që…”; “Delfini i dy deteve drejt aventurave të reja”(ku tregohet për një udhëtim me anije të një grupi fëmijësh nga ishulli i Sazanit deri në Shëngjin e ku përshkruhet me bukuri dhe në mënyrë tërheqëse bregdeti i Adriatikut; “Nëndetësja”(libër me tregime,kryesisht për ngjarje të ndodhura në det), “Dielli është i imi”9me tregime kryesisht me subjekt nga jeta në ushtri apo dhe që mbështeten në mençurinë dhe filozofinë popullore etj.

I veçantë është fakti se, ky shkrimtar, para se të shkruaj librin, e përshkon vet mjedisin për të cilin shkruan. Ai shkon vet më parë, e vëzhgon me kujdes e vëmendje mjedisin apo “teatrin e ngjarjeve”, siç shprehet ai, por edhe e fotografon në mendje dhe me aparatin fotografik që nuk e largon  asnjëherë nga vetja. Në arkivin e tij ai ka qindra fotografi nga kalatë e Kaninë, të Amantia, të Lezhës, të Beratit etj., deri edhe të kështjellës tetëkëndëshe të Skelës, të zbuluar dhe mbuluar disa herë. Viron Kona është tipi i njeriut që flet pak dhe  dëgjon shumë, dhe, vetëm pasi mbledh informacionin e nevojshëm, ai ulet e shkruan, duke e përpunuar gjithçka në imagjinatën e pasur e krijuese. Për këto shkaqe dhe arsye ai ka shëtitur në këmbë skaje e gjire të gadishullit të Karaburunit dhe ishullit të Sazanit, ka lundruar me disa lloje anijesh në gjirin e  Vlorës, gjirin e Dhramës në Karaburun dhe disa gjire të tjerë të gadishullit; është futur në shpellën e Haxhi Alisë me katër silurues, sikurse është nga civilët e rrallë shqiptarë që ka arritur të lundrojë deri edhe me nëndetëse në gjirin e  Pasha Limanit. Për të parë mjediset dhe skenat ku do të zhvillojë ngjarjet, ai ka shkuar posaçërisht në Gur të Bardhë (Petralbë) dhe në Klos të Matit, në mjediset dhe fshatrat rreth Dajtit (me makinë, në këmbë por dhe me helikopter), në Zall Dajt, Zall Bastar, Shën Gjergj, Shemëri, Surrel…; në  Shën Ndou të Kurbinit, në Sari Salltëk, Albanopol, Qafështamë e Shkëmbin e Vajës të Krujës, në Velipojë e Shirokë të Shkodrës, në ishullin e Maligradit në Prespë, në Borovë, Barmash e Gjonc të Kolonjës, në Pukë te muzeu i Migjenit dhe në Dardhë; në Koman, në aeroport dhe muzeun e Kukësit, në Valbonë e bjeshkët e  Tropojës, në Frashër, Bënjë, Malshovë të Përmetit, në Lurë e Grazhdan të Dibrës, në vend-betejat e Skënderbeut në  Bulqizë, në Malësinë e Madhe; në Shalës, Papër, Shushicë, Dumre, Byshek të Elbasanit, në Skrapar për të parë Guakun, Kanionet e Osumit e Gradecit dhe urën e Kasabashit, … Nuk ka qytet, krahinë dhe çdo vend të rrallë të Shqipërisë, që nuk e ka shëtitur me këmbë ky shkrimtar, sikurse ka shkuar edhe në Janinë, Prizren, Gjakovë, Prishtinë, Mitrovicë, Ulqin, Gostivar…

  1. Është shkruar edhe më parë, por do të theksoja edhe një herë se Viron Kona, sa herë që del jashtë vendit, i kushton libra shteteve që viziton, duke sjellë në Shqipëri risi origjinale, kënd shikime realiste dhe pikante, të cilat i vlejnë lexuesit, e tërheqin atë me informacionin e dobishëm, ngjallin kërshëri, por dhe transmetojnë vlera estetike dhe edukative. Janë të përmendur nga kritika libra si “Dëgjoma zemrën Budapest!”, ku autori përshkruan artistikisht dhe në mënyrë tërheqëse periudhën tremujore të qëndrimit të tij në disa klinika universitare mjekësore të Budapestit; romani “Drithërimat e yjeve”, që është  një nga librat më të pëlqyer të këtij autori e për të cilin artikujt e shkruar për të, ia kalojnë faqeve të romanit. Është një libër që, shumë nga ata që  e kanë lexuar, kanë shprehur e shfaqur mendimet, opinionet, emocionet që u ka ngjallur ai me episodet, ngjarjet, batutat, dialogët, stili tërheqës e të sinqertë apo me  figuracionin e pasur artistik. Kurse, studiuesit, nuk kanë nguruar ta rrokin atë libër në penën e tyre dhe ta analizojnë si një vepër që do t`i rezistojë kohës dhe do t`u tregojë brezave sesi shqiptarët, në periudhën pas përmbysjes së diktaturës komuniste, nisën një kalavar të gjatë vuajtjesh, aventurash dhe peripecish deri rrëqethëse,  për t`u integruar me zhvillimin dhe qytetërimin evropian. Në këtë atmosferë, do të përmendja edhe librin “Yje mbi Bosfor”, të cilin Viron Kona e shkroi pasi u kthye në Shqipëri pas një turneu një mujor me një ansambël të këngëve dhe valleve, i cili dha shfaqje në dy festivale ndërkombëtare në Turqi e ku Viron Kona kryente detyrën e kryetarit të atij Ansambli.
  2. Për t`u përmendur është edhe fakti tjetër që, Viron Kona i ka kushtuar disa libra Suedisë, e konkretisht librat “Bukuri suedeze”, ku shfaq përshtypjet e tij pas një vizite disa ditore në qytetin Boras dhe Vimmberb; librin “Për Ju miqtë e mi”, ku shkrimtari ynë përshkruan miqësinë me popullin suedez, duke u ndalur në disa figura të mëdha të këtij populli August Strindberg, Selma Lagerlof, Astrid Lindgren, si dhe shkruan më gjerë për albanologun e shquar suedez Ullmar Qvick (Kvik), “Mik i Madh i shqiptarëve”. Origjinaliteti i këtij shkrimtari shfaqet veçanërisht në librin me motive shqiptare – suedeze “Zonja nga Borasi”, ku Viron Kona na sjellë tregime të freskëta, me ngjarje pikante e  të shkruara mjeshtërisht. Krahas të tjerave, shkrimtari paraqet në këtë libër tregime që u dedikohen disa figurave  të mëdha suedeze si botanistit të madh Karl Vonn Line, astronomit Anders Celsius (i cili zbuloi dhe aplikoi gradacionin e termometrit) etj. Interesant është jo vetëm fakti që këta libra janë përuruar në Suedi, ku autori ka qenë i ftuar, por se pjesëmarrja dhe interesimi i suedezëve dhe shqiptaro – suedezëve për ata libra ka qenë i dukshëm. Në vazhdim të librave të tjerë kushtuar Suedisë, Viron Kona ka shkruar në bashkëpunim me Sokol Demakun, librin “Poleni viking”, të cilin albanologu Ullmar Qvick e cilëson si “një enciklopedi të vogël” të Suedisë dhe Shqipërisë. Ndërkohë që janë interesante edhe librat monografi ”Ju dua më shuam se veten!” kushtuar leksikografit, poetit dhe atdhetarit Sadulla Zedeli-Daja me banim në ujdhesën suedeze Ëland dhe libri:  ”Kur vjen Sokoli”, monografi kushtuar poetit, përkthyesit dhe gazetarit Sokol Demaku,  me banim në qytetin Boras të Suedisë. Duke qenë i zgjedhur Anëtar Nderi i Shoqatës së Shkrimtarëve dhe Artistëve Shqiptarë të Suedisë, Viron Kona është i pranishëm në mënyrë të vazhdueshme me artikujt e tij në veprën madhore dhe me jehonë të kësaj shoqate “Thesari Kombëtar”, si dhe në revistën shqiptare-suedeze “Dituria”. Për veprat e shkruara me subjekt Suedinë dhe që i shërbejnë miqësisë midis dy vendeve tona, Viron Kona është ftuar në një audiencë  të veçantë në Kryesinë e Lidhjes së Shkrimtarëve  dhe Artistëve të Suedisë (Rajoni Perëndimor) në qytetin Goteborg, por edhe në Ambasadën e  Mbretërisë Suedeze në Tiranë, ku prej vitesh është ndër miqtë e saj. Ndërkaq, ai ka marrë pjesë i ftuar si shkrimtar në dhjetëra takime në disa qytete suedeze si Goteborg, Boras, Ëland, Ferjestaden, Borgholm, Vimmerby etj,e ku në disa prej atyre veprimtarive, ai është nderuar me Vlerësime nderi e Mirënjohje.
  3. Në letërsinë për fëmijë, Viron Kona është i njohur veçanërisht me librat që kanë personazh vogëlushin Bubulino (libër i përkthyer edhe në gjuhën suedeze), i cili ka fituar çmimin e parë nga UNICEF. Por, edhe me librat që kanë personazh vogëlushin Dardi dhe Erlindi, apo kapiten Likun, Fluturushen, Lisianën, Shkencëtarin e Madh Këmbëgjatë dhe Mjekërverdhin etj. Në letërsinë për fëmijë të këtij shkrimtari janë të njohura dhe personazhet kafshë e shpendë, sidomos papagalli Çate(“Erlindi dhe papagalli i çuditshëm”,”Shpëtoni papagallin Çate!”, ”Dëgjoni se ç`thotë ky papagall”); Janë tërheqës për fëmijët edhe librat: “Një udhëtim i çuditshëm” dhe “Të fshehtat e një mrekullie”, ku autori paraqet një grup fëmijësh që përshkojnë me helikopter rrugën e re të Arbrit, kryesisht mbi degëzimin e rrugës së vjetër “Egnatia”, por edhe librat: “Bubulinoja dhe Dardi në kryeqytetin e amantëve të lashtë”,  “Pëllumbat”,”Etje që shuhej”, “Mos m`i zbukuroni plagët!”,“Të çuditshmit”, “E fshehta e pyllit”, ”Shitësi i vogël i kekëve”,”Kolipoçi, ngrënësi  qershive”, si dhe mjaft libra të tjerë të vlerësuar nga lexuesit e vegjël, por dhe nga kritika e studiuesit  e letërsisë. Duke qenë me profesion mësues, mjaft nga librat e z. Kona kanë në qendër shkollën, mësuesit dhe nxënësit, të cilët në librat e këtij shkrimtari kanë qenë dhe janë personazhe të dashur për lexuesin, siç ka ndodhur me librat: “Kontrolli  befasishëm i një inspektor”,”Pëllumbat”,”Mësues pse  e ke hequr kollaren?”,”Etje që shuhej”,”Rruga Mis Durham” etj.

