NJË DIELL VALLËZON NË ROGANË- Poezi nga ATDHE GECI

February 1, 2025

Njëqind lisa të malit  të  babait  komunistët  i  prenë

për minierën e  sapunit  ( humzës ) në  fshatin  fqinj

toka qau me lot, me lot qau  dhe  shtëpia, pushtuesi

nuk pagunte, i quante teprica të pasurisë për shtetin

sëpatën na e djegën, bishtin  e saj e morën me vete

e ne u desh të prisnin gjysmë  shekulli  që  filizat  të

bëheshin lisa, druj në shëndetin e  tyre  të  mirëfilltë.

Toka e malit u zemëruan,pse heshtni zullumi këputet

prej  së trashi, hapeni  idetë tua  për  kohën, ky mal

nesër do shndërrohet në laps, në libër, në të ardhme.

Njerëz, libri dhe shkollimi janë arma që  i  bie grusht

pushtuesit! Me një laps mund ta presim një pyll, me

shkollë ne mund të çlirojmë vendin tonë nga prangat

Parullat Serbe për Kosovën  në  Roganë dëgjoheshin,

“Vrisni shqiptarët  për  të mbijetuar Serbinë çetnike!”

Intelektualët e zgjuar burgosni, mos  u  leni  libër në

shtëpi, kontrolloni hambarët e tyre, bukën në magje

çirrej krimineli Rankoviq , një  kasap  për  shqiptarët

Rankoviqi shprehej, shqiptarët  s´duhet të kenë fare

kontakt me librat e historisë  së tyre dhe gjeografinë,

dhe as frekuentim masiv nëpër shkolla. Shqiptarët e

pashkolluar janë skllevër të mirë  shprehej një Jovan

Milenkoviq, një ish shef i UDB-së në Gjilan e Dardanë

Po ku rri rehat shpirti  kuq  e  zi i zemrës së Roganës

ku rri e heshtur dora e vënë nën pranga e kërcënime

ku rri e qetë dashuria për atdheun  dhe bashkimi me

Shqipërinë, dijësit dhe libri do  ta  bashkojnë kombin

kjo është e shkruar  që nga pellazgët e lashtë e Iliria.

Është e çuditshme  por  është e vërtetë, familja Geci

në Roganë bibliotekën  e  kishim  në pleme, mbuluar

me kashtë, talla  e  me  sanë, unë si nxënës i fillores

në pleme  e  kaloja  kohën  e  lirë  për  lexim. Në atë

bibliotekë ne  kishim  rreth  dyqind  libra  të  botuara

në Shqipëri , këto  libra  i  kishin  sjellë  babai Limoni

dhe vëllai im Prof. dr. Shaban Geci, dhe  Mr.Tefik Geci

Por më vonë pasi arsimi  mori  hov, ne  bibliotekën  e

transferuam n´tavan dhe, aty e përshtatëm për lexim

Limon Geci ishte i vetmi i gjeneratës së tij që e kishte

lexuar librin e famshëm të Marin Barlecit, Skënderbeut

Në tavan të shtëpisë ishte “salla” e leximit për fëmijët

hafijet e armikut  e  përgjonin  çdo  lëvizje të ideve në

shtëpinë tonë. Nga brenda gardhit të shtëpisë, L. Geci

ne shikonim  gurin  e  mysët  të  Lisit  të  Cukelit, dhe

ëndrrat plotë dritë të Roganës përtej tër asaj errësire!

Po ku rri rehat shpirti kuq  e  zi  i  zemrës së Roganës

ku rri e heshtur  dora  e vënë nën pranga e kërcënime

ku rri  e  qetë  dashuria për atdheun dhe bashkimi me

Shqipërinë, shkolla  dhe  libri po e bashkojnë Atdheun!…

Atdhe Geci – Poezi nga dorëshkrimte

• twitter

  Follow
• facebook
• linkedin

Fjalë kyçe: ATDHE GECI