Afrimi i ditëlindjes së 80-të të shkrimtarit të famshëm shqiptar Ismail Kadare ka nxitur botuesin dhe studiuesit në Tiranë të përgatitin botime të reja të romaneve të tij. Akademia e Shkencave e propozoi për çmimin “Nobel”, ndërsa shtëpia botuese “Onufri” sapo nxori nga shtypi një seri veprash të tij në formate të vogla dhe po përgatit botimin e plotë të krijimtarisë së Ismail Kadaresë në 7 vëllime.
Edhe pse po mbush 80 vjeç, shkrimtari më i famshëm shqiptar Ismail Kadare, vazhdon të krijojë plot energji dhe të ndiqet nga miliona lexues e admirues në Shqipëri, Ballkan dhe anembanë botës, i përkthyer në 45 gjuhë të botës.
Botuesi shqiptar i Kadaresë, Bujar Hudhri, e çeli shtëpinë botuese “Onufri” mbi 20 vjet më parë dhe qysh nga fillimi bashkëpunoi ngushtë në botimin e shkrimtarin e famshëm, krahas botimit të autorëve të tjerë të njohur si Lasgushi, Martin Camaj etj.
“Shqipëria është një terren i vështirë për të bërë biznes, sidomos kur ky biznes quhet shtëpi botuese. Por unë kam mbi 20 vjet që botoj. Po aq kam edhe vite bashkëpunimi me shkrimtarin tonë të madh Ismail Kadare. Ajo që unë kam kupttuar gjithë këto vite është një gjë shumë e rëndëishme: ishte besimi te letërsia e tij, një besim i ngjashëm si tek Hyjnia, po të perifrazoj një shprehje të Kadaresë, që e ka thënë diku, që unë jo vetëm të mbijetoj në këtë biznes të vështirë, por të kem ëndrrën, të kem kurajon, të realizoj, të botoj veprat e plota me financat e shtëpisë time botuese, veprën e plotë të Lasgush Poradecit, veprën e plotë të Martin Camajt dhe dhjetëra libra të shkrimtarëve të tjerë shqiptarë këtu dhe jashtë kufijve të Shqipërisë” – thotë zoti Hudhri.
Akademia e Shkencave të Shqipërisë sapo e ka propozuar sërish për çmimin Nobel, ndërsa shtëpia e tij botuese “Onufri” ka aktualisht në proces botimi e ribotimi 15 romane e novela në format të vogël.
“Ramë në një konsensus, që më së fundi të botojmë ato libra dhe unë jam i lumtur që pothuaj e gjithë vepra e Kadaresë është tani edhe në formën e librit të thjeshtë për lexuesit, me kopertinë të butë, me çmime të arsyeshme dhe që janë një gëzim sigurisht për lexuesin, dhe madje shumë veta nga brezi i ri nuk e kanë ditur që këto libra ekzistojnë, sepse ishin harruar prej vitesh” – thotë Bujar Hudhri, drejtuesi i shtëpisë botuese “Onufri”.
Akademia e Shkencave e Shqipërisë e propozoi këtë vit Ismail Kadarenë për të marrë çmimin Nobel në Letërsi. Drejtuesja e departamentit të albanologjisë në Akademinë e Shkencave, akademikja Floresha Dado, thotë se ai është një titull i merituar për shkrimtarin Ismail Kadare.
“Akademia e Shkencave dërgoi zyrtarisht, përsëriti edhe një herë tjetër, kërkesën në Komitetin e Nobelit të Akademisë Suedeze për t’i dhënë çmimin Nobel. Në këtë kërkesë ne kemi shtuar si argumente të tjera jo vetëm përmasat e jashtëzakonshme botërore që ka Kadare, faktin që vepra e tij është përkthyer në 45 gjuhë të botës, që për të kanë shkruar kritikë me vlerësime maksimale në vende të ndryshme të botës. Kadare është bërë pjesë e jetës shpirtërore të shumë popujve nëpër botë. Nuk e di se çfarë duhet të bëjë më shumë një shkrimtar për të marrë çmimin Nobel se sa të botohet në gjithë botën dhe të shkruajë vlerësime të larta për artin e tij kritikë të njohur nga gjithë bota, dhe që të marrë edhe shumë çmime të tjera të rëndësishme ndërkombëtare” – thotë akademike Floresha Dado.
