Belind Këlliçi, anëtar i Kryesisë së PD-së, paralajmëroi Erion Veliajn, se do të përgjigjet për çdo vjedhje, abuzim dhe masakër urbane që i ka bërë kryeqytetit, Tiranës.

Veliaj, i konsideruar si pronari faktit i inceneratorit të Tiranës, por edhe i organizatës ‘5D’, ku drejtorët dhe shtabistët e tij elektoralë, grabisnin paratë publike përmes tenderave që fitonin në Bashkinë e Tiranës, por jo vetëm, mori një ditë më parë në mbrojtje pikërisht këta drejtorë, të arrestuar nga SPAK, ose nën hetim nga Prokuroria Speciale.

“Pacienti politik terminal dhe pronari faktik i inceneratorit të Tiranës & organizatës 5D, Erion Veliaj, së shpejti do të përgjigjet përpara qytetarëve shqiptarë për çdo vjedhje, abuzim dhe masakër urbane që i ka shkaktuar kryeqytetit.

Me kërcënimin e hapur  ndaj Edi Ramës, ai thjeshtë dëshmoi se ‘Rilindja’ është tashmë një organizatë kriminale, ku kodet mafioze funksionojnë më së miri. S’ka faj. Të tjera fakte e prova të pakontestueshme do bëhen publike shumë shpejt, ndaj dhe kërcënimi ndaj Ramës është tërësisht i përligjur. Bashkë kanë vjedhur e bashkë do ikin”, shkruan Këlliçi në një postim në rrjetet sociale. sn