Ish-kryeministri Italian, Matteo Renzi ka risjellë snë vëmendje çështjen e migrantëve dhe marrëveshjen Rama-Meloni, për t’i transferuar ata në Shqipëri dhe tentativat e  pasardhëses së tij që të hedhë poshtë vendimin e gjykatës së Romës përmes një dekreti ligjor.

Gjatë një interviste për telesvizioni  La7, në Itali, Renzi thotë se Shqipëria nuk është një vend i sigurtë, siç pretendon kryeministerja Giorgia Meloni, teksa iu referua pamjeve të arrestimit të ish-presidentet të Shqipërisë, Ilir Meta.

Vetë ish-kryeministri Italian, Mateo Renzi e pranon se përmes këtyre pamjeve, autoridetet shqiptare kanë dy standadre, sa i përket sigurisë dhe respektimit të të drejtave të njeriut.

‘Ne e dimë që autoritetet shqiptare kanë standarde të ndryshme. Ju e patë në Shqipëri, se çfarë ndodhi me arrestimin e ish-presidentit të Shqipërisë. Ju i patë pamjet duke e nxjerrë me forcë nga makina ish-Presidentin e Republikës. Emigrantët bengalezë ndoshta mund t’i shohin këto pamje dhe imagjinojnë këtë, dhe se çfarë mund të ndodhë me ta’.

Sipas Renzit është e pamundur që miliona euro të taksapaguesve italianë të shkojnë dëm, në një kohë kur ato fare mirë mund të adresoheshin për problemtaikat në fusha të ndryshme të jetës socio-ekonomike atje.

VIDEO (Komenti, minuta 05:05)