LAVDËRIM PËR LIRINË E VOGËL

Liria e vogël që jepet,

Nga të mëdhenjtë ,nga hallet, dertet,

Liri e skamnorit jetim,

Liri që ecën në verbim,

Liri e trilleve, marseve, prilleve,

Liri e lëngëzimit të majit, qershorit,

Dëshmi trallisëse e skamnorit,

Të kërkoj dhe thur në tezgjah ëndrrash,

 rrobat më të mëdha për ty,

Ato rrinë keq dhe shkoj

Rroba të shtrenjta kërkoj

Në tregun e rrobave të reja

 çmendem prej ëndrrave verbtare,

Sepse ,ti, sidoqoftë je liri e çmendur

Edhe aq e vogël bëhesh mëkatare…

Liri e vogël që na madhëron

Vetëm kur dhuruesit më s`e japin…

DANTE NUK U KTHYE…

Purgator e parajsë janë koperturë,

Vetëm ferri ekziston.

Dante nuk u kthye për redakturë,

Një femër parajsën shpëton…

VALA

Folenë e zemrës tund,

Valë e dashurisë

nga funde misteresh pa fund,

Ngrihet me ironinë e stuhisë.

Bëhet fllad sikur nuk ishte

Po valë ishte edhe  humbi,

 erë dhe flak gjethishte

Nga pema shkundur.

Brigjet e zemrës na përflak

Urat e fjalëve godet,

për një trazim bëhet shkak

Në vrima shpellash humbet.

Nga vjen e s`vjen nuk e dimë

Fajin ua vemë syve të zi,

Një buzëqeshje që ndrin,

 një buze që shuhet në gjallëri,

Se ç`është forcë e saj nuk e masim,

E dimë të madhe dhe përballemi,

Duke e ndjerë se mos humbasim

Duke e ndjerë si me ne tallet…

GËRSHETI

trill vetmitar,

ti më bëre kusar,

se me gërshetin tënd shartova mollën,

hijet përzura me të për fundbotën,

dhe sa e pashë kur shkonte gjer në mes,

si gjarpër përdridhej në erë,

krejt i çuditshëm ky gërshet,

si shpatë vajzërie që indiferencën godet.

Gërsheti jot, trill vetmitar,

Hije lisi ku frymë marr,

Dhe nojmë e thirrje dhe thirrje e buçimë,

Një rrjedhë që njom bukurinë,

Dhe kur s`munda prej teje një fjalë të marr,

Të gjitha harrova m`u duk si litar,

Në pemë të ëndrrës me të veten të var….

VEGIM

I vura shulin derës,

Lodhur nga njeriu,apo?

 lashë një të çarë për erën

Për frymën e njeriut që më do.

Në mëngjes dera qe puthitur,

Shulin e kishin shtyrë dhe pak,

në vetminë e venitur

iriq  me gjemba rrumbullak.

As erë kish hyrë dhe frymë,

Kisha harruar pamjen  e dikujt,

Shuli ish djersitur në brymë,

Ve tminë time duke ruajtur…