Trajneri i kombëtares Giani de Biasi gjatë një interviste u shpreh se ekipi që ai drejton do të mundohet për një përfaqësim sa më dinjitoz në Francë.

Gjatë intervistës ai theksoi se se ishte ndjerë i bezdisur nga përfoljet në mediat shqiptare për kontratën e tij me FSHF-në apo fërkimet për këtë të fundit, duke i cilësuar si të shkëlqyera marrëdhëniet me Presidentin Armando Duka.

Intervista e plotë e De Biasit

Gerti Çarçani: Zoti Xhani, mirëmbrëma, dhe faleminderit që jeni sërish këtu në këtë studio, pranë meje, pranë publikut

De Biasi: Faleminderit, mirëmbrëma të gjithëve. Jam i kënaqur që jam këtu pasi më jepni mundësinë që ti uroj të gjithëve vitin e ri 2016.

Gerti Çarçani: Atëherë, si nis ky vit 2016 për ju?

De Biasi: Nis si gjithmonë, duke menduar të programosh sa më mirë këtë Europian ku dhe do të përballemi këtë verë. Të bëjmë kujdes në detajet më të vogla, në mënyrë që të arrijmë në kondicionin më të mirë në këtë manifestim europian të futbollit.

Gerti Çarçani: Por, ajo që është më shumë e rëndësishme për ty mbetet gjendja e lojtarëve, brenda atyre 35 lojtarëve që ju keni përsëritur shpesh që do të nxirrni më pas 23-shen zyrtare për Europian. Kushtet e tyre dhe dëshira për të qenë në fushë.

De Biasi: Po. Por jemi pak herët tashmë të flasim për ata që do të vijnë në Francë, ose jo. E rëndësishme është që grupi me të cilin arritëm këtë objektiv, sipas meje objektiv i jashtëzakonshëm, pak a shumë do të jetë në Francë për të bërë të mundur performimin sa më të mundshëm në mbrojtjen e ngjyrave kuqezi.

Gerti Çarçani: Çfarë doni të thoni me këtë, pak a shumë…?

De Biasi: Sepse, deri në Europian janë edhe 6 muaj dhe kështu kohë kemi. Kërkojmë dhe mendojmë të bëjmë zgjedhjet më logjike për lojtarët, natyrisht në vijimësi edhe të asaj që ka prodhuar skuadra këto 2 vjet eleminatoresh. Dhe kjo do të vlerësoshet shumë nga ana jonë.

Gerti Çarçani:Mendon të jesh në një presing, sa i përket emrave që do të grumbullosh?

De Biasi: Absolutisht jo. Nuk është se më krijojnë probleme zgjedhjet që bëj. Unë gjithmonë zgjedh lirshëm së bashku me stafin tim. Natyrisht nuk thërrasim lojtarë për nga simpatia, por funksionalë, të cilët komportohen mirë me grupin për të prodhuar më pas rezultatin.

Gerti Çarçani: Për të prodhuar rezultatin, siç edhe thoni, por në Francë do të shkojnë vetëm 23.

De Biasi: Nëse do ti mund të thërras edhe 25…23 është numëri i mjaftueshëm për të përballuar një Europian, mjafton të jenë mirë fizikisht, të motivuar, dhe që të kenë dëshirën për të shpërhthyer sërish në sukses, sikundër bënë edhe këto eleminatore.

Gerti Çarçani: Duke qenë se do të shkoj në 23, frika qëndron te fakti që të jenë fizikisht gati dhe jo në infermieri, por për të patur edhe minuta më shumë. Nga ana juaj gjykoni se lojtarët që do të kenë më shumë minuta më shumë në fushë me skuadrat e tyre do të kenë më shumë shanse për grumbullim?

De Biasi: Shumë pyetje po më drejton këtë moment. Si gjithmonë mendoj se do të bëjmë vlerësimet që janë të lidhura me kualitetin e lojtarëve, kompaktësinë mes tyre, si dhe faktit që të kenë gjendje optimale. Por, nuk është e thënë që ai që ka luajtur më pak është më i freskët se sa ata që kanë luajtur më shumë në këto 6 muaj. Duhen bërë vlerësime shumë korrekte në këtë pikë, në mënyrë që të mos kemi surpriza kur të jemi në Francë.

Gerti Çarçani: Kjo e vlerësimit i përket një momenti tjetër kohe?

De Biasi: Po, edhe pse vlerësimi do të jetë në vijimësi të ecurisë së tyre respektive me klubet ku luajnë në çdo kampionat. Më pas, edhe njohja me kualitetin mental të tyre me lojën, me përfshirjen në tërësi të grupit, si dhe me dëshirën e të qënurit pjesë të një skuadre që në Francë duhet të mbrojë me nder objektivin që ka arritur. Dhe asgjë më shumë. Nuk ndryshon asgjë. Do të bëjmë vlerësimet si përherë nga ana strategjike.

