I lexoj poezitë që hidhni në F.B.

I lexoj dhe komentet.

Me përjashtime të rralla, më duken të gjitha “Diell qe s’ ngroh”, Diell që lëshon dritë, por nuk ngroh.

Përse ndodh kjo?

Kjo ndodh pasi ju që shkruani mjafton të emociononi veten dhe kaq. Nuk mendoni që misioni i poetit është të emocionojë të tjerët.

“Dijeni mirë, i këshillon poetët e rinj një poet i njohur ” me atë masë që do e ndjesh ti krijimin, me atë masë do e ndjejnë dhe të tjerët”.

Nganjëherë shohim lavdërime e çmime për diej që nuk ngrohin…

Këto janë hipokrizira jurish dhe miqësish.

Këshilla e parë miqësore, që më vjen tani ndërmend, është:

“Jo çdo gjë që na vjen në mend duhet ta shkruajmë.”

Si një ish redaktor i vjetër dhe kolegu juaj, kisha shumë gjëra për t’u thënë, por po e lë me kaq.