Ky vend që kriminelin e çon në Kuvend- Poezi nga LUTFI DERVISHI

May 26, 2024

Vend me traditë, burrni e rilindje

Ku vrasjet bëhen dhuratë për ditëlindje

.

Vend që shkëlqen me propagandë e retorik

Ku vrasësi titullohet investitor strategjik

.

Vend që nuk lë rast pa të shitur mend

Vend që kriminelin e çon në Kuvend

.

Vend që para vetes vë botën hallemadhe

Nga lufta në Ukrainë te ngrohja globale

.

Vend që zbraz vetveten dhe shton diasporën

Vend që mëson të madhin si të tund këmborën

.

Vend që shpall reforma, dhe këlthet progres

Vend që çdo skandal ta shet për sukses!

• twitter

  Follow
• facebook
• linkedin

Fjalë kyçe: Lutfi Dervishi