Gerti Çarçani: Megjithatë, ndonjë, apo më shumë lojtar do të jenë të rëndësishëm për përfshirjen e merkatos së janarit, tashmë të hapur?

De Biasi: Po. Shpresoj se futbollistë si Gashi, Xhimshiti, apo ndonjë tjetër të gjejnë ndonjë skuadër që të gjejnë mundësinë e aktivizimit, por edhe në rritjen e nivelit taktik. E nëse kjo do të ndodhë, atëherë do të jetë më mirë për ne, sepse do të kemi më shumë mundësi që të zgjedhim.

Gerti Çarçani: Sa shanse ka ndonjë lojtar për Europian, nëse mbetet pa skuadër?

De Biasi: Nëse mbetet pa skuadër? Zero.

Gerti Çarçani: Ju vazhdoni të mendoni që nuk do të ndieni ngarkesën e zgjedhjeve, duke qenë se do të duan të gjithë të shkojnë në Francë?

De Biasi: Puna ime është kjo, që të zgjedh ata që i përkasin mënyrës time së të konceptuarit futboll, apo lojës në grup, dhe të gjithë asaj që lidhet me emrin skuadër. Ne arritëm të merrnim këtë rezultat të jashtëzakonshëm, sepse arritëm të ishim një skuadër kompakte, ku kemi luftuar shumë për të arritur aty ku shkuam. Sepse besuam shumë, dhe ky është një aspekt shumë i rëndësishëm. Dhe nuk ndryshon asgjë në mënyrën time për të vlerësuar, sepse nuk vendos ti, por vendos unë. Rri i qetë për këtë sepse mendojmë ne.

Gerti Çarçani: Natyrisht vendos dhe do të vendosësh ti, por, kohët e fundit je parë shumë nervoz. Përse?

De Biasi: Por, kush nuk ishte? Ti e di shumë mirë që të arrish një rezultat të rëndësishëm, nervozë bëhen të gjithë nga pak. Sepse gjëndesh fare pak hapa larg një arritje historike dhe presioni rritet për të gjithë. Dhe është normale që të jetë një tension superior tek mediat. Por, unë fatkeqësisht jam gatuar si një person që shoh shumë detajet, të perfeksionoj më shumë gjërat jo në 100%, por në 200%. Kështu që i jap shumë rëndësi gjërave më të vogla. Dhe kur konstatoj që kjo nuk shkon kështu, atëherë bezdisem kështu, dhe nuk arrij ta kamufloj dot.

Gerti Çarçani: Nuk ia del?

De Biasi: Jo, sepse jam spontan, flas atë që mendoj shpesh me shumë dëshirë, edhe pse në jetë kjo nuk të ndihmon shumë. Por në fund, jam i bindur që, të jesh më i drejtpërdrejtë është më e rëndësishme se sa të rrëfesh e tregosh idiotësi.

Gerti Çarçani: Mister, mund ta sqarosh sërish, jo për mua, për publikun, atë batutë, apo deklaratë që është keqkuptuar: Vjen në kombëtare ai që punon dhe jo ai që paguan. Ka një zhurmë në lidhje me këtë, edhe pse ndoshta nuk mund të jetë kuptuar mirë.

De Biasi: Sinqerisht besoj që nuk është një problem imi. Eshtë problem i atij që nuk kupton dhe jo i atij që flet. Unë kam thënë qartësisht që futbolli është një sport demokratik dhe nuk luan me mua ai që paguan, apo ai që është më simpatik, por ai që është më i miri, ai që është më funksionabël për kauzën që luan, ai që është më shumë lojtar skuadre. Këta lojtarë thërriten prej meje dhe ky është kriteri im i vlerësimit të lojtarëve. Në 25 vitet e mia të përvojë si trainer, grupi vjen shumë më sipër nivelit të lojtarëve. Të mendosh që një x-lojtar është më i miri në botë, edhe pse më pas vetëm me të nuk fiton dot ndeshjet. Fiton kur të gjithë bashkë marrin në dorë peshën dhe përgjegjësinë e ndeshjes. Nëse ti brenda grupit ke lojtarë që nuk marrin përsipër të tilla përgjegjësi, atëherë ato detyrimisht vetpërjashtohen. Kur kam thënë atë që kam thënë, nuk është se ka ndodhur me mua, kurrsesi, por esenca është që në fushë shkon ai që lufton, ai që meriton, ai që është më i miri, ai që ndihet pjesë e skuadrës dhe do të jetë pjesë e saj. Ky aspekt është shumë i rëndësishëm. Nuk është se kam thënë ndonjë gjë stratosferike, si shkenctar. Jo. Një frazë e thjeshtë që të gjithë mund ta kuptojnë me lehtësi.

Gerti Çarçani: Vijmë pak te historia e kontratës tënde, shumës, shifrave. Ju ka bezdisur kjo gjë?

