VOAL

VOAL

Copyright © 2022

VOAL

“Kingmaker”-it po i shtërngohet “laku”: mashtrime financiare ndërkombëtare për përvetësimin e një bondi të huaj prej 500 milionë dollarë

August 9, 2016

Voal – PamfletiZbardhen dy kallëzime penale për korrupsion dhe mashtrime financiare ndërkombëtare ndaj kryeparlamentarit Ilir Meta, deputetit aktual dhe ish-ministrit Anastas Angjeli, ish-ministrit Arben Malaj, ish-Guvernatorit të Bankës së Shqipërisë Ardian Fullani, ish-zëvendësministrit të Brendshëm të diktaturës Hysen Shahu, juristit Kristaq Traja, shtetasve Tan Pavari, Ina Metko.
Kryeprokurori i Tiranës Petrit Fusha paditet, më 18 korrik 2016, nga avokati Mirjan Kapo që i bën kërkesë ankimore Gjykatës së Shkallës së Parë, Tiranë kundër vendimeve, si haptazi të marra në kundërshtim me ligjin duke urdhëruar organin e prokurorisë të fillojë hetimet, të kryejë verifikimet dhe në përfundim vetëm mbi bazën e provave të administruara të konkludojë për zgjidhjen procedurale ligjore. Kjo është një kërkesë e detyrueshme për organin e prokurorisë. Në kundërshtim me këtë detyrim ligjor, prokurorja Daniela Sulaj ka vendosur mosfillimin, pa administruar asnjë provë. Ky vendim i saj është miratuar nga titullari Petrit Fusha dhe nuk i është njoftuar brenda afatit ligjor të detyruar. Kapo i thotë gjykatës se do të provojë se vendimet e mosfillimit janë marrë në moszbatim të ligjit dhe në kundërshtim me të. Kjo është bërë për të mbrojtur politikanë si Ilir Meta etj., të cilët janë akuzuar prej tij. Këto vendime nuk janë të paanshme, transparente dhe profesionale. Ka paraqitur më shumë se 30 prova dhe akte noteriale në kallëzim.Nuk përjashtohet që, fill pas pushimeve të gushtit, në shtator “kingmaker”-i Ilir Meta të abdikojë nga “froni” i kryeparlamentarit, jo pse u miratua apo nuk u miratua reforma në drejtësi. Thjesht, Prokuroria e Tiranës dhe ajo e Përgjithshme, me “po”-në e kryetarit të shtetit dhe KLD-së Bujar Nishani dhe Kryeministrit Edi Rama, mund t’i kërkojnë Kuvendit të Shqipërisë leje për hetimin e spikerit Ilir Meta dhe deputetit Anastas Angjeli me akuza të rënda për korrupsion dhe mashtrime financiare ndërkombëtare për përvetësimin e një bondi të huaj prej 500 milionë dollarë.

ball-nish-dok

LAKU

Ka gjasa që Metës të mos i vijë e keqja nga politika – kundrështarë apo aleatë – reforma në drejtësi, por nga njerëz të thjeshtë, sikurse është avokati lab-durrsaku me banim në Zvicër, Mirjan Kapo. Por ai ka detyruar edhe politikanët si Edi Rama, Sajmir Tahiri dhe Bujar Nishani, që, pa dëshirën e tyre, të shprehen pro hetimit të Metës and Co. Ka shumë koincidenca që po dëshmojnë se “kingmaker”-it po i shtrëngohet “laku”, nëpërmjet arrestimeve që nga ish-shefi i kabinetit të tij, tashmë i ekstraduar në SHBA, shefi i transportit i Sarandës, deri dhe në arrestimin e zëvendësdrejtorit të përgjithshëm të Burgjeve, shpalljen në kërkim të nëpunësit të Kuvendit për sigurinë dhe shkarkimin e gjyqtares së lartë, që e nxori të pafajshëm në telenovelën e videos së Priftit.

DOMINO

Po ashtu, duke ua mbledhur rripat politikanëve të lartë, Kapo ia mblodhi dhe prokurorisë së Përgjithshme, asaj të Tiranës, që synonin të mbyllnin hetimet për dy kallëzime penale. Madje, këto dy të fundit “dogjën” dhe kryeprokurorin e Tiranës Petrit Fusha, i cili nuk u miratua nga Presidenti Nishani për të shkuar në Prokurorinë e Përgjithshme, ndërkohë që do t’i duhet të përgjigjet ligjërisht pse nuk njoftoi në kohë kallëzuesin për mosfillimin e procedurave penale ndaj Metës e të Tjerë, por edhe për mungesën e argumenteve për këto vendime mosfillimi. Edhe prokurores Daniela Sulaj nuk ia ka prerë mendja se do të përgjigjet si dhe shefi i saj Petrit Fusha. Gjithashtu, me gjithë dëshirën e Kryeministrit dhe aleatit të tij, Kryeparlamentarit, ish-deputeti dhe ministri Arben Malaj, për të cilin qarkulluan zëra se mund të zgjidhej në bordin e Bankës së Shqipërisë, ka gjasa të mos realizohet për shkak të kallëzimit penal.

HETIME NDËRKOMBËTARE

SkaNdal.al disponon dokumente, një pjesë e të cilave janë botuar, një pjesë po bwhen publike në kwtë editim dhe të tjera në të ardhme. Investigimi i SkaNdal,al-it është pjesë e një hetimi ndërkombëtar, ku janë përfshirë jo vetëm Organizata e Kombeve të Bashkuara, prokuroritë zvicerane, italiane, franceze, amerikane, britanike, greke, bullgare, norvegjeze, Interpol-i, por edhe ICIJ-ja (International Consortium of Investigative Journalists – Konsorciumi Ndërkombëtar i Gazetarëve Investigues) në Uashington, gazeta e njohur gjermane “Zyddojçe Cajtung” (Süddeutsche Zeitung), revista italiane “L’espresso”. SkaNdal.al-i ka zbardhur ekskluzivisht tekstet e dy kallëzimeve penale ndaj Meta e të Tjerë dhe kërkesës ankimore ndaj kryeprokurorit të Tiranës Petrit Fusha, shoqëruar me faksimilet përkatëse.

KRONOLOGJI

Faksimile:

Më 16 shkurt 2016, me 834/3 prot., drejtorja e marrëdhënieve me publikun në Kryeministri Ana Rafti njofton me shkrim Mirjan Kapon, duke e falënderuar “për besimin dhe përcjelljen e letrës” së tij në Kryeministri. “Pasi u njohëm në detaje me çështjen, ju informojmë se ia kaluam për verifikim dhe ndjekje Prokurorisë së Përgjithshme, nëpërmjet shkresës sonë nr. 834/2 prot., datë 16.2.2016”.

Më 24 shkurt 2016, me numër 279/1 Prot. Drejtori i drejtorisë së Task-Forcës në Prokurorinë e Përgjithshme Kostaq Beluri i drejtohet Prokurorisë pranë Gjykatës së Shkallës së Parë Tiranë dhe për dijeni shtetasit Mirjan Kapo, duke njoftuar se “shtetasi Mirjan Kapo ka paraqitur në Prokurorinë e Përgjithshme një kallëzim penal, të regjistruar me nr. 279/Prot, të datës 9 shkurt 2016, ku ngre dyshime për vjedhje në bashkëpunim, mashtrim financiar të kryer nga shtetasi Tan Tivari [duhet: Pavari] etj.”. Sipas Belurit, “në analizë të verifikimeve dhe materialeve bashkëngjitura, si dhe pretendimeve të ngritura nga shtetasi Mirjan Kapo, rezulton se ky material kallëzues duhet të trajtohet nga pikëpamja procedurale penale… nga Prokuroria pranë Gjykatës së Shkallës së Parë Tiranë”. Drejtori i drejtorisë së Task-Forcës në Prokurorinë e Përgjithshme Kostaq Beluri porosit që “për zgjidhjen ligjore të njoftohet dhe Prokuroria e Përgjithshme”.
Më 3 mars 2016, me shkresën nr. 3307 prot., Prokuroria pranë Gjykatës së Shkallës së Parë Tiranë njofton Mirjan Kapon se Prokuroria e Përgjithshme ia ka përcjellë kësaj prokurorie kallëzimet penale “për shkak kompetence”. Ndërkohë, organi i akuzës kryeqytetase i shkruan Kapos se “nga studimi i materialit rezulton se kallëzimi… ka nevojë të plotësohet si nga ana formale ashtu dhe nga përmbajtja e tij. Për këtë arsye ju njoftojmë që të paraqiteni në Prokurorinë pranë Gjykatës së Shkallës së Parë Tiranë, Njësia e Përbashkët hetimore, me qëllim që të shpjegoni faktet objekt kallëzimi duke parashtruar fakte dhe prova konkrete që sqarojnë rrethanat e kryerjes së veprave penale të kallëzuar nga ana juaj”.
Më 4 prill 2016, Mirjan Kapo është paraqitur para prokurores së Prokurorisë pranë Gjykatës së Shkallës së Parë Tiranë, Daniela Sulaj. Ndërkohë, para deponimeve shtesë avokati kishte kërkuar nga përfaqësitë diplomatike të BE-së, Italisë, Francës, Konfederatës Zvicerane, SHBA-së, Britanisë së Madhe, Gjermanisë, Spanjës, Turqisë, Norvegjisë, Indisë, Bullgarisë etj. që të ushtronin ndikim në organet kompetente shqiptare për mbrojtjen fizike të tij para vajtjes në prokurorinë e Tiranës për shkak të kërcënimeve me jetë që ai kishte marrë.
Më 11 prill 2016, prokurorja Daniela Sulaj ka vendosur mosfillimin e procedimeve penale, por pa e njoftuar menjëherë kallëzuesin në mënyrë që ai të ketë të drejtë që brenda 5 ditësh të ankohet në gjykatë. Ky vendim i saj është miratuar nga titullari Petrit Fusha.
Më 30 qershor 2016, me nr. 43/M prot. Institucioni i Presidentit të Republikës i ka dërguar Prokurorisë së Përgjithshme një kërkesë për sqarimin e ankimit të Mirjan Kapos ndaj vendimit të organit të prokurorisë së Tiranës për mosfillimin e procedimeve penale ndaj Kryetarit të Kuvendit të Shqipërisë Ilir Meta dhe të tjerëve.
Më 1 korrik 2016, Prokuroria e Përgjithshme i dërgon për kompetencë Prokurorisë së Rrethit gjyqësor Durrës kallëzimin penal të Mirjan Kapos ndaj drejtuesit të Prokurorisë pranë Gjykatës së Shkallës së Parë Tiranë Petrit Fusha, me pretendimin se ka kryer veprime të kundërligjshme dhe në kundërshtim të hapur me detyrën për vendimet e mosfillimit të çështjeve penale nr. 279/1 dhe nr. 278/1 datë 9 shkurt 2016.
Më 3 korrik 2016, Mirjan Kapo u dërgon letër Prokurorit të Përgjithshëm dhe ambasadorit amerikan, ku kërkon të ndërhyhet në Prokurorinë e Tiranës për ta njoftuar për vendimin e mosfillimit të çështjeve penale.

