Në emisionin e sotëm “Të PaEkspozuarit” në Neës24, po diskutohet marrëveshja e arritur mes Bashës dhe Ramës, dhe impaktin që ka tek Lëvizja Socialiste për Integrim.
Në emisionin e titulluar “Atentati i dytë ndaj LSI-së”, po diskutojnë në studio nënkryetarja e LSI-së, Monika Kryemadhi, dhe dy analistët e përhershëm Andi Bushati dhe Fatos Lubonja.
I pyetur nga gazetari Ylli Rakipi, nëse marrëveshja e dy liderëve Rama-Basha është një përpjekje për asgjësimin e LSI-së, Kryemadhi thotë se Ajo që më shqetëson mua është sa thelb kombëtar ka marrëveshja mes PS-PD. Kjo është e rëndësishme, e sa do i shërbejë stabilitetit të vendit. Kjo është çështje transparencë. Demokracia do ju dukej e fortë nëse s’do futej në zgjedhje PD?
Monika Kryemadhi: Atentat do quhej për zgjedhjet, nëse PD nuk do hynte. Mos hyrja në aleancë, neve si LSI na favorizon. Se politika është bërë tri-polare. Jo, nuk duhet ta shohim kështu. Meta e kërkonte prej kohësh këtë marrëveshje. Paketa McAllister është një copy paste e propozimit të Ilir Metës. E shoh si gjë pozitive. Si shtensionim të situatës. Bashkimi i dy partive të vjetra, jo partive më të mëdha, se kush është më i madhi do e shohim më 25 qershor. Nuk e shoh problematike marrëveshjen. Shoh më shumë problematik ligjin që është bërë për reklamat në televizione. A nuk e shihni që Tirana është më e qetë se iku çadra, socialistët a nuk janë më të qetë?
Bushati: Marrëveshja për mua ishte turp i madh. Po të dëgjojmë fjalët e lidërëve dhe parimet që mbronin para se të takoheshin, kupton që ka qenë diçka që nuk ka themel, as në interes të njerëzve apo zgjedhjeve të lira. Ç’garanci kemi ne sot që mori disa nëpunës të nivelit të dytë dhe i bëri ministra teknikë? Ku kemi garanci që kriminelët nuk do i kemi në fushatë? Marrëveshja është një karagjozllëk politik që s’bind askënd. Nëse këtë e marrëveshje e shoh për t’i shërbyer një kaste të ngushtë, Ramës e Bashës, dhe jo shqiptarëve, nga një parti që duhej të ishte e prekur nga kjo, prisja ta denonconte.
Kryemadhi: LSI gjithmonë ka mbajtur parimin e stabilitetit. Kjo gjë që ndodhi duhet të kishte ndodhur kohë më përpara. Të gjitha problematikat duhet të merreshin më seriozisht nga palët që në fillim.
Nënkryetarja e LSI-së, Monika Kryemadhi, kandidate për deputete në qarkun e Elbasanit deklaroi se sistemi zgjedhor i detyron partitë që të jenë klientelise.
E ftuar në emisionin ‘Të Paekspozuarit’ në ‘News24’, Kryemadhi pohoi se në këto kohë kanë ndryshuar veç kryeministrat dhe jo oligarkët. Nga ana tjetër ajo kritikoi qeverinë ‘Rama’, duke i quajtur pseudoreforma hapat e ndërmarrë deri tani.
“Sistemi është i kalbur, kemi të bëjmë me pseudoreforma. Vet reforma të bënë të jesh parti klienteliste. Janë 7 parti që bëjnë klientelizëm. Ne kemi bërë një sistem zgjedhor të tillë. Zgjedhjet na kanë krijuar që të kemi dy parti të mëdha, që të bëjnë veç kontrolle. LSI bën patericën ndaç për njërën, ndaç për tjetrën. Shohim oligarkët dhe veç ndryshon kryeministri. Dhe ne mund të kemi lidhje me oligarkët, po eja t’i largojmë”, tha ajo.