De Biasi: Po. Shumë. Jam ndjerë i bezdisur nga njerëz që hidhnin në publik shifra abstrakte, që nuk kanë as fillim e as mbarim, dhe ku shpikin çdo gjë.

Gerti Çarçani: Po, mirë pse je bezdisur?

De Biasi: Sepse kur njerëzit flasin pa ditur asgjë, është një nga gjërat që më jep shumë bezdi, shumë. Unë zakonisht jam mësuar të flas pak dhe kur them, them ato që janë të miat, dhe jo të dëgjuara nga të tjerët. Unë gjithmonë jap mendimin tim, dhe jo të të tjerëve. Jam i predispozuar të them gjëra për të cilat besoj shumë. Në këto 3-4 vjet që jam këtu shpesh kam parë tituj gazetash në lidhje me kontratën time, idiotësi pa fund. Sinqerisht mund t’ju them që gjithmonë, shifrat kanë qenë inferiore në raport me atë që është shkruar, apo publikuar. Në një pikë të kontratës ka një klauzolë për të qenë të rezervuar për shifrat dhe më duket e çuditshme që ndokush në FSHF mund ta nxjerrë dhe nuk e ka nxjerrë si shifër. Apo i bezdisur nga ndonjë tjetër që i përket të sajojë, të shpikë gjëra që nuk qëndrojnë.

Gerti Çarçani: Kush ka shpikur?

De Biasi: Nuk di, ndonjë gazetar që natyrisht ka thënë e shkruar gjëra që natyrisht nuk janë të vërteta.

Gerti Çarçani: Nuk janë të vërteta…?

De Biasi: Flitet për miliona euro, që unë marr 2, marr 1 milionë euro. Në Shqipëri, ju batutën e merrni gjithmonë për të vërtetë absolute dhe unë realisht kam mbetur i manhnitur dhe pa fjalë më pas. Marrin për bazë një frazë që unë mund të kem thënë duke qeshur. Unë di që kam bërë një punë të jashtëzakonshme nga ana sportive për të arritur atë që arritëm. Nga ana ekonomike, mund t’ju them që mes meje dhe Shqiëpërisë kemi patur reciprokisht një avantazh të madh për një rezultat të tillë. Unë për faktin e prestigjit personal, sepse drejtova një skuadër që për herë të parë shkoi në një fazë finale Europiani. Dhe besoj që ishte një diçka shumë e rëndësishme. Për presidentin Duka, qëndron merita sepse është presidenti i parë që ka arritur një objektiv historik, dhe që ka besuar fort në zgjedhjen time si traineri i kësaj kombëtareje. Dhe për këtë e falenderoj publikisht, pasi gjatë kohës që i duhej të vendoste kontaktoi edhe 8 trainerë të tjera para se të më zgjidhte. Dhe këtu meritë ka edhe ai që besoi në zgjedhjen që bëri.

Gerti Çarçani: Por, si shkojnë raportet e tua me Dukën?

De Biasi: Të shkëlqyera.

Gerti Çarçani: Do të thotë që përtej atyre që prodhon media, nuk reflekton asgjë…

De Biasi: Të themi që përveç hajvanllëqeve që shkruhen jo shpesh ndonjëherë, unë dhe presidenti kemi një raport shumë të mirë. Unë kam mundur të bëj punën time në një autonomi të plotë. Dhe kjo nuk është një gjë e lehtë në botën e futbollit. Dhe pikërisht për këtë motiv, raporti mes meje dhe Dukës është shumë i mirë. Por është e qartë që, nëse do të ulemi në tavolinë për të rishikuar kontratën, ai do të bëjë ç’është e mundur për të paguar sa më pak të mundet, unë do të bëj ç’është e mundur të paguhem dhe të arrij sa më shumë të mundem. Kjo është normale sepse është pjesë e lojës. Por, kjo nuk do të thotë që nuk ka respekt për pozicionet përkatëse. Ky është një raport besimi dhe vlerësimi reciprok.

Gerti Çarçani: Ka ndodhur ndonjë moment brenda teje për arësye të tuat të thuash: Mjaft më, kështu nuk mund të vazhdohet?

De Biasi: Në këto vite në FSHF? Absolutisht, JO. Edhe pse e di fare mirë që futbolli është pjesë e fitoreve dhe e humbjeve. Nuk më pëlqen fare të humbas, për këtë jam i i sinqertë. Pas një humbjeje në një ndeshje, për një moment mblidhem me veten, por shumë shpejt e hedh pas dhe gjej rrugën e rikarikimit për ndeshjen tjetër. Dhe kjo të themi bën pjesë në qënien time si një person që ka luftuar fort në çdo kohë e moment të jetës. Duke shtrënguar dhëmbët në momentet më delikate, por duke bërë gjithmonë punën me shumë determinazion dhe me shumë nder. Si në anën time, por edhe në atë të stafit, apo lojtarëve që kam patur në dispozicion.