Faksimile

Më 13 korrik 2016, Drejtoria e Kontrollit të Hetimit, Ndjekjes Penale, Përfaqësimit në Gjykim dhe Mbikëqyrjes së Ekzekutimit të Vendimeve Penale në Prokurorinë e Përgjithshme njofton Institucionin e Presidentit të Republikës se është zbatuar porosia e Presidencës për hetimin ndaj kryeprokurorit të Tiranës Petrit Fusha që mbylli hetimet për Ilir Metën e Co dhe se Fusha nuk vuri në dijeni Kapon për vendimin e mosfillimit të çështjeve penale më 11 prill 2016.

Faksimile

Më 15 korrik 2016, ora 10, 42, kallëzuesi Mirjan Kapo merr dorazi në Prokurorinë pranë Gjykatës së Shkallës së Parë Tiranë nga kryesekretarja Silva Beluri dhe prokurorja Daniela Sulaj vendimin mosfillimit të çështjeve penale më 11 prill 2016. Në fakt, vendimin e mosfillimit të çështjeve penale titullari i Prokurorisë pranë Gjykatës së Shkallës së Parë Tiranë Petrit Fusha ia ka dërguar me postë kallëzuesit më 25 maj 2016, me 3985 prot. dhe jo më 11 prill 2016. Sipas sekretarisë vendimin e ka kthyer posta më 15 korrik 2016 (shih në fund të shkresës shënimin me dorë).

Më 18 korrik 2016, avokati Mirjan Kapo i bën kërkesë ankimore Gjykatës së Shkallës së Parë, Tiranë kundër vendimit të mosfillimit të procedimit penal nr. 3984, datë 11/04/2016 dhe nr. 3985, datë 11 prill 2016, që i është komunikuar më 25 maj 2016.  Vendimet e mësipërme duhen prishur, si haptazi të marra në kundërshtim me ligjin duke urdhëruar organin e prokurorisë të fillojë hetimet, të kryejë verifikimet dhe në përfundim vetëm mbi bazën e provave të administruara të konkludojë për zgjidhjen procedurale ligjore. Kjo është një kërkesë e detyrueshme për organin e prokurorisë. Në kundërshtim me këtë detyrim ligjor, prokurorja Daniela Sulaj ka vendosur mosfillimin, pa administruar asnjë provë. Ky vendim i saj është miratuar nga titullari Petrit Fusha dhe nuk i është njoftuar brenda afatit ligjor të detyruar. Për këtë arsye ai ka bërë kallëzim penal kundër prokurorit Petrit Fusha, kallëzim, i cili për kompetencë i është dërguar Prokurorisë së Durrësit. Kapo i thotë gjykatës se do të provojë se vendimet e mosfillimit janë marrë në moszbatim të ligjit dhe në kundërshtim me të. Kjo është bërë për të mbrojtur politikanë si Ilir Meta etj., të cilët janë akuzuar prej tij. Këto vendime nuk janë të paanshme, transparente dhe profesionale. Ka paraqitur më shumë se 30 prova dhe akte noteriale në kallëzim.

Dokumentet

Dokumenti 1

Kallëzim penal nr. 1, datë 19 shkurt 2015

Drejtuar: Prokurorit të Përgjithshëm të Republikës  së Shqipërisë z. Adriatik Llalla Tiranë

Për dijeni:

1) Kryeministrit të Shqipërisë, z. Edi Rama, Tiranë

2) Ambasadores së Bashkimit Evropian, znj. Romana Vlahutin, Tiranë

3) Ambasadës së Konfederatës  Zvicerane, Tiranë

4) Ambasadës  Franceze, Tiranë

Kallëzuesi: Mirjan Kapo, banues në Bilardo Club “Sheki” Banofstrasse/2  9242 Oberuzwill, Zvicër

Objekti: Kërkoj marrjen në përgjegjësi penale të personave të quajtur: Tan Pavari, Kristaq Traja, Ina Metko, Ilir Meta Kryetar i Kuvendit të Shqipërisë, Arben Malaj etj. në bazë të neneve 6, 7, 28/5, 136, 248, 297, 300, 333 etj. të Kodit Penal dhe neneve 283, 280, 287 të Kodit të Procedurës Penale.

Prokuror!

Kam të gjitha të drejtat dhe arsyet ligjore, të bazuara dhe mbështetura në fakte të provuara, t’ju drejtohem juve dhe të kërkoj një hetim penal Ky hetim duhet të jetë i thelluar, gjithëpërfshirës dhe proaktiv. Rëndësia e rasteve në fjalë të përshkruara në dokumentet që po ju paraqes, rrezikshmëria e theksuar, pasojat e shkaktuara, imponojnë një hetim të kujdesshëm për shkak të subjekteve të përfshira.

Këto dokumente qartësojnë veprimtarinë kriminale të strukturuar që ka dëmtuar interesa kolosalë kombëtarë dhe ndërkombëtarë. Është kjo arsyeja që hetimi i kësaj çështjeje duhet të bëhet nga njerëz kompetentë dhe profesionistë me integritet. Përkrahës të këtij grupi shtrihen thellë në administratën e lartë shtetërore dhe klasën politike.

Po shpjegoj me dokumente veprimtarinë e kundërligjshme të këtij grupi, pasojat e shkaktuara, subjektet përkatëse dhe bashkëpunimin midis tyre. Është e drejta dhe detyra juaj  që të bashkëpunoni dhe me organet e drejtësisë së shteteve francez dhe zviceran, ku  unë, si avokat, kam denoncuar rastin në fjalë.

Shpjegim i dokumenteve

Dokumenti Nr. l – Njoftim Trupit Diplomatik në Shqipëri për veprimtarinë e rrezikshme të grupit kriminal me qendër në Athinë të Greqisë. Anëtar kryesor i këtij grupi është shtetasi shqiptar Tan Pavari. Veprimtaria kryesore e grupit: mashtrim financiar bankar ndërkombëtar.

Dokumenti Nr. 2 – Vendimi i Gjykatës Norvegjeze që tregon se Tan Pavari është i dënuar me 10 vjet heqje lirie dhe në kërkim ndërkombëtar.

Dokumenti Nr. 3 – Njoftimi që unë i kam bërë në vitin 2012 Kryeministrit të sotëm, ish-kreut të opozitës së atëhershme z. Edi Rama për veprimtarinë e këtij grupi. Takimin që ka zhvilluar në Tiranë njëri nga këta pjesëtarë dhe pikërisht F. Sabater Cabanes me Arben Malajn, ish-deputet dhe Ardian Fullani ish-Guvernator. Ky person ka ardhur fshehurazi në Shqipëri dhe ka çelur një linjë krediti me bankë garanci false. Edhe ky person është i dënuar dhe vendin e tij, Spanjë.

Dokumenti Nr. 4 – Prokurë e posaçme e studios së avokatisë “Traja & Partners” për transaksion 500 milionë euro. Bashkëpunëtor dhe njeriu që ka garantuar ardhjen e përfaqësuesit të “Tiger Capital Assets Limited” z. Perlat Meta. Z. Aszurdi Bin Muhamed Salam ka qëndruar më shumë se dy muaj në Tiranë tek “Dreri”, kodrat e Liqenit.

Dokumenti Nr. 5 – Perlat Meta di aktivitetin kriminal të grupit të Athinës: Tan Pavarit, F.S. Cabanes etj. dhe është i gatshëm të dëshmojë në çdo trup gjykues.

Dokumenti Nr. 5/1 – E-mail i dërguar znj. Enida Mitro përfaqësuese e një kompanie ndërtimi austriake, e cila do të bashkëpunonte me studion e avokatisë “Traja & Partners” për ndërtimin e një fshati turistik në Lalëz, Durrës dhe Vlorë, duke përdorur si kolateral bondin prej 500 milionë euro dhe hapur me llogari të përbashkët në Dubai.

Dokumenti Nr. 6  – “Traja & Partners” rinjofton “Tiger Capital Assets Limited” dhe bashkëpunëtorin e tij Perlat Meta se mund ta përdorin bondin për ndërtimin e disa rezorteve turistike në Durrës dhe Vlorë dhe se për këtë duhet të bashkëpunonin me kompaninë e znj. Enida Mitro Wieshalla në Austri. Për këtë qellim, më 12 qershor 2013, kanë shkuar në Dubai të tre subjektet, pra: pronari i bondit “Tiger Capital Assets Limited” nga Hong Kongu, bashkëpunëtori Perlat Meta nga Durrësi dhe përfaqësuesi i studios së avokatisë “Traja & Partners” Ardit Hysa nga Tirana. Në Dubai ky grup ka dështuar për shkak të ndërhyrjes sime.  Këtë veprimtari të kundërligjshme të studios së avokatisë “Traja & Partners” lidhur me bondin unë ua u kam bërë të qartë juve, z. Prokuror; Trupit Diplomatik dhe Kryeministrit, por nuk kam marrë akoma përgjigje. Po kështu e gjithë klasa politike shqiptare (Kuvendi) etj..