Nga ana tjetër, zoti Hudhri theksoi se ka besim dhe admirim të madh për veprën e Ismail Kadaresë dhe ky ishte çelësi, që forcoi bashkëpunimin mes tyre.
“Jam i lumtur që kam arritur ta mbaj të pranishëm Ismail Kadarenë për lexuesin shqiptar gjithë këto vite të vështira kur gjithçka është jonormale; libraritë, biblioteka, lexuesit që nuk i kap dot, vështirësitë e komunikimit. Kemi arritur që kjo vepër të bëhet e dashur për lexuesit siç ka qenë.” – thotë zoti Hudhri.
Profesore Floresha Dado ka shumë vite që studion letërsinë, që lexon autorë të shumtë modernë dhe të traditës shqiptarë e të huaj, dhe thekson se pa dyshim Ismail Kadare përmban vlera të rralla në artin e tij
“Kadare është autor i një përmase të jashtëzakonshme. Ai është prozator dhe eseist i jashtëzakonshëm, një mendimtar i madh në esetë e tij, dhe është një qytetar me ndjeshmëri shumë të madhe përgjegjshmërie ndaj vlerave të kombit të tij. Këto vlera të kombit të tij ai si krijues i përhapi kudo në arenën ndërkombëtare” – thotë zonja Dado.
Krahas botimit të 15 librave në format të vogël, shtëpia botuese Onufri po boton këtë vit në 7 vëllime gjithë veprën e Ismail Kadaresë. Seria e re përmban më shumë vepra të Kadaresë dhe me cilësi më të lartë shtypi se ajo e 10 viteve më parë me 20 vëllime.
“Krejt natyrshëm unë do t’ja uroja shkrimtarit tonë të madh ditëlindjen, bashkë me urimin që besoj i bashkon të gjithë shqiptarët, që ky të jetë viti i Nobelit të tij, i bindur që ky çmim i vlen më tepër Shqipërisë, kulturës shqiptare, gjuhës shqipe se sa vet atij” – thotë zoti Hudhri.
Ndërkohë që Kadare vazhdon të krijojë, për veprat e tij janë kryer shumë studime brenda dhe jashtë vendit, megjithatë studiuesit besojnë se krijimtaria e tij ende ka plot mistere dhe shtresime vlerash artistike, që duhen zbuluar dhe trajtuar si një pasuri e kulturës shqiptare.
“Në të vërtetë për Kadarenë janë bërë shumë studime, artikuj studimorë dhe në Universitet janë dhënë shumë tema doktorature, të huajt kanë shkruar, por asnjëherë nuk mjaftojnë. Vepra e tij është një minierë e pashtershme. Sa herë që lexon veprat e tij zbulon një univers tjetër. Kjo është magjia e shkrimtarit të vërtetë si Kadareja. Një shkrimtar i madh si Kadareja të bën të mendosh, sa herë e lexon, se nuk ke zbuluar gjithçka dhe ke përsëri të reja për të zbuluar” – thotë zonja Dado.
Pas festimeve që po bëhen në janar për ditëlindjen e shkrimtarit Ismail Kadare, Akademia e Shkencave po përgatit për në prill një konferencë shkencore për antarin e saj të hershëm mbi ndikimin e tij në letërsinë shqiptare dhe botërore si dhe për marrëdhëniet e veçanta artistike që ai ka me Kosovën.
Po mbahet sot protesta e qytetarëve në lidhje me vrasjen e 14-vjeçarit Martin Cani.
Një nga protestueset ka lexuar një sms që pretendon se i është dërguar nga nëna e viktimës.
