Një korb në grackë, iu lut perëndisë Apollo ta lirojë,
duke i premtuar në shkëmbim një ofertë temjani;
por sapo u lirua, ai harroi, premtimin nuk e mbajti.
Kur u zu në grackë sërish, nuk iu drejtua më perëndisë Apollon,
por kësaj radhe ia bëri perëndisë Hermes një ofertë.
Por Hermesi i tha: “O i mjerë, s’ka aspak të ngjarë,
Si të besoj në ty, pasi e mashtrove shpëtimtarin tënd të parë?”

Kush e tregon veten mosmirënjohës ndaj mirëdashësve
ai nuk gjen askënd për ta ndihmuar kur është në telashe.

*Hermes: në mitologjinë e lashtë kasnec i perëndive dhe udhërrefyes i të vdekurve në botën nëntokësore, zot i tregtarëve, shpikësve dhe udhëtarëve, atletëve, mashtruesve dhe i vjedhësve.