Dokumenti Nr. 7 – Deklaratë për veprimtari kriminale të grupit në Athinë.

Dokumenti Nr. 8-9. Njoftim Drejtorisë së Përgjithshme të Policisë në Greqi për veprimtarinë e këtij grupi. Sot ky grup është shpërbërë dhe shpërndarë në vende të ndryshme të Evropës.

Dokumenti Nr. 10 – Sqarim i Ministrit të Brendshëm, z. S. Tahiri për qëndrim joserioz dhe të papërgjegjshëm profesionalisht të z. I. Marko, sot zëvendësministër, shoqëruar me dokumente.

Dokumenti Nr. 11 – Letër drejtuar ish-Drejtorit të Përgjithshëm të Policisë z. Hysni Burgaj dhe Trupit Diplomatik.

Dokumenti Nr. 12 – Deklaratë e z. Tahir Felahi.

Dokumenti Nr. 13 – E-mail znj. Enida Mitro në Austri.

Dokumenti Nr. 14 – Përgjigje e Bashkimit Evropian.

Dokumenti Nr. 15 – Ekstrakt i regjistrit tregtar të QKR-së për shoqërinë “Traja & Partners”, ku 65% të aksioneve i ka kushërira e Ilir Metës, Ina Metko. Përse e mbylli aktivitetin kjo zyrë? Përse u largua nga Shqipëria Ardit Hysa?

Dokumenti Nr. 16 – Letër drejtuar juve, z. Prokuror, Kryeministrit dhe Kuvendit të Shqipërisë së bashku me prova, që ju detyronin të fillonit çështjen penale konform nenit 280 të Kodit të Procedurës Penale dhe akoma nuk më jeni përgjigjur, por vetëm Bashkimi Evropian më jep të drejtë.

Dokumenti Nr. 17 – Kallëzim penal në Zvicër dhe ambasadave franceze, angleze, italiane në Zvicër.

Dokumenti Nr. 18 – Letër drejtuar juve, Kryeministrit, SHBA-së  dhe BE-së.

Dokumenti Nr. 19 – Përgjigja e punonjësit të institucionit tuaj, Kosta Beluri, i cili, në kundërshtim me nenin 280 të Kodit të Procedurës Penale, më “sqaron” se unë duhet të bej kallëzim penal. Këtë kallëzim unë po jua bëj juve sot të shoqëruar me këto dokumente dhe të tjera që disponoj kur të fillojë çështja penale.

Dokumenti Nr. 20 – Përgjigja e Kryeministrisë.

Dokumenti Nr. 22 – Letër ku z. Prokuror Viktor Otth më sqaron se gjithë dokumentacionin që ai kishte marrë prej meje do t’ia përcillte Prokurorit të Përgjithshëm  zviceran.

Dokumenti Nr. 23 – Letër drejtuar Presidentes dhe Ministres së Zvicrës znj. Simoneta Sammaruga.

Dokumenti Nr. 24 – Letër drejtuar avokatit në Francë, ku i kërkoj që,së bashku me të akuzuarin Kristaq Traja, t’i japë një zgjidhje përfundimtare çështjes.

Dokumenti Nr. 25 – Mesazh telefonik i z. Traja “kryespecialisti i drejtësisë shqiptare”.

Prokuror!

Situata e kriminalitetit në vendin tonë është shqetësuese dhe mbështetja e faktorit ndërkombëtar për ndryshimin e saj është maksimale. Në këtë kuadër, edhe hetimi i kësaj çështjeje do të zbulojë të vërteta të rëndësishme dhe dëme të rënda shkaktuar ekonomisë sonë.

Unë kam më se 3 vjet që luftoj kundër këtij grupi të rrezikshëm. Nëse ju do të zhvilloni hetime të rregullta, larg presioneve dhe ndërhyrjeve të politikës, do të zbulohen fakte të rënda kriminale dhe persona të rëndësishëm do të shkojnë në bankën e të akuzuarve.

Kërkoni si provë themelore për të gjitha problemet e ngritura edhe aktin noterial Nr-1287rep. Nr- 201kol. dt 1711112013 me notere Marsela Elmazaj Tiranë. Në këtë aktmarrëveshje, që është titull ekzekutiv, kam firmosur edhe unë.

Hetoni miratimin e projektit të fshatit turistik firmosur nga z. Ilir Meta si ish-Kryeministër. Si i është dhënë ky fshat firmës “Roxhefra”? A janë respektuar kriteret ligjore? Perse nuk është ndërtuar ky fshat?

Aktivizimi i bondit prej 500 milionë eurosh që mori përsipër studioja e avokatisë “Traja & Partners” do të realizonte të ardhura me shuma të mëdha që do të shkonin në favor të fshatit turistik, pra të Ilir Metës, përfaqësuar nga kushërira Ina Metko.

Prona shtetërore, në kundërshtim me ligjet në fuqi, i vihet në dispozicion një firme të huaj, që nuk dihet pronë e kujt është dhe me kë politikan ka lidhje.

Me besim në një hetim objektiv, ju përshëndes

Me respekt

Av. M. Kapo, Oberuzwill, Zvicër

Dokumenti 2

Kallëzim penal nr. 2, datë 19 shkurt 2015

Kallëzuesi:  Mirjan Kapo, banues:  Bilardo Club “Sheki” 9242 Oberuzwill Zvicer

Të akuzuar:     1) Hysen Shahu, ish-zv/ministër i Brendshëm i diktaturës

2) Anastas Angjeli, deputet

3) Astrit Celomema, biznesmen

Objekti: Kërkoj marrjen në përgjegjësi penale dhe dënimin e personave të mësipërm dhe të tjerë që mund të dalin gjatë hetimit, për vjedhje të pasurisë shtetërore në shuma të mëdha të kryera në bashkëpunim. Bllokimin dhe sekuestrimin e llogarisë bankare të çelur nga Hysen Shahu më dt 3 janar 2001 në Lugano të Zvicrës në emrin e shoqërisë zvicerane “Tradex dhe Beltranz”,  konform dispozitave të Kodit Penal dhe nenit 280 e vijues të Kodit të Procedurës Penale.

Drejtuar:       Prokurorit të Përgjithshëm të Shqipërisë, z. Adriatik Llalla, Tiranë

Per dijeni:    1) Kryeministrit të Shqipërisë, z. Edi Rama

2) Ambasadores së BE-së znj.  Romana Vllahutin,  Tiranë

3) Ambasadës së Italisë, Tiranë

Prokuror i Përgjithshëm,

Siç mund të jeni në dijeni, revista “Klan”, më 4 gusht 2002, ka botuar një artikull të marrë nga revista italiane “L’Espresso”, të cilën po jua bashkëngjis. Ky artikull flet për mafien shqiptare dhe lidhjen e saj me politikën dhe krimin e organizuar ndërkombëtar. Unë personalisht mbështes dhe jam në gjendje të provoj vërtetësinë e përmbajtjes së pjesës së dytë të këtij artikulli, që në revistë e kam shënuar me Nr.1. Dispozitat e Kodit Penal lidhur me përshkrimin, formalisht mund të pengojnë dënimin e personave në fjalë; lidhur me kompetencën. Por kjo çështje duhet të hetohet në bashkëpunim me autoritetet e shtetit italian dhe zviceran dhe lekët e marra nga shteti shqiptar në mënyrë të kundërligjshme t’i kthehen atij (shteti).

Bëhet fjalë për shuma jashtëzakonisht të mëdha parash, të cilat janë kaluar fshehurazi nga Shqipëria dhe janë çuar në Zvicër, ku është hapur llogari në emër të Hysen Shahut. Personi, që ka ndihmuar këtë grup për të depozituar këta lekë, ka qenë kryesori që ka zhvilluar të gjithë kontrabandën në kohën e diktaturës. Unë e kam njohur personalisht këtë njeri në Zvicër dhe di se sa herë ka ardhur ai në vendin tonë para dhe pas demokracisë. Sqaroj se nga vitit 1997 dhe 2002 unë kam qenë me statusin e azilantit politik në Zvicër. Ky person, i cili nuk jeton më, më ka dhënë mua shumë dokumente të rëndësishme, që vërtetojnë, veç të tjerave, edhe marrjen e këtyre parave prej personave të akuzuar dhe trafikimin e shumë veprave artistike dhe monedhave.

Po kështu, kur kam qenë në Zvicër, në periudhën 1997-2002, kam akuzuar para autoriteteve zvicerane z. Fatos Nano dhe Hysen Shahun. Pas kthimit në vendin tim, jam munduar të grumbulloj prova për të gjithë aktivitetin e të akuzuarve dhe të tjerëve,

Kështu, kam siguruar lejen nr. 2 dt 6/04/2001, firmosur nga ish-ministri, sot deputet, z. Anastas Angjeli. Kjo leje është e kundërligjshme. Po kështu, i jam drejtuar me e-mail [revistës] “L’Espresso”, më 15/10/2012.

Ka qenë e vështirë për mua të provoj për sa më sipër dhe arsyet dihen. Në muajin tetor 2015 kam qenë në Zvicër dhe gjeta dokumentin që vërteton propozimin për këmbimin e valutës së vjedhur nga të akuzuarit – nga lireta dhe marka – në dollarë dhe franga,

Nuk dihet fati i këtyre lekëve. Ato mund të jenë kthyer në vendin tonë në formë investimesh private, si p.sh., Shoqëria e Sigurimeve “Intersig”. Hetimet do të zbulojnë rrethana dhe fakte të rënda kriminale.

Kështu, do të zbulohet se cila ishte arsyeja përse deputeti Anastas Angjeli shkeli Kushtetutën duke firmosur lejen nr. 2,  dt 6/04/2001.

Në ç’rrethana u firmos kontrata e depozitave të karburantit në Portin e Durrësit dhe çfarë bisedimesh u zhvilluan në Lugano të Zvicrës?

Si u mor kjo sasi e madhe lekësh dhe me urdhër të kujt?

Unë di që ato kanë kaluar fshehurazi në Portin e Durrësit.