Me fjalë dhimbjeje, nëna e vogëlushit tashmë të ndjerë shkruan se i biri ishte i mbushur me ëndrra të cilat ia morën, ndërsa shton se nuk ka fund mirënjohja për personat që iu gjendën të birit në momentet e tij të fundit në këtë jetë.
“Na ka lënë pas një boshllëk që nuk do të mbushet kurrë. Falenderoj popullin shqiptar për mbështetjen në këto momente të vështira. S’di sa mirënjohëse jam për ata që ju gjenden aty Martinit në momentet e tij të fundit.
Martini ishte i mbushur me ëndrra dhe jetë, ja morën të dyja. Si nënë që jam uroj që askush të mos provohet më një dhimbje të tillë. Me respekt Florina dhe Angel Cani”, shkruan e ëma e 14-vjeçarit në mesazh.
Mijëra qytetarë shkodranë i janë bashkuar thirrjes së opozitës për të marshuar në qytetin e Shkodrës kundër krimit politik i cili po merr jetë njerëzish të pafajshëm çdo ditë e më shumë, ku më së fundi u vranë tre persona në një atentat kriminal në mes të ditës.
Në shenjë solidariteti me qytetarët e ndershëm dhe të lirë të Shkodrës, opozita me në krye Partinë Demokratike ka ndërmarrë një marshim civil në pedonalen e qytetit.
‘Qytetnimi asht ma i fortë se krimi! Po na vrasin, duhet reagim’, është pankarta gjigante që mbajnë në duar qytetarët, ndërkohë që marshojnë në rrugët e qytetit. sn
Deputeti Tomorr Alizoti në një deklaratë për mediat përpara drejtorisë së policisë në Elbasan është shprehur që policia është sjellë në mënyrë shumë të dhunshme kundër protestuesve paqësorë.
Alizoti i ka bërë thirrje demokratëve që të rezistojnë pasi kur regjimet janë të frikësuar bëjnë presion dhe kur nuk bëhet më politikë prodhohet polici dhe kur dhuna është prezente shteti është në kulmin e dobësisë.
“Unë kam qenë drejtues i një qarku të majt si Berati dhe policia nuk ishte në këtë formë që është policia e Elbasanit. Vetë në Elbasan kam parë makina policie me xhama të zinj që nuk i ndaj dot nga gangsterat. Ne kemi përgjimet në SKY që drejtori i policisë së Elbasanit që komunikon me banditët.
Nëse ata do të merren me qytetarët e thjesht që protestojnë, asi njerëzit nuk protestojnë në atmosferë, por në tokë se aty jetojnë. Protesta është zemërim. Përse njerëzit protestojnë në Berlin ose Greqi duke e zënë rrugën, pasi kërkojnë të prodhojnë një anomalitet për të treguar zemërimin e tyre. A e dini ju që drejtorë policie janë arratisur, policia është bashkautorë në krim, drejtorët kanë vila kudo dhe policia e shtetit është shumë e dhunshme. Nuk ka një drejtues policie që të thotë një emër të kriminelëve.
Përse duhet të sillen policët si horra me makina 100 mijë euro ndër qytetarët jetojnë me 5 euro.
Ne nuk e lëmë këtë punë, për mua është pasion të luftoj kundër pisave. Ambulancat janë rrengje që vijnë bosh, kur bën Veliaj bën maratonë nuk vjen asnjë ambulance ndërsa sa të bëjmë ne një protestë vijnë ambulancat pa fund. Hapi jonë është rezistencë, ne u sollëm si qytetarë me policinë por nëse policia sillet si garipe me ne do të përballemi më fort.
I bëj thirrje demokratëve të protestojnë, të rezistojnë pasi kur regjimet janë të frikësuar bëjnë presion dhe kur nuk bëhet më politikë prodhohet polici dhe kur dhuna është prezente shteti është në kulmin e dobësisë.” sn
Pas rreth dy orë nga momenti i nisjes së protestës së opozitës në 6 pika nevralgjike, një prej të cilave është te ish-sheshi Shqiponja, kanë nisur edhe tensionet e para.
