VOAL- Nafta ruse po përpiqet gjithnjë e më shumë të gjejë blerës edhe nëse sanksionet perëndimore nuk zbatohen drejtpërdrejt në sektorin e energjisë. Dhjetë ditë pas fillimit të pushtimit të Ukrainës, blerësit i frikësohen kritikave, sanksioneve të mundshme në të ardhmen dhe komplikimeve logjistike. Dhe pavarësisht kësaj, situata e tregut mund t’i lejojë ata të bëjnë biznes të madh duke pasur parasysh evolucionin e çmimeve të naftës bruto që ndikoi shpejt edhe atë të karburanteve.

Sipas analistes së Energy Aspects Livia Gallarati “tregtia e naftës bruto është ende e ngrirë dhe ne vlerësojmë se 70% e tregut” është i paralizuar, “me një ndikim veçanërisht të madh në shitjet detare”. Nga ana tjetër, dërgesat tashmë të garantuara përmes gazsjellësit vazhdojnë pak a shumë sipas ritmeve të zakonshme.

Në Evropën Veriore, rafineria finlandeze Neste “ka zëvendësuar pothuajse tërësisht naftën bruto ruse me burime të tjera, veçanërisht nga Deti i Veriut”, tha grupi. Nga ana e tij, specialisti suedez i bitumit Nynas njoftoi gjithashtu se “do të ndalojë blerjen e lëndëve të para me origjinë ruse”. rsi-eb