Sa më sipër shpjegova, janë fakte të mjaftueshme për të filluar një çështje penale. Pres me kënaqësi kontaktin me punonjësin e Prokurorisë, që do të zhvillojë këto hetime, për të dhënë hollësira të tjera. Jam i gatshëm të ballafaqohem me Hysen Shahun, Emin Barçin, ish-shef i kabinetit të Nanos. Bindem se hetimi i kësaj çështjeje do t’i kthejë shtetit shqiptar paratë e vjedhura nga të akuzuarit. Do të sugjeroja marrjen nga organi juaj i të gjithë materialit që ka drejtësia italiane për Hysen Shahun dhe Fatos Nanon.

Ju bashkëngjis artikullin [e revistës] dhe lejen e dhënë nga Ministri i Financave. Hetimi do të zbulojë se i akuzuari në denoncimin e mëparshëm për çështjen e bondit, Tan Pavari, është edhe lidhje e këtij grupi dhe Arben Malajt.

Me respekt

Av.  Mirjan  Kapo

Dokumenti 3

Durrës, më 18.7. 2016

Kërkesë Ankimore

Ankuesi: Mirjan Kapo, i ditëlindjes 1955, me arsim të lartë, banues në lagjen nr. 3, rruga  “A. Troplini”, apartamenti nr. 494. Durrës

Kundër vendimit të mosfillimit të procedimit penal nr. 3984, datë 11/04/2016 dhe nr. 3985, datë 11/04/2016, që më janë komunikuar mua më datë 15/05/2016 në bazë të neneve 1, 24, 25/2, 149, 291, 292, 287, 288 etj të Kodit të Procedurave Penale.

Gjykatës së Shkallës së Parë, Tiranë

Gjyqtar!

Vendimet e mësipërme duhen prishur, si haptazi të marra në kundërshtim me ligjin duke urdhëruar organin e prokurorisë të fillojë hetimet, të kryejë verifikimet dhe në përfundim vetëm mbi bazën e provave të administruara të konkludojë për zgjidhjen procedurale ligjore.

Kjo është një kërkesë e detyrueshme për organin e prokurorisë. Në kundërshtim me këtë detyrim ligjor, prokurorja Daniela Sulaj ka vendosur mosfillimin, pa administruar asnjë provë.

Ky vendim i saj është miratuar nga titullari Petrit Fusha dhe nuk më është njoftuar mua brenda afatit ligjor të detyruar sipas nenit 291 të Kodit të Procedurave Penale (menjëherë). Për këtë arsye unë kam bërë kallëzim penal kundër prokurorit Petrit Fusha, kallëzim, i cili për kompetencë i është dërguar Prokurorisë së Durrësit.

Pas këtij kallëzimi mua m’u realizua e drejta e njoftimit të vendimeve objekt ankimi.

Unë do të provoj para jush me përgjegjësi të plotë se vendimet e mosfillimit janë marrë në moszbatim të ligjit dhe në kundërshtim me të. Kjo është bërë për të mbrojtur politikanë si Ilir Meta etj., të cilët janë akuzuar prej meje. Këto vendime nuk janë të paanshme, transparente dhe profesionale. Unë kam paraqitur më shumë se 30 prova dhe akte noteriale në kallëzim.

Dihet, i nderuar Gjyqtar, se aktet noteriale përbëjnë provë të plotë. Shkaqet që kanë detyruar prokurorin në marrjen e këtyre vendimeve nuk janë ligjore, por të paarsyeshme dhe korruptive. Rëndësia e çështjeve të denoncuara i kalon kufijtë e vendit tonë. Unë kam denoncuar se në rastin konkret bëhet fjalë për krim të organizuar ndërkombëtar me pjesëmarrje të politikanëve tanë. Të gjitha provat e renditura në kallëzim vërtetojnë fakte kriminale me rrezikshmëri të lartë. Ato janë vërtetuar dhe nga BE-ja dhe shtypi i vendit dhe i huaj. Ndryshe nga vendimet e mosfillimit, Prokuroria e Përgjithshme më njofton se janë duke vazhduar hetimet. Paratë e vjedhura nga Hysen Shahu dhe Anastas Angjeli duhet t’i kthehen shtetit. Organi i prokurorisë duhet të bashkëpunonte me Italinë, Francën, Zvicrën etj. Por kjo gjë realizohet vetëm kur fillojnë hetimet dhe zhvillohen në përputhje me ligjin dhe jo duke mosfilluar për t’i bllokuar.

Ju bashkëngjis përgjigjen e Prokurorisë së Përgjithshme nr. 1122/2, datë 01/07/2016, nënshkruar nga A. Xholi; nr. 278/4, datë 03/06/2016, nënshkruar nga drejtori K. Beluri dhe shtesë kallëzimi penal firmosur nga unë më datë 09/05/2016. Këto dokumente, siç do të konstatoni, mbështesin kallëzimet duke më dhënë mua të drejtë për një kohë kur qenka marrë vendimi i mosfillimit më datë 11/04/2016.

Ky është kulmi i paligjshmërisë dhe papërgjegjshmërisë!

Prokuroria e Përgjithshme më jep të drejtë dhe kjo e provuar me provat e përmendura më lart, kurse Prokuroria e Tiranës paska mosfilluar çështjen që më datë 11/04/2016 dhe nuk njofton as mua si kallëzues as Prokurorinë e Përgjithshme dhe as Ministrinë e Brendshme, e cila në shkresën nr. 101/1, datë 04/07/2016 mua më sqaron.

Kjo situatë kriminale, paligjshmërie dhe fshehjeje të së vërtetës, e realizuar nga këto vendime mosfillimi, duhet ndryshuar urgjentisht!

Ligji jua jep juve këtë të drejtë, i nderuar z. Gjykatës.

Unë jam në pritje të vendimit tuaj, i cili, padyshim, do të jetë i bazuar në ligj.

nga SkaNdal / skandal.al

  • twitter
  • facebook
  • linkedin
Fjalë kyçe: , ,

Komentet

Lajme të ngjashëm

Osmani bisedon me Hovenierin për ndryshimet në administratën amerikane pas fitores së Trumpit

Presidentja e Kosovës, Vjosa Osmani, ka biseduar me ambasadorin e Shteteve të Bashkuara në Prishtinë, Jeffrey Hovenier, për ndryshimet në administratën amerikane, pasi Donald Trump i fitoi zgjedhjet presidenciale në SHBA javën e kaluar.

Zyra e Osmanit njoftoi se ky ishte një takim i rregullt i presidentes me ambasadorin amerikan, i cili është i pari mes tyre prej se Trumpi fitoi zgjedhjet më 5 nëntor.

“Presidentja Osmani shprehu mirënjohjen për mbështetjen historike bipartizane dhe bashkëpunimin me Shtetet e Bashkuara, si dhe nënvizoi angazhimin e përbashkët për ruajtjen e paqes dhe stabilitetit”, thuhet në njoftim.

Osmani tha në takim se marrëdhëniet e Kosovës me SHBA-të janë “ekzistenciale” dhe se shpreson se edhe me administratën e re të presidentit të zgjedhur Trump, do të vazhdojë bashkëpunimi i “shkëlqyeshëm” dhe se ajo do të vazhdojë ta ketë në vëmendje Kosovën.

Fitorja e republikanit Trump në zgjedhjet presidenciale të 5 nëntorit në SHBA ka sjellë paqartësi edhe në Kosovë.

Njohësit politikë në Kosovë dhe të huaj, kanë shprehur qëndrime të ndara për ndikimet që kjo administratë do të ketë mbi Kosovën.

Afrim Hoti, profesor i së Drejtës dhe Marrëdhënieve Ndërkombëtare në Universitetin e Prishtinës, tha javën e kaluar për Radion Evropa e Lirë se është optimist se Trump sjell një “mundësi pozitive për Kosovën dhe rajonin”.

Por, për Toby Vogel, nga Këshilli për Politikat e Demokratizimit në Berlin “as edhe një gjë pozitive” për Ballkanin nuk mund të vijë nga kthimi i Trumpit në Shtëpinë e Bardhë.

Gjatë mandatit të parë të Donald Trump si President i SHBA-së (2016-2020), administrata e tij u përqendrua fuqimisht në atë që e quajti “normalizim ekonomik” të marrëdhënieve ndërmjet Kosovës dhe Serbisë.

Më 2020, Kosova dhe Serbia në Shtëpinë e Bardhë, në prani të presidentit Trump, nënshkruan Marrëveshjen e Uashingtonit për normalizim ekonomik. Kjo marrëveshje, që përfshiu edhe njohjen e pavarësisë së Kosovës nga Izraeli, nuk është zbatuar plotësisht.

Synimi kryesor, sipas kësaj administrate, ishte që bashkëpunimi ekonomik t’i vendoste “në plan të parë përfitimet e qytetarëve, duke i ulur tensionet politike në rajon”.

Gjithashtu, në administratën e parë të Trumpit ka pasur disa zyrtarë, si këshilltari i atëhershëm për siguri kombëtare, John Bolton, që nuk e kanë përjashtuar opsionin e “korrigjimeve territoriale” mes Kosovës dhe Serbisë. REL

Osmani pret gjeneralin Clark: Vendosmëria dhe lidershipi i kontribuuan lirisë së Kosovës

Presidentja e Republikës së Kosovës, Vjosa Osmani, ka pritur në takim gjeneralin Wesley K. Clark, ish-komandant suprem i NATO-s për Europë, i cili udhëhoqi ndërhyrjen e NATO-s në vitin 1999.

“Vendosmëria dhe lidershipi juaj i kontribuuan lirisë së Kosovës, duke siguruar një të ardhme ku dinjiteti mbizotëron mbi frikën dhe shtypjen”, ka thënë Osmani, siç njofton Presidenca.

Në takim me Clark, Osmani theksoi progresin e Kosovës ndër vite, duke vënë në dukje “punën e vazhdueshme për ta forcuar pozitën e Kosovës në skenën ndërkombëtare, sikurse edhe anëtarësimin në organizata ndërkombëtare”.

