VOAL- Udhëheqësi çeçen Ramzan Kadyrov, mbështetës i Vladimir Putinit, duhet të jetë helmuar dhe për këtë arsye nuk ishte i pranishëm në fjalimin e presidentit rus mbi gjendjen e kombit më 21 shkurt. E shkruan media moldave Timpul por për momentin nuk ka konfirmime të tjera.

Kadyrov, 46 vjeç, sipas gazetarit kazak Azamat Maitanov, aktualisht ka probleme serioze shëndetësore, ndoshta me veshkat e tij. Sipas disa burimeve, udhëheqësi çeçen, i cili nuk u beson mjekëve rusë, po mjekohet nga një nefrolog i cili mbërriti në Grozny nga Emiratet e Bashkuara Arabe.

Ditët e fundit Kadyrov tha se komandanti i forcave çeçene në Ukrainë Apty Alaudinov u helmua me një letër të mbarsur me një agjent toksik. rsi-eb