Rreth situatës në Kosovë ka reaguar me një komunikatë për shtyp Lidhja Qytetare Shqiptaro Amerikane, presidenti i saj ish Kongresmeni Joe DioGuardi, Këshilltarja Shirley Cloyes DioGuardi dhe Bordi i Drejtorëve:

“Deputetja e Parlamentit të Mbretërisë së Bashkuar, Alicia Kearns, e cila shërben si Kryetare e Komisionit të Përzgjedhur të Punëve të Jashtme, foli para Parlamentit të Mbretërisë së Bashkuar më 5 qershor në mbështetje të Kosovës, ku ajo e dënoi Serbinë “për orkestrimin jo vetëm të bojkotit të zgjedhjeve lokale të 23 prillit në katër komunat veriore, por edhe për shkaktimin e dhunës në rrugët e Kosovës”.

Senatori i ShBA Robert Menendez, kryetar i Komisionit të Senatit për Marrëdhëniet me Jashtë, lëshoi një deklaratë më 16 qershor, kuai e bëri krahasimin e Kosovës si një “partner jetik” të Perëndimit me refuzimin e Serbisë për t’iu bashkuar SHBA-së dhe BE-së në vendosjen e sanksioneve ndaj Rusisë për luftën e saj ndaj Ukrainës, mungesën e përkushtimit ndaj dialogut midis Serbisë dhe Kosovës të lehëtsuar nga BE dhe mobilizimin e ushtrisë së saj në kufirin e Kosovës. Kryetari Menendez shprehu zhgënjimin e tij ndaj reagimit të bashkësisë ndërkombëtare ndaj dhunës në veri të Kosovës dhe presionit joproporcional të ushtruar ndaj Kosovës.

Më 14 qershor, Dr. Ivana Stradner shkroi një rast bindës në artikullin e saj në New York Post “Pse Biden po bën politikë qetësuese me një peng të Putinit derisa forcat e NATO-s u sulmuan?”, se “Marrëdhëniet Serbi-Rusi janë të gjalla dhe të mira”, se së bashku ato po përshkallëzojnë tensionet në Ballkan dhe se në vend që të qetësojnë Serbinë, BE-ja dhe SHBA-ja “duhet të bëjnë presion ndaj Beogradit që të pranojë pavarësinë e Kosovës dhe të vendosë sanksione ndaj Rusisë”.

Stradner e kapi në mënyrë perfekte taktikën e Vuçiqit: të përdorë Kosovën si mjet pazaresh me Perëndimin duke e përshkallëzuar dhe më pas duke ulur dhunën etnike. Kjo është arsyeja pse ishte tronditëse që të shikohet ambasadori i SHBA-së në Kosovë, Jeffrey Hovenier duke akuzuar publikisht qeverinë Kurti për krijimin e “atmosferës së krizës në veri”, dhe ambasadorin e SHBA-së në Serbi Christopher Hill duke e lavdëruar Serbinë se është një “partner konstruktiv”.

Departamenti Amerikan i Shtetit, së bashku me Bashkimin Evropian, fatkeqësisht nuk e kanë kuptuar se presidenti serb Aleksandar Vuçiq nuk ka ndërmend të zgjidhë konfliktin ballkanik. Qëllimi i tij është që të fitojë kontrollin ndaj veriut të Kosovës duke u përpjekur që të dominojë në Evropën Juglindore, e jo të pranojë Asociacionin e Komunave Serbe si pjesë integrale e Kosovës.

E megjithatë, kur Derek Chollet, këshilltar i Departamentit të Shtetit të SHBA-së, u sfidua nga senatori Menendez në seancën dëgjimore të Komisionit të Marrëdhënieve me Jashtë më 18 maj rreth realiteteve të paraqitura nga Robert F. Worth në artikullin e tij në New York Times Magazine, “Si u ndërthur lidershipi i Serbisë me Sindikata Kriminale të Kombit,” Chollet pranoi se dokumentacioni novator i Worth-it ishte i vërtetë.

Kjo është arsyeja pse kryeministri i Kosovës, Albin Kurti, më 23 qershor deklaroi se Kosova “është e gatshme për zgjedhje të reja në veri dhe për tërheqjen e Policisë nga objektet komunale në katër komunat veriore, por vetëm pasi të plotësohen kornizat ligjore për to”. Është e qartë se Kosova po bën çdo gjë të mirë në ndërtimin e demokracisë dhe zbatimin e rendit dhe ligjit, ndërsa Serbia po bën çdo gjë të gabuar duke përdorur kërcënime dhe dhunë në veri të Kosovës kundër KFOR-it dhe gazetarëve dhe duke rrëmbyer tre policë të Kosovës.

Ne qëndrojmë pas qëndrimit të arsyeshëm të kryeministrit Albin Kurti se Serbia duhet të njohë “kushtetutshmërinë e Kosovës”, përpara se Serbia dhe Kosova të ulen në tryezën e bisedimeve. Përndryshe, Kosova do të bëhet një Republika Srpska tjetër – me pak fjalë, një shtet i dështuar dhe një problem i përhershëm për Bashkimin Evropian dhe Shtetet e Bashkuara.

Për të arritur paqen dhe stabilitetin e qëndrueshëm në Evropën Juglindore, njohja reciproke dhe përfshirja graduale e Kosovës dhe Serbisë në strukturat evropiane dhe në NATO është e vetmja rrugë përpara.  Kjo mund të arrihet vetëm me mbështetjen e parezervë të Shteteve të Bashkuara.

Sinqerisht,

Shirley Cloyes DioGuardi                                         Joe DioGuardi
Këshilltare për Cështje të Ballkanit                          President

Bordi i Drejtorëve të LQShA

Agim Aliçkaj
Anita Alickaj
Diana Alickaj
Nazim Alimi
Fero Gjonbalaj
Sadri Gjonbalaj
Zymer Gjonbalajj
Ramazan Hajdini
Zudi Karagjozi
Faik Lita
Rifat Memeti
Zikri Meta
Marash Nuculaj
Ekuran Sehu
Hafiz Shala
Lindita Shala
Mamut Skenderi

Lidhja Qytetare Shqiptaro-Amerikane është lobi i vetëm i regjistruar vullnetar në Uashington, DC, që përfaqëson shqetësimet dhe interesat e shqiptarëve amerikanë për çështjen kombëtare të shtatë milionë shqiptarëve që jetojnë krah për krah në Evropën Juglindore.