 Viron Kona në një takim me lexues të vegjël të shkollës së Kuqe Tiranë, 16 Nëntor 2018

E veçantë në këta libra është gjuha e bukur dhe tërheqëse, fabulat origjinale dhe interesante, mjediset reale ku ato zhvillohen, humori që i përshkon dhe që fëmijët e dëshirojnë shumë. Për këta libra Viron Kona është i gjithë kërkuar nga fëmijët, veçanërisht nga fëmijët e ciklit të ulët të shkollave 9-vjeçare, por edhe ata të arsimit të mesëm apo studentët e universiteteve. Takimet e tij me lexues e kalojnë shifrën 300, ndërkohë që janë pafund opinionet, mendimet, diskutimet e shprehura nga lexuesit e vegjël, rreth krijimtarisë së këtij autori, teksa, ai, gjithnjë kokulur, vijon të punojë sikur gjithçka po e nis nga fillimi.

  • twitter
  • facebook
  • linkedin
Fjalë kyçe: , ,

Komentet

Lajme të ngjashëm

MITINGU I POEZISË NË GJAKOVË –NJË 60 VJETOR KURORËZUES- Nga QAZIM SHEHU

Mitingu i Poezisë në Gjakovë është një aktivitet i vjetër poetik,i zhvilluar me nismën e një grupi poetësh dhe të korifeut të poezisë shqipe ,Din Mehmeti.Që atëherë e deri më sot, ai nuk është ndërprerë kurrë dhe, nga viti në vit, ka shpalosur vlerat e letërsisë shqipe nga të gjitha trojet shqiptare, duke e shndërruar kështu jo vetëm Mitingun ,por krejt qytetin emblematik të Gjakovës në një vatër të ngrohtë poezie.Në Miting kanë debutuar dhe janë vlerësuar poetë shqiptarë me emër gjer te talentet e reja,poetë të huaj nga shtete të ndryshme të Evropës,Amerikës dhe ,me profesionalizëm, janë dhënë vlerësime nga juri kompetente,jashtë çdo ndikimi.
Poezia lind në kohë të vështira ,ndërsa proza u pret kohëve të qeta.Kosova kaloi një kohë të vështirë nën okupimin serb dhe poetët prijetarë të saj: Esad Mekuli,Din Mehmeti,Azem Shkreli,Rrahman Dedaj,Enver Gjergjeku, i kënduan pa ndërprerje lirisë,shpirtit të populli i dhanë guxim ,ashtu siç u trimëruan në vargje nga ky shpirt që lartësohej përditë nga aktet e qëndresës së pashembullt.
Mitingu u zhvillua në kohë të vështira kur organizatorëve dhe pjesëmarrësve nuk u jepnin salla dhe ata dilnin në shesh për të recituar poezitë,kur në shesh u fiknin dritat,afroheshin qytetarët dhe me dritat e makinave të tyre ndriçonin sheshin e kështu gjithnjë,të papërkulur , duke mbajtur gjallë poezinë, sepse poezia transmeton dhe trimëron shpirtin,ajo afron ëndrrën e lirisë me vargje që kumbojnë nga vlimi etnik.
Me ardhjen e kohërave të reja, kur Kosova u çlirua ,shumë asosacione letrare u shkrinë,u krijuan të reja ,që funksionuan dhe organizuan veprimtari,por Mitingu nuk u shkri dhe ai mbeti i ri,edhe pse sot në këtë nëntor është 60 vjeç.Kjo se ai lindi i shëndetshëm ,gjatë rrugës krijoi traditë,u modernizua dhe përcolli vlera,të cilat u konfirmuan në këtë Miting profesionalisht ,dhe kjo të gëzon.
Ai nuk u shkri siç ndodhi gabimisht për hir të një mode letrare me shumë asosacione letrare,sepse atë e krijuan njerëz të mëdhenj të artit dhe gjatë rrugëtimit të tij historik e mbajtën të ri,të freskët,modern dhe i dhanë autoritet.
Të gëzon fakti se këtë traditë nuk e lanë të shuhej dhe të hynte shpejt në kujtesën arkivore, personalitete të artit në Gjakovë,siç është Muharrem Kurti-poet, romancier dhe kryetar i Klubit Letrar”Gjon Nikollë Kazazi”,Engjëll Berisha-bashkorganizator,-poet dhe studiues ,dhe shumë të tjerë, bashkëpunëtorë të tyre.
Muharrem Kurti, kryetar i Klubit Letrar “Gjon Nikollë Kazazi”, duke dhënë informacione të rëndësishme për të gjitha fazat e mbajtjes së këtij manifestimi, më tej shton se” kujtojmë këtu, pjesëmarrjen në Miting të Ismail Kadaresë, Dritëro Agollit, Fatos Arapit, Xhevahir Spahiut, Visar Zhitit, Natasha Lakos, Fatos Kongolit, Zija Çelës e shumë e shumë të tjerëve, edhe kur ndërmjet nesh kishte kufij hermetikë e ndarës deri në qiell. Pra, Mitingu i Poezisë e shpërtheu kufirin shqiptaro-shqiptar me festën poetike në Gjakovë”.
Mitingu nis me një javë përurime veprash letrare nga më të zgjedhurat.Vijnë enkas nga mërgimi poetë dhe shkrimtarë për të marrë pjesë në këto ditë festive dhe angazhuese e serioze,vijnë nga qytete të tjera të Kosovës të ftuar e të paftuar,njerëz dashamirës të artit të poezisë.Këto ditë janë analiza të mirëfillte të artit të fjalës,çaste të ngrohta bisedash midis krijuesve,përcaktohet ecuria e rrjedhës së poezisë dhe të fjalës së shkruar,analizohen vëllime poetike dhe vepra në prozë ,siç ishte rasti i diskutimit letrar”Libri i Gjakovës”-roman i Jusuf Buxhovit,autor i shquar dhe i falenderuar nga qindra lexues për artin e tij shkrimor,por njëherit edhe studiues i kalibrit për librin e tij shumëvëllimësh”Kosova”,botuar shqip dhe anglisht.
U organizua “Ora Letrare” për të rinj”Yllka Domi”,promovimi i dy librave të Diana Markut:”Brenga me fytyrë vajze”-poezi,dhe “Të gjithë poshtë urës”(dramë).Gjithashtu u përurua libri “Duke pritur ditën e tetë” të Anton Markut dhe libri me tregime”Albani nuk flet shqip” i Angjelina Markut.
Përurime të tilla bëhen me përgatitje të mirë,me lektorë dhe lexues që i kanë lexuar librat ,që referojnë duke u ndalur në tekst dhe jo në kontekste jashtëletrare.Ato mbeten vlerësime të sakta, po njëherit edhe manifestime estetike-kulturore e njerëzore,përhapin një rrezatim qytetërues e motivues.
Duhet thënë gjithashtu se organizatorët me mbështjen e kryetarit të komunës,Ardian Gjini,gjithçka e detajojnë në prefeksion dhe e programojnë në kohë ekzaktësisht, në mënyrë që Mitingu të jetë organik,koherent dhe të ritmojë edhe në organizim si një poezi e strukuruar bukur ,pa teprime.