Kjo për faktin se forcat e policisë janë pozicionuar për të shpërndarë protestuesit e mbledhur në këtë pikë.
Deputetët e PD-së, Albana Vokshi dhe Asllan Dogjani, dhe më parë Flamur Noka, i kanë drejtuar një thirrje policisë që të mos provokojnë.
Një kordon policor i FNSH, me skafandra dhe mburoja, janë pozicionuar, ndoshta në një tentativë për të ndërhyrë dhe për të shpërndarë protestuesit.
“Shtyhuni andej, nëse ju provokon dikush jam unë këtu. Ikni, merrem unë me protestuesit, nëse dikush ju proteston. Mbani pozicionin tuaj, deri në orën 20:00 do jemi ne këtu. Shtyjuni, mos na provokoni”, iu drejtua Dogjani, disa punonjësve të policisë, të vendosur në kordon.bw
Ndryshe nga sa po shohim në të gjitha akset rrugore kryesore të vendit, ku ka nisur tashmë mosbindja civile me bllokimun e rrugëve, një qytetar ka qëndruar krenar përballë Policisë, duke protestuar në një formë ndryshe.
Kjo e fundit e pajisur deri në ‘dhëmbë’ me skafandra e shkopinj gome, qytetari ka gjetur një mënyrë tejet suprizuese për t’i ‘sfiduar’.
I veshur me veshje kombëtare dhe plis në kokë, hipur mbi kalë, qytetari në rrethrrotullimin e Milotit ka gjetur ketë formë për të protestuar.
Me sa duket, kali i ka ‘trembur’ policët, që siç duket edhe nga pamjet, po përpiqen të mbrohen duke u grumbulluar së bashku, gati për sulm… sn
Ashtu siç kishin paralajmëruar, qytetarët kanë dalë në prodtestë këtë të martë, duke bllokuar akset kryesore në vend, në atë që e cilësojnë mosbindje civile.
Në Milot, në rrethrrotullim, drejtuesit e automjeteve kanë fikur makinat e tyre në shenjë solidarizimi me qytetarët, të cilët shprehen kundër këtij regjimi dhe situatës në të cilën ndodhet vendi.
Në rrethrrotullimin e Milotit, siç raporton gazetari i Syri Tv në terren, Fatjon Gjinaj, janë bllokuar të dy krahët e autostradës së veriut,
Kryeministri Edi Rama edhe këtë të dielë është përballur me mllefin e shqiptaro-amerikanëve në Nju Jork, teksa priste të kalonte në anën tjetër të rrugës së bashku me ministrat dhe stafin që e shoqëron në vizitën e tij në SHBA.
Në pamjet e siguruara nga Syri.Net, tregohet se si kryeministri Rama dhe ministrat e tij poshtërohet nga shqiptarët në rrugët e Nju Jorkut.
Video tregon momentet se si një grup shqiptarësh atje, i drejtohen me fjalët: ‘Rama ik’, ‘poshtë komunizmi’, ‘o mafioz’, ‘ik o plehrë’, ‘mafie’ etj.
Shqiptarët dëgjohen, teksa thonë se ka qenë Rama, ai që me politikat e tij ka sjellë probleme për mijëra familje shqiptare.
Dega Manhattan e Vatrës ka bërë thirrje që në 26 tetor ora 11 në Nju Jork të presin me protestë takimin e kryeministrit Edi Rama dhe ministrit të tij për Diasporën, Taulant Balla, duke e quajtur takim me patronazhistët.
Në thirrjen e tyre publike, Dega Manhattan e Vatrës fton të gjithë shqiptaro-amerikanët në Neë Jork dhe jo vetëm, që të bashkohen në protestë të fuqishme kundër atyre që kanë kontribuar në shpopullimin e Shqipërisë.
‘Ne nuk mund të bëjmë asnjë hap pas, është diaspora ajo që do ta udhëheqë këtë betejë për të mbrojtur të ardhmen e vendit tonë dhe për të ndaluar ikjen masive të shqiptarëve’, thuhet në njoftim.