Gerti Çarçani: A mund të thuhet tashmë, në këtë moment, pas kaq viteve punë, që ju njihni mirë mentalitetin e futbollistëve shqiptarë?

De Biasi: Besoj se po, por duhet të përmirësohemi shumë nga kjo pikëpamje. Jemi rritur dhe kemi bërë disa hapa shumë të rëndësishëm përpara. Por, kemi ende shumë rrugë për të bërë.

Gerti Çarçani: A ka futbollistë të paprekshëm kjo kombëtare?

De Biasi: Askush nuk është i paprekshëm. Ka lojtarë të rëndësishëm, por aspak të paprekshëm.

Gerti Çarçani: Je i sigurtë për këtë? Nuk është askush?

De Biasi: Natyrisht

Gerti Çarçani: As kapiteni, as portieri, as…

De Biasi: Nuk i kuptoj gjëra të tilla. Eshtë e qartë që nuk shoh motiv për ti prekur. Në këtë moment janë lojtarë të rëndësishëm për ne, por edhe persona seriozë. Janë shembuj nga këndvështrimi teknik, komportues si dhe nga përvoja që ata kanë. Kështu më duket diçka aluçinante të bësh pa lojtarë të tillë, në këndvështrimin tim thelbësorë.

Gerti Çarçani: Por, po kaq i rëndësishëm është pozicioni i Tramexanit…

De Biasi : Ok, por jo në çdo moment duhet të lidhim fiongon e pakos. Tramexani është një bashkëpunëtor imi i jashtëzakonshëm. Një mik shumë i mirë imi dhe për fatin e keq që nuk e kam hasur më parë në karrierën time. Besoj se bashkë krijojmë gjëra interesante. Por, edhe të tjerët që janë pjesë e stafit, që njihen pak, por që në realitet janë të rendësishëm që skuadra të funksionojë. Sepse edhe ata janë të rëndësishëm. Sepse prezenca e tyre në hotel kur jemi të grumbulluar lidhet me seriozitetin e disiplinën e orarit, dhe të gjithë anëve të tjera të skuadrës. Në mënyrë që grupi të funksionojë dhe të mos jetë një gjendje kaosi.

Gerti Çarçani: Mendoni se pa dashur ratë në një kurth, sa i përket çështjes së meritave për kualifikimin?

De Biasi: Në çfarë sensi?

Gerti Çarçani: Një kurthi le të themi mediatik, ndërmjet jush e federatës, për meritat e atij, ose atyre që sollën kualifikimin…

De Biasi: Besoj se kjo këtu ishte një idiotësi. Shpërtheu një diçka e tillë, ndoshta për moseksperiencë, apo mos të mësuarin me fitoren, apo triumfin. Nuk arritëm plotësisht ti kënaqeshim edhe ngjarjes thellësisht historike dhe me shumë rëndësi. Unë mendoj që në fund të fundit, ajo që kishte më shumë rëndësi ishte arritja e objektivit. Kush ka dhënë më shumë, kush më pak, unë besoj se të gjithë kemi pjesën tonë për këtë objektiv. Avantazhet lidhen me popullaritetin, prestigjin tim personal për këtë arritje, për federatën në anën ekonomike sepse inkason më shumë në arkat e saj. Sa i përket garave, ai meriton më shumë, apo më pak, merr më shumë a më pak, mendoj që duhet ti lëmë jashtë vëmendjes, sepse nuk prodhojnë gjë.

Gerti Çarçani: Mister, shpesh na je drejtuar dhe iu je drejtuar gazetarëve: Ju lutem bëni kujdes, dhe më shumë respekt për lojtarët…

De Biasi: Saktë. Unë mendoj që është shumë thelbësore dhe e domosdoshme të vlerësosh kontributin e madh të lojtarëve për këtë që përjetuam dhe arritëm. Nga të gjitha këndvështrimet. Por, thelbësisht, të atyre që kanë luajtur më pak në fushë. Sepse ti bën një skuadër me 23 lojtarë dhe ku 12 janë jashtë. Ata që luanin ishin të lumtur, por ata të pankinës nuk është se gëlonin nga kënaqësia, por reflektonin energji pozitive. Ishin të parët që mbështesnin shokët në fushë dhe kjo sipas meje është një sinjal shumë i fortë. Ne jemi një skuadër që duhet të rrijë në ekuilibra të qëndrueshëm, dhe ku natyrisht traineri duhet të jetë në gjendje të ruajë dhe mbajë këto ekuilibra në grup.

Gerti Çarçani: Sa i përket një vendimi tuaj të mundshëm, për të mos qenë pjesë më e drejtimit të Shqipërisë. Sa mund të ndodhë kjo?

De Biasi: Nuk di kur do ndodhë. Shpresoj sa më vonë të jetë e mundur.

