Kryetari i opozitës, Sali Berisha, shpalli një ditë më parë se viti 2025 do të jetë viti i diasporës.
Vendimi pason disa takime të jashtëzakonshme të Berishës në diasporën shqiptare.
Ndërkohë sot, kreu i PD publikoi disa pamje nga takimi entuziast në Milano të Italisë.
“Mirëmëngjes miq. Ju përshëndes me këtë video nga takimi i Milanos!” shkruan Berisha. sn
Kryetari i Partisë Demokratike Sali Berisha ka prezantuar para shqiptarëve në Milano, programin e PD-së për qeverisjen 2025-2029.
Duke folur në takimin madhështor me diasporën, Berisha u shpreh se, Shqipëria madhështore do të jetë ‘Made in Albania’ dhe se markat shqiptare do të mbushin tregjet dhe dyqanet.
Pjesë nga fjala e kreut të PD, Sali Berisha:
Po cili është programi ynë?
Shqipëria madhështore fillon njëherë në radhë të parë, me një Shqipëri ku qytetarët jetojnë si njerëz. Ku qytetarët të mos përballen me varfërinë ekstreme.
Shqipëria madhështore, Shqipëria e jetueshme, Shqipëria e shpresës realizohet në 3 muaj. Një paketë emergjence, e cila nxjerr çdo shqiptar në territorin e Shqipërisë jashtë varfërisë ekstreme.
Kjo, në fakt do u lehtësojë edhe ju shumë. Sepse, unë e di. Jo vetëm familjarëve të afërt, po edhe të tjerëve u kërkojnë nga mospasja, t’iu dërgoni ilaçe, t’iu dërgoni gjëra të ndryshme. Sepse, ndodh prore që një pension nuk mjafton as për 2 javë ilaçe. Ndodh prore që një pension është afërsisht sa qiraja e banesës. Këto marrin fund!
Shqipëria madhështore, do të jetë Shqipëria ku qytetarët jetojnë me dinjitet, paguhen me dinjitet. Por jo vetëm kaq. Shqipëria madhështore, do të jetë Shqipëria në të cilën ju, miqtë tuaj italianë, qytetarët shqiptarë do vendosin ëndrrat e tyre, kur sfidat e tyre, bizneset e tyre. Po, po, Shqipëria vendi më miqësor për investimet është zotimi ynë. I taksave të ulëta.
Për çdo shqiptar që kthehet në Shqipëri, 5 vjet pa asnjë taksë, dhe përsëri stimuj të tjerë.
Shqipëria madhështore, do të jetë Shqipëria e krenarisë sonë. Shqipëria nuk mund të jetë kurrë madhështore pa ‘Made in Albania’. Shqipëria madhështore do të jetë ‘Made in Albania’.
Mendoni për një moment qytetet, fshatrat, brigjet nga keni ardhur, pasuritë përrallore që ka Shqipëria, nuk i ka vend tjetër në 28 mijë km2 në Europë e as në botë.
Pra, do bëhet gjithçka në moton: ekonomia, ekonomia, ekonomia!
Shqipëri prodhuese, Shqipëri prodhuese. Markat shqiptare do mbushin dyqanet, markat shqiptare do vërshojnë.
Miq, mund të ketë njerëz që e dëgjojnë me skepticizëm, por u thëm një gjë. Merrni pak regjistrat e viteve 2005-2013.
320% u rritën eksportet, u rrit prodhimi, u rrit ‘made in Albania’. Kurse sot, ka 3 vite që Shqipëria, zbret prodhimi, zbret, zbret, zbret dhe në vitin 2024 eksportet në Shqipëri ishin 32% më pak se në 2023.
Jo, ne do bëjmë gjithçka që ato pasuri që ia ka fal Zoti Shqipërisë t’i kthejmë në të mira për qytetarët shqiptarë, për ju që do të vini të investoni, për miqtë tuaj që do të vijnë me ju të investojnë në Shqipëri.
Ballkani i Hapur, Stop! Në kosh do të hidhet. Argati i Vuçiçit do përgjigjet për krimin e tmerrshëm ekonomik që ka kryer ndaj shqiptarëve. sn
Kryetari i Partisë Demokratike, Sali Berisha, gjatë një takimi me emigrantët shqiptarë, deklaroi prerazi se projekti i Ballkanit të Hapur do të marrë fund, duke e cilësuar atë si një dëm ekonomik për shqiptarët.
“Ballkani i Hapur stop. Do të hidhet në kosh! Argati i Vuçiçit do të përgjigjet për krimin ekonomik që ka kryer ndaj shqiptarëve”, u shpreh Berisha.
Ai gjithashtu theksoi se një nga shtyllat kryesore të programit të tij është “pastrimi i shtëpisë”, duke nënkuptuar largimin e korrupsionit dhe të gjithë atyre që kanë abuzuar me pushtetin.
“Shtëpia jonë do të pastrohet! Po si mund të hyjë Zoti në një shtëpi të ndotur? Librat e shenjtë thonë se duhet pastruar më parë. Por sot, shtëpinë e kanë në dorë hajdutët më të mëdhenj të kohërave. Kryeministri aktual nuk është gjë tjetër veçse një ‘Toto Rino’, një Escobar”, tha Berisha, duke e krahasuar Edi Ramën me figura të botës kriminale.
Në përfundim, ai i bëri thirrje shqiptarëve të bashkohen për të sjellë ndryshimin, duke premtuar një Shqipëri të drejtë dhe të lirë.
Kryetari i Partisë Demokratike, Sali Berisha, gjatë një takimi me emigrantët shqiptarë, prezantoi vizionin e tij për “Shqipërinë Madhështore”, duke premtuar masa urgjente për të nxjerrë vendin nga kriza ekonomike.
“LaCivita e ka deklaruar qartë: ai ka ardhur për të mbështetur projektin tonë për Shqipërinë Madhështore! Programi ynë është gati dhe do të nisë me një paketë emergjence që do të nxjerrë çdo shqiptar nga varfëria ekstreme brenda tre muajve”, tha Berisha.
