Ministri i Jashtëm rus Sergei Lavrov u bëri thirrje Shteteve të Bashkuara të ndalojnë sulmet ajrore kundër rebelëve Houthi në Jemen, sipas një deklarate të lëshuar sot nga Ministria e Jashtme ruse.

Lavrov zhvilloi një bisedë telefonike me Sekretarin e Shtetit të SHBA-së, Marco Rubio, tha Ministria e Jashtme ruse.

“Duke iu përgjigjur argumenteve të përfaqësuesit amerikan, Sergej Lavrov theksoi nevojën për një ndërprerje të menjëhershme të përdorimit të forcës dhe rëndësinë që të gjitha palët të angazhohen në dialogun politik për të gjetur një zgjidhje që do të parandalojë gjakderdhjen e mëtejshme”, sipas ministrisë.

Presidenti amerikan Donald Trump njoftoi të shtunën se ai kishte urdhëruar nisjen e sulmeve ajrore në shkallë të gjerë kundër rebelëve Houthi të Jemenit të mbështetur nga Irani për sulmet e tyre ndaj anijeve në Detin e Kuq.

Autoritetet rebele Houthi njoftuan se të paktën 31 persona u vranë në fillim të sulmeve ajrore amerikane, të cilat pritet të zgjasin për disa ditë.bw