“Sipas Presidentes Osmani e ardhmja e Kosovës është e qartë në synimin për integrimin euroatlantik dhe partneritet të qëndrueshëm me Shtetet e Bashkuara”, thuhet në njoftim./Express/

Trumpi emëron Marco Rubion si Sekretar Shteti dhe Matt Gaetz si prokuror të përgjithshëm

Senatori Marco Rubio

VOA

Presidenti i zgjedhur Donald Trump njoftoi të mërkurën se ka emëruar senatorin republikan Marco Rubio për postin e Sekretarit të Shtetit.

Zoti Trump zgjodhi ligjvënësin e Floridës, Matt Gaetz për të shërbyer si prokuror i përgjithshëm.

Ligjvënësi Matt Gaetz

Ligjvënësi Matt Gaetz

Ai njoftoi gjithashtu se kishte zgjedhur zonjën Tulsi Gabbard, një ish-anëtare demokrate të Kongresit dhe kandidate për presidente, për të shërbyer në postin e drejtores së Zbulimit Kombëtar.

Ish ligjvënësja Tulsi Gabbard

Ish ligjvënësja Tulsi Gabbard

Senatori Marco Rubio në postin e Sekretarit të Shtetit

Presidenti i zgjedhur Donald Trump njoftoi të mërkurën se ka emëruar senatorin republikan Marco Rubio për postin e Sekretarit të Shtetit, në administratën e tij të re.

“Ai do të jetë një avokat i fortë për kombin tonë, një mik i vërtetë i aleatëve tanë dhe një luftëtar i patrembur që nuk do të tërhiqet kurrë ndaj kundërshtarëve tanë”, shprehej zoti Trump në një deklaratë.

Ligjvënësi konservator Marco Rubio njihet për qëndrimet e tij të forta ndaj Kinës, Kubës dhe Iranin dhe ishte një nga kandidatët që zoti Trump po shqyrtonte për postin e nënpresidentit, përpara se të vendoste përfundimisht për senatorin J.D Vance.

Zoti Rubio është nënkryetar i Komisionit të Senatit për Zbulimin dhe anëtar i komisionit të Senatit për Marrëdhëniet me Jashtë.

Ai ka nxitur një qëndrim më të ashpër kundër Kinës duke patur si objektiv aplikacionin e mediave sociale TikTok, kompania mëmë e së cilës është kineze. Ai dhe ligjvënës të tjerë thonë se Pekini mund të sigurojë qasje tek dhënat e përdoruesve sa herë të dojë.

Presidenti i zgjedhur Donald Trump e bëri njoftimin ndërsa po kthehej në Florida nga Uashingtoni pas takimit me Presidentin Joe Biden.

 

Presidentja Osmani: Stërvitja ‘Ujku i Çeliktë’ demonstrim i qëndrueshmërisë dhe shpirtit të ushtrisë sonë

Presidentja e Republikës së Kosovës, Vjosa Osmani, ka shprehur krenarinë për performancën e jashtëzakonshme të ushtarëve të Forcave të Sigurisë së Kosovës (FSK) gjatë stërvitjes “Ujku i Çeliktë”, të realizuar nga Regjimenti i Dytë i Këmbësorisë së Forcave Tokësore të FSK-së.

Në një postim në rrjetet sociale, Presidentja Osmani theksoi se kjo stërvitje është një demonstrim i qëndrueshmërisë, guximit dhe shpirtit të pazëvendësueshëm të Ushtrisë sonë, që ka një angazhim të palëkundur për mbrojtjen e shtetit të Kosovës.

“Krenarë me vajzat dhe djemtë e Ushtrisë sonë, të cilët Kosovën e kanë mbi të gjitha!”, ka shkruar Osmani. sn

Kurti foli për armatim modern e investime në FSK: Ushtrinë tonë synojmë ta përgatisim t’i bëjë ballë çdo kërcënimi

Kryeministri i Kosovës, Albin Kurti, ka vlerësuar si një sukses të jashtëzakonshëm ushtrimin ushtarak “Ujku i Çeliktë”, i cili u realizua dje me pjesëmarrjen e mbi 1000 ushtarakëve të Forcave të Sigurisë së Kosovës (FSK).

Sipas tij, ky është ushtrimi më i madh dhe më i sofistikuar që ka realizuar FSK-ja deri më tani, dhe një shembull i përkushtimit të Kosovës në forcimin e kapaciteteve të saj mbrojtëse.

Kryeministri Kurti theksoi se pajisjet, të cilat përputhen me standardet e NATO-s, janë rezultat i një strategjie të detajuar të investimeve në fushën e mbrojtjes, të cilat janë realizuar për të përforcuar kapacitetet mbrojtëse të Kosovës.

Në fjalën e tij, Kryeministri theksoi gjithashtu se buxheti për ushtrinë është trefishuar, ndërsa numri i ushtarëve është dyfishuar, duke u përqendruar edhe në trajnimin intensiv të ushtarëve tanë, i cili është katërfishuar. Ai nënvizoi se ky investim masiv në armatim dhe trajnimin e personelit ushtarak është një hap i rëndësishëm për rritjen e sigurisë në vend dhe përgatitjen e FSK-së për sfida të mundshme në të ardhmen.

Kurti përfundoi duke theksuar se më shumë investime në ushtri do të thotë më shumë siguri për qytetarët e Kosovës. Ai shprehu besimin se, me përkushtimin dhe gatishmërinë e ushtarëve dhe oficerëve të FSK-së, e ardhmja e Kosovës është në duar të sigurta dhe të forta.

“Një element tjetër i rëndësishëm i këtij ushtrimi është përdorimi i pajisjeve dhe armatimit modern, të cilat janë blerë dhe integruar në flotën tonë në këto vitet e fundit. Këto pajisje dhe ky armatim i blerë sipas standardeve të NATO-së, janë produkt i një strategjie të detajuar të investimeve tona në fushën e mbrojtjes. Armatimet e reja të cilat përfshijnë pajisje të avancuara dhe të sofistikuara luftarake, janë dëshmi e qartë e vendosmërisë sonë për të modernizuar dhe për ta përgatitur ushtrinë tonë të përballojë çdo lloj kërcënimi, skenari dhe sfide që mund të paraqitet në këtë kohë të brishtë të sigurisë globale.

Ky ushtrim na tregoi se Forca e Sigurisë së Kosovës është mburojë e vendit tonë, por edhe një partner i besueshëm për paqen dhe sigurinë rajonale, për aleatët e Kosovës. Ushtria jonë ka treguar bashkëpunim dhe bashkërendim të shkëlqyeshëm me partnerët tanë strategjikë, duke dëshmuar aftësitë tona për ndërveprueshmëri, dhe duke përmbushur detyrat komplekse me efikasitet të plotë”, tha Kurti ndër të tjera. sn

Banorët e kryeqytetit janë zhvendosur drejt skajeve- Popullsia e Tiranës (pa komunat) është tkurrur me 29 mijë banorë në dekadën e fundit

Popullsia e qytetit të Tiranës pa përfshirë njësitë administrative ish-komunat rezultoi 389,323 banorë në cens 2023, me ulje 7% ose (29,172) banorë më pak se të dhënat e cens 2011, ku u numëruan 418,495 banorë (shiko tabelën e mëposhtme).

Të dhënat e detajuara të cens 2023 për popullsinë dhe banesat në Bashkinë e Tiranës tregojnë për zhvendosje të mëdha të popullsisë nga qyteti në ish-komuna dhe në fshat. Pakësimi i popullsisë në kufijtë e bashkisë së qytetit ka qenë në zhvillim të kundërt me volumet e larta të ndërtimit brenda qytetit me kulla dhe komplekse pallatesh.

Banorët e kryeqytetit janë zhvendosur drejt skajeve. P.sh. popullsia e Kasharit, një ish-komunë u rrit me 106 % ndërmjet dy censeve. Në vitin 2023 në Kashar rezultuan mbi 89 mijë banorë nga 43 mijë që ishin në vitin 2011. Komuna e Kasharit mori zhvillim të shpejtë në ndërtimin e objekteve për banim, por nuk ishte i mirë-studiuar, pasi nuk u shoqërua me infrastrukturën mbështetëse si shkolla dhe qendra shëndetësore.

Popullsia Ok

Më pas rritjen më të madhe të popullsisë e ka ish komuna e Dajtit, popullsia e së cilës arriti në mbi 35 mijë banorë me rritje 74 % nga 2011. Komuna e Farkës gjithashtu kishte rritje me 60% të popullsisë ndërmjet 2011 dhe 2023, duke shënuar 36 mijë banorë aktualisht. Gjithashtu ish- komuna e Petrelës regjistroi mbi 5,700 banorë me 2023 më një rritje 21% nga 2011-ta.

Në 8 isha komuna të tjera si Peza, Bërzhita, Ndroqi, Baldukshu, Zall Ballstar, Krrabë, Shëngjergj dhe Zall Herr popullsia ka rënë me ritme dyshifrore ndërmjet dy censeve.

Lëvizjet e popullsisë tregojnë se qyteti i Tiranës po behet gjithnjë e më shumë i pajtueshëm dhe i shtrenjtë sidomos nga familjet e reja.
Në dhjetë vitet e fundit familjet e reja kanë preferuar të blejnë prona në periferi të Tiranës, sakaq territori i qytetit të vjetër është pakësuar nga emigrimi, rënia e lindjeve dhe zhvendosja në periferi.

Të dhënat sugjerojnë se, popullsia me nivel ekonomik mbi mesataren është zhvendosur nga Tirana në komplekset rezidenciale të ngritura në ish komuna, teksa familjet e reja kanë preferuar të nisin jetën në periferitë, ish komunat e Dajtit dhe Kasharit pasi ishin më të përballueshme për blerjen e shtëpive.

Rritjet e çmimeve të banesave në Tiranë edhe në kushtet e rënies së popullsisë, po bëhet shkak për zhvendosje gjithnjë e më shumë të popullsisë së re ne zonat periferikë jashtë qytetit./Monitor/

Kosova kundër zgjidhjeve me Serbinë që prekin territoret

Ura e Ibrit, e cila, që nga paslufta e vitit 1999, ndan qytetin e Mitrovicës në dy pjesë: në Mitrovicë të Jugut me shumicë shqiptare dhe Mitrovicë të Veriut të banuar me shumicë serbe.

