Të zgjuarit, të mençurit, të diturit, të urtit, intelektualët dhe profesionistët e vertetë shesin cigare, gazeta, libra, veshembathje ose peme e perime neper tregjet e ndryshme kosovare, ndersa, çobanët, blegtorët, mizivirët, mizantropët, filisterët, analfabetët, gjysëmanalfabetët, demagogët, hipokritët, spiunët, udbashët, joshqiptaret, puroshqiptaret, antishqiptaret, hajdutët, matrapazët, psikopatët ose maniakët e ndryshëm depresivë, infantil dhe patologjikë, bartin poste, pozita ose funksione të ndryshme shtetrore, qeveritare, parlamentare, politike, diplomatike, policore, ushtarake dhe te tjera në kuadër të të ashtuquajturit “shtetit sovran, ligjor, sovran, integral, qytetar dhe demokratik” në Kosovë!

Në Kosovën e kontrastëve, paradoksëve, anomalive dhe patologjive të panumërta reaksionare dhe anakronike në jetën e atjeshme institucionale dhe funksionale, ku të diturit, të edukuarit, kulturuarit, arsimuarit, intelektualët ose profesionistët e vërtetë, ose duhët të përcakohën si agjent, spiun, vasal, poltron, kameleon ose rrogtarë të “etërve” ose “baballarëve” të ndryshëm pushtetmbajtës ose institucional, ose duhet të punojnë si punëtor krahu, apo si shitës ordiner ose ambulant në Kosovë dhe jashtë saj! Duke u shndërruar në imitues (mimesis) ose vegla të thjeshta te rendeve ose sistemeve te pandryshuara natyrore ose ordinare (ligjëve të thjeshta jetësore ose natyrore) pa kurrfarë vlerash, parimësh ose atributësh të preferuara njerëzore, morale, shkencore, intelektuale dhe profesionale.

Ndërkohë që shteti, populli (kombi), pushteti, politika ose diplomacia kosovare, më tepër janë “fryt”, konstrukt ose “substitut” i pakuptueshëm (aglutinativ), atavist, absurd ose tepër abstrakt i egove, antiegove, superegove, libidove, imagjinatave ose fantazive të ndryshme paranormale, parapolitike, imagjinare, fiktive, iracionale, negative, karieriste, profiteriste dhe te tjera, se sa formnulë, platformë, shprehje ose sublimim i ideve, teorive, koncepteve, definicioneve, idealeve dhe vizioneve të njohura shkencore ose humaniste mbi njeriun, popullin(kombin), shtetin dhe shoqërinë e gjithëmbarshme qytetare ose politike.

Se këndejmi, filozofia e artit të njohur politik ose diplomatik, përmes analizës së njohur shkencore ose metodologjike, parasegjithash i ngritë, projekton ose rindërton elementet (instrumentet), mjedisin (ambientin), formulat, platformat dhe konceptet e njohura nga të cilat lindin, krijohen ose ndërtohen shteti dhe pushteti.  Ndërkaq, politologët ose filozofët politik janë kundrues dhe studiues të artit politik ose diplomatik i cili e bën të qarta dallimët themelore ose esenciale në mes individit dhe tërësitë.

Në

këtë kontekst të “suspektshëm” ose tepër dubioz, edhe grafikoni ose rubikoni i i rënies dhe ngritjes së “prodhimtarisë” së gjithëmbarshme shkencore, intelektuale, kulturore, politike dhe diplomatike në vendin tonë (Kosovë)- vazhdon të ndikohet dhe imponohet nga disa faktorë, të brendshëm dhe të jashtëm. Skenën e përgjithshme politike në Kosovë vazhdojnë të dominojnë ose ambivalojnë ashpërsimet e vazhdueshme të pikëpamjeve, konceptëve, përceptimëve, anticipimëve ose më mirë t´u themi kontradiktave të njohura politike të blloqëve dhe taborreve të  barrikaduara dhe betonuara , kryesisht në dy pozicione ose pozicionime të ndryshme : për shtetin ose republikën si dhe ato për “demarkacionin” dhe “asociacionin” ose “korigjimin e kufinjve” në mes Kosovës dhe Serbisë dhe të ngjashme.

Ndë

rkohë që antagonizmat ose konfliktet e mësipërme reaksionare dhe anakronike që po ndodhin në Kosovë, patjetër sikur të çveshin (xhveshin) ose t’ç‘armatosin nga imuniteti i shpërqëndrimit, mosinteresimit ose pozicionimit të distancuar ose ndaj tyre. Pavarësisht largësive ose distancave të ndryshme kohore, gjeografike, politike, partiake, rajonale, krahinore dhe të tjera. Kjo për faktin se situata e përgjithshme në vendin ose atdheun tonë, sikur reflektohet ose interferon drejtpërdrejt në përditshmërinë vepruese si dhe në gjendjen e përgjithshme shpirtërore dhe emocionale të njeriut shqiptar në Kosovë dhe diasporë. Madje, edhe muza e njohur krijuese dhe patriotike së bashku me konceptët, idealet dhe vizionet e larta shkencore, intelektuale dhe profesionale sikur tremben nga përballjet e vazhdueshme në mes vlerës dhe antivlerës.

Politikës, shtetit, popullit dhe shoqërisë së gjithëmbarëshme shqiptare ose kosovare, sikur iu duhen ose nevojiten anamneza, skanime, ekzaminime, ekpspertiza, përqëndrime, analiza dhe studime të veçanta; për t´i njohur, zbërthyer, detektuar (deshifruar) dhe kuptuar ato dhe “ata” deri në fund.

Ndërkaq, për të nxjerrur ose mësuar diçka nga skena ose mozaiku i përgjithëshëm shqiptar ose kosovar, në këtë veçanti ose specifikë shkencore ose metodologjike, do i kisha futur edhe dallimet esenciale ose substanciale në mes analizave të njohura shkencore, politike, strategjike ose gjeopolitike dhe interesave të larta shtetrore, nacionale, politike, historike, gjeografike dhe të tjera të Kosovës dhe shqiptarëve.