VOAL – NJU JORK – Presidente amerikan Barack Obama autorizon forcat amerikane të kryjnë sulme ajrore në mbrojtje të grupeve kryengritëse siriane të stërvitura nga Pentagoni në kuadrin e strategjisë së tij anti-Isis, edhe nëse është e nevojshme të sulmohen forcat e regjimit të presidentit sirian Bashar al Assad, shkruan voal.ch. Vendimi për të autorizuar sulmet ajrorje në mbështetje të forcave anti-Isis, shkruan Wall Street Journal, cituar nga ANSA, arrin në përfundim të një debati që vazhdon prej një muaji dhe rrit rrezikun e një përplasjeje të drejtpërdrejtë me regjimin në fuqi në Damask. SHBA kanë pajisur këto grupe me qëllim që të luftojnë kundër Shtetit Islamik. Alistaur Baskey, zëdhënës i Këshillit të Sigurisë Kombëtare të Shtëpisë së Bardhë, nuk deshi të komentojë rregullat e reja të përfshirjen, shënon WSJ, duke shtuar se ka nënvizuar ndërkohë se administrata është e qartë për të ndërmarrë “hapat e nevojshëm në mënyrë që këto forca ta kryejnë me sukses misionin e tyre.”