Pas mbylljes së seancës plenare, Taulant Balla, po fliste jashtë saj në një dalje për mediat. Në këtë moment është afruar Monika Kryemadhi, kryetarja e LSI-së dhe ka kërkuar të flasë, çka solli edhe një përplasje mes tyre dhe përmendje familjesh.

Kreu i Grupit Parlamentar të PS-së, Balla, i ka thënë se kështu është kur gruaja e presidentit bën zhurmuesen dhe i shprehu keqardhjen. Ndërsa, Kryemadhi i ka përmendur motrën dhe gruan.

Debati: 

Monika Kryemadhi: Të flasim edhe ne të opozitës.

Taulant Balla: Patjetër që do të flasësh se atje brenda ta zuri Luli vendin. Më vjen shumë keq që bashkëshortja e Presidentit të Republikës ka filluar të bëjë zhurmuesen, por ky është fati i keq i opozitës.

Monika Kryemadhi: Taulant, s’jam marrë as me motrën tëndë, as me gruan tënde.

Taulant Balla: Kjo është edukata juaj!

Monika Kryemadhi: Edukata ime është shumë e mirë, po mos u merr me çështje familjare.