Mesazh i Vatra, Dega Manhattan
Të dashur bashkatdhetarë, Dega Manhattan e Vatrës ju fton të bashkohemi në një protestë të fuqishme kundër atyre që kanë kontribuar në shpopullimin e Shqipërisë sonë të dashur. Koha për të ngritur zërin është tani. Ne nuk mund të bëjmë asnjë hap pas, është diaspora ajo që do ta udhëheqë këtë betejë për të mbrojtur të ardhmen e vendit tonë dhe për të ndaluar ikjen masive të shqiptarëve. Bashkohuni me ne. Bashkë jemi më të fortë.
Një veprim i paprecedent ka ndodhur në protestë përpara parlamentit. Sipas videos shihet ku një polic tenton ti nxjerrë armën deputetit të opozitës.
Ky është një rast i paprecedentë në historinë e demokracisë në vend ndërsa forcat e ndërhyrjes së shpejtë nuk mundet të jenë në hyrje të parlamentit pasi shkelin rëndë rregulloren dhe rendin kushtetues.sn
Mehdi Malkaj aktor, pjesëmarrës në protestën e sotme para bashkisë Tiranë, mbajti fjalën e tij.
Ndër te tjera, Malkaj ju bëri thirrje unfirmova blu, që të kujtojnë se betimin e kanë bërë për të mbrojtur atdheun dhe popullin dhe jo hajdutat e këtij vendi.
Ju shumë mirë bëni që thoni ‘Rama ik’, por Rama nuk ikën po nuk e zure me shkelma.
Po se kape mire më drru , druri të jetë i pagdhendur që ta sistemosh mirë. Prandaj mos e thoni më ‘Rama ik’, se ‘druri ka dalë nga xhehneti’.
Zonja dhe zotërinj, ju falenderoj shumë për pjesëmarrjen ne proteste sepse ka dhe kriikë të mëdhenj estetik… që thonë se protesta nuk bëhet kështu, por kur e bëjmë nga fillimi deri në fund, ai madhëria e tij, diktatori e fundit, thotë se ‘e bënë shëtitjen’.
Shumë mirë që na kanë inat se do plasin nga inati i tyre!
Thonë se protesta nuk bëhet kshu, por si bëhet?!
Zonja dhe zotërinj… a e keni vëne re kur njeriu nxehet me veten e tij dhe thotë “ si se bëra këtë”, kjo është protesta, njeriu zihet dhe me veten e tij dhe jo më me atë qelbësirën që nuk ka lënë gjë pa bërë, me atë diktatorin.
Zotërinj policë, e kuptoj hallin tuaj të madh për të mbajtur familjet tuaja, por duhet pak proteste edhe nga ana juaj.
Të dalë një polic, e le të thotë: Unë jam me popullin!
Zotërinj, betimin e keni bërë për të mbrojtur atdheun dhe popullin … jo për të mbrojtur këtë hajdutin!!!
Bypassi i Vlorës ka pësuar dëmtime si pasojë e shembjes të dherave prej reshjeve intensive të shiut, të një dite më parë. Investimi 56 mln euro nuk kishte mure pritëse në një pjesë të mirë të tij, duke bërë që të bllokohet edhe qarkullimi i automjeteve për orë të tëra. Gazetari i News24 Enrik Mehmetaj raportoi nga vendi i shembjes së bypassit ku siç duket edhe nga pamjet, masivi i dheut është spostuar në anë të rrugës.
Shembja ka ndodhur pasditen e djeshme në segmentin që lidh Vlorë – Kaninë – Orikum. Për orë të tëra rruga ka qenë e bllokuar për shkak të rënies masive të dherave nga shpatet e malit. Rruga e bypassit të Vlorës është ndërtuar nga bashkimi i operatorëve “GENER 2” shpk.
Qeveria e inaguroi në korrik 2022 By Pass-in e Vlorës, por punimet ende nuk kanë përfunduar në 100% të volumit të tyre.
Komentet