Nuk duhet shumë mend për ta kuptuar këtë,sepse kjo duket dhe përcillet përmes një kulture të mikpritjes,të mënyrës së sjelljes,të dialogut e të bisedës-çka transmeton një frymë aristoktratike,që gjakovarët e kanë si gen i lashtë qytetërues.
Ata e bëjnë atë që bëjnë dhe dinë ta bëjnë mirë,në mënyrë që kjo të mbetet jo vetëm në kujtesën e atij që e shikon ,por edhe të atij që vlerësohet.Kjo duket që nga pllakatet e çmimeve në metal bronzi,në radhën e dhënies së çmimeve,në shoqërimin e personaliteteve në podium,në skenarin e aktruar me zë të plotë dhe të ngrohtë prej zgjedhjes së duhur të moderatores.Janë detaje që, krahas poezisë ,ndihmojnë që kjo sallë e madhe në Pallatin e Kulturës “Asim Vokshi”, të mbushet plot dhe poezia të marrë udhë, duke dalë nga faqet e librave drejt njerëzve.Një organizim që ndihmon në një komunikim brilant.
Ky vit ishte një përvjetor krenarie ,sepse mund të flitet për arritje e, kur ka arritje, kthehet koka pas dhe shikohen vitet,njerëzit, ata që mundësuan këto arritje qoftë duke i realizuar vetë ato, qoftë duke krijuar modelin si një paradigmë udhëndjekjeje suksesi.Kështu u dhanë çmime postmortum për Teki Dervishin ,për ish-kryetarin e Shoqatës së Shkrimtarëve të Kosovës,profesor doktor Ibrahim Rugovën ,që është studiues i shquar i letërsisë shqipe, pa folur këtu si politikan i madh i sendërtimit të shtetit të Kosovës.
Me çmime të veçanta u nderuan Jusuf Buxhovi,Sabri Hamiti(akademik,poet studiues dhe zë i shquar e i lavdëruar në botën akademike),Besnik Mustafaj ,(poet ,përkthyes dhe prozator i njohur ndërkombëtarisht), dhe Agim Byci.
Me Çmime të Mirënjohjes Jubilare u nderuan Milazim Krasniqi, Agim Vinca, Naime Beqiraj, Jeton Kelmendi, Iljaz Bobaj, Qemajl Juniku, Albert Shala, Karvani i Shkrimtarëve për Fëmijë. U shpërblye me mirënjohje edhe kryesia e klubit “Gjon Nikollë Kazazi”, Muharrem Kurti, Engjëll I. Berisha, Migena Arllati dhe Vjollca Kuqi. Gjithashtu me mirënjohje u nderuan Blerim Valla dhe Shefqet Dinaj, si dhe mediet “Radio Gjakova” dhe “Syri Vision”.
Ajo që përbën tharmin dhe i jep bukuri Mitingut, është leximi i poezive ,pa përjashtuar anën ceremoniale.Për të lexuar e deklamuar poezitë e tyre, u paraqiten me radhë në skenë poetët:Sabri Hamiti,Milazim Krasniqi,Naime Beqiraj,Prend Buzhala,Sali Bashota,Arif Bozaxhiu,Lulzim Tafa,Anton Marku,Agim Desku,Neki Lulaj,Migena Arllati.
Poezitë e deklamuara paraqitën dhe sollën interes,kjo edhe për ndihmesën që dha një publik i edukuar në dëgjim dhe vlerësues në duartrokitje.Poezia e shkruar sot, si në Kosovë edhe në Shqipëri e në të gjitha trojet shqiptare, e ka kaluar fazën e retorikës ,duke bartur dhe u fisnikëruar me mendime në një shtrat të thelluar liriko-meditativ.Ajo është bërë më kualitatrive edhe pse, sipas meje,nuk po i arrin individualitete e mëdha të së kaluarës në kuptimin e gjurmimit dhe të shenjëzimit personal-ndërlidhur me problemet e mprehta kombëtare e njerëzore.Megjithatë ,ndodhet në një stad të mbarë zhvillimor dhe ka arritur të modernizojë e ndërthurë teknika të ndryshme vështruese në raport e harmoninë e prirjeve të individit e të shoqërisë së sotme.
Juria e pati të vështirë të zgjedhë e të konkludojë në këtë garë të fortë dhe megjithatë përcaktoi si poezinë fituese të këtij Mitingu poezinë e Sali Bashotës”Çka bëni ju të dielën atje në mënmgjes…”me këtë motivacion:”Një lirikë meditative me ligjërim të kursyer plot dhimbje njerëzore”.
Traditë e mitingut është edhe zhvillimi i garave në mes të rinjve krijues nga shkollat fillore e të mesme “Yllka Domi”. Në përkujdesjen e Vjollca Kuqit, gara ishte tejet konkurruese, por çmimi fitues iu nda katër nxënësve: Sara Gjoshi, Albiona Fetahu, Alisa Kodraj dhe Erjon Xhiha.
Ndaj Mitingut ka pasur gjithmonë një vëmendje të shtuar nga strukturat e pushtetit komunal,kjo gati vit për vit, me disa luhatje që janë kapërcyer nga dashamirës me mundësi,gjë e cila është një pikë e fortë e tij në aspektin e vlerësimit material për fituesit, por edhe të akomodimit të pjesëmarrësve,kjo krejt ndryshe me çka ndodh me disa veprimtari të tjera në qytetete të tjera, ku ftohen pjesëmarrësit dhe fituesi nuk shpërblehet materialisht.
Edhe kjo është një pikë e fortë e Mitingut dhe çdo vit ia ka rritur kredencialet,jo se ana metriale është kryesorja, por ajo shënohet në renditjen programore të asaj që quhet serioze dhe motivuese.
Fjalët e Kryetarit të Komunës së Gjakovës,zotit Ardian Gjini,”se Mitingu që mbahet në Gjakovë ka sjellë kujtime për shumë gjenerata dhe Gjakova do të presë jubile të tjerë, sepse këtë manifestim të përvitshëm letrar e kemi aset shpirtëror” jo vetëm që shprehin në thelb një histori përkrahjeje nga ish –kryetarët e mëparshëm,por japin një garanci fatlume që ky Miting të vazhdojë me përmasën e tij kombëtare dhe ndërkombëtare.
Strukturat e pushtetit komunal në Gjakovë mbetën një shembull për të gjitha komunat dhe bashkitë shqiptare se, para se të harxhojnë para për koncertet me tallava dhe me një folklorizëm të përsëritur nga viti në vit,të japin pak më shumë fonde (dhe jo aspak) për krijimtarinë letrare,muzikore,koreografike ,çka do të rriste më tepër angazhimin krijues.
Dhe Komuna e Gjakovës prin e para si model inkurajues ndaj krijimit artistik.