Gerti Çarçani: Presidenti theksoi këtu në këtë studio, pikërisht aty ku jeni ulur, që De Biazi nuk ka arësye të largohet nga Shqipëria...

De Biasi: Dhe në fakt jam këëtu dhe nuk kam asnjë qëllim dhe ide të largohem. Madje duhet të vazhdoj të punoj mirë dhe të programoj edhe të ardhmen e afërt, për një strategji të re të punës në të gjitha nivelet e ekipeve kombëtare. Kjo, për të kërkuar edhe talentet e ardhëshëm të futbollit shqiptar. Në ditët e fundit të dhjetorit të kaluar me presidentin folëm pikërisht për këtë projekt. Dhe nga ky muaj ku jemi do të fillojmë edhe seleksionimet e para për të rinjtë për të bërë të mundur të gjejmë pasuesit e Salihit, Berishës, Canës, apo edhe të tjerëve.

Gerti Çarçani: Dhe kjo do të thotë që pas Europianit, dhe para një shorti të frikshëm me Spanjën e Italinë në grup…

De Biasi: të frikshëm për ata…për Italinë e spanjën…

Gerti Çarçani: Mundet…Xhovani do të vazhdojë të jetë trainer?

De Biasi: Xhovani do të vazhdojë, me shpresën që nuk do të bëjmë një Europian katastrofik, duke bërë që të mos krijohen më pas kushtet për të mos qëndruar më. Por, unë dua dhe qëllimi im është që të vazhdoj gjatë me këtë skuadër.

Gerti Çarçani: Kryeministri ka theksuar që nuk ju lëshojmë…

De Biasi: Më shumë se kaq, më ka marrë edhe pasaportën. Jam i kënaqur që prezenca, afrimiteti i tij dhe suporti afër kombëtares është i përhershëm dhe për këtë jam i kënaqur.

Gerti Çarçani: Mister, sinqerisht besoni te tre sfidat që do luajmë në Europian?

De Biasi: Në Europian..po po.

Gerti Çarçani: Sepse formula e re mund të na japë një dorë edhe për të kaluar grupin…

De Biasi: Mbi të gjitha më duhet të them që në fazën finale të Europianit duhet të mbërrijmë me bateritë e karikuara. Më pas të gjitha ndeshjet, përpos faktit si skuadra e 4-tët në atë grup, nisim të gjithë sfidën në kushte të njëjta. Më pas do të varet gjithçka prej nesh, çfarë potenciali mental do të kemi për të qenë më superiorë me të tjerët në grup.

Gerti Çarçani :Ishit në të njëjtin krah me Dukën që deshte në short Francën dhe jo Zvicrën?

De Biasi: Unë e kam thënë edhe para shortit që, një skuadër vlen sa tjetra. Dhe duke qenë në vazon e katërt, të gjitha skuadrat që do të binin në grup do të kishin minimalisht diçka më shumë se ti në aspektin teknik. Por unë mendoj që në jetë gjithmonë duhet mbërritur i bashkuar dhe si një skuadër determinante kur je në takime të tilla. Këtë e kam thënë shpesh. Të gjitha ndeshjet nisin 0-0 dhe nuk është se e nisim ndeshjen të mundur. Më pas, nëse ne do jemi më të zotët dhe do të kemi në ato tre ndeshje aftësi më të mira në fushë, pse jo, mund të vëmë në vështirësi skuadrat kundërshtare, siç në fakt edhe kemi bërë.

Gerti Çarçani: Sa shanse kemi?

De Biasi: Shiko, mendoj të flasësh tani për shanse është e kotë. Nuk di t’ju them për shanset, sepse varet se si do të vijë Zvicra në këtë fazë finale, si do të vijë Franca, apo edhe Rumania. Nëse do të jetë mirë fizikisht, apo do të vijnë me të gjithë lojtarët më të mirë që kanë. Unë nuk jam mësuar të flas herët. Nuk është mënyra ime e të menduarit. Smund të prognozoj. Jam mësuar të jem shumë racional dhe i bazuar në aspekte konkrete. Kjo është një skuadër që ka patur një përqëndrim të madh, një moment vështirësie gjatë eleminatoreve, por kur ka ardhur momenti të japim atë që duhej e kemi bërë. Të fitosh jashtë 3-0 me çdo lloj kundërshtari nuk është aspak e thjeshtë. Kemi fituar pastër dhe me meritë, neto, pavarësisht dy humbjeve që pësuam që mund të kishin çuar në një epilog të pakëndshëm. Ajo që realisht më ka nervozuar pafund me ju është fakti i hamendësimeve të vazhdueshme që ne kemi humbur vetë me Serbinë që më pas…gjëra tërësisht anormale. Sinqerisht dhe realisht, unë vetëm këtu tek ju dëgjoj gjëra të tilla abstrakte. Ne luajmë ndeshjen e jetës dhe e humbasim vetë???? A mund të mendohet kjo. Njerëzit me minimumin e logjikës dhe inteligjencës nuk di si mund të çojnë ndër mend një diçka të tillë. Kjo është pyetja ime. Përgjigja jotë?