Çfarë më shqetëson nga marrëveshja mes PS-PD
Në emisionin e sotëm “Të PaEkspozuarit” në News24, po diskutohet marrëveshja e arritur mes Bashës dhe Ramës, dhe impaktin që ka tek Lëvizja Socialiste për Integrim.
Analisti Andi Bushati ka dhënë një shpjegim të tij se pse LSI po sillet në mënyrë absurde përballë marrëveshjes mes dy liderëve dhe nuk po e denoncon një gjë të tillë.
Sipas Bushatit, LSI-ja nuk kërkon të jetë simpatike përpara popullit shqiptar, por kërkon që të tregojë muskujt përballë dy partive të mëdha.
“Çdo ditë po bindemi se një marrëveshje jo e ndershme, ka synuar të godasë edhe LSI-në. Ku kishte dhuratë më të madhe se janë mbledhur dy të mëdhenjtë për të vrarë demokracinë, po vrasin dhe LSI-në. Ndërsa LSI-ja bën sikur s’ka ndodhur asgjë. Pse LSI nuk sillet normal po në mënyrë absurde? Se dhe LSI nuk pretendon të jetë simpatike për publikun, por të tregojë muskujt. Gjithë fushata e LSI-së në 2013-n ka qenë si do që të ndodhë ne do jemi në pushtet. LSI nuk do të nxjerrë në sy të publikut që të mëdhenjtë janë bërë bashkë për të na goditur ne,” tha Bushati.
Unë e kam akuzuar më shumë se të tjerët Ilir Metën
Nënkryetarja e LSI-së, Monika Kryemadhi pohoi mbrëmjen e sotme në emisionin ‘Të Paekspozuarit’ në “News24” se ajo është personi që ka akuzuar më shumë se kushdo tjetër Ilir Metën.
Kryemadhi, theksoi se ka kritikuar bashkëshortin e saj për disa çështje, siç ishte ligji i Arsimit të Lartë.
“Sa herë e kam akuzuar unë Ilir metën. Ose e kam sulmuar unë, o s’ka. Unë e kam kritikuar shumë Ilir Metën për ligjin e Arsimit të Lartë. Pa pikë turpi ministra dhe rektori thanë se do i rregullojnë ligjin dhe se bënë”, tha Kryemadhi.
A u tregua Meta i dobët që shkoi President? Si përgjigjet Monika Kryemadhi
Në emisionin e sotëm “Të PaEkspozuarit” në News24, po diskutohet marrëveshja e arritur mes Bashës dhe Ramës, dhe impaktin që ka tek Lëvizja Socialiste për Integrim.
E pyetur nga gazetari Ylli Rakipi nëse Meta u tregua që shkoi President, nënkryetarja e Lëvizjes Socialiste për Integrim, Monika Kryemadhi thotë se nuk ishte diçka që e kishte habitur, dhe me të cilën nuk ishte dakort.
“Unë për veten time e kam marrë vesh kur firmosa për deputete. Edhe nuk isha dakort me thënë të drejtën, u çudita. Meta është themeluesi i LSI-së dhe është promotori i të gjitha strukturave të LSI-së. Por, ka ardhur koha ndoshta që Meta t’i hapë rrugën të rinjve,” tha Kryemadhi.
Në debat u përfshi edhe gazetari Fatos Lubonja, i cili tha se Monikës i leverdis ta thotë këtë sepse sipas tij më mirë sulmon Metën se sa ta identifikojë atë si të dobët, shkruan BalkanWeb.
“Mendimi i parë që më vjen është që Monika ka marrë këtë rol, se këta teatër bëjnë, se i leverdis më mirë, të sulmojë edhe Metën se sa duke u identifikuar si të dobët,” tha Lubonja.
Vertet e frikshme kur sheh si diskutojne politikanet shqiptare. Kur Kryemadhi pa ju dridhur qerpiku thote …po jemi te lidhur me oligarket por me votoni mua te marr 75 deputete.
Eshte politike e kriminalizuar ….from top to bottom