Një burrë 72-vjeçar është arrestuar në Smederevë pas dyshimeve se ka kërcënuar me telefon Presidentin e Serbisë, njofton Ministria e Punëve të Brendshme. Sipas policisë, i dyshuari ka telefonuar shërbimin e urgjencës të Policisë së Smederevës rreth orës 14:15 të hënën, duke thënë se kishte ndërmend të vriste presidentin dhe pastaj ka mbyllur telefonatën.

Policia ka reaguar menjëherë, duke filluar masat për identifikimin e personit që telefonoi. Ata kanë arritur të zbulojnë identitetin e tij dhe janë drejtuar në shtëpinë e tij, ku ai ka deklaruar nga një derë e mbyllur se kishte ndërmend të vetëdigjej.

Një ekip negociator i MPB-së ka arritur ta bindë të hapte derën, dhe pas kësaj ai është arrestuar dhe dërguar në stacionin e policisë. Gjatë kontrollit të banesës, janë gjetur kova dhe shishe benzine. bw