Shpërthimi që ndodhi në orën 8:20 të mëngjesit të sotëm, nuk shkaktoi panik, ku aeroporti Ndërkombëtar, Adi Sucipto Yogyakarta mbetet i hapur

XHAKARTË – Mali indonezian Merapi, shpërtheu të premten duke hedhur në sipërfaqe të tokës një sasi të madhe hiri, lartësia e të cilit arriti në gjashtë kilometra, ndërkohë sipas zyrtarëve, shpërthimi zgjati në një interval prej dy minutash.

Agjencia për zbutjen e pasojave nga fatkeqësitë, bëri të ditur se niveli i alarmit vullkanik, i cili javën e kaluar u shpall i nivelit më të lartë, mbeti i pandryshuar dhe akoma është në fuqi, që do të thotë se lëvizja brenda rrethit tre kilometrash rreth kraterit është e ndaluar.

Theksohet se shpërthimi që ndodhi në orën 8:20 të mëngjesit të sotëm nuk shkaktoi panik, për çka aeroporti Ndërkombëtar, Adi Sucipto Yogyakarta mbetet i hapur.

Mali Merapi ndodhet 30 kilometra nga qendra e qytetit Yogyakarta, në ishullin me popullsi të dendur, Java. Në një distancë prej 10 kilometrash rreth vullkanit jetojnë afër 250.000 njerëz.

Shpërthimi i fundit i madh i Merapit ndodhi në vitin 2010, ku si pasojë mbetën të vdekur 347 njerëz.

Indonezia gjendet në “Unazën e Zjarrtë të Paqësorit”, ndërsa atje gjenden 130 vullkane aktive.