Një ditë Nastradini shkoi në një hamam, por askush nuk i kushtoi vëmendje. Ia dhanë një veshje të vjetër dhe një peshqir. Nastradini nuk tha asgjë dhe duke u larguar dha një bakshish të majmë. Një javë më vonë, kur ai shkoi në të njëjtin hamam, ai u prit tejet mirë. Të gjithë po i kushtoheshin atij dhe i bënin shërbime të veçanta. Kur u largua, dha një bakshish tepër të vogël.

“Nastradin, si kështu?” pyetën ata. “A është e ndershme të japësh një bakshish kaq të vogël për gjithë atë vëmendje që të kushtuam dhe për gjithë ato shërbime të veçanta që t’i bëmë?”

Nastradini u përgjigj:

“Bakshishi i sotëm ishte për shërbimet e javës së shkuar dhe bakshishi i javës së shkuar ishte për shërbimet e sotme. Tani ne jemi baraz.”