Ai nënvizoi se çdo shqiptar që rikthehet në vend do të përfitojë nga 5 vite pa asnjë taksë dhe stimuj të tjerë për nxitjen e investimeve.
“Shqipëria e shpresës do të jetë realitet! Do të ndërtojmë një ekonomi prodhuese ku markat shqiptare do të mbushin dyqanet dhe do të vërshojnë në tregjet ndërkombëtare”, shtoi ai, duke premtuar mbështetje të madhe për sipërmarrjen dhe prodhimin vendas.
Në fund, Berisha ftoi shqiptarët të bëhen pjesë e këtij ndryshimi: “Do të bëhet gjithçka nën moton: ekonomi, ekonomi, ekonomi! Shqipëria Madhështore do të jetë krenaria jonë, një vend i fuqishëm dhe i begatë”.
“Shqipëria e shpresës realizohet në 3 muaj! Një paketë emergjence që nxjerr cdo shqiptar jashtë varfërisë ekstreme. Çdo shqiptar që do të kthehet në Shqipëri do të jetë 5 vite pa asnjë taksë dhe do të ketë stimuj të tjerë për nxitjen e investimeve në vend. Shqipëria madhështore do të jetë Shqipëria e krenarisë sonë. Shqipëria madhështore do të jetë Made in Albania! Mendoni për një moment, fshatrat nga ku keni ardhur, pasuritë përrallore që ka vendi, nuk i ka vend tjetër në aq territor në Evropë dhe në Botë! Do të bëhet gjithçka nën moton, ekonomia ekonomia ekonomia! Shqipëri prodhuese, markat shqiptare do mbushin dyqanet, do vërshojnë”, u shpreh ai.
Kryetari i Partisë Demokratike, Sali Berisha, gjatë një takimi me emigrantët shqiptarë në Milano, denoncoi qeverisjen aktuale, duke e cilësuar atë si një regjim që grabit pasuritë e shqiptarëve dhe burgos kundërshtarët politikë.
“Ju jetoni në një vend të lirë dhe e dini se nuk ndodh që kundërshtarët politikë të burgosen për të vjedhur mandatet. Nuk ndërtohen rrugë dhe shkolla me 10-fishin e çmimit për të grabitur qytetarët. Nuk pasurohet një grusht hajdutësh në krye të shtetit dhe qeverisë me pasuritë e popullit”, tha Berisha.
Ai theksoi se mbështetja ndërkombëtare për opozitën po rritet, duke përmendur se strategu kryesor i rikthimit të Donald Trump është tashmë pjesë e fushatës së PD.
“Kush do ta besonte nëse do ta thosha disa muaj më parë se për të drejtuar fushatën tonë ka ardhur kryestrategu i planetit? Apo se qindra parti të qendrës së djathtë, në tre rezoluta, do të dënonin regjimin e Edi Ramës dhe narkodiktaturën?”, deklaroi ai.
Berisha u bëri thirrje emigrantëve të angazhohen dhe të kontribuojnë për ndryshimin politik në Shqipëri, duke theksuar rëndësinë e votës për të rrëzuar qeverinë aktuale.
“Në 10 vite, 45% e shqiptarëve janë larguar nga vendi. Shqipëria është bërë një vend ku qytetarët largohen nga varfëria dhe mjerimi, si kurrë më parë që nga diktatura staliniste. Por çdo gjë ka një fund. Diktaturat nuk jetojnë përgjithmonë”, tha Berisha.
Ai u bëri thirrje emigrantëve shqiptarë të regjistrohen dhe të votojnë më 11 maj, duke e cilësuar këtë akt si një nga dhuratat më të çmuara që mund t’i bëjnë kombit dhe familjeve të tyre.
“Historia përsëritet. Në vitin 1992, shqiptarët me votën e tyre rrëzuan diktaturën më të egër të Europës. Atëherë, ishin studentët promotorë të ndryshimit. Sot, në vitin 2025, jeni ju – shqiptarët e diasporës – që do të bëheni promotorë të fitores së PD dhe opozitës shqiptare”, deklaroi ai.
Berisha e cilësoi rotacionin politik si të pashmangshëm dhe e quajti qeverinë aktuale një narkodiktaturë, duke premtuar ndryshim me fitoren e opozitës.
Sekretari i Përgjithshëm i Partisë Demokratike, Flamur Noka, në takimin me diasporën shqiptare në Milano, akuzoi qeverisjen e Edi Ramës për mungesë të ofrimit të mundësive dhe për keqtrajtim të shqiptarëve.
“Qeveria e Ramës nuk u ka ofruar shqiptarëve asgjë, përveç diskriminimit dhe dhunës,” tha Noka, duke theksuar nevojën që diasporën shqiptare të angazhohet masivisht në votime për të sjellë ndryshimin.
Ai e përshkroi Rilindjen si “frontin e errësirës,” duke thënë se “në këto 12 vite, shqiptarët nuk panë dhe nuk prekën jetën normale, përveç dhunës, terrorit dhe diskriminimit.”
Noka përmendi gjithashtu ndikimin e Xhorxh Soros, duke pretenduar se ai kishte planifikuar të kthente Shqipërinë në një vend të papërshtatshëm për shqiptarët, duke e bërë atë një parajsë për mafien, përmes Edi Ramës.
“Gjatë këtyre 12 viteve, 1.1 milionë shqiptarë ikën nga vendi. Tani është detyra jonë të çmontojmë Rilindjen dhe ta shpëtojmë Shqipërinë. Ne jemi të vendosur ta bëjmë këtë dhe do të arrijmë fitoren më 11 maj,” përfundoi Noka.
Kreu i Partisë Republikane, Fatmir Mediu, gjatë takimit me emigrantët shqiptarë në Milano, përcolli një mesazh nga këshilltari i fushatës së Donald Trump, Chris LaCivita.
“Do ta bëjmë Shqipërinë të madhe dhe partneriteti me SHBA do të jetë i jashtëzakonshëm për t’i kthyer vlerat më të mira shoqërisë shqiptare”, citoi Mediu nga komunikimi i tij me LaCivitën.
