Një vit më parë pas njoftimit të Prokurorisë, avokati i dy vëllezërve të shpallur në kërkim Arbion dhe Alban Aliko ka folur në emër të familjes Aliko.“Prej dy muajsh babai i djemve 17 dhe tjetri 20 vjecar që prej një viti janë në kërkim nga policia është përpjekur të negociojë dhe ti bindë ata të vetëdorëzohen në polici.

Por dy vëllezërit nuk pranojnë duke u shprehur se nuk kanë besim tek policia.

Adil Aliko thotë se djemtë nuk janë të përfshirë në ngjarje dhe janë të pafajshëm.

Sipas tij ata janë besimtare dhe po mbajnë Ramazan dhe nuk kanë prekur armë me dorë.

Ata këmbëngulin se nuk do dorëzohen pavarësisht lutjeve të të atit dhe thonë se koha do ta vërtetojë se nuk kanë gisht në akuzat e ngritura nga policia.”

Ndërsa më 27 qershor 2015, dy vëllezërit Arbion dhe Alban Aliko, të cilët janë të dyshuarit kryesorë për vrasjen e efektivit të RENEAs, i dhanë fund arratisë së tyre dhe u dorëzuan.

Sipas kronikave të lajmeve të asaj dite, “Dy vëllezërit i janë vetëdorëzuar një patrulle të Forcave të Ndërhyrjes së Shpejtë në fshatin Kardhiq, rreth 20 kilometra larg fshatit Lazarat. Arbion dhe Alban Aliko janë vetëdorëzuar pas negociatave të babait të tyre, Adil Aliko, i cili hedh poshtë çdo dyshim se djemtë e tij mund të jenë autorët e vrasjes së efektivit.forcat speciale të policisë ndaluan rreth orës 21 të mbrëmjes (të shtunën) dy vëllezërit Arbion dhe Alban Aliko që akuzohen nga Prokuroria e Krimeve te Rënda se kanë qëlluar mbi efektivin e forcave speciale Ibrahim Basha në Lazarat të Gjirokastrës.”

Kjo është pak e shumë kronika e vrasjes dhe pas një viti nga tragjedia vrasja e një efektivi të lartë të policisë ngjarja dhe vrasja nuk është zbardhur, pra nuk kemi të dënuar për kryerjen e këtij krimi.

Kush e vrau Ibrahim Bashën?

Pyetje që një vit pas vrasjes ka mbetur pa përgjigje!

Ndërsa sipas Prokurorisë për Krime të Rënda, ky institucion pohon se i ka përfunduar hetimet dhe ka dërguar për gjykim 11 të pandehur të dosjes “Lazarati 2”, lidhur me ngjarjet ku mbeti i vdekur efektivi i Policisë së Shtetit, Ibrahim Basha. Pesë të pandehur akuzohen për “vrasjen e punonjësit të policisë”, si edhe “vrasje e punonjësit të policisë”, mbetur në tentativë 5 herë e armëmbajtje pa leje. Ndërsa 6 persona të tjerë akuzohen për armëmbajtje pa leje dhe kundërshtim i forcave të policisë. Nga hetimi i Prokurorisë për Krime të Rënda ka rezultuar se një grup të rinjsh, nën drejtimin e shtetasve Arbjon dhe Alban Aliko, kanë planifikuar, organizuar dhe goditur forcat e policisë, të cilat gjendeshin në patrullim në zonën e Lazaratit, në datat 23-24 qershor 2015. Në përfundim të hetimeve, Prokuroria për Krime të Rënda akuzon shtetasit: Arbjon Aliko, Alban Aliko, Bajram Bocia,  Elvis Bocia, Elson Kazma, Xhulio Malo, Klodian Selimi, Oltian Proko, Dervish Gaba, Ruhan Hiraj dhe Iljaz Xhaferaj.