Gerti Çarçani: Shpesh të tilla gjëra janë produkte të stilit shqiptar. Apo më saktë të importuara nga media, sikur është fiksuar humbja me Serbinë, gjëra tërësisht që nuk duhen marrë në konsideratë. Në lidhje me lojtarët, është ende dyqani i kombëtares i hapur?

De Biasi : Varet, varet, varet. E kuptova edhe pa ndërhyrjen tënde.

Gerti Çarçani : Natyrisht, ti gjithmonë e bën këtë…
De Biasi: Unë mendoj nga ana ime, por kam bindjen edhe nga ana e tifozëve të jemi mirënjohës për ata që na çuan dhe çuan Shqipërinë në Francë. Por ka ende edhe thuajse 6 muaj kohë, e theksova edhe më parë. Kush nuk luan nuk do të vijë, kush dëmtohet rëndë natyrisht s’ka se si vjen. Uroj që të mos ndodhë. Por në vija të përgjithëshme nuk do të distancohemi shumë nga grupi i lojtarëve që arritën këtë sukses.

Gerti Çarçani : Por, do të kesh një komunikim direkt edhe me ata që nuk do të mund të vijnë?

De Biasi – Unë mendoj se secili do të pranojë dhe do të mirëkuptojë zgjedhjet. Edhe pse, ai që mund të mos grumbullohet e ndien veten më të mirë se të tjerët, por secili futbollin e shikon me sy dhe secili ka idenë e tij. Unë nisem nga ky pozicion dhe nuk do të bëj zgjedhje që varen nga simpatitë, apo antipatitë e mia. Do të përpiqem të bëj zgjedhje për një skuadër sërish shumë më të fortë, dhe që mund ta dhurojë sërish sadisfaksion.

Gerti Çarçani : Por natyrisht, është edhe një përgjegjësi e madhe për këto zgjedhje?

De Biasi: Mama Mia, është e njëjta përgjegjësi si në çdo ndeshje tjetër.
Gerti Çarçani: Nuk më duket njësoj si të tjerat se tani kemi të bëjmë me një fazë finale Europiani…

De Biasi: E kuptoj, por çfarë ndryshon këtu, më thuaj.
Gerti Çarçani: Sepse luajmë një fazë finale.

De Biasi: Por kur thërras lojtarët kundër Serbisë, apo Portugalisë, ndryshon përgjegjësia? Natyrisht është hera e parë dhe uroj të mos jetë e fundit si pjesëmarrës në një fazë finale Europiani. Por, nëse do të rritesh si skuadër duhet kuptuar që futbolli avancon tek profesionizmi, tek ata që duhen grumbulluar dhe ata që nuk duhen. Unë e di dhe e marr me mend që kur të vijë lista finale do të nisin pyetjet, pse nuk more x-lojtar, pse ka ardhur ky, pse nuk thërrite atë, pse? Sepse kështu zgjodhëm ne.

Gerti Çarçani: Mendon që Mavraj mund t’ia dalë?

De Biasi: Për momentin nuk është duke luajtur me skuadrën e parë, dhe uroj të rikuperojë shpejt, sepse është një lojtar i rëndësishëm për ne. Duhet të rikapë ritmin e aktivizimit dhe të vazhdimësisë, dhe jo vetëm me Këlnin, por pse jo edhe me ndonjë skuadër të Bundesligës 2 që kërkon të ngjitet, mjafton që të luajë. Kjo është shumë e rëndësishme për të, dhe për ne.

Gerti Çarçani: Janari kështu mbetet një muaj shumë domethënës…

De Biasi: Shumë, sepse lojtarë sikundër e thashë, Gashi e Xhimshiti duhet të gjejnë skuadër, Mavraj po e po, edhe pse te rasti Mavraj është edhe alibia që vjen pas një dëmtimi. Eshtë muaji që këta duhet të gjejnë një zgjidhje për të siguruar vazhdimësinë në fushë. Nuk di çfarë do të ndodhë me Manajn që ka pak hapësirë te Interi dhe që në janar mund të gjejë një zgjidhje tjetër. Por, edhe ai ka mundësinë të jetë në qëndër të vëmendjes. Shpresoj që të rekuperojë Kukeli, apo të gjithë ata lojtarë që kanë patur probleme fizike, dhe ku kanë qenë shumë të rëndëishëm në rrugëtimin tonë të kualifikimit.

Gerti Çarçani: Mister, keni marrë ofertë konkrete nga klube apo kombëtare? Mos më thuaj jo…

De Biasi: Po, shumë. Nga kombëtare po, por edhe nga klube, ofertat në të cilat në këto të fundit ishin shumë të leverdisshme nga ana ekonomike. Shumë shumë interesante në parametrat e tyre. Por kisha dhe kam një impenjim me federatën dhe e kam respektuar dhe dua të vazhdoj ta bëj këtë. Edhe në edicionin e kaluar kisha të tilla oferta, madje njera prej tyre thuajse nuk duhej ta refuzoje, por megjithë këto mbeta dhe Shqipëria më rinovoi edhe për dyvjeçarin tjetër.