Ai theksoi se emigrantët shqiptarë nuk duhet vetëm të votojnë, por edhe të angazhohen për të ardhmen e Shqipërisë.
“Shqipëria ka nevojë për ju në parlament, në qeveri dhe për investimet tuaja. Sot është koha juaj, koha e shqiptarëve, koha e Shqipërisë. Nëse nuk veprojmë tani, vendi ynë do të zhytet edhe më thellë në korrupsion dhe mungesë lirie”, tha Mediu.
Ai akuzoi qeverinë aktuale për varfërimin dhe largimin e shqiptarëve nga atdheu, ndërsa u bëri thirrje emigrantëve të regjistrojnë çdo votues të mundshëm për zgjedhjet e 11 majit.
“Shqipëria është një vend i bekuar nga Zoti, ka gjithçka që mund të ëndërrojmë. Por pse shqiptarët u detyruan të largohen? Sepse kemi një qeveri që nuk qeveris, por sundon. Hipokrizia e tyre nuk ka limite – ju përzunë nga Shqipëria dhe tani kërkojnë votën tuaj”, përfundoi ai.
Kreu i Partisë Agrare Ambientaliste, Agron Duka, ishte sot pjesë e takimit të Partisë Demokratike me diasporën shqiptare në Milano, ku theksoi rëndësinë e votës së emigrantëve për të sjellë ndryshimin në Shqipëri.
“Këneta e Rilindjes qelbet era korrupsion. Ky sistem i kalbur mund të shkulet vetëm nëse e largojmë dhe për këtë na duhet vota juaj,” u shpreh Duka, duke ironizuar deklaratat e kryeministrit Edi Rama që e ka cilësuar PD-në vazhdimisht si “kënetë.
Ai u bëri thirrje shqiptarëve jashtë vendit që të votojnë kundër qeverisë aktuale dhe të ndihmojnë në sjelljen e fitores për një Shqipëri më të drejtë dhe më të pastër nga korrupsioni.
Koordinatorja e Diasporës në PD, Jozefina Topalli, gjatë një takimi në Milano, u shpreh se shqiptarët jashtë vendit do të luajnë një rol kyç në rotacionin politik dhe ndryshimin e së ardhmes së Shqipërisë.
“Sot jemi fizikisht në Milano, por zemrat tona janë në Shqipëri, në vendlindjen që nuk e keni lënë asnjëherë pas,” u shpreh Topalli. Ajo ndau historinë e një të riu që ishte larguar nga Shqipëria në moshën 16-vjeçare, duke kujtuar lotët dhe bekimin e nënës së tij, si dhe sfidat e mëdha për t’u integruar jashtë vendit.
“Sot ai ka ndërtuar një familje dhe një jetë të suksesshme, ashtu si shumë të tjerë që dikur u larguan me anije nga Durrësi, Vlora dhe Shëngjini,” shtoi ajo.
Duke theksuar rëndësinë e diasporës, Topalli shprehu bindjen se shqiptarët jashtë vendit do të jenë vendimtarë në ndryshimin e Shqipërisë, për ta bërë atë më të drejtë, më të zhvilluar dhe një vend për të cilin të gjithë të ndihen krenarë.
Partia Demokratike ka organizuar të dielën, një takim me mbështetës e simpatizantë të PD që jetojnë e punojnë në Itali.
Në takimin e organizuar në Milano, zëdhënësja e PD, Floriana Garo, tha se më 11 maj, PD me Berishën kryetar, është më e bashkuar dhe e fortë, si dhe më e hapur me plot të rinj me integritet që do ti çojë përpara vlerat.
“Ka ardhur koha për ne të djathtët që të investojmë tek qytetarët, familjet, tek rinia dhe e ardhmja. Ka ardhur koha që Diaspora ta shohë atdheun si mundësi për të jetuar.
Një vend pa taksa për 5 vjet,minimum jetik 200 euro, rroga e pensione të dyfishuara. Një vend ku të dashurit tuaj jetojnë të qetë e të sigurt dhe ju nuk rrini me kokën pas për ta”, u shpreh Garo.
Garo tha se PD ka nevojë për mbështetjen e diasporës, për të rrëzuar sipas saj narkoqeverinë që po shkërmoqet dita-ditës.
Sipas saj, Chris LaCivita ka ardhur ti sjellë fitoren PD dhe më 11 maj, do të jetë një sherif i ri në qyet.
“Dhe ai do të jetë Sali Berisha”, tha zëdhënësja e PD, Floriana Garo. bw
Promovim i dinjitetshëm nga komunitetit shqiptar të Suedisë, i librit monografik i titulluar “DOKTORI QË I DHA JETË LIRISË DR. FAHREDIN HOTI”, autor Mr. Besnik Hoti, nën përkujdesjen e Lidhjes Demokratike të Kosovës – Dega Jugore Suedi. Në fillim u prezentua një dokumentar kushtuar jetës dhe veprës së Dr. Fahredin Hoti. Më pastaj moderatorja e këtij eventi kulturor znj. Alejna Emini, për të shpallur të hapur e ftoj Mr. Afërdita Hotin, e cila në fjalën e saj tha: “Le të kujtojmë sot Dëshmorin e kombit, Dr. Fahredin Hotin dhe le të frymëzohemi nga veprat e tij, për të punuar për të ardhmën tonë të ndritur, për çfarë e dha jetën doktori. Baca Dinë kusheriri im dashur, ashtu siç të kemi thirrur të gjithë, ju detyrohem për një falënderim shumë të veçantë, për kujdesin ndaj nënës sime dhe për mua peronalisht, që e kishe dhe nuk kurseve asgjë. Të përulem në përjetësi para teje dhe veprave tuaja fisnike.Jemi krenarë për veprën tënde ne Familja Hoti dhe mbarë populli shqiptar kudo që nodhet”.
Për librin referuan Hysen Ibrahimi, Isuf Bajraktari, Mona Juniku dhe Alejna Emini. Po shkëpusim nga disa thënie nga secili referues i këtij libri.
