Këshilltarja Federale Simonetta Sommaruga  largohet nga qeveria në fund të vitit 2022 për të qenë pranë bashkëshortit të saj, i cili ka pësuar goditje në tru.

VOAL- Këshilltarja Federale Simonetta Sommaruga largohet nga Këshilli Federal deri në fund të vitit. Ajo e bëri të ditur këtë pasditen e së mërkurës. Lajmi u parashikua nga Le Temps dhe më pas u konfirmua nga zëdhënësi i qeverisë, André Simonazzi.

“Unë ua komunikova dorëheqjen kolegëve të mi këtë mëngjes”, tha Sommaruga. “Vendimi është marrë për arsye personale”, nga gjendja shëndetësore e bashkëshortit të saj, i cili pësoi goditje në tru. “Funksioni kërkon angazhim total, e bëra me të gjitha forcat, me vendosmëri dhe gëzim. Jam e lumtur që jam këshilltare federale dhe e tillë do të mbetem”. E prekur dukshëm, Sommaruga falënderoi bashkëshortin e saj në një mënyrë të veçantë.

Dalja nga qeveria e Këshilltares Socialiste Federale vjen si befasi. Pak më shumë se një muaj më parë, në përfundim të seancës së dhomave federale, ishte një tjetër anëtar i qeverisë, Ueli Maurer, i cili dha dorëheqjen. Simonetta Sommaruga është në detyrë 12 vjet; u zgjodh në Këshillin Federal më 22 shtator 2010, duke pasuar Moritz Leuenbergerin. rsi-eb