Ju ftojmë të merrni pjesë në paraqitjen e librit ROMANCA

Ju ftojmë të merrni pjesë në paraqitjen e librit ROMANCA

Libri „Mitrush Kuteli në Rumani” i studiuesit rumun Marius Chelaru-t, u shpall fitues i Çmimeve të Filialit të Iașit të Lidhjes së Shkrimtarëve të Rumanisë.

Të premten, më 15 nëntor 2024, u mbajt ceremonia e ndarjes së çmimeve të Filialit të Iașit të Lidhjes së Shkrimtarëve të Rumanisë për librat e botuar gjatë vitit 2023. Juria, e përbërë nga Constantin Dram (kryetar), Dragoș Cojocaru dhe Liviu Papuc (anëtarë), shpalli fituesit e këtij edicioni, duke nënvizuar arritjet e veçanta letrare.
Fituesi kryesor i këtij viti ishte Marius Chelaru, për librin e tij të titulluar “Mitrush Kuteli në Rumani”, botuar nga Shtepia Botuese Asdreni i Lidhjes së Shqiptarëve të Rumanisë (ALAR).
Marius Chelaru është shkrimtar dhe kritik letrar, si dhe zëvendës kryeredaktor i revistës prestigjioze Convorbiri Literare. Ai ka botuar studime dhe artikuj të shumtë mbi letërsinë shqiptare, si dhe disa vëllime të tjera në bashkëpunim me Editurën Asdreni të ALAR-it (Shoqata Lidhja e Shqiptarëve të Rumanisë). Përpos të tjerash ai ka botuar, “Shqipëria dhe shqiptarët në librat dhe shtypin e Rumanisë”, një punim që gjeti jehonë të gjerë si në Rumani, ashtu edhe në Shqipëri.
Mitrush Kuteli (1907–1968), pseudonimi letrar i Dhimitër Paskos, është një figurë e shquar e letërsisë dhe ekonomisë shqiptare. Jetën e ndau midis Shqipërisë dhe Rumanisë, ai u bë një zë i fuqishëm i komunitetit shqiptar në këtë vend, duke kontribuar gjithashtu me përkthime nga poezia e Eminescut dhe vepra të tjera letrare. Në të njëjtën kohë, ai zhvilloi një karrierë të spikatur në administratën publike dhe në fushën ekonomike.
Botimi i veprës fituese nga Editura Asdreni nënvizon rëndësinë e bashkëpunimit kulturor midis Shqipërisë dhe Rumanisë, duke sjellë në vëmendje figura dhe vepra që pasurojnë trashëgiminë e përbashkët letrare dhe kulturore.

MITINGU I POEZISË 1964 -2024 TAKIMI JUBILAR- Nga Neki Lulaj

Në Jakovë në Pallatin e Kulturës “Asim Vokshi”u mbajtë Mitingu i Poezisë”i (60) gjashtëdhjeti me radhë-1964-2024 . Ky manifestim madheshtor i mirë organizuar nga i pari i Komunës zt. Ardian Gjini i cili përshëndeti të pranishmit duku uruar punë të mbarë edhe në vitet në vijim ,pastaj tha se populli jonë ka përjetuar gjatë historisë ndërrimin e 4 katër ose 5 pasaportave dhe prap i kemi rezistu ekzistencës si shqiptarë dhe kjo nuk është pakë andaj edhe Klubi Letrar “Gjon Nikoll Kazazi”uroj punë të mbarë e jetë të gjatë.
Në orën Qendrore të Mitingut të Poezisë u evokuan 6 decenje jetë nëpër dimërat e mëdhej dhe motet e liga plotë sfida e sakrifica por krenari e mbijetesë.Salla e Pallatit të kulturës “Asim Vokshi”ishte e vogël për ti zenë të gjithë pjesëmarrësit në këtë Mitimg madheshtor, ku merrnin pjesë artdashësit po thuaj nga të gjitha qytetet e Republëkës të Kosovës, pastaj edhe nga qytetet e ndryshme të Republikës të Shqipërisë.Kishte dashamirë të artit dhe të poezisë të ardhur nga Gjermania Neki Lulaj dhe nga Austrija Anton Marku.
Mitingut qendror të Poezisë ja shtuan vlerës me prezencën e tyre disa nga bashkë themeluesit të kësaj Kështjelle poetike si prof.Jusuf Buxhovi, i cili tha jam i emocioniar por dhe i gëzuar,i emocionuar qe nuk e kemi prezent ideatorin dhe bashkëthemeluesin e kësaj kështjelle poetike Dinë Mehmetin , dr. Ibrahim Rugovën ,EnverGjerqekun,Teki Dervishin e shumë penda të tjera qe i dhanë ide,jetë e gjallëri të çmuara por që ikën nga kjo botë.
Kryetari i Klubit “Gjon Nikoll Kazazi” Muharrem Jahkurti bëri një rezime të thukët mbi punën dhe rezultatet e Mitingut të Poezisë duke theksuar se deshirojmë ky Miting të jetë gjithë kombëtar pasiqe ky Organizim prej kohësh ka thyer kufijt ku këtu kanë marrë pjesë edhe poet të trevave tjera jashtë kufijve shqiptar si nga Amerika Maqedonija e veriit etj.
Kurse zt.Agim Byci, mes tjersh tha për 60 vite pune mund e sakrifice kemi pritë e përcjellë mbi dymijë poet, për punën tonë mund ti shkruajm mbi dy mijë faqe.0
Në vazhdim u ndan disa Çmime Jubilare,si dr. Ibrahim Rugovës,Teki Fervishi,Jusuf Buxhovi,Sabri Hamiti,Besnik Mustafai,Milazim Krasniqi.etj.
Kështu në këtë atmosferë të bukur poetike vazhdoj Ora Qendrore e Poezisë ku para pjesëmarrësve entuziast poezit i e tyte i lexuan,
Sabri Hamiti,Milazim Krasniqi,Naime Beqiraj, Sali Bashota,Lulzim Logu,Neki Lulaj Arif Bozaxhiu, Agim Desku Migena Orllati etj.
Jakova e vjetër heroike mbijetoj nëpër dallgët ugurzeza të kohërave duke përkundur në djepin e saj poetet e mëdhej qe u benë rezistencë kohërave duke zenë vend meritor në analet lavdishe te historisë.
Edhe disa nga pjesëmarrësit në këtë Miting jubilar ju ndanë mirnjohje dhe dekorata.
Tradita vazhdon me kryetarin dhe udhëheqesit e vyer zt. Muharrem Kurti dhe kryesin e Klubit “Gjon Nikoll Kazazi.

Lidhja e Shkrimtarëve e Kosovës shënoi të merkuren më 6 nëntor, 15-vjetorin e botimit të gazetës letrare e kulturore “Nacional”

 

Lidhja e Shkrimtarëve e Kosovës shënoi të merkuren më 6 nëntor, 15-vjetorin e botimit të gazetës letrare e kulturore “Nacional”

Prof. dr. Shyqri Galica: “Për vite të tëra e vetmja gazetë e kësaj natyre në gjithë hapësirën shqiptare ka arritur të shpalosë çështje e probleme nga më të ndryshmet, nga ato letrare e kulturore deri tek ato aktuale politike, natyrisht, duke mos qenë apolitike në rrjedhat e saj.
Gazeta “Nacional” faktikisht ka pushtuar të gjitha trevat shqiptare dhe duke qenë e vetmja kësisoj ka paraqitur vlerat letrare të penave më të njohura deri tek ato fillestare, duke afirmuar letërsinë e kulturën tonë gjithandej, gjithsesi pa asnjë dallim të krijuesve në çfarëdo forme qoftë.”

KREMTOHET NË PRISHTINË 15 VJETORI I GAZETËS LETRARE DHE KULTURORE NACIONAL

Nga Gani Përshnjaku, Prishtinë

Prishtinë 6 nentor 2024.Lidhja e Shkrimtarëve e Kosovës shënoi të merkuren me 6 nëntor, 15-vjetorin e botimit të gazetës letrare e kulturore “Nacional”, që botohet në Tiranë, ndersa shpërndahet edhe në Kosovë dhe pothuajse në tërë hapësirën shqiptare.
Në këtë manifestim, që u mbajt në sallën qendrore të Institutit Albanologjik të Prishtinës, morën pjesë qindra shkrimtarë, poetë, studiues, profesorë universiteti dhe akademikë nga Kosova, Shqipëria, Maqedonia, Mali i Zi dhe Diaspora.

