Kur vjen dita e nënës…- Poezi nga GËZIM PESHKËPIA

April 7, 2025

Në Vlorë me mamën e dashur, kur isha 2 vjeç…

QORTIMI I MAMËS

.

– Eja, pse nuk vjen? – më foli zër’ i saj,

që si qortim jehon në qenien time.

– Pse nuk vjen o bir ti, në takim?

E shkrihet zë i saj i tëri mallëngjim

si shumë kujtime…

.

Dhe ditët rendin, koha ec ngadalë…

Vështrim’ i saj s’më lë, nuk më shqitet.

Dhe zgjon ai qortim i butë kujtime, mall,

Dhe prapë, çdo ditë, vegimi përsëritet.

.

Oh, mamë e shtrenjtë! Ç’bekim të pata ty!

Ti engjëll më ke qenë në kohët më mizore.

Ndaj edhe fundin që pret në përjetësi

e pres si fëmijë me ty përdore.

• twitter

  Follow
• facebook
• linkedin

Fjalë kyçe: Gëzim Peshkëpia