Hysen Ibrahimi: “Vlerësoj se Dr. Fahredin Hoti ishte shpirti i popullit. Në shpirtin e popullit, në sytë e ushtarit të Ushtrisë Çlirimtare të Kosovës, në sytë e mijëra nënave që lindën nën përkujdesjen shëndetësore të tij, Dr. Fahredini ishte shpallur tanimë shenjtor shpirtëror”. Kontributdhënia e Dr. Faherdinit, ishte futur në rrugën e pakthyeshme, që ngjanë me veprat e mëdha të personaliteteve, e që shumë prej tyre janë nominuar me Çmimin “Nobel” për humanizëm, shëndetësi, arsim etj. Unë mendoj se çmimi “Nobel” do t’i takonte me plot meritë edhe Dr. Fahredin Hotit”.
Prof. Isuf Bajraktari: “Foli me përkushtim duke thënë se kjo monografi i kushtohet një prej figurave më të ndritura të historisë kombëtare shqiptare, Dr. Fahredin Hotit. Si mjek i devotshëm dhe patriot intelektual i palëkundur, ai u bë simbol i sakrificës sublime në rrugën e lirisë dhe të drejtave të shqiptarëve. Le të shërbejë kjo monografi si një urë mes të shkuarës dhe të ardhmes, që brezat e rinj të mos harrojnë se liria nuk është një dhuratë, por një arritje e fituar me shumë sakrificë, do të mbetet një simbol frymëzimi për të gjithë ne”.
Mona Juniku: “Dr.Fahredin Hotin në fjalën e saj me të drejtë konstatoj se ai ishte i lidhur ngusht me pacentët e tij dhe mbeti një fanar shprese dhe frymëzimi, duke na kujtuar të gjithëve fuqinë e dashurisë, dhembshurisë dhe ndjekjes së drejtësisë. Konsiderohej si dritë shprese për njerëzit e zakonshëm dhe shumë prej atyre që kanë pasur fatin të jenë pacientë të tij kanë folur me respekt e konsiderata të veçanta. Sa shumë jetë të reja kanë lindur në duart e tij të arta dhe sa shumë nënave ua ka kthyer buzëqeshjen, gëzimin dhe shpresën për jetën”.
Alejna Emini : “Dr. Fahredin Hoti ishte një nga figurat kyçe që ofroi shpresë për shumë banorë të Kosovës gjatë Luftës së Kosovës. Si mjek i angazhuar në kushte ekstreme, ai u bë një simbol i kurajës dhe dedikimit ndaj njerëzve, shpesh duke vendosur jetën e tij në rrezik për të shpëtuar të tjerët”.
Poetët të cilit i kishin kushtuar poezi Dëshmorit të kombit Dr. Fahredin Hotit, i deklamuan para të pranishmëve, ishin: Isuf Bajraktari, Remzi Basha, Idriz Gashi dhe Xhevrije Nimani Kurteshi. Këshilli Organizativ i formuar në kuadër të komunitetit shqiptar për përurimin e këtij libri, ndau “MIRËNJOHJE”, Post-mortum për Dr. Fahredin Hotin dhe Kreshnik Hoti, kurse “MIRËNJOHJE” ndan për Znj. Nexhmije Hotin dhe Mr. Besnik Hotin autorin e librit. Këto mirënjohje u dorëzun nga anëtarë të KO-së, Isak Bunjaku, Xhevat Isufi, Murat Koci dhe Mona Juniku.
Autori i librit z. Hoti në fjalën e tij shprehi falënderime për organizimin e përurimit të tij, kushtuar babait të ti Dr. Fahredin Hoti. Ai, foli edhe për punën e babait të tij, i cili asgjë nuk kishte kursyer për çështjen kombëtare. Autori nderoj të gjithë anëtarët e Këshillit Organziativ për punën e tyre duke u nda “MIRËNJOHJE”.
Valltarët e Shoqatës Kulturore “Dardanisa Danc”, me koregraf Naser Sopjanin, të veshur me kostume kombëtare, e ngjallën atmosferën me vallët e tyre, që po e ngrisin lartë kulturën dhe vallen shqipe në skenat e Suedisë.
Në emër Këshilli Organziativ z. Hysen Ibrahimi, Kryetar, ftoj që këto “MIRËNJOHJE” të ua dorëzojnë fëmijëve valltarë dhe koreografit z. Naser Sopjanit, Prof. Dr. Muhamet Shatri, Prof. Osman Ahmetgjekaj, Mona Juniku, Nezaqete Osmani dhe Violeta Hoxha.
*Suedi, Malmö, 23.02.2025
Në kuadër të takimeve me diasporën, për zgjedhjet e 11 majit, lideri i opozitës shqiptare Sali Berisha po zhvillon gjatë ditës së sotme një takim në Milano, Itali.
Opozita shqiptare po intensifikon angazhimin e saj me diasporën, duke e cilësuar atë si një faktor kyç në ndryshimin politik.
Në videot e dërguara në redaksinë e ‘Syri Televizion’, qindra shqiptarë i janë bashkuar takimit të sotëm, duke treguar mbështetjen për këtë forcë politike dhe dëbimin e menjëhershëm të narko-qeverisë Rama.
‘Rama ik’- është slogani i përdour nga qytetarët e pranishëm në sallë, të cilët ndër vite janë detyruar të jetojnë larg shtëpisë së tyre. sn
Drejtuesja politike e PD për diasporën, Jozefina Topalli ka zhvilluar një takim me shqiptarët e Bremenit, në Gjermani.
Duke publikuar pamjet e takimit përmes një postimi në rrjetet sociale, Topalli shprehet se diaspora ka fuqinë të përmbysë korrupsionin dhe të hapë një kapitulli të ri për Shqipërinë.
“Në Bremen, mes shqiptarëve të jashtëzakonshëm që me punë dhe përkushtim ia kanë dalë në emigracion, por që zemrën e kanë gjithmonë në atdhe. Një takim i ngrohtë, plot emocione dhe dashuri për Shqipërinë. Bashkë për të mos e lënë vendin tonë në harresë! 🇦🇱❤️ #Diaspora #ShqiptarëtNëBotë #BashkëPërShqipërinë” Diaspora eshtë fuqia e permbysjes se korrupsionit dhe e hapjes se nje kapitulli per nje Shqipëri te drejte.
