Natyrisht që mediat shqiptare i kanë bërë një jehonë arritjes historike të Shqipërisë, por edhe mediat e huaja nuk kanë qenë më pas.

Gjiganti televiziv “Sky Sport” është lidhur direkt me pamje televizive, duke vënë në sfond edhe flamurin shqiptar, ndërsa në linjë direkte kishte Igli Taren dhe më pas flet edhe trajneri De Biazi.

Në komentin e tyre në studio, italianët kanë theksuar e është i pari trajner italian që kualifikohen një kombëtare që më parë nuk ishte kualifikuar një eveniment të tillë madhor.

Edhe “Gazzetta Dello Sport” koment të parin në lidhje me eliminatoret e “Euro 2016” kishte pikërisht arritjen e Shqipërisë, duke zënë vend në titullin kryesor.

“Shqipëria, historike për herë të parë”, – është titulli i “Gazzetta Dello Sport”.

Edhe gazeta gjermane “Bild” i jep rëndësi kësaj fitoreje historike të Shqipërisë, teksa në titullin e vet shkruan: “Shqipëria për herë të parë në finalet e një Europiani”.

Edhe “ESPN” i bën jehonë këtij kualifikimi historik që erdhi në transfertën Armene.

“BBC” komenton suksesin historik të Shqipërisë me një foto të kapitenit Lorik Cana.

Edhe “Eurosport” nuk lë pa përmendur këtë sukses që vjen në drejtimin e De Biasit. “Shqipëria në Europian, hera e parë me De Biasin trajner”.

Jehonë i bën këtij suksesi edhe gazetari Gianluca di Marzio, që shkruan “Euro 2016, 3 gola për të hyrë në histori”.

Ndërkohë përgjatë të gjithë ecurisë eliminatore në këtë europian, e përditshmja “Marca” i ka cilësuar si surprizë rezultatet tona, por tani shkruan me gërma të mëdha “Shqipëria luan në Europian për herë të parë në histori”.

Jehonë kësaj arritjeje në Gjermani i bën “Kicker”, që vendos theksin tek rezutlati historik i vulosur në Armeni.