 

Bekim Bislimi

Për Qeverinë e Kosovës, shkëmbimi i territoreve me Serbinë, si mundësi për zgjidhjen e mosmarrëveshjeve, nuk duhet të vihet në diskutim.

Ajo thotë se ka qenë dhe është kundër idesë së tillë.

“Qeveria e Kosovës refuzon projekte e zgjidhje me karakter territorial”, thotë zëdhënësi Përparim Kryeziu për Radion Evropa e Lirë.

Ideja u riaktualizua javën e kaluar, kur kandidatja për komisionare të Zgjerimit të Bashkimit Evropian, Marta Kos, u deklarua kundër saj.

“Komisioni Evropian dhe unë, nëse konfirmohem, nuk do t’i ndjekim këto tendenca”, tha Kos në një seancë dëgjimore në Parlamentin Evropian.

Po atë javë, zgjedhjet presidenciale në SHBA i fitoi ish-presidenti republikan, Donald Trump, i cili do ta marrë mandatin nga janari i vitit të ardhshëm.

Në administratën e parë të Trumpit, nga viti 2017 deri më 2021, ka pasur disa zyrtarë, si këshilltari i atëhershëm për siguri kombëtare, John Bolton, që nuk e kanë përjashtuar opsionin e “korrigjimeve territoriale” mes Kosovës dhe Serbisë.

“Ne nuk do të jemi pengesë dhe nuk mendoj se dikush në Evropë do të qëndrojë në mes, nëse dy palët në konflikt arrijnë një marrëveshje të kënaqshme”, ka thënë Bolton në gusht të vitit 2018.

Po atë muaj, edhe vetë presidenti i atëhershëm i Kosovës, Hashim Thaçi, ka shpalosur në një forum në Austri idenë e tij për korrigjimin e kufijve me Serbinë.

Ngjashëm, edhe presidenti i Serbisë, Aleksandar Vuçiq, ka folur për ndarje ndërmjet serbëve dhe shqiptarëve.

Ndonëse asnjëri nuk ka ofruar propozime konkrete, është përfolur që veriu i Kosovës, i banuar me shumicë serbe, të shkëmbehej me jugun e Serbisë, ku jeton popullatë shqiptare.

Këto ide, si në Kosovë, ashtu edhe në Serbi kanë hasur në reagime për dhe kundër.

Edhe aleatët kryesorë të Kosovës në Evropë, Britania dhe Gjermania, kanë thënë se thirrjet për ndryshim të kufijve të Ballkanit mund të sjellin destabilizim.

Këtë qëndrim ka sot Qeveria e Kosovës, e cila thotë se përpjekja eventuale për ndarje të Kosovës, nën petkun e shkëmbimit territorial, “nuk është projekt paqësor dhe ndez konflikt të gjerë e të gjatë në Ballkan”.

“Vetëm spekulime”

Për James Ker-Lindsayn, profesor në Shkollën Ekonomike të Londrës, përmendja e idesë për shkëmbimin e territoreve tani, bazohet vetëm në spekulime dhe asgjë konkrete.

“Kjo ishte në agjendë më herët [në administratën e parë të Trumpit]. Mendoj se nuk ka asnjë justifikim se po flitet diçka [rreth kësaj teme]”, thotë Ker-Lindsay për Radion Evropa e Lirë.

“Mendoj se shumëçka do të varet se kush do të jetë në krye të ekipit të tij për politikë të jashtme dhe nëse ata do të jenë të interesuar për Ballkanin”, shton ai.

Trump, sipas tij, është i interesuar “vetëm aty ku mendon se mund të arrijë marrëveshje që mund ta bëjnë të duket mirë”.

“Dhe, nëse mendon se Ballkani nuk i ofron diçka të tillë dhe nuk e ka askënd përreth që i thotë se mund të bëjmë diçka në Ballkan, ai nuk do të brengoset”, thotë Ker-Lindsay.

Aleksandar Popov, drejtues i Qendrës joqeveritare për Rajonalizëm në Novi Sad të Serbisë, thotë se nuk e di se kush është duke e iniciuar tashti idenë e shkëmbimit të territoreve.

Ai thotë se Vuçiqit do t’i konvenonte rikthimi i kësaj ideje në diskutim, por, sipas tij, ajo nuk përkon më me realitetin në terren.

“Shumëçka ka ndryshuar. Pushteti i Kosovës ka arritur që institucionet serbe që funksiononin atje – përveç shëndetësisë dhe arsimit – t’i shuajë tërësisht. Kështu që mendoj se kjo ide është e vdekur. Kushdo qoftë nga SHBA-ja, nga administrata e saj, që e analizon këtë situatë, do ta kuptojë që, para së gjithash, Prishtina nuk do ta pranojë”, thotë Popov.

Radio Evropa e Lirë kontaktoi Presidencën dhe Qeverinë e Serbisë për të kërkuar komente rreth këtyre ideve, por prej asnjërit institucion nuk mori përgjigje.

David Kanin, profesor i Studimeve Evropiane në Universitetin Johns Hopkins në Uashington, thotë se gjasat e rikthimit të idesë së shkëmbimit të territoreve në diçka konkrete, tash për tash, janë të vogla.

“Shkëmbimi i territoreve nuk do të rikthehet në të njëjtën mënyrë si përpara, sepse aktorët kanë ndryshuar – së paku njëri prej tyre. Marrëveshja është folur në kuadër të një pajtimi mes Thaçit dhe Vuçiqit, të cilët i kanë besuar njëri-tjetrit”, thotë Kanin, duke aluduar në deklaratat e Thaçit dhe Vuçiqit më 2018.

Sipas Kaninit, mes kryeministrit aktual të Kosovës, Albin Kurti, dhe Vuçiqit, nuk ka bashkëpunim të tillë.

Kosova dhe Serbia, me ndërmjetësimin e BE-së, janë në negociata për normalizimin e marrëdhënieve qysh në vitin 2011.

Ato kanë arritur dhjetëra marrëveshje, por shumë prej tyre mbeten pa u zbatuar dhe për këtë palët fajësojnë njëra-tjetrën për mungesë angazhimi.

Kurti dhe Vuçiq nuk janë takuar qysh në shtator të vitit 2023.

BE-ja, në anën tjetër, ua ka bërë me dije se rruga e tyre drejt integrimit evropian, varet ekskluzivisht nga normalizimi i marrëdhënieve.

Kandidatja për shefe të politikës së jashtme të BE-së, Kaja Kallas, tha të martën se “Ballkani Perëndimor është rajon shumë i rëndësishëm” dhe se do të punojë që zgjerimi i BE-së të bëhet realitet. REL

UGSHPD: ATSH PROPAGANDA DHE REFRENI “BUXHETI DIGJITALIZUES” 

 
 
Në tre vite rresht atëherë kur buxheti i shtetit hartohet në ngritje shifrash ATSH-ja ka pjesën e saj të përcjelljes së lajmit, por edhe kërkesën e saj për t’u mbuluar me fonde nga ky buxhet. Drejtuar Komisionit për Edukimin dhe Mjetet e Informimit Publik, drejtoresha e përgjithshme e ATSH (Agjencia Telegrafike Shqiptare) Valbona Zhupa  tri herë me rradhë, por vetëm për nevojat e katër viteve ka shtruar çështjen e projektbuxhetit për vitin pasardhës. Kështu:
1- për 2022: “Prioritet digjitalizimi i arkivës”. 
2- për 2023: Prioriteti mungon edhe në vetë arkivin digjital të ATSH 
3- për 2024: “ATSH, domeni publik modern i së ardhmes”. 
4- për 2025: “Në fokus lufta ndaj dezinformimit, prioritet digjitalizimi i arkivës”,në këtë të fundit përmenden shifrat në rritje me 15 milionë lekë që do t’i duhen fazës së parë të inventarizimit dhe konservimit të arkivës së institucionit.
Duke monitoruar ecurinë disa vjeçare të ATSH-s, UGSHPD (Unioni i Gazetarëve Shqiptarë Profesionistë të Diasporës), sikurse vlerëson se ky institucion i rëndësishëm i medias që me formimin e shtetit shqiptar është një aset i madh i memories dhe historisë kombëtare, ka mundur të nxjerrë në pah me dhjetra raste se ATSH është abuzuar me detyrimin e saj si një institucion i propagandës së Rilindjes Socialiste. Në 11 vite veçanërisht asnjë komision parlamentar apo edhe drejtuesit e vetë ATSH-s nuk i kanë shpëtuar shtrëngimit nga censura dhe imponimit të propagandës së partisë shtet. Në çdo projektbuxhet digjitalizimi ka mbetur kryefjala ndërsa këtë vit atij i shtohet dezinformimi, çështje e rëndësishme për të cilën ka edhe një komision parlamentar, por që fatkeqësisht nuk sheh bashkëpunim sepse si propaganda edhe dezinformimi janë mjetet më të mira për të goditur kundërshtarin politik dhe topitur opinionin publik.
Kur viziton faqen online të ATSH-s megjithëse veç gjuhës shqipe, janë në përdorim gjuhët frënge dhe angleze, përditësimi i përmbajtjes nuk ka ritmin e ditës dhe të vetë peshës së ngjarjeve. Shkak është politizimi dhe agjenda e partisë-shtet sidomos në një vit të rëndësishëm zgjedhor që po afron.
Nuk po zgjatemi shumë në analiza dhe të dhëna pasi ato janë të shumta. Janë aq të shumta sa studentët e gazetarisë mund të mbronin tema diplome, analistët studime akademike dhe vetë historianët dhe akademikët të ndërtonin një kauzë për vërtetësinë e fakteve në trajtimin objektiv të historisë së shtetit shqiptar.
Po veçojmë një krahasim. Në 111 vite jetë si institucion, ATSH në epokën digjitale mundëson në kohë reale marrjen e informacionit përmes internetit kryesisht të një 5-6 vjeçari të fundit, pasi pjesa tjetër e memories është materiali i shkruar si dhe hershmëria e përdorimit të faqeve online (fillimi i shekullit XXI).
Në aspektin numerik dhe sasior rubrikat editoriale, lajmet më tërheqëse dhe aktualiteti kanë të depozituara mbi 145 mijë tituj. Por kur shohim se me  daljet e kryeministrit dhe të kabinetit që shpërndajnë si lajme ato çka ka telefoni i tyre celular kap nga shkrepjet private dhe statuset në rrjetet sociale të marrin peshën e lajmit, atëherë profesionalizmi në gazetari ka marrë fund. Ka marrë fund sepse së paku kemi nga 5 të tilla çdo ditë për turizmin, arkeologjinë, aeroportet dhe rrugët, zonat e shkatërruara të natyrës etj. të cilat konkurrojnë çdo zhvillim të rëndësishëm të jetës politike shoqërore  në vend, rajon dhe ndërkombëtarisht dhe janë krye-lajme vetëm kur kryeministri Rama, zv/kryeministrja Balluku, kryetari i bashkisë Tiranë Veliaj shfaqen e më pas të tjerë ministra sipas agjendës qeveritare dhe rëndësisë së  propagandës. 
Në mbyllje duhet thënë se prioriteti i parë është vërtetësia dhe objektiviteti i lajmit. ATSH ka nevojë për gazetarë terreni, për mbulime fotografike dhe audio-vizive sikurse çdo agjenci moderne lajmesh. Me produktin e saj objektiv nga faktet dhe realiteti shqiptar ATSH mund të njihet, shkëmbejë komunikimin dhe të synojë prirjet e zhvillimit pasi në xhepin e qeverisë propagandën e partisë-shtet askush nuk ta blen. 
Ndaj është mirë që rritja e buxhetit t’i shërbejë profesionalizmit në gazetari, historisë dhe kulturës kombëtare.
 

