VOAL – VJENË – Irani dhe gjashtë fuqitë më të mëdha të botës arritën një marrëveshje bërthamore pas më shumë se një dekade bisedimesh, duke ia garantuar Teheranit heqjen e embargos në shkëmbim të  kufizimit të programit të tij bërthamor. Lajmin e bënë të ditur diplomatët iranianë të martën (sot).

Krahas kufizimit të programit në të cilin Irani punon prej më shumë se një dekade do të ketë një heqje graduale të sanksioneve që e kanë dëmtuar eksportin e naftës së Iranit dhe dobësuar ekonominë e tij.

Ministri i Jashtëm i Iranit dhe gjashtë fuqitë e mëdha do të kenë një konferencë të përbashkët shtypi lidhur me marrëveshjen.