Më shumë se 10 aeroplanë amerikanë, japonezë dhe koreanojugorë të armatosur me municion të vërtetë fluturuan mbi Gadishullin Korean për një demonstrim force në përgjigje të lëshimit të raketave nga Koreja e Veriut.

Pentagoni tha se aeroplanët praktikuan aftësitë e tyre sulmuese duke lëshuar predha në një poligon të Koresë së Jugut.

Komanda amerikane e Paqësorit tha se “ruan aftësinë për t’iu përgjigjur çdo kërcënimi në Azi-Paqësor në momentin që do të merrte njoftimin.”

Manovrat zhvillohen si kundërpërgjigje ndaj lëshimit të premten nga Koreja e Veriut të një rakete me rreze të mesme veprimi mbi Japoni, e dyta në më pak se një muaj.