Gerti Çarçani: Për çfarë do ta sakrifikonte De Biasi kombëtaren?

De Biasi: Unë? Për këtë moment, për askënd dhe për asgjë. Në këtë moment dua të bëj Europianin tim me skuadrën time, me djemtë e mi që janë për mua pjesa më e rëndësishme me të cilët kam një raport të bukur që shpesh arrijnë të më japinb 101% të asaj që kanë brenda. Dhe kjo për mua është më shumë se sa e mjaftueshme që unë të ndalem këtu.

Gerti Çarçani: Përtej Shqipërisë, kush janë për ty favoritët e këtij Europiani?

De Biasi: Sinqerisht nuk di ç’të them për këtë. Nuk di për momentin. Mund ti them unë, faleminderit. Këto lloj lojërash prognoze bëhen në bar zakonisht, por, ka skuadra të forta me kualitete të forta dhe të jashtëzakonshme si Gjermania, Spanja, apo Belgjika. Pse jo edhe skuadra që luan në shtëpinë e saj, Franca që me këtë rast është edhe në grupin tonë. Mendoj që Italia nuk është skuadra më e mirë nga ana teknike, por është skuadra që kur duhet të bëj më të mirën e nxjerr në fushë dhe e arrin. Ka një trainer të mirë, që di të motivojë dhe të punojë mirë me grupin dhe besoj se Italia së bashku me të tjerat mund të ketë më shumë shanse se sa mund të kemi ne.

Gerti Çarçani: Grup ferri për Italinë…

De Biasi: Sinqerisht një grup mjaft i vështirë. Kur Italia në 2010-tën, në Botërorin e Afrikës së Jugut me Lipin nëse nuk gaboj Italia kishte një grup të lehtë dhe në atë kohë isha një profet i keq për atë që ndodhi. Sepse në një grup të lehtë mund të gabosh më shumë. Dhe ndodhi që Italia u eleminua që në grup atë Botëror. Ky i Francës është një grup motivues që nuk mund të japë Italisë asnjë moment relaksues dhe ku duhet të luajnë të gjitha ndeshjet me 110% të mundësive. Dhe aty mendoj që do të duket edhe puna e Kontes.

Gerti Çarçani: Si pozicionohet Italia në Europë (delette)

De Biasi: Në krye të të gjithëve për bukuri në këtë lojë vjen kampionati anglez, më pas ai gjerman, më tej kampionati spanjoll dhe të 4-tët klubet e Serisë A. Spanja në vendin e 3-të. Mendoj që 5 skuadrat e para të kampionatit spanjoll janë në nivele të mira. Edhe Italia këtë vit është afruar ndjeshëm me vlerën dhe kapacitetet teknike të skuadrave që ka.

Gerti Çarçani: Eshtë një betejë e madhe për vendin e 4-tët në Champions, mes Italisë dhe Anglisë.

De Biasi. Saktësisht kështu. Besoj se do të jetë një garë e bukur. Sa i përket Italisë, mendoj që, edhe këtë vit favorite mbetet Juventus, e cila kaloi edhe momentin e vështirë që pati dhe që ka gjetur një talent të jashtëzakonshëm si Dybala. Por ka edhe kapacitetet si dhe përvojën.

Gerti Çarçani: Dmth mendon që do të fitojë sërish titullin?

De Biasi: Do të jetë shumë afër. Nëse nuk fiton do të jetë fare afër.

Gerti Çarçani: E nëse thua që do ti shkojë fare afër, kush do të jetë i pari?

De Biasi: Do të jetë një luftë e bukur. Unë bëj tifo të themi për “Napolin”, sepse është ndërkohë edhe skuadra e Hysajt, dhe mos e harro këtë.

Gerti Çarçani: Që je kundër Juventusit, kjo nuk përbën më tashmë lajm?

