Një avokat dhe një bionde mahnitëse janë ulur së bashku në tren. Avokati anon nga vajza dhe e pyet nëse dëshiron të luajë një lojë me të.
Ajo në fakt do të preferonte të bënte një sy gjumë, por ai këmbëngul se loja është e lehtë dhe shumë argëtuese.
Loja do të përbëhet nga kjo:
– Ju bëj një pyetje dhe nëse nuk përgjigjeni, më jepni 5 euro dhe anasjelltas…
Vajza i përgjigjet me mirësjellje se do të donte të pushonte pak, por avokati këmbëngul:
– Mirë, ta bëjmë këtë, nëse ju nuk e dini përgjigjen, më jepni 5 euro, por nëse jam unë që nuk e di përgjigjen, ju jap 500!

Duke menduar se ka të bëjë me një bionde, ai është i bindur se mund ta fitojë lehtësisht lojën. Me këtë propozim, bjondja detyrohet të pranojë sfidën, vetëm sepse pasi të përfundojë loja do të mund të flejë pak.
Avokati fillon me pyetjen e parë:
– Sa është distanca midis tokës dhe hënës?
Pa thënë asnjë fjalë, biondja nxjerr nga kuleta e saj një kartëmonedhë 5 euro dhe ia dorëzon avokatit. Tani është radha e saj, e cila pyet avokatin:
– Çfarë është ajo gjë që ngjitet në një kodër me tri këmbë dhe zbret me katër?
Avokati e shikon i habitur: fillon të kërkojë në kompjuter, lidhet me internetin për të kërkuar përgjigjen, por nuk e gjen. Më pas ai u dërgon email njerëzve të ndryshëm, por askush nuk mund t’i japë përgjigje.

Pas një ore zgjon zonjën bjonde dhe i jep 500 eurot që i detyrohen. Ajo falënderon me mirësjellje dhe bie prapë në gjumë.
Avokati, shumë i mërzitur, e tund dhe e pyet:
– Epo, atëherë cila është përgjigja?
Pa thënë asnjë fjalë, bjondja merr 5 euro nga portofoli, ia dorëzon avokatit dhe ia këput përsëri gjumit!!!