Kryetari i FRPD Belind Kellici dhe Kryetarja e LRI-se Floida Kerpaci po shoqerohen ne komisariatin e policise nr. 4 ne Tirane, pas protestes ne Surrel. Lajmi eshte konfirmuar per mediat nga zyra e shtypit e PD. Por Policia e Tiranes e ka mohuar lajmin e shperndare nga PD dhe ka thene se nuk ka te shoqeruar.

Ne nje prononcim per News24, Floida Kerpaci tha se nuk eshte shoqeruar ne Polici por se policet u kane thene se masat ndaj tyre, per tubimin e paligjshem do te komunikohen me vone.

Ndërsa Floida Kerpaci fliste, në Surrel shkuan forcat e komisariatit nr.4 dhe kërkuan largimin e të rinjve nga banesa e kryeministrit.

“Jemi sot këtu me të gjithë të rinjtë, në Surrel, për ti dhënë këtë dhuratë simbolike Kryeministrit Edi Rama për ta bërë atë të kuptojë sesi është të të vendosin traun në derën e shtëpisë dhe të vuajë ashtu siç i ka bërë ai të vuajë qytetarët shqiptar dhe qytetarët kuksian. Ne besojmë se Shqipëria është e të rinjve dhe njëherë e përgjithmonë gjithësecili prej nesh që është këtu,duhet të luftojë për të larguar Edi Ramën dhe grupimin e tij të njerëzve që bëjnë pazare me të në dëm dhe në kurriz të qytetarëve shqiptarë. Prandaj jemi sot këtu me këtë dhuratë simbolike e cila në qoftë se Edi Rama nuk merr masa për të liruar në mënyrë të menjëhershme qytetarët kuksian dhe për të hequr taksën e rrugës së kombit ne do ta kthejmë këtë dhuratë simbolike në një simbol të qëndresës dhe të revoltës rinore për të luftuar për qytetarët shqiptar, kuksian sepse nuk mundet Edi Rama ti vendosi kufij qytetarëve shqiptarë por qytetarët shqiptarë do ti vendosin kufijtë Edi Ramës. Sot po na vendos traun te shtëpia, po na vendos taksa dhe TVSH pa fund. Sot po vjen dhe po na merr frymën çdo ditë e më shumë, po nesër çfarë do të na bëjë. Do na vrasi të gjithëve ne ashtu siç na ka vrarë dhe na ka larguar nga Shqipëria. Prandaj jemi sot të gjithë këtu të vendosur për këtë qëndresë por edhe për ta vazhduar në ditët në vazhdim për të luftuar sepse ne besojmë fort te vlerat e familjes, te vlerat për një Shqipëri më të mirë dhe për një Shqipëri Europiane dhe nuk do të lejojmë Edi Ramën dhe oligarkët që ai ju shërben të pushtojnë Shqipërinë”,- u shpreh Kërpaçi.

Të rinjtë e PD dhe LSI i shkojnë Ramës te shtëpia në Surrel: T’i vëmë traun (video)\

Të rinjtë e PD dhe LSI kanë shkuar sot për një protestë simbolike në Surrel, aty ku jeton kryeministri Edi Rama.

“Ti veme traun tek shpia se duhet te paguaje edhe ky taksa”, thone protestuesit ne videon live ne FB ne faqen e kryetarit te FRPD Belind Kellici, i cili shkruan: “Ne Surrel ke trau me i ri, ashtu sic i pelqen Edi Rames…”.