Dashi21. mars – 20. prill
Jeni gjithnjë e më afër synimeve tuaja. Nëse keni pasur probleme në aspektin profesional, dy muajt e ardhshëm do të ktheheni sërish në qendër të vëmendjes, por këtë herë si triumfues. E megjithatë, dhjetë ditët e fundit të muajit qershor do të jenë shumë të lodhshme dhe të mbushura me nervozizëm. Nuk do të toleroni presionin që mund t’ju ushtrojë shefi. Nuk është momenti të çoni dëm mundësitë që ju jepen për projekte të reja. Bëni shumë kujdes më datë 23 dhe 28 në mënyrë që të shmangni konfliktet. Ky është një muaj reflektimi edhe në fushën e ndjenjave. Lidhjet e sapo krijuara do të rrezikohen më shumë nga dyshimet. Ndërsa ata që kanë marrëdhënie në distancë, do të marrin një vendim përfundimtar në fund të muajit. Gjatë muajit qershor nuk do të jeni shumë të qetë, do të nervozoheni për arsye nga më banalet. Puna është shumë stresuese dhe ju ha pjesën më të madhe të kohës. Ata që janë në kërkim të një partneri apo që sapo janë lidhur do të mendojnë se nuk po gjejnë të duhurit, por bëni mirë të mendoheni para se të hidhni një hap. Meqë qershori do të jetë një muaj me shumë stres, më datë 21 dhe 30 do të ndiheni shumë të lodhur dhe të lënë pas dore. Do të keni probleme me stomakun. Armiku me të cilin po luftoni është i panjohur. Ju këshilloj të reflektoni më shumë dhe ndoshta e gjeni fajin te vetja.
Demi21. prill – 21. maj
Ky është një ndër muajt të vitit 2017. Yjet ju ndihmojnë sa më s’ka. Suksesi në punë është i garantuar. Të lindurve në këtë shenjë nuk para ju pëlqejnë ndryshimet, ndaj nëse keni në mendje të ndryshoni punë, ndiheni vërtet të lodhur nga ambienti që ju rrethon. Qershori dhe korriku janë muaj arritjesh. Venusi do të hyjë në shenjën tuaj më datë 6. Mundësi të reja për ju, por edhe pasione të reja që do t’jua bëjnë jetën më të bukur. Gjatë periudhës tetor-dhjetor nuk do t’ju jepen shumë mundësi të reja, ndaj mos hezitoni të bëni diçka më shumë gjatë verës. Datat 16, 21 dhe 29 do të jenë ditët më me fat. Pritet të arrini një sukses personal, por edhe për ata që janë në periudhë provimesh, do t’i kalojnë me sukses. Këta tre muaj janë vendimtarë për të vendosur të ardhmen. Ata që kanë një marrëdhënie sentimentale prej kohësh, duhet të marrin një vendim pikërisht tani. Datat më të favorshme për takime të reja janë 20, 24 dhe 25. Nuk duhen nënvlerësuar lidhjet e reja që janë krijuar në këtë periudhë. Do të arrini të bëni për vete dikë vetëm me një shikim. Lidhjet më afatgjata do t’i krijoni me të lindurit në shenjën e Akrepit dhe Bricjapit. Qershori do të jetë një muaj i nxehtë dhe i mbushur me emocione. Mos anashkaloni vizitat rutinë te mjeku, qoftë për një problem të vogël apo edhe për të përmirësuar pamjen tuaj fizike. Ky është momenti ideal për të filluar kura estetike apo trajtime detoksi.
Binjaket22. maj – 21. qershor
Gjatë muajit qershor është Mërkuri ai që do të hyjë në shenjën tuaj më datë 6 dhe falë këtij kalimi dhe në bashkëpunim me Jupiterin, yjet do t’ju favorizojnë shumë. Të reja interesante gjatë gjysmës së muajit, sidomos për ata që kanë bërë disa kërkesa në të shkuarën. Tensionet që kanë karakterizuar verën e kaluar tanimë janë shuar. Nëse shefi nuk ju shikon me sy të mirë prej disa kohësh, atëherë do të keni disa keqkuptime, por ju do t’i ktheni gjërat në favorin tuaj. Datat 23 dhe 25 do të jenë më të favorshmet në aspektin financiar. Shmangni shpenzimet e tepërta. Muaji qershor do të jetë shumë intrigues në fushën e ndjenjave. Mërkuri, Dielli dhe Jupiteri do të bashkëpunojnë sërish dhe do të ndihmojnë çiftet që duan të bëhen me fëmijë. Brenda familjes jeni duke diskutuar për probleme financiare, por mos harroni se një nga partnerët ka pasur probleme në punë Merrni frerët në dorë dhe prisni deri në fund të vitit, sepse do të jetë më fitimprurëse. Ajo çka për momentin e gjykoni si problem, më vonë do t’ju duket si shpëtim. Ditë të vështira ju presin më datë 18, 16 dhe 29. Do të harxhoni shumë energji gjatë këtij muaji, ja pse do të ndieni nevojën të ndaloni dhe të çlodheni për të rifituar fuqitë.
Gaforrja22. qershor – 22. korrik
Më në fund mund të flasim për një periudhë më të mirë për të lindurit në shenjën e Gaforres. Marsi do të hyjë në shenjën tuaj dhe më datë 3 do të ndodhë diçka e rëndësishme. Keni qenë shumë të tensionuar gjatë pesë muajve të fundit, por edhe kjo e ka një të mirë, sepse keni gjetur forcën për të menduar për një të ardhme më të mirë. Ndiheni të lodhur në fushën profesionale dhe prisni ta përballoni gjysmën e dytë të viti me një pritshmëri më të madhe. Ky është një moment kyç për studentët, të cilëve s’u kanë shkuar mirë punët së fundmi. Muaji korrik duket se do të jetë më i favorshëm. Ata që kanë shumë vjet që bëjnë të njëjtën gjë, tani do t’u jepet mundësia për një bashkëpunim të ri. Fusha e ndjenjave do të jetë pozitive dhe plot me entuziazëm. Do të gabonit rëndë nëse u ktheheni historive të shkuara. Çiftet që janë martuar vitin e kaluar janë përballur me probleme të mëdha. Ju kanë mbetur ende disa çështje ekonomike dhe ligjore për të zgjidhur. Qershori do t’ju rikthejë energjitë dhe dëshirën për të bërë sa më shumë gjëra. Marsi në shenjën tuaj nuk duhet konsideruar kurrsesi si një ogur i keq. Datat 24 dhe 25 do të jenë shumë intensive. Ata që duan të nisin një terapi apo kura estetike, bëjnë mirë të presin javën e fundit të muajit për të pasur rezultate më të mira.
Luani23. korrik – 22. gusht
Gjatë gjashtë ditëve të para të muajit do të ndiejmë ndikimin pozitiv të kalimit të Venusit në shenjën tuaj, një planet shumë i rëndësishëm në raportet profesionale. Logjika juaj nuk ka të meta, do të shkëlqeni dhe do të bindni këdo se idetë tuaja janë të duhurat. Sigurisht që ju prisni besnikëri dhe përkushtim nga bashkëpunëtorët tuaj, edhe pse para disa vitesh jeni zhgënjyer shumë pasi keni humbur para dