Murgu i Zi më ndryni në dhomën e pergamenave
gjith drû arre në pianin mâ të epër të Bibliotekës
e me la me tekst përpara.

Studentat e mij të vjeteve ‘70
lodroshin në terracën mbi krye bilard
e më pyetën me zane t’imta ganjunësh:
“Çka fshehet ndër ato fletë? Têja,
ajo që të breu pêthin e jetës?
Fjalët me tingull hundor e provojnë këtë,
Kur ti flèt.”

Dhe unë iau prita:
“Në këtë palimpsest zbulova hijen
e fjalës në thellësinë që s’shihet.”

“Atëherë, thanë, ti merresh me magji!
Për nè mos ndjek aq thellë,
për nè mjafton teksti përmbi.”

Magji, thatë ju? I pyeta e m’u kujtue