12 Nëntor, 2024

Unioni i Gazetarëve Shqiptarë Profesionistë të Diasporës (UGSHPD)

Verband Albanischer Berufsjournalisten der Diaspora (VABD)

Union of Professional Albanian Journalists of Diaspora (UPAJD)

L’Union des journalistes professionnels albanais de la diaspora (UJPAD)

Unione dei Giornalisti Professionisti Albanesi della Diaspora (UGPAD)

“Punë një jetë, pensioni në dietë”, pensionistët protestë para Kryeministrisë: Rama na ka lënë pa oksigjen, ditën e votimit t’i heqim tubat

TIRANË

Pensionistët dhe Lëvizja Bashkë kanë dalë sërish sot para Kryeministrisë për të kërkuar rritjen e pensioneve. Ata thanë se pensioni nuk u del as për ilaçe e ushqimet e shportës, duke akuzuar qeverinë për korrupsion e vjedhje.

Me pankarta si “Punë një jetë, pensioni në dietë” apo “Hiqni dorë nga korrupsioni të na rritet pensioni”, pensionistët kanë bërë thirrje për t’u bashkuar.

“Me 200 mijë lekë çfarë do bëjmë. Pensionistët janë të parët në votime dhe të parët në detyrime. Ku është Kontrolli i Shtetit, ku janë sindikatat që nuk ndjehen fare. Shtresa e tretë ka vuajtur në kohën e Enverit dhe të Hitlerit. Na iku Enveri, erdhi Hitleri. Ku jeni o shqiptarë, fëmijët tanë të vijnë të votojnë për ta hedhur këtë”, tha një e moshuar.

“Pensioni social 500 euro. Ky na do vetëm votën. Vërtetë na ka gjunjëzuar nga ana ekonomike, na ka bërë me oksigjen, por ama ditën e votimit ta çojmë këtë në oksigjen, t’ia heqim tubat këtij. Më keq se sot nuk do bëhemi. Të mblidhemi dhe ta rrëzojmë me votën”, u shpreh një tjetër pensionist.bw

Reuters: Trumpi pritet të caktojë senatorin amerikan Marco Rubio për sekretar shteti

Donald Trump pritet të zgjedhë Senatorin amerikan Marco Rubio si sekretar të tij të shtetit, thanë burimet të hënën, duke e vënë politikanin e lindur në Florida në rrugën e duhur për të qenë latini i parë që do të shërbejë si Kryediplomati amerikan, sapo presidenti i zgjedhur republikan të marrë detyrën në janar.

Rubio ishte padyshim opsioni më i ashpër në listën e ngushtë të Trump për Sekretar Shteti, dhe ai në vitet e kaluara ka mbrojtur një politikë të jashtme muskulare, në lidhje me armiqtë gjeopolitikë të Amerikës, duke përfshirë Kinën, Iranin dhe Kubën.

Gjatë disa viteve të fundit ai ka zbutur disa nga qëndrimet e tij për t’u lidhur më ngushtë me pikëpamjet e Trump. Presidenti i zgjedhur akuzon presidentët e kaluar të SHBA-së, se e kanë çuar Amerikën në luftëra të kushtueshme dhe të kota dhe ka shtyrë për një politikë të jashtme më të përmbajtur.

Ndërsa Trumpi gjithmonë mund të ndryshonte mendje në minutën e fundit, ai dukej se ishte vendosur në zgjedhjen e tij që nga e hëna, sipas burimeve, të cilët kërkuan anonimitetin për të diskutuar bisedat private.

Përfaqësuesit e Trump dhe Rubio nuk iu përgjigjën menjëherë kërkesave për koment.

Administrata e re do të përballet me një botë më të paqëndrueshme dhe më të rrezikshme se sa ishte kur Trump mori detyrën në vitin 2017, me luftëra të ndezura në Ukrainë dhe Lindjen e Mesme, dhe me Kinën duke u lidhur më ngushtë me armiqtë e SHBA-së, Rusinë dhe Iranin.

Kriza e Ukrainës do të jetë kryesore në agjendën e Rubios.

Rubio, 53 vjeç, ka thënë në intervistat e fundit se Ukraina duhet të kërkojë një zgjidhje të negociuar me Rusinë, në vend që të fokusohet në rifitimin e të gjithë territorit që Rusia ka marrë në dekadën e fundit. Ai ishte gjithashtu një nga 15 senatorët republikanë që votuan kundër një pakete ndihme ushtarake prej 95 miliardë dollarësh për Ukrainën, të miratuar në prill.

Ndërsa Rubio ishte larg nga opsioni më izolues, zgjedhja e tij e mundshme megjithatë nënvizon një ndryshim të gjerë në pikëpamjet e politikës së jashtme republikane nën Trump.

Dikur partia e skifterëve që përkrahnin ndërhyrjen ushtarake dhe një politikë të jashtme muskulare, shumica e aleatëve të Trump tani predikojnë përmbajtje, veçanërisht në Evropë, ku shumë republikanë ankohen se aleatët amerikanë nuk po paguajnë pjesën e tyre të drejtë në mbrojtje.

“Unë nuk jam në anën e Rusisë – por fatkeqësisht realiteti i tij është se mënyra se si do të përfundojë lufta në Ukrainë është me një zgjidhje të negociuar,” tha Rubio për NBC në shtator.

Përzgjedhja e Rubios ka rëndësi të brendshme dhe ndërkombëtare.

Trump mundi zëvendëspresidenten demokrate Kamala Harris në zgjedhjet e 5 nëntorit pjesërisht duke fituar mbi një numër të madh latinësh, të cilët kishin votuar me shumicë dërrmuese për demokratët në ciklet e mëparshme zgjedhore, por janë bërë një demografik gjithnjë e më i larmishëm në kuptimin politik, me gjithnjë e më shumë latino duke votuar republikane.

Duke zgjedhur Rubion për një rol kyç në politikë, Trump mund të ndihmojë në konsolidimin e fitimeve elektorale mes latinëve, dhe të bëjë të qartë se ata kanë një vend në nivelet më të larta të administratës së tij.

Nëse konfirmohet, Rubio ka të ngjarë t’i kushtojë një rëndësi shumë më të madhe Amerikës Latine se çdo sekretar i mëparshëm i shtetit, tha Mauricio Claver-Carone, një aleat i Rubio-s, ish-president i Bankës Ndër-Amerikane për Zhvillim dhe një ish-ndihmës i Këshillit të Sigurisë Kombëtare për Amerikën Latine në administratën e parë të Trump.

“Kjo është koha kur Amerika Latine do të jetë më së shumti në hartë në historinë e çdo presidence të SHBA. Është historike. Nuk ka asnjë mënyrë tjetër për ta thënë,” tha Claver-Carone./ Reuters. sn

Kurti: Jemi të gatshëm për bashkëpunim me administratën e re amerikane

VOA/Leonat Shehu

Kryeministri Albin Kurti tha të hënën se qeveria e tij është e gatshme dhe interesuar të vazhdojë bashkëpunimin me administratën e re të Shteteve të Bashkuara ndërsa theksoi se marrëveshja e Brukselit për normalizimin e marrëdhënieve me Serbinë duhet të zbatohet para asaj të Washingtonit të vitit 2020.

“Unë mund të jem përgjegjës për marrëveshjet në të cilat kam marrë pjesë dhe kam pranuar dhe pres të njëjtën gjë edhe nga pala e Beogradit edhe pse ata e shtypin dhe nuk e respektojnë këtë marrëveshje. Le të fillojmë me marrëveshjen e fundit, që është një marrëveshje gjithëpërfshirëse sepse ajo normalizon marrëdhëniet ndërmjet Kosovës dhe Serbisë së paku përmes njohjes de facto”, tha ai.

Shtëpia e Bardhë siguroi një marrëveshje për normalizimin e marrëdhënieve ekonomike ndërmjet Kosovës dhe Serbisë e cila u nënshkrua në shtator të vitit 2020 në praninë e presidentit Donald Trump.

Marrëveshja u nënshkrua disa muaj pas rënies të qeverisë së parë të kryeministrit Kurti i cili nuk u pajtua me kërkesat amerikane për heqjen e tarifave prej 100 për qind ndaj mallrave serbe, që ishin vendosur në nëntor të vitit 2018 si kundërpërgjigje ndaj qasjes së Serbisë ndaj shtetësisë së Kosovës.

