Nuk të dua për tjetër por vetëm sepse të dua.
Unë shkoj nga mosdashuria për ty tek dashuria,
Nga shumëpritja deri tek mospritja për ty
Nga akulli tek zjarri kalon kjo zemër imja.

Unë të dua vetëm sepse je ajo që dua;
Unë të urrej pa masë, dhe duke të urryer të lutem ty,
Dhe njësia matëse e dashurisë ndaj teje
Është se pa të shikuar të dua si një qorr pa sy.

Ndoshta drita e janarit zemrën time tret
Me rrezen e saj mizore, duke vjedhur
Çelësin tim të qetësisë së vërtetë.

Në këtë histori ai që vdes jam vetëm unë
Dhe do të vdes nga dashuria, sepse të dua ty,
Të dua ty, e dashur, në zjarr e në gjak pafund.