Dokumentet e Panama Papers po “sulmojnë Kinën” dhe për këtë mediet kineze nuk duhet të botojnë material për këtë rrjedhje të dokumenteve. Këtë paralajmërim ia ka bërë qeveria kineze medieve të vendit.

Sipas Konsorciumit Ndërkombëtar të Gazetarëve Hulumtues, nga 11.5 milionë dosjet e publikuara nga Panama Papers, disa prej tyre tregojnë se të afërmit e të paktën tetë anëtarëve të tanishëm ose ish udhëheqësve të lartë të Kinës në pushtet posedojnë kompani “Offshore” të rregulluara nga firma ligjore Mossack Fonseca.

Ata thuhet se është në bazën e të dhënave rrjedhur nga firma përfshijnë Deng Jiagui, kunati i presidentit kinez, Xi Jinping, dhe Li Xiaolin, e bija e ish-kryeministrit Li Peng.

Të dielën, mediumet prijëse në botë kanë filluar publikimin e hetimeve në të cilën kanë punuar 370 gazetarë nga 106 media.

11 milionë e-maile, në madhësi prej 2,6 terabajtë të zbuluara nga arkivat e firmës panameze Mossack Fonseca, flasin se si i fshehin paratë përmes shoqërive offshore (kompani të liruara nga taksat dhe me pronarë të fshehtë) politikanë, njerëzit të lidhur me botën e krimit, sportistët dhe miliarderët.

Disa miliona dokumente të publikuara një kompani juridike panameze tregojnë se si bizneset dhe njerëzit e famshëm iu janë shmangur taksave dhe kanë fshehur para – një rrjet i cili shtrihet edhe në futboll, i përfshirë është po ashtu futbollisti më i mirë i botës, Lionel Messi.

Ky po konsiderohet si zbulimi më i madh i bërë ndonjëherë nga gazetarët. /Insajderi.com