De Biasi: Unë nuk bëj asgjë kundër. Por, duhet të ndodhë ndonjëherë që edhe ato që nuk konsiderohen të mëdhenj duhet të fitojnë. Napoli është një skuadër shumë e mirë, sipas meje, ka një publik të madh, ka gjithçka, por mbi të gjitha një trainer të shkëlqyer si Sarri, deri dje i panjohur, por tashmë i gjendur në vitrinën e futbollit italian po tregon atë që keni parë. Në Itali, duhet kuptuar që trainerët nuk duhet të merren për emrin që kanë, por për cilësitë që kanë. Por në fund të kësaj nuk ka se kush ti zgjedhë këtë trainerë mbi bazën e aftësive që kanë. Në Itali nuk kemi ende aftësinë për të bërë vlerësimet reale se kush trainer duhet marrë për atë nivel klubi, apo për një tjetër. Nuk e kanë edhe në vende të tjera, por është një aspekt ku futbolli duhet të korrektojë. Nuk kam parë kurrë një agjensi të parashtrojë në një shoqëri futbolli emra konkretë, dhe vlerat e tyre reale, por thjesht mbetet ende te emri që ka vënë. Këtë gjë e kam thënë shpesh edhe në Itali. Kjo gjë në Itali ka krijuar një disnivel bilanci, sepse i është dhënë makina atij që nuk kishte marrë ende patentën. Dhe kjo për Italinë është një moment ku duhet ndalur, për të korrektuar një fakt shumë të rëndësishëm, për t’u kthyer sërish në nivelet që ishte Seria A, natyrisht edhe me faktorët e tjerë. Duhen më shumë ide.

Gerti Çarçani: Disa pyetje shkurt. Për Krishtlindje, sërish protagonist në kuzhinë?

De Biasi: Jo, këtë vit jo. Pushova pak sepse ndihesha i lodhur. Kam rikuperuar shumë këtë periudhë, por duhet të vazhdoj ende të rikuperoj nga lodhja e kënaqshme e kualiafikimit.

Gerti Çarçani: Zonja dhe vajza, një përshtypje ndryshe nga laureimi juaj në UET?

De Biasi : Shumë. Të kënaqura dhe krenare që ky Universitet më akordoi Dr. Honoris Causa, që më dha një kënaqësi shumë të madhe. Mund të them që viti 2015 që kaloi ishte vit për tu vënë në kornizë. Shpresoj që edhe 2016-ta ku jemi tashmë, ti ngjajë pak.

Gerti Çarçani: Ndonjë xhelozi nga trainerë të tjerë në Itali për suksesin tënd?

De Biasi: Besoj që jo. Por them, që kur ndodh një diçka e tillë me trainerët italianë jashtë Italisë, është një sukses për këtë fushë në këtë shtet si Italia.

Gerti Çarçani: De Biazi, apo Panetta…?

De Biasi: Nga kjo pikëpamje, do ta marrim vesh shpejt hahaha.

Gerti Çarçani: Dhurata më e bukur që pate në 2015-tën, përveç kualifikimit, them në aspektin e festave

De Biasi: Dhurata më e bukur, ajo që kalova Krishtlindjet me familjen time, me nënën time, me motrën, vëllezërit dhe me bashkëshorten dhe vajzën time. Ishte shumë e bukur, sepse kemi shumë pak mundësi të rrimë bashkë. Unë kam nënën që mbushi 80 vjec, 31 dhjetorin që shkoi, dhe më jep kënaqësi qëndrimi dhe përjetimi me të i momenteve të tilla.

Gerti Çarçani – Mbase tashmë nuk ke kohë për pasionin tënd të madh, biçikletën…

De Biasi: Jo, tani bën ftohtë, plus faktin që po udhëtoj jo pak për anën logjistike të periudhës para dhe qëndrimit në Francë. Natyrisht për të parë sa më mirë situatat e ndryshme që nuk duhen anashkaluar.

Gerti Çarçani: Do të vijë zonja me vajzën në Francë?

De Biasi: Besoj se po. Nuk e kemi vendosur ende, edhe pse bashkëshortja ime nuk është ndonjë e apasionuar e fortë e futbollit. Eshtë e apasionuar pas meje, apo punës, po nuk është se shkul flokët për futbollin. Unë besoj që në Francë, për përvojën që do të përjetojmë do të jetë patjetër.

Gerti Çarçani: Mes bavarezëve të Bajernit dhe bardhezinjve të Juventusit, kë do të zgjidhje për kalimin e turit?

De Biasi: Unë shpresoj që të kalojë Juvja jonë e çmendur. Dukesh që je i lumtur me këtë përgjigje. Eshtë e vështirë, shumë, edhe pse në të tilla vështirësi, fryma dhe forca e kësaj skuadre mund të jetë shumë e fortë dhe t’ia arrijë. Besoj shumë në impostimin e skuadrës nga ana e trainerit Alegri që në momente të tilla di të jetë edhe spekulative.

Gerti Çarçani: Dhe në mbyllje mister 2 mesazhe të shkurtra, një për kolegët e mi mediatikë, dhe një për tifozët

De Biasi: Për kolegët e tu gazetarë që mund të shkruajmë gjithmonë akoma më mirë për futbollin në Shqipëri. Por edhe të jenë të kujdesshëm në momente të veçanta të situatave të ndryshme. Dhe një përkujdesje e veçantë për skuadrën tonë kombëtare në Europian në fazën finale.

Gerti Çarçani: Mister faleminderit. Takimi ynë i ardhshëm, pas 10 vitesh?
De Biasi – Jo, me ty mbetet i përmuajshëm.