Faleminderit Enea Bardhaj per organizimin e ketij takimi kaq te ngrohte e te vecante.
Faleminderit te gjithe motrave e vellerve shqiptare qe bene edhe 350 km me ardh ne takim ne Bremen.
Zoti bekofte familjet tuaja”. bw
Të shtunën e kaluar për nder të 17 Shkurtit, të 17 vjetorit shpalljes së Pavarësisë së Kosovës, në Spresiano (TV-Itali), në lokalin ‘Dea Caffe’ u mbajt mbrëmje e hareshme festive me rapsodët e mirënjohur kosovar, të “Bijtë e Bajram Bajes & Zenel Zekolli”.
Këngë e valle për Ditën e Pavarësisë
Pjesa më e hareshme e kësaj mbrëmje festive ishte me këngë të përzgjedhura nga repertorari i rapsodëve popullor në frymën e pastër kombëtare dhe jasht kornizave partiake.
Në intervale të caktuara, përpos këngëve patriotike nuk munguan as vellet me Tupan të luajtura për mrekulli nja i riu entuziast Drilon Bashota.
Mjeshtërit e vallëzimit Muamer Murtezani dhe Hasan Shala disa herë performuan në mënyrë briliante dhe profesionale para të pranishmëve me valle të bukura nga trevat shqiptare.
Pasioni dhe përkushtimi ndaj valles popullore, dëshira për të dhënë gjithçka nga vetja, në mënyrë të përkryer dhe të bukur, me këmbë në tokë me simbolikën e fluturimit të shqiponjes drejt lartësive, i bëri këta dy vallëtar që të duartrokiten disa herë me ovacione të gjata.
Në secilin aktivitet të mërgatës sonë ku janë prezent rapsodët nga Kosova, Zenel Zekolli dhe vëllëzërit Zymer dhe Taulant Gashi, mërgimtarët i mbushin përplot sallat dhe lokalet. Për çka, kësaj radhe kapacitetet e lokalit në Spresiano ishin tepër të ngushta për të zënë pjesëmarrësit e shumtë të kësaj mbrëmje festive.
Edhe një herë u dëshmua se shqiptarët e Kosovës kudo që janë festojnë me shpirtë e zemër për ditëlindjen e shtetit të tyre, të bashkuar si vëllezër të një gjaku pa dallime partiake apo fetare.
Ngjarja më e madhe e shekullit për shqiptarët
Kjo mbrëmje e hareshme dhe festive fillojë dhe përfundoj me këngë patriotike nga repertoari i pasur i Rapsodëve Popullor për 17 vjetorin e shpalljes së pavarësisë së Kosovës, shtetit të dytë shqiptar në Ballkan.
Këngët kushtuar lirisë dhe pavarësisë së shtetit tonë, përkatësisht luftës heroike të Ushtrisë Çlirimtare të Kosovës ishin në fokusin të këngëve të përzgjedhura të rapsodëve tonë, tashmë shumë të dashur dhe të adhuruar të mërgatës sonë, “Bijtë e Bajram Bajes & Zenel Zekolli”.
Pavarësia e Kosovës është rezultat i sakrificave të gjata shekullore, është rezultat i bashkërendimit të forcave intelektuale dhe ushtarake, është bashkrendim i penës dhe pushkës.
Pavarësia e Kosovës është e arritura më e madhe e shekullit. Andaj, e kemi për obligim ta ruajmë dhe forcojmë, ta zhvillojmë Republikën e Kosovës dhe çojmë përpara amanetin e dëshmorëve për bashkimin e trojeve tona etnike në një shtet të përbashkët shqiptarë.
Në mesin e mërgimtarëve pjesëmarrës, prezent në këtë mbrëmje festive ishte edhe afaristi i njohur Shefqet Gashi nga Sferka e Klinës (sponsor i shumë aktiviteteve të mërgatës sonë.
Kryetari i Partisë Demokratike Sali Berisha ka folur në gjatë konferencë për gazetarët për takimet që ka zhvilluar me diasporën në Greqi dhe Itali. “Motoja se me 11 maj shpëton Shqipëria atje ishte e ngulurit thellë në të gjithë qenien e emigrantëve dhe diasporës shqiptare”.
Berisha: Jam sot para jush për të paraqitur udhëtimin tim në Itali dhe Greqi si udhëtimin, do të thosha unë, më mahnitës, më emocionues, më energjizues të të gjithë vizitave të mia.
Udhëtimi në diasporë është një udhëtim drejt sakrificës njerëzore të pafundme, mallëngjimit njerëzor, vuajtjes njerëzore, mallit të pashuar, por edhe dhimbjeve të shumëllojta.
Por, udhëtimi në diasporë është një udhëtim drejt suksesit mahnitës të shqiptarëve.
Atje takon qytetarë shqiptarë që janë në përpjekjet e para për ndërtimin e ëndrrës së tyre.
Por takon edhe të atillë që kanë ndërtuar një ëndërr madhështore dhe janë bërë emër i madh në qytetin, në qarkun, pse jo në gjithë Italinë dhe Greqinë.
Por tani, meqenëse jemi në fushatë, ajo që mund t’u them unë ju se në këtë udhëtim unë gjeta atë mbështetje, atë shpërthim energjie dhe optimizmi, atë entuziazëm, i cili është identik me entuziazmin elektoral të vitit 1991.
Nuk mund të imagjinohet shpërthimi i ndjenjave, i optimizmit, i vendosmërisë, i entuziazmit që në këto zgjedhje të shpëtohet Shqipëria.
Motoja se me 11 maj shpëton Shqipëria atje ishte e ngulurit thellë në të gjithë qenien e emigrantëve dhe diasporës shqiptare.
Ndaj dhe nuk mund të mos e cilësoj këtë udhëtim në botën e fitores.
Ky udhëtim treditor ishte udhëtim në fitore.
Një fitore e thellë, një fitore e cila kishte shpëtimin e Shqipërisë si gëzimin më të madh të shqiptarëve. Si misionin më të rëndësishëm të tyre. sn
Pasditen e sotme kryetari i PD-së, Sali Berisha do të zhvillojë një takim me emigrantët shqiptarë në Athinë.