Për arritjet dhe rëndësinë e gazetës kombëtare Nacional dhe çështje të ndryshme rreth saj foli prof. dr. Shyqri Galica, kryetar i LSHK-së dhe orgasnizator i takimit.

Prof. dr. Shyqri Galica, ndër të tjera theksoi se gazeta jonë letrare e kulturore “Nacional” po mbush pesëmbëdhjetë vjet të botimit të vet, nëpër faqet e së cilës kanë paraqitur vlerat e tyre letrare, artistike, kulturore, historike, politike e të tjera, një varg shumë i gjatë i krijuesve të fushave të ndryshme, duke provokuar lexuesit me vlera të veçanta letrare dhe artisike.
Për vite të tëra e vetmja gazetë e kësaj natyre në gjithë hapësirën shqiptare ka arritur të shpalosë çështje e probleme nga më të ndryshmet, nga ato letrare e kulturore deri tek ato aktuale politike, natyrisht, duke mos qenë apolitike në rrjedhat e saj.
Gazeta “Nacional” faktikisht ka pushtuar të gjitha trevat shqiptare dhe duke qenë e vetmja kësisoj ka paraqitur vlerat letrare të penave më të njohura deri tek ato fillestare, duke afirmuar letërsinë e kulturën tonë gjithandej, gjithsesi pa asnjë dallim të krijuesve në çfarëdo forme qoftë.

Prof. Shyqri Galica tha në vazhdim se “Editori dhe themeluesi i gazetës javore “Nacional”, poeti më famë nderkombëtare, studiuesi i letërsisë dhe profesori i universitetit, dr. Mujo Buçpapaj, në mënyrë të denjë gjatë tërë kësaj kohe ka përgatitur çdo numër të gazetës me përgjegjësi dhe pa dyshim me dashuri të veçantë.
Një gazetë e këtillë jo vetëm që është e kushtueshme, por është edhe jo e lehtë për ta nxjerrë para lexuesit, duke pasur përgjegjësi sidomos për përzgjedhjen dhe sigurimin e materialeve, si dhe nivelin e lartë të punimeve, që jo gjithmonë është aq lehtë për ta përballuar një material të llojllojshëm dhe një përzgjedhje specifike për të.
Lidhja e Shkrimtarëve e Kosovës dhe anëtarësia e saj janë të lidhura pothuajse me çdo botim të gazetës “Nacional”, ndaj ka dhe privilegjin për ta organizuar përurimin e saj në këtë përvjetor të rëndësishëm duke besuar se botimi i saj na ka afruar jashtëzakonisht në shumë aspekte për t’u bërë bashkë jo vetëm shpirtërisht, por edhe fizikisht, që është synim i çdo shqiptari.
Sot është kënaqësi dhe nder që midis nesh kemi edhe themeluesin e revistës “Nacional”, drejtorin e saj, dr. Mujë Buçpapaj, i cili me aq përkushtim e profesionalizëm bën një punë shumë të madhe me ekipin e tij për të avancuar krijimtarinë letrare dhe për të trajtuar çështje e probleme të jetës sonë shoqërore e kombëtare, theksoi, ndër të tjera, prof. Galica.

Për rrjedhat e punës dhe të publikimit të gazetës “Nacional” gjatë 15-vjetëve, foli drejtori i saj, dr. Mujë Buçpapaj.

Buçpapaj tha se “Në një kohë të papërshtatshme për shtypin e shkruar, gazeta letrare dhe kulturore “Nacional” ja ka dalë prej 15 vjetësh të qendrojë në tregun shqiptar dhe rajonal falë një politike editoriale të qartë dhe gjithëpërfshirëse, si dhe idealizmit të stafit të saj. Duke vijuar në kohë moderne, një traditë të shtypit kombëtar të kulturës, letërsia shqiptare, kultura dhe çështja shqiptare kanë qënë për redaksinë qendrore në Tiranë dhe ato rajonale, jo vetëm obligim, por edhe frymëzim në punën tonë si profesionistë të fushës.
E themeluar 15 vjet më parë nga një grup shkrimtarësh, artistësh, studiuesish, përkthyesish dhe albanologësh të shquar në vend dhe jashtë tij, gazeta javore “Nacional”, ka hyrë me modesti në historinë e shtypit shqiptar në përgjithësi dhe atë kulturor në veçanti, me individualitetin e saj, me shpresat dhe ndijimet e saj për kombin tonë, për trashëgiminë kulturore, bashkimin kombëtar dhe të ardhmen.
Gazeta Nacional, tha Mujë Buçpapaj, lufton për forcimin e faktorit shqiptar në Ballkan, forcimin e identitetit tonë kombëtar, duke e parë letërsinë shqiptare si një njësi unike kombëtare, ashtu siç jemi me të vertetë një komb një, gjuhë, një kulturë dhe një letërsi.
Dr. Mujë Buçpapaj, falenderoi të pranishmit e shumtë në sallë, si dhe të gjithë bashkëpunëtorët e gazetës “Nacional” në Kosovë, Shqipëri, Maqedoni, Mal të Zi, Luginën e Presheveës, në Europë dhe SHBA, gazetarë, shkrimtarë, përkthyes, studiues të shquar dhe albanologë në rajon dhe në botë, artistë, shkenctarë, kërkues shkencorë etj, të cilët kanë bashkëpunuar me “Nacionalin” falas, me idealizëm dhe atdhetari, me dashuri ndaj fjalës shqipe, gjuhës së saj dhe letërsisë.
Mujë Buçpapaj falenderoi posaçërisht lexuesit e gazetës letrare Nacional në rajon dhe në botë duke i konsideruar si pjesë të redaksisë prej themelimit të saj dhe në vazhdim si dhe redaksitë rajonale në qytete kryesore në SHBA dhe Europë dhe bashkëpunëtorët në disa universitete dhe qendra kërkimore shqiptare dhe të huaja. Falenderoi kryeredaktorin e Nacional per Kosovën, gazetarin dhe përkthyesin Gani Tërshnjaku.
Falenderoj me mirënjohje organzotorin e këtij manifestimi jubilar të gazetës Nacional, kryetarin e Lidhjes së Shkrimtarëve dhe Artistëve të Kosovës, prof. dr. Shyqri Galica, një shkrimtar dhe studiues i shquar i letërsisë.

POETË, SHRKIMTARË, STUDIUES, AKADEMIKË DHE PROFESORË UNIVERSITETI, FALENDERUAN GAZETËN “NACIONAL”

Oratorët që morën fjalën, poetë, shrkimtarë, studiues, akademikë dhe profesorë universiteti, falenderuan gazetën Nacional, stafin e saj botuesin, familjen Buçpapaj për rolin e saj për lirinë dhe Pavarësinë e Kosovës si dhe bashkimin kombëtar.
Ata theksuan se gazeta javore, letrare dhe kulturore Nacional është një media me ndikim në hapsirat shqiptare dhe në botë, është një institucion që mban gjallë ndjenjat kombëtare shqiptare, me moton “ Pavarësi, demokraci dhe bashkim kombëtar, në miqësi të përjetshme me Shtetet e Bashkuara të Amerikës”.
Shkrimtari i mirënjohur Jusuf Buxhovi tha se gazeta kombëtare Nacional për 15 vjet me radhë I bashkoi shpirtërisht jo vetëm shkrimtarët dhe njerëzit e artit, por të gjtihë shqiptarët. Buxhovi vlerësoi politikat editoriale të gazetës dhe botesin e saj Mujë Buçpapaj për vizionin dhe politikat e hapura ndaj të gjithav prurjeve letrare përfshirë edhe elitat letrare dhe kulturore. Ai e vlerësoi Nacionali si gazetën më të mirë shqiptare të të gjitha kohrave duke renditur disa arsye.
Shkrimtari dhe studiuesi i letërsisë prof. dr. Prend Buzhala, tha ky manifestim për gazetën Nacional përbën një ngjarje kulturore për jetën tonë kombëtare.Ai vlerësoi punën e gazetës për ruajtjen e një linje editoriale të pavarur me interes të fortë kombëtar. Nacional është një tribunë elitare e takimit tonë të përjavshëm pavarëisht ku jetojmë në rajona apo në botë, u shpreh ai, duke vlerësuar prurjet e gazetës dhe vlerat e larta letrare në një kohë të vështirë për shtypin letrar.
Prof. dr. Avni Presheva falenderoj botuesin Mujë Bucpapaj dhe këmbënguljen e tij si botues, inteletual dhe patriot për t’u dhënë shqiptarëve një media të hapur për të gjithë ata që e duan fjalën shqipe dhe bashkimin kombëtar. Rasti i Nacionalit është i rrallë dhe i vetmi në historinë e shtypit shqiptar tha ai, që bashkon intelektualët shqiptar dhe shkrimtarët dhe artistët rreth çështjes kombëtare pavarëisht bindjeve të tyre politike.
Prof. Dr. Milazim Krasniqi poet dhe pedegog i njohur tha se kjo gazetë ka luajtur rol të rëndësishëm në shkembimin tonë kulturor dhe në afrimimin e nacionalizmit shqiptar duke ju kundërvënë shoviznimit serbo-grek si rrallë media në hapsirat shqiptare me kopetence të fortë shkencore dhe argumente. Ai falenderoi botuesin M. Bucpapaj për përkushtimin e gjatë dhe të pandërprerë në 34 vite për Kosovën, lirinë dhe pavarësinë e saj bashkë me familjen Bucpapaj.
Shkrimtari dhe botuesi mirënjohur Nazmi Rrahmani, tha se e ndjek Nacionalin prej 15 vjetësh dhe vlerësoj lart gazetën dhe botuesin e saj M. Bucpapaj si poet, studiues dhe intelektual. Rrahmani tha se kjo gazetë po mban gjallë ideologjinë e bashkimit kombëtar duke bashkuar rreth vetës të gjithë shqiptarët që besojnë tek liria dhe demokracia dhe sidomos elitat kulturore, intelektuale.
Poeti i njohur Shefik Shkodra ishte falenderues për gazetën Nacional, drejtuesin e saj M. Buçpapaj dhe gjithë familjen Buçpapaj për kontributin e saj për lirinë, demokracinë dhe bashkimin kombëtar. Ai tha se Kosova dhe trojet etnike i janë mirënjohës kësaj familjeje për kontributet e pashoqe në historinë tonë moderne prej vëllëzerve Frasheri deri më sot, por edhe për vijimin e kësaj historie atdhetare si intelektualë, shkrimtarë, ideologë dhe veprimtarë shoqëror në lëmin kombëtar. Ai vlerësoi takimin e organizuar shkelqyer nga LSHK dhe zoti Galica, ku merrnin pjesë përfaqësues nga të gjitha klubet letrare të Kosovës. Nacional na bashkon të gjithëve, u shpreh ai.
Prof. Dr. Ukë Buçpapaj, përkthyes i njohur tha se ishte i prekur nga fjalët e mira që kishte dëgjuar në këtë manifestim dedikuar gazetës Nacional dhe se kjo e motivonte më shumë atë mediat Nacional dhe posacërisht gazetën kombëtare Nacional.
Ai falenderoi të pranishmit dhe posacërisht kryetarin e Lidhjes së Shkrimtarëve të Kosovës Shyqri Galica për organizmin e shkelqyer të manifestimit, por edhe për rolin e tij si shkrimtar, studiues, professor universiteti dhe veprimtar i shquar për lirinë dhe pavarësinë e Kosovës e bashkimin kombëtar.
Poeti Agim Desku vlerësoi politikat e qendrueshme kombëtare të gazetës Nacional, duke qënë e vetmja media që prodhohet në Tiranë dhe shpërndahet me sakrifica në rajon, e cila dallon prej shtypit tjetër atje për përmasat akademike, letare dhe filozofike kombëtare, tha ai. Desku falenderoi botuesin M. Bucpapaj dhe e uroj atë edhe për suksesin e fortë nderkombëtar si poet dhe studiues i nivelit të lartë. Unë dhe shkrimtarët tjerë u jemi mirënjohës për këtë mundësi që na jepni, përfundoi ai. Ai vlerësoi takimin e organizuar shkelqyer nga LSHK dhe zoti Galica.

Poetesha e njohur Kismete Hyseni u shpreh e emocionuar për mundësinë që i ka krijuar gazeta Nacional për të qënë e pranishme në tregun shqiptar me krijimtarinë e saj. Ajo tha se gazeta i ka siguruar lexues në të gjitha hapsirat shqiptare dhe në botë, duke qënë një medie e shquar në historinë e shtypit shqiptar.Zonja Hyseni falenderoi botuesin M.Bucpapaj dhe familjen Bucpapaj per kete investim kombetar. Ajo vlerësoi takimin e organizuar shkelqyer nga LSHK dhe zoti Galica.
Shkrimtari dhe studiuesi Izet Avdyli shprehu konsiderata e larta per gazeten Nacional, rolin e saj per mbajtjen gjallë të letërsisë dhe cështjes tonë kombëtare, nivelin e lartë dhe gjithpërfshirës.
Poeti i njohur Burhan Hoti falenderoj gazeten Nacional per frymen moderne kombetare, lenden e perzgjedhur nga letersia shqiptare dhe ajo nderkombetare dhe shpirtin e paster Nacional. Media te tilla i duhen kombit tone dhe vecenarisht Kosoves tha ai, per frymen kombetare, shpirtin pluralist kombetar dhe boshtin thellesisht shqiptar. Ne cdo faqe te gazetes eshte Shqiperia jone e madhe dhe kjo na ben krenar. Ne fund ai falenderoj botuesin e gazetes Muje Bucpapaj per gjithcfare ben per letersine, bashkimin kombetar dhe ceshtjen shqiptare prej 34 vjetesh pa nderprerje.