Mandati i parë i Presidentit Trump në Shtëpinë e Bardhë u karakterizua nga marrëdhënie të tensionuara me qeverinë e parë të kryeministrit Albin Kurti.

Kryeministri Albin Kurti tha sot pas një vizite në Institutin e Krimeve të Kryera Gjatë Luftës në Kosovë se do të ketë komunikim e bashkëpunim në të ardhmen me presidentin e rizgjedhur amerikan Donald Trump.

“Unë bëj raporte zyrtare, shtetërore dhe politike. Kush i ka raportet me kë më mirë nuk e di atë punë, nuk mund ta them tani, por duhet të presim, të japim pak kohë dhe të ecim përpara”, tha ai duke nënvizuar se qeveria e tij do të punojë me çdo administratë të Shteteve të Bashkuara.

“Presidenti i ardhshëm i Shteteve të Bashkuara të Amerikës që është një njëkohësisht edhe president i kaluar në një letër urimi që i kishte dërguar një pararendësi para kësaj qeverie po ashtu ka vendosur në thelb njohjen reciproke si diçka qendrore për raportet e ardhshme normale midis Kosovës dhe Serbisë dhe ne dëshirojmë, jemi të gatshëm dhe shumë të interesuar ta vazhdojmë këtë bashkëpunim, pse jo ta zgjerojmë dhe thellojmë këtë bashkëpunim i cili shprehët jo vetëm në aspektin diplomatik”, tha kryeministri Kurti.

Presidenti i Serbisë Aleksandar Vuçiç njoftoi ndërkaq të dielën se ka biseduar në telefon me presidentin e zgjedhur amerikan Donald Trump pak ditë pas zgjedhjeve në Shtetet e Bashkuara.

Përmes një video mesazhi të shpërndarë në rrjetet sociale, presidenti serb tha se biseda me zotin Trump ishte e shkëlqyer, domethënëse dhe e përzemërt.

“Shfrytëzova rastin që me dëshirën për të përmirësuar më tej marrëdhëniet tona në të gjitha sferat e jetës shoqërore, shpreha shpresën se ai do të vizitojë Serbinë, sepse Serbia ishte vendi ku mbështetja për Presidentin Trump në këto zgjedhje ishte më e larta në Evropë”, tha ai duke nënvizuar se presidenti i zgjedhur amerikan Donald Trump e falënderoi për mbështetjen e madhe nga populli serb.

Ish presidenti Donald Trump pritet të rikthehet në postin e presidentit amerikan pasi në zgjedhjet e javës së kaluar fitoi përballë kandidates demokrate Kamala Harris.

Franca dhe Britania – Macron dhe Starmer zotohen për mbështetjen ‘e palëkundur’ të Ukrainës

Franca dhe Britania e Madhe do të mbështesin Ukrainën për aq kohë sa është e nevojshme “për të penguar luftën e agresionit të Rusisë”, kanë thënë presidenti francez Emmanuel Macron dhe Sir Keir Starmer.

Kryeministri shënoi Ditën e Armëpushimit në Varrin e Ushtarit të Panjohur në Paris si i ftuar i Macron të hënën dhe zhvilloi një takim me homologun e tij francez për të folur për pushtimin e Rusisë dhe ndalimin e migracionit të paligjshëm në Kanal.

Një deklaratë nga Pallati Elysee tha se të dy udhëheqësit kishin riafirmuar angazhimin e tyre për të “mbështetur Ukrainën në mënyrë të palëkundur”.

Takimi i tyre vjen pasi po bëhen pyetje në lidhje me mbështetjen e presidentit të zgjedhur të SHBA-së, Donald Trump për Ukrainën, pasi ai tha se mund t’i jepte fund luftës “brenda një dite”.

Macron e ftoi personalisht kryeministrin, për të shënuar 120-vjetorin e Antante Cordiale mes Francës dhe Britanisë së Madhe, e cila hapi rrugën për një bashkëpunim më të madh diplomatik mes dy vendeve.

Deklarata tha se të dy udhëheqësit kishin riafirmuar angazhimin e tyre për të “mbështetur Ukrainën në mënyrë të palëkundur dhe për aq kohë sa është e nevojshme për të penguar luftën e agresionit të Rusisë”.

Një deklaratë e mëtejshme nga Downing Street tha se dyshja diskutuan se si ta vendosnin Ukrainën në “pozitën më të fortë të mundshme fillimit të dimrit”.

Nuk kishte detaje nëse të dy udhëheqësit do të mbështesnin lejimin e Ukrainës për të përdorur raketa me rreze të gjatë “Storm Shadoë” thellë në territorin rus.

Vendimmarrësi kryesor përsa i përket Londrës dhe Parisit mbetet Presidenti Biden – i cili deri më tani nuk i ka dhënë leje Ukrainës të përdorë raketa me rreze të gjatë veprimi kundër objektivave brenda Rusisë, nga frika e përshkallëzimit.

Downing Street tha se “asnjë luftë nuk u fitua me një armë të vetme” kur u pyet nëse Mbretëria e Bashkuar po fliste me Presidentin Biden për përdorimin e mundshëm të raketave.

Një zëdhënëse e numrit tha: “Pozicioni ynë ndaj Storm Shadoë nuk ka ndryshuar.

“Ne gjithmonë kemi ndihmuar që aty ku diskutojmë mbështetjen tonë për Ukrainën, ta bëjmë këtë në drejtim të strategjisë më të gjerë për të siguruar që Ukraina të jetë në pozicionin më të fortë të mundshëm përpara, veçanërisht në dimër, dhe gjithashtu kemi qenë të qartë se lufta nuk është fituar ndonjëherë me një armë të vetme.”

Pyetjet janë ngritur pas fitores së Trump në zgjedhjet presidenciale rreth asaj se çfarë mund të thotë mandati i tij i dytë për mbështetjen e SHBA për Ukrainën dhe NATO-n.

Gjatë fundjavës, Washington Post raportoi se Trump ka folur tashmë me Vladimir Putin – duke i kërkuar udhëheqësit rus që të mos përshkallëzojë më tej luftën.

Kremlini mohoi të kishte pasur një telefonatë, duke pretenduar se artikulli i Ëashington Post “nuk korrespondon aspak me realitetin”.

Macron falënderoi Sir Keirin që ishte lideri i parë britanik në ceremoninë e Champs-Élysées që nga Ëinston Churchill në 1944.

Gjatë përkujtimeve të Ditës së Armëpushimit, Sir Keir u takua gjithashtu me kryeministrin francez Michel Barnier përpara se të mbajë një minutë heshtje.

Sir Keir dhe Macron vendosën një kurorë në statujën e Churchillit në Paris dhe udhëtuan me një makinë me çati të hapur për të shqyrtuar trupat përreth Harkut të Triumfit.

Gjatë takimit të tyre, Sir Keir dhe Macron u angazhuan gjithashtu për “bashkëpunim për migrimin në Kanal, veçanërisht përballë rrjeteve të trafikimit të qenieve njerëzore”, thuhet në një deklaratë.

Dyshja diskutuan sigurinë evropiane dhe “perspektivat për marrëdhëniet” midis BE dhe MB, së bashku me diskutimet mbi situatën humanitare në Gaza.

“Më në fund, të dy udhëheqësit përsëritën dëshirën e tyre për të thelluar marrëdhëniet dypalëshe, veçanërisht në fushat e sigurisë dhe mbrojtjes”, thuhet në deklaratë.

Më herët, Sekretari i Mbrojtjes i Mbretërisë së Bashkuar, John Healey tha se nëse raportet e thirrjes ishin të sakta “atëherë Presidenti Trump ka saktësisht të drejtë që paralajmëroi Putinin kundër përshkallëzimit në Ukrainë”.

Duke folur për BBC Breakfast, ai tha se priste që Shtetet e Bashkuara të “mbeteshin të palëkundura” në mbështetjen e saj ndaj Ukrainës për shkak të fuqisë së “mbështetjes dypartiake” në vend.

“Ne kemi rritur mbështetjen tonë për Ukrainën, ne po përshpejtojmë shpërndarjen e ndihmës dhe po shpenzojmë më shumë tani për Ukrainën dhe duke mbështetur Ukrainën sesa kemi bërë ndonjëherë më parë,” shtoi ai.

Mbretëria e Bashkuar dhe Franca kanë thënë se mbështetja e Ukrainës kundër Rusisë është thelbësore kur bëhet fjalë për mbrojtjen e kontinentit evropian në tërësi.

Trump u ka thënë më parë anëtarëve të NATO-s që të rrisin shpenzimet e mbrojtjes, duke thënë se ai do t’i linte agresorët si Rusia të bëjnë “çfarëdo dreqin dëshiron” për ata që nuk e bëjnë këtë.

Bryan Lanza, i cili ka punuar në fushatën presidenciale të Trump në vitin 2024, i tha BBC-së se presidenti ukrainas Volodymyr Zelensky duhej të kishte një “vizion realist për paqen” , i cili nuk do të përfshinte përfundimin e aneksimit rus të Krimesë.

Megjithatë, një zëdhënës i Donald Trump e distancoi atë nga komentet, duke thënë se zoti Lanza “nuk flet në emër të tij”.

Takimi i Ditës së Armëpushimit midis Starmer dhe Macron vjen ndërsa luftimet midis Ukrainës dhe Rusisë intensifikohen.

Shkëmbimet në fundjavë panë sulmet më të mëdha me dronë nga të dyja palët kundër njëra-tjetrës që nga fillimi i luftës, dhe ministria e mbrojtjes e Rusisë tha se ka kapur 84 dronë ukrainas mbi gjashtë rajone, duke përfshirë disa që i afrohen Moskës.

Të dielën, ministri i Thesarit Darren Jones i tha BBC One’s Sunday me programin Laura Kuenssberg se qeveria donte të rriste shpenzimet e mbrojtjes nga 2.3% në 2.5% të të ardhurave kombëtare.

Megjithatë, ai nuk tha se kur do të arrihet objektivi apo nëse do të arrihet para zgjedhjeve të ardhshme, të cilat mund të mbahen më së voni në vitin 2029. sn

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend