Në media dhe rrjete sociale ka qarkulluar gjatë ditës së sotme, një video në të cilën shfaqet kryetarja e LSI Monika Kryemadhi teksa heq këpucën dhe qëllon drejt Kryeministrit Rama.
Kryemadhi ka komentuar sonte në një lidhje të drejtpërdrejtë në emisionin ‘Opinion’ momentet kur tentoi të godiste me këpucë kryeministrin Edi Rama në parlament.

“Sa keq që nuk e godita në shenjë. Të kisha muskuj që ta godisja në shenjë, por herë tjetër do stërvitem më shumë me hapjen e krahut”, tha Monika Kryemadhi.

“Do kisha shumë dëshirë ta kisha goditur, por duhet të bëj pak stërvitje për të hapur krahun më mirë, sepse nuk do lejoj kryeministrin që t’i kthejë fëmijët e shqiptarëve në shpërndarës droge”,-tha ajo.

Ndër të tjerash, kryetarja e Lëvizjes Socialiste për Integrim, Monika Kryemadhi deklaroi se kryeministri shqiptar është një hilecak dhe një person i pabesë. Kryemadhi tha se opozita nuk merakoset për emrin e Prokurorit të Përgjithshëm, por për procedurën që është bërë.