MOTOJA E GAZETËS NACIONAL ËSHTË PAVARËSIA, DEMOKRACIA DHE BASHKIMI KOMBËTAR, NË MIQËSI TË PËRHERSHME ME SHBA-të

Sabri Maxhuni Novosela studiues i historisë tha në fjalën e tij se motoja e gazetës Nacional është pavarësia, demokracia dhe bashkimi kombëtar në miqësi të përhershme me SHBA-të dhe kwtw e ka konstatuar cdo lexues dhe bashkwpunwtar i kwsaj medie tw rwndwsishme, serioze dhe elitare. Për këtë shkak i janë bashkuar kësaj gazetë të gjithë intelektualët shqiptar pavarësisht bindjeve politike. Ai tha se i bashkohet kësaj gazetë ideve të saj të bashkimit kombëtar dhe filozofisë që ajo mbron se nuk ka komb Kosovar dhe komb shqiptar, por vetëm një, kombi shqiptar. Ai apeloi se duhet ta dalim nga koncepti i gabaur sidomos mediatik, i popullit shqiptar në Shqipëri, në Kosovë, në Maqedoni apo Mal të Zi , por vetëm në konceptin një komb, kombi shqiptar. Ai vlerësoi takimin e organizuar shkelqyer nga LSHK dhe zoti Galica.Ai tha nw fund se biznesi shqiptar duhet tw ndihmojw kwtw gazetw brenda lligjeve dhe rregullave pwr tw rritur dhe fuqizuar edhe mw shumw çeshtjen tonw kombwtare.
Shkrimtari Nuhi Veseli, u shpreh entuaziast për gazetën Nacional, vlerat e saj dhe të ardhmen. Gazeta Nacional është një gazetë me shumë ndikim në jetën tonë kombëtar. Ai falenderoj botuesin M. Bucpapaj për përkushtimin e tij të gjatë për çështjen tonë kombëtare, letërsinë dhe bashkimin kombëtar.
Shkrimtari Rrahim Sadiku velerësoi takimin e organizuar në LSHK dhe prof. Galica, duke shtuar se takime të tilla duhet të bëhën më shpesh në Prishtinë Tiranë, Shkup, Ulqin, Tetovë dhe Tuz.Ai tha se gazeta Nacional u kishte sigurar lexues ne te gjitha hapsirat shqiptare dhe se kishte vlerwsimin mw tw lartw pwr tw. Jemi krenar me gazetwn Nacional qw wshtw sw pari njw gazetw e Kosovws dhe trojeve shqiptare, me frymw perwndimore dhe koncepte modern elitare.
Prof. dr. Zymer, Neziri studiues i shquar , tha se kishte bashkëpunuar ndër vite me gazetën tonw Nacional dhe e vlerësonte lart punën e saj në sherbim të kombit. E çmoj shumë punën e botuesit Mujë Buçpapaj që ka ndërtuar një gazetë të një niveli shumë të lartë dhe me përfaqësim nga të gjitha hapsirat shqiptare. Kjo e bën të vecantë këtë gazetë në historinë e shtypit shqiptar. I urojmë jetëgjatësi.
Poetesha dhe studiuesja e letërsisë Migena Arllati tha për gazetën Nacional se e kishte ndjekur prej 15 vjetësh gazetën Nacional dhe kishte konsideratat më të larta për këtë media që u ka hapur dyer shkrimtarëve dhe studiuesve shqiptarë, pa përjashtim. Ajo velerësoi takimin e organizuar shkelqyer nga LSHK dhe zoti Galica, duke i uruar gazetës jetëgjatësi dhe suksese në misionin e saj kombëtar, si rralë media tjetër në hapsirat shqiptare.
Rajmonda Malecka, poete, studiuese dhe publiciste tha për gazetën Nacional se ishte e emocionaur nga takimi i përzemërt dhe vleërësimet e larta dhe të sinqerta që gazeta Nacional kishte marrë në këtë manifestim të veçantë ku morën pjesë studiues, profesore, akademikë dhe shkrimatarë nga të gjitha klubet letrare, qendrat kërkimore dhe univesritet në Kosovë, pavarëisht bindjeve të tyre politike. Kjo ndodh për herë të parë në Prishtinë këto 25 vjetët e fundit dhe është meritë e Nacionalit që i bashkon të gjithë shqiptarët patriotë.
Gazetari i njohur dhe moderatori Tomorr Avdia vlerësoi takimin dhe manifestimin që shpreh mirënjohjen e shkrimtarëve të Kosovës për gazetën Nacional dhe politikat e saj editoriale që kanë të bëjmë me lirinë, pavarësinë, bashkimin kombëtar, si dhe forcimin e miqësisë më SHBA-të. Gazeta Nacional, tha ai, është e një niveli të lartë shkencor, është një media pluraliste për nga politikat e botimit me bosht qendror ceshtjen kombëtare shqiptare, cfarë i siguron asaj sukses , respekt dhe vazhdimësi.
Studiuesi i UÇK-së Afrim Mustafa, vlerësoi takimin, organizimin dhe vetë gazetën Nacional për vlerat letrare, kulturore dhe kombëtare. E falenderojmë dr. Mujën dhe gjithë familjen Buçpapaj për këtë investim kombëtar, sidomos për mbrojtjen e kauzës së UÇK-së, tha ai.
Kryeredakroi i gazetës Nacional për Kosovën Gani Tërshnjaku tha se ishte i lumtur nga manifestimi dhe që sakrificat tona u vlerësuan nga qindra pjesëmarrës, nga elitat kulturore në Prishtinë dhe nga e gjithe Kosova. Për mua ka qënë nder që kam drejtuar gazetën Nacional për Kosovën dhe kam bashkëpunuar me një botues dinjitoz dhe patriot si Mujë Bucpapaj, gazetar, poet dhe studiues i nivelit nderkombetar. Aktualsiht poeti me suksesin me tw madh shqiptar nw Europe dhe nw bote, me botime nw 36 gjuhe tw huaja dhe vleresime nderkombetare.
Drejtuesit e Institutit tw Studimeve Albanologjike tw pranishwm nw kwtw manifesti, takuan me fjalw tw pwrzemrta botuesin e gazetws Nacional, duke I shprehur solidraritetin dhe mirwnjohjen pwr kontributin e dhwnw pwr gjuhwn dhe letwrsinw
Takimi u mbyll në një atmosferë të përzemert dhe vëllazërore.
Manifetsimin e përcollën disa nga televizionet kryesore të Kosovës si RTK, A2 CNN Kosova etj, portalet më të njohura në Kosovë, Maqedoni, Shqipëri dhe Mal të Zi si dhe mediat e Tiranës si A2 CNN, RTV Nacional etj.

Prezantoi botën kulturore shqiptare, në Prishtinë u shënua 15-vjetori i gazetës “Nacional” nga LSHK

Në Institutin Albanologjik të Prishtinës, në praninë e shumë profesorëve universitarë, akademikëve, studiuesve, shkrimtarëve dhe pjesëmarrësve të tjerë nga Kosova, Shqipëria, Maqedonia e Veriut dhe Diaspora, u shënua 15-vjetori i gazetës letrare dhe kulturore “NACIONAL”, e cila publikohet në Tiranë dhe shpërndahet rregullisht edhe në Prishtinë.

Kjo ngjarje kulturore u organizua nga “Lidhja e Shkrimtarëve të Kosovës”, e drejtuar nga Prof. Shyqri Galica.

Ndërsa botuesi i saj, Mujë Buçpapaj vuri në dukje se në një kohë të papërshtatshme për shtypin e shkruar, gazeta letrare dhe kulturore “Nacional” ja ka dalë prej 15 vjetësh të qëndrojë në tregun shqiptar dhe rajonal falë një politike editoriale të qartë dhe gjithëpërfshirëse, si dhe idealizmit të stafit të saj.

Pavarësi, demokraci dhe bashkim kombëtar duke qenë në aleancë të ngushtë me SHBA-te, është motoja e punës së gazetës “NACIONAL” gjatë këtyre 15 viteve u tha në këtë ceremoni jubilare. (A2 Televizion)

VIDEO- “Nacional” shënon në Prishtinë 15-vjetorin e themelimit të saj –

Mujo Buçpapaj: Gazeta letrare dhe kulturore “Nacional” hyri në historinë e shtypit shqiptar

“Antikultura e ’68-s në Shqipëri” i Albert Nikollës promovohet në Prishtinë

6 nëntor 2024

Libri ‘Antikultura e ’68 në Shqipëri’ nga Albert Nikolla paraqet një analizë të thellë të ngjarjeve kulturore dhe politike që karakterizuan periudhën e komunizmit në Shqipëri. Kjo vepër nga kritika është vlerësuar lart pasi që sipas tyre, pasuron njohuritë tona mbi të kaluarën ku dhuna kulturore nxjerr në pah kombinimin e frikës, terrorit dhe nxitjes së injorancës. Autori thotë se ky promovim në Kosovë është një plotësim shpirtëror.

Në ambientet e Fakultetit Filozofik në Prishtinë u promovua libri “Antikultura e 68-s në Shqipëri”. Dashamirë të artit të shkruar, studiues e qytetarë të shumtë të pranishëm patën mundësi të takojnë autorin dhe të mësojnë më shumë rreth kësaj monografie.

Mes tjerash gjatë fjalës së tyre studiuesit dhe recenzentët thanë se ky libër është një studim i rëndësishëm për këdo që kërkon të kuptojë sistemin e regjimeve, e sidomos të diktaturës në Shqipëri.

Gjuhëtarja dhe studiuesja, Elona Gjata në fjalën e saj mes tjerash ka thënë se libri i Albert Nikollës është i pari i cili i kushtohet periudhës së mbushur me qëllime, kahje e lëvizje kontraverse, në një sfond të përgjithshëm evropian e botëror tejet të ndërlikuar.

“Pushteti komunist në Shqipëri kishte një taktikë shumë diplomatike. Enver Hoxha në një qëndrimti të tij ishte shprehur se populli shqiptar, klasa e tij punëtore e përshëndesin dhe e përkrahin me gjithë zemër luftën e drejtë të punonjësve francezë kundër monopoleve dhe pushtetit të tyre shtypës. Por këtu zë fill metoda e kulaqit dhe kërbaqit, shprehet Alberti në librin e tij. Në kontekstin e 68-s shqiptare nga njëra anë u krijua përshtypja se do të ketë më shumë liri nga të gjitha hapësirat e jetës sidomos në art, por kjo klimë lirie do të konsiderohej e duhur në mënyrë dramatike me dy ngjarje simbolike për periudhën sidomos pas pleniumit të katërt”, ka thënë Gjata.

