Voal – Voal.ch citon ilgiornale.it që shkruan se Isis synon Libinë për të eleminuar gjeneralin Haftar. Një nga udhëheqësit kryesorë të Kalifatit, sauditi Ali el Gezrawi i ka ftuar “vëllezërit për unitet” në Arabinë Saudite, Tunizi, Egjipt dhe Sudan për të shkuar në Libi e për të luftuar me ushtrinë libiane.

Në një video të postuar në një faqe interneti të Tripolit, Gezrawi, me fytyrë të mbuluar, ka thënë: “Libia është vendi i xhihadit dhe emigracionit, nuk i takon vetëm libianëve, por për të gjithë muslimanët që besojnë në Perëndinë dhe shtetin e Kalifatit “.

Xhihadisti pastaj ka kërcënuar për të vrarë gjeneralin Khalifa Haftar, komandantin e ushtrisë të Libisë. Në të njëjtën kohë mbështetësit e shtetit islam në Sirte kanë nisur në Twitter një hashtag “drejt Libisë” dhe kanë publikuar disa video që tregojnë qytetin libian në duart e Isis.

Disa muaj më parë gjenerali Haftar i ka kërkuar armë kryeministrit të Italisë Renzi, duke i thënë ose na jepni armë, ose Isis iu mbërrin në Itali.