Atmosfera duket se do të jetë e zjarrtë, pasi shqiptarët që jetojnë e punojnë në Athinë i kanë rezervuar një pritje entuziaste që në aeroport kryedemokratit Sali Berisha dhe drejtuesve të PD që e shoqërojnë.
Takimi i Athinës do të nisë në orën 18:00 dhe do të zhvillohet në ‘Stadiumi Paqe dhe Mirësi, salla: Melina Mërkuri, Neo Faliro-Athinë’.
Një ditë më parë, mijëra shqiptarë i rezervuar një pritje madhështore kryetarit të PD-së, Sali Berisha në Parma, Itali, ku u zhvillua një takim i zjarrtë. sn
Pas takimit madhështor me diasporën në Parma të Italisë, lideri i Partisë Demokratike Sali Berisha do të marrë pjesë këtë të diele në një takim tjetër të rëndësishëm.
Kësaj radhë do të jetë Athina që do presë kreun e opozitës shqiptare ku ai do të shpalosë para shqiptarëve që jetojnë e punojnë në vendin fqinj programin e Partisë Demokratike për zgjedhjet e 11 majit.
Njoftimin për takimin e ka ndarë vetë kreu demokrat në një postim në faqen tij në facebook.
Mesazhi:
Nesër na pret një tjetër takim madhështor me diasporën shqiptare, Athinë, Greqi.
Datë 23 Shkurt
Ora 18:00
Athinë, Greqi
STADIUMI PAQE DHE MIQËSI, SALLA: MELINA MERKURI, Neo Faliro
DIASPORA ZGJEDH ATDHEUN
Kryetari i PD, Sali Berisha zhvilloi këtë të shtunë në Parma një takim entuziast me diasporën shqiptare. Lideri i opozitës tha se “në Shqipëri po ndodhin zhvillime të mëdha”, duke shtuar se “narkoshteti po pëson vdekje klinike”.
Sali Berisha: Nga këto takime në dasporë po firmosim shpëtimin e Shqipërisë, përmbysjen e narkoshtetit. Kjo, sepse jo vetëm se vota juaj është sot më e çmuar se kurrë në historinë e Shqipërisë por sepse optimizmi, entuziazmi, energjia e këtyre takimeve, e paparë që nga vit 1990 po çon peshë zemrat e shqiptarëve në Shqipëri dhe kudo në botë.
Këto takime po bindin çdo shqiptar se ne po kthehemi fuqishëm për të mirën e mbarë shqiptarëve, për të mirën e Shqipërisë dhe të miqve të saj.
Në këto 2 javë kanë ndodhur zhvillime të mëdha që kanë dridhur themelet e narkoshtetit, që po e fusin në vdekje klinike, në koma. Në Romë ju thashë se Rama është rreziku kombëtar për shqiptarët, është Çubrilloviçi shqipfolës. Ka ndërtuar narkoshtetin e parë dhe të vetëm në Europë. 5 ditë pas takimit, në Mynih, Vance do t’ia plaste në fytyrë tiranit, do t’i thoshte Europës se problemi ynë është persekutimi dhe arrestimi i liderve të opozitës, përpjekja për të marrë mandate duke arrestuar liderët e opozitës… A kishte në atë sallë ndonjë lider që kishte arrestuar opozitën si Edi Rama? Asnjë të vetëm. A kishte në atë sallë një njeri i cili kishte marrë vendim për të censuruar mjetin më të fuqishëm të komunikimit TikTok-un, vetëm se rinia nuk i ndahet kundër tij.
Nënkryetari i PD, njëkohësisht i deleguari politik për Qarkun e Durrësit, Oerd Bylykbashi nga Parma e Italisë u shpreh se ishte e pabesueshme që vota e diasporës do realizohej ndonjëherë, kur më 2012 ia kërkoi kryeministri i asokohe Sali Berisha. Edhe pse kundër kishte opozitën e atëhershme të Edi Ramës, Bylykbashi tha se sot ia dolëm që shqiptarët të votojnë të lirë nga jashtë vendit për të ndryshuar të ardhmen e Shqipërisë.
Bylykbashi theksoi gjithashtu se Rama e sheh diasporën thjesht si numër dhe burim të ardhurash, që mund të mbajnë të afërmit që kanë lënë në Shqipëri. Ai u bëri thirrje bashkëatdhetarëve të votojnë më 11 maj për programin e PD që kërkon rikthimin dhe ripopullimin e vendit me shqipatrët e larguar, dhe përmes kësaj t’I japë edhe një ‘shuplakë’ patronazhistëve të Ramës dhe krimit të organizuar.
“Kur kryeministri Berisha më 2012 më tha të luftoja e të përpiqesha të fusja votën e diasporës, nuk besoja se do realizohej, e opozita e asokohe dhe Rama e kundërshtonte. Ja ku jemi sot, e mund të bëheni bashkëaksionerë të ndryshimit në Shqipëri. Ju s’ju kanë sjellë patronazhistët e Ramës por keni ardhur me dëshirë në këtë moment të jashtëzakonshëm ndryshimi për shqiptarët. E keni gjetur evropën, e kemi për detyrë ta bëjmë Shqipërinë Evropë. Jeni më shumë se gjysma e 4 mln e 700 shqiptarëve. Forca juaj është forcë e jashtëzakonshme transformuese.
Ju jeni forcë transformuese e pasuri për çdo komb. Do t’ju kishte çdo komb zili, pasi ju mund të transformoni Shqipërinë edhe njëherë. Për Ramën jeni vetëm numra, pasi ai ju sheh vetëm si burim të ardhurash , ju sheh si statistikë turistësh, e s’ju sheqh si shqiptarë për të kontribuar për atë vend. Rama refuzon të pajisë me të drejtën e votës që nuk kanë një dokument biometrik shqiptar.
Më 11 maj, Rama ka vetëm një ofertë me patronazhistët e krimin e organizuar, do t’u rrëmbejë shqiptarëve 4 vite jetë, Por PD me Berishën ka 1 ofertë, ndryshimi i Shqipërisë, që sot është çiflig i Ramës në një vend për këdo që dëshiron të kthehet, Me votë tuaj do ta ndryshoni Shqipërinë për mirë, kërkon ripopullimin e vendit e shqiptarëve, ky është program qeverisës i PD”, tha ai.
Sekretari i Përgjithshëm i Partisë Demokratike, Flamur Noka, ka marrë pjesë në takimin e sotëm të PD me shqiptarët në Parma, Itali, ku ka përcjellë mesazhin e mobilizimit për zgjedhjet e ardhshme.
Në fjalën e tij, Noka e cilësoi këtë moment si historik, duke theksuar se vota e shqiptarëve do të jetë vendimtare për largimin e qeverisë aktuale, të cilën ai e quajti “një nga më të korruptuarat dhe më të inkriminuarat në Evropë”.
“Jemi vetëm 2 muaj e gjysmë larg ditës kur do ta çlirojmë Shqipërinë nga ky regjim. Ky është një detyrim para kombit, para të rinjve, familjarëve, pensionistëve dhe të gjithë shqiptarëve të larguar nga vendi. Ne si PD dhe si opozitë kemi një mision dhe do ta realizojmë së bashku,” tha Noka.
Ai u bëri thirrje shqiptarëve të marrin pjesë masivisht në zgjedhje, duke e cilësuar votën si jetike për ndryshimin politik të vendit.
“Shqiptarët kudo në botë janë bashkuar rreth Partisë Demokratike dhe Sali Berishës. Ora e ndryshimit po troket dhe ju jeni ata që do ta mundësoni me votën tuaj,” shtoi ai.
Në fund, Noka apeloi që të mos neglizhohet regjistrimi për të votuar, duke theksuar se “vota juaj është shpresa e Shqipërisë”.
Kryetari i Partisë Demokratike, Sali Berisha, ka vijuar turin e takimeve me diasporën shqiptare, ku sot është pritur nga emigrantët shqiptarë në Parma, Itali.
Gjatë fjalës së tij, Berisha ndau detaje nga vizita e tij në Romë, ku u takua me Chris LaCivita, të cilin e cilësoi si “kryestrategun dhe kryemagjistarin e fushatës së Donald Trump”.
“Edi Rama u tmerrua kur e pa. E kuptoi humbjen e tij dhe menjëherë nisi propagandën, duke pretenduar se LaCivita ishte blerë nga Berisha. Po ai ngatërroi LaCivita me McGonigal-in,” u shpreh Berisha.
Ai vijoi duke cituar një gazetar italian, i cili sipas tij ka zbuluar një marrëveshje mes Ramës dhe ish-zyrtarit të FBI-së, Charles McGonigal, për të shkatërruar opozitën në Shqipëri.
“Këtë herë, postimi i tij nuk mbeti i heshtur, sepse Chris LaCivita e shpërndau. Dhe unë i them Edi Ramës: hija e McGonigal-it do të të ndjekë deri në ditën e fundit të jetës tënde,” deklaroi ai.
Berisha theksoi gjithashtu mbështetjen e LaCivitës dhe administratës së Trump për Partinë Demokratike, duke e cilësuar këtë si një sinjal të qartë se PD është aleatja e vërtetë e Shteteve të Bashkuara.
“Të nesërmen e largimit tim nga Roma, para shqiptarëve u paraqita me kryestrategun, kryemagjistarin e fushatës së Donald Trump, presidentit të SHBA, Chris LaCivita. Shkallmoi Edi Rama, u tmerrua. E pa me sy humbjen, fatalitetin e tij dhe menjëherë me mediat e tij deklaroi se LaCivita u ble nga Berisha. Po të ishte puna për të blerë, po ai e ngatërroi LaCivita me McGonigal-in.
Kam një lajm për ju sot. Një gazetar i madh italian shkruante sot, e kam të paqartë marrëveshjen Rama-McGonigal sepse drejtësia e Biden e mbajti të fshehtë një marrëveshje ku ai mori ryshfet 225 mijë dollarë. Ajo ishte marrëveshje për shkatërrimin e opozitës në Shqipëri. Kësaj radhe postimi i këtij gazetari nuk mbeti pa u publikuar sepse Chris LaCivita e shpërndau dhe ja ku po i them Edi Ramës se hija e McGonigal-it do të të ndjekë deri në ditën e fundit të jetës.
Kryemagjistari i rikthimit më të madh në histori, presidentit Donald Trump e tha haptaz që është këtu për të mbështetur PD dhe Sali Berishën. Për Shqipërinë madhështore dhe aleate e mike të vërtetë të SHBA-ve”, tha Berisha.
Kryetari i Partisë Demokratike, Sali Berisha, ka vijuar takimet me diasporën shqiptare, ku sot është pritur nga emigrantët në Parma, Itali.
Gjatë fjalës së tij, Berisha bëri një krahasim historik mes rënies së kryeqyteteve dhe fundin e diktaturave, duke paralajmëruar fundin politik të kryeministrit Edi Rama pas arrestimit të kryebashkiakut Erion Veliaj.
“Në historinë e regjimeve, kur bie kryeqyteti, diktatura është e pashpresë. Ra Tripoli, iku Gadafi. Ra Damasku, iku Assadi. Ra Tirana, do thyejë qafën Edi Rama!” – u shpreh Berisha, duke i mëshuar idesë se opozita është pranë një fitoreje vendimtare.
Ai gjithashtu akuzoi qeverinë dhe kryebashkiakun Erion Veliaj për shpërdorim të fondeve publike, duke e lidhur këtë me stilin e jetesës së familjes Veliaj. “Rama përpiqet të bindë shqiptarët që Velica të ketë garderobën identike me gruan e Assadit, e tëra e bazuar në vjedhjen e taksave të qytetarëve të Tiranës nga Erion Veliaj,” tha ai.
Kryetari i Partisë Demokratike, Sali Berisha, ka vijuar turin e tij të takimeve me diasporën shqiptare, ku sot është pritur nga emigrantët në Parma, Itali.