Ndërsa Don Viktor Sopi drejtor i përgjithshëm i Caritas Kosova pasi e ka përgëzuar autorin e ka çmuar lartë këtë vepër. Sipas tij, ky libër na vjen në ndihmë të kuptojmë se raporti midis antikulturës dhe kulturës, midis shkatërrimit dhe prirjeve për ndryshim ishin bërë të rrezikshme.

“ Periudha e 68-s në atë periudhë edhe popullin e Kosovës e karakterizon koha ma e egër siç quhet koha e Rankoviqit. Si intelektual mundohet dhe vepron për të sjellë atë më të mirën që është në shërbim të krejt qytetarëve. Ky libër i zotit Albert, sjell risi unike si për lexuesin ashtu edhe për kulturën dhe literaturën shqiptare. Autori përdor qasje shumëdisciplinare duke bashkuar të dhëna të profileve të ndryshme për ta kuptuar tragjedinë e popullit nga përvoja e hidhur me antikulturën”, ka thënë Sopi.

Autori Albert Nikolla, mes tjerash tha se”: “Liria është thelbësore për dinjitetin e njeriut, por është dramatikisht e dobët sepse është në rrezik. Nuk je njeri nëse nuk ke liri, dhe kjo ishte dëshmia më tragjike e atij sistemi”.

“Mua më lidh diçka emocionale dhe jetësore me Kosovën, kështu që të gjithë personat që janë këtu të pranishëm u jam falënderues. Shqipëria dhe Kosova vetëm kur janë të dyja bashkë përplotësojnë njëra tjetrën dhe thelbi i kësaj duhet të jetë dashnia dhe respekti për sakrificën që kanë bërë të dyja palët. Kosovën me Shqipëri e ka bashkuar një shpirt gati i fshehtë. Ky pasion kaq i madh ishte gati i fshehtë sa që Shqipëria kishte një qasje gati djallëzore me Kosovën, qeveria shqiptare e ka shitur Kosovën. E ka shitur me Masakrën e Tivarit, e ka shitur me qasjen që ka pasur në marrëdhënie me Titon, e ka shitur duke mos mbrojtur intensivisht qështjen shqiptare në Kosovë. Libri thotë më shumë se sa mund të them unë prandaj më lejoni vetëm t’ju falënderoj”, është shprehur Nikolla.

Të pranishmit thanë se kjo vepër është ndihmesë për të parë se në çfarë rruge u kalua, për të gëzuar dhe për të pasur një lloj mirënjohjeje për artistët e kohës të cilëve iu ndalua gjithçka e bukur në emër të realizmit socialist.

Iliriana Pylla
Prishtinë

Klubi Letrar “Gjon Nikollë Kazazi”: “LIBRI I GJAKOVËS” NË GJAKOVË

Promovimi këtë të enjte, në Bibliotekën e Qytetit, në orën 11, në kuadër të manifestimit të 60 vjetorit të “Mitingut të Poezisë”

Klubi Letrar “Gjon Nikollë Kazazi”

Klubi Letrar “Gjon Nikollë Kazazi”: 60 vjet Mitingu i Poezisë!

Programi i Mitingut të Poezisë Jubilar, me 08.11.2024, i paraprin java e mitingut! 60 vjet Mitingu i Poezisë! Urime! Na shkoftë mbarë!

Klubi Letrar “Gjon Nikollë Kazazi”

Përkujtohet Bedri Alimehmeti, kujtohet dhe vlerësohet nga personalitete të shquara

Në një ceremoni emocionuese, personalitete nga fusha të ndryshme u mblodhën për të nderuar Bedri Alimehmetin, një figurë thelbësore për kulturën shqiptare.

E bija e tij, gazetarja Alba Kepi, shprehu mallin për babain, duke theksuar përkushtimin për të ruajtur amanetin e tij dhe identitetin e Tiranës.

Me veprat e tij, Bedri Alimehmeti do të mbetet gjithmonë një figurë e paharrueshme në historinë e vendit.

Mjeshtri i madh, Bedri Alimehmeti, u përkujtua nga familjarët, miqtë e kolegë në një ceremoni plotë emocione e kujtime për ikonën e gazetarisë sportive dhe personalitetin e kulturës. E bija e tij, gazetarja Alba Kepi, shprehu mallin për njeriun e shtrenjtë

‘’Edhe mua më ka munguar shumë. Më ka munguar kur thoshte që Alba gjithmonë mos mungo respekt edhe në punën tënde’’, tha Kepi.

Theksoi se do të vazhdojë të ruajë amanetin e tij për identitetin e Tiranës dhe për kujdesin e dorëshkrimeve të çmuara që ai la pas, duke premtuar se do ta mbajë gjallë trashëgiminë e tij.

‘’Amaneti i tim ati është i shtrirë edhe në veprën e tij. Ai ka lënë ende shumë libra të pabotuar’’, tha Kepi.

Ish-presidenti Bamir Topi ndau kujtime personale, duke pasqyruar lidhjen e veçantë që kishte Bedri Alimehmetin.

‘’Do ta kujtojmë si një njeri besnik i familjes, besnik i shoqërisë, besnik i qytetit dhe qytetarisë’’, tha Topi.

Krahas sportin dhe Bedri Alimehmeti u angazhua për të mbrojtur e trashëguar vlera të kryeqytetit të cilit i kushtoi jetën e tij.

Ai ishte një skenarist i njohur i “Sofrës Tiranase” dhe një nga themeluesit e Shoqatës “Tirana”.

Arben Tafaj, kryetari i Shoqatës “Tirana”, e konsideroir atë si një shtyllë të rëndësishme të identitetit kulturor të qytetit.

Ndërsa Perparim Tavo e përshkroi si një njeri që la një gjurmë të paharrueshme në historinë e vendit, duke theksuar ndikimin e tij në kulturën shqiptare.

Bedri Alimehmeti lindi më 11 tetori 1945, dhe mbylli sytë përgjithmonë në moshën 78 vjecare.

Duke ndarë kujtimet dhe biseda të qeta, ashtu siç do të dëshironte Bedri Alimehmeti, ata që e njohën thanë se emri i tij do të mbehet përjetësisht.

Romani ‘Shtatori i gjëmës së madhe’ i Skifter Këlliçit botohet në Pakistan

VOAL- Revista “Sindh Courier” qe publikohet në gjuhën angleze në Karaci, (Pakistan) nga shkrimtari dhe publicisti i njohur pakistanez Nasir Aiaz, po boton romanin ‘Shtatori i gjëmës së madhe’ të shkrimtarit Skifter Këlliçi, i cili, nën titullin ‘Disastrous September’ është botuar vitin e kaluar në Amerikë nga Enti botues Lulu.

Siç dihet, ky romani i kushtohet 9/11, tragjedi në të cilën, si pasojë e akteve të një grupi terroristësh fanatikë islamikë, mbetën të vrarë 2981 njerëz, ndër të cilët dhe tre shqiptarë – Frrok Camaj, Mon Gjjonbalaj dhe Simon Dedvukaj, të kthyer në personazhe të këtij romani.

Këlliçi ka punuar gjatë viteve 1999-2001 security guard në Aeroportin Ndërkombëtar Logan të Bostonit dhe atë mëngjez ka parë të kalonin nga një pikë kontrolli e Terminalit B të këtij aeroporti një grup prej 5 pasagjerësh të rinj arabë, pa e ditur se këta ishin disa nga terroistët që pastaj u futën një avion ,vranë pilotët, e kthyen atë në një predhë gjigande, që goditi një nga Kullat Binjake. Pas disa minutash një grup tjetër terroristësh veproi në të njejtën mënyrë me avionin në të cilin fluturonin duke goditur kështu kullën tjetër binjake.

Revista ‘Sindh Courier”, siç nënvizon Nasir Aiazi në një intervistë të dhënë gazetës së përjavshme “Nacional”, është e njohur jo vetëm në Pakistan, por edhe në 70 vende të tjera të botës.
Në numrat e saj të ardhshëm kjo revistë do të vazhdojë të botojë fragmentet deri në fund të këtij romani.

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend