Koka ime përplaset me yjet.

Këmbët e mia janë mbi lartësitë e kodrave.

Majat e gishtave të mi janë në luginat dhe brigjet e jetës universale.

Poshtë në shkumën murmuruese të gjërave primitive unë shtrij duart e mia dhe luaj me guralecët e fatit.

Unë kam qenë në ferr e kthyer prej andej shumë herë.

Unë di gjithçka për parajsën, se kam biseduar me Zotin.

Unë përzihem në gjakun dhe rropullitë e tmerrit.

Unë e njoh pushtimin e zjarrtë të bukurisë.

Dhe rebelimin e mrekullueshëm të njeriut ndaj të gjitha tabelave ku është shkruar: “E ndaluar”.

Emri im është e E Vërteta dhe unë jam i burgosuri më i paprangueshëm i universit.