Gjatë fjalës së tij, ai bëri një krahasim mes sulmit ndaj presidentit amerikan Donald Trump dhe incidentit të ndodhur ndaj tij në Tiranë në 6 dhjetor të vitit 2022.
“Janë dy foto miq. Foto e Trump kur tentuan ta vrasin në Butler, por është edhe një tjetër, kur Rama dhe klika e tij nxori para Sali Berishës një agjent të policisë kriminale dhe më goditi me shpresën se nuk do flisja më,” deklaroi Berisha.
Ai e cilësoi këtë si një përpjekje për ta ndaluar politikisht, duke e krahasuar me sulmet ndaj liderëve të opozitës në vende të tjera. “E njëjta e keqe, të njëjtat tentakula, si në SHBA edhe në Shqipëri,” tha ai, duke e akuzuar qeverinë për veprime të orkestruara kundër tij dhe opozitës.
Berisha theksoi se pavarësisht këtyre akteve, ai dhe Partia Demokratike do të vijojnë betejën e tyre për ndryshimin politik në Shqipëri.
Kryetari i Partisë Demokratike, Sali Berisha, ka deklaruar se qeverisja e PD-së do të sjellë ndryshime të shpejta dhe të thella për qytetarët shqiptarë. Në një deklaratë për mediat, ai theksoi se synimi kryesor i opozitës është përmirësimi i kushteve ekonomike dhe rritja e mirëqenies.
“PD angazhohet për një transformim rrënjësor, të shpejtë. Me vendosjen e minimumit jetik, me rritjen me 25% të rrogës minimale, me rrogën mesatare 1200 euro – këto për 3 muajt e parë të qeverisjes së saj,” tha Berisha.
Ai u ndal edhe tek gjendja e ekonomisë shqiptare, duke kritikuar modelin aktual të zhvillimit. Sipas tij, Shqipëria, ndonëse një vend i pasur me burime, nuk arrin të sigurojë mirëqenie për qytetarët. “Ne do të bëjmë çdo gjë që Shqipëria, vendi më i pasur me 28 mijë km² që mund të ekzistojë, të prodhojë të mira e begati për qytetarët e saj,” theksoi ai.
Lideri i opozitës foli edhe për sektorin e turizmit, duke e cilësuar atë si të keqmenaxhuar dhe të ndërtuar mbi një platformë “koloniale”. Ai solli në vëmendje diferencën mes Shqipërisë dhe Malit të Zi në regjistrimin e netëve të fjetjes nga turistët, duke e cilësuar këtë si tregues të një administrimi të dobët.
Berisha ngriti gjithashtu shqetësimin për rënien e investimeve të huaja dhe të eksporteve, duke akuzuar qeverinë për mungesë vizioni ekonomik. “Investimet e huaja? Askush nuk vjen të investojë në Shqipëri. Eksportet? Nga vjet në sivjet 32% më të ulëta,” deklaroi ai.
Kryetari i Partisë Demokratike, Sali Berisha, ka prezantuar vizionin e tij për një Shqipëri moderne dhe të zhvilluar teknologjikisht. Në një deklaratë të fundit nga takimi me emigrantët shqiptarë në Parma, ai theksoi se objektivi kryesor i programit të PD është krijimi i një Shqipërie ku qytetarët mund të jetojnë normalisht dhe të ndërtojnë të ardhmen e tyre brenda vendit.
“Programi ynë synon, para së gjithash, një Shqipëri ku jetohet normalisht. Shqipëria Madhështore kërkon që ëndrrat e bijve të saj të ndërtohen në Shqipëri me mënyrat më të avancuara që ka koha!” deklaroi Berisha.
Sipas tij, Shqipëria duhet të bëhet një qendër rajonale e inovacionit dhe teknologjisë së lartë. Ai theksoi se vendi ka potencialin për t’u shndërruar në një lider në fushën e blockchain-it, kriptomonedhave dhe inteligjencës artificiale.
“Shqipëria duhet të bëhet epiqendra e internetit 3, blockchain-it, kriptomonedhave, inteligjencës artificiale! Ky është qëllimi im më madhor i jetës sime në këtë stad,” u shpreh ai.
Balkanweb
DARDHA E RRUSHI- Fabul nga ANDREA ZALLI
Albana Alimehmeti Kepi (Alba Kepi) Gazetare, shkrimtare, aktiviste në mbrojtje të identitetit historik të Tiranës
Rruga e hebrejve në Vlorë merr emrin e personalitetit të shquar hebre Dr.Anna Kohen Nga Elida Buçpapaj
Lech Wałęsa i shkruan Trumpit: Ndjeva tmerr dhe neveri pas debatit tuaj me Zelenskyn
PSE DUHET NGRITUR SHTËPIA MUZE NË NDER TË 146 SHKRIMTARËVE, ARTISTËVE DHE PËRKTHYESVE QË U DËNUAN, U BURGOSËN, VDIQËN NË BURGJE NGA TORTURAT, U EKZEKUTUAN APO U PERSEKUTUAN NGA REGJIMI KOMUNIST GJATË PERIUDHËS 1944-1990, NË NDËRTESËN E ISH-LIDHJES SË SHKRIMTARËVE DHE ARTISTËVE TË SHQIPËRISË Nga dr. Mujë Buçpapaj, studiues i letërsisë
Ish-ministri socialist shpërthen ndaj Ramës: Ke kostum firmato të lyrosur nga babëzia
Vizita e shefit të NATO-s si rikonfirmim për praninë e forcave evropiane në Kosovë
Administrata Trump mbyll mbi 80% të programeve të USAID-it
Aleanca për Shqipërinë Madhështore- Berisha: Ky është koalicioni më i fuqishëm në 32 vite, përfaqëson shumicën absolute
A e ndau vërtet Moisiu Detin e Kuq? Ekspertët zbulojnë një bazë shkencore për historinë biblike
Situata e sigurisë në Ballkan është seriozisht e lëkundur, thotë Vuçiq
Rutte: Nuk do të lejojmë që të rrezikohet paqja në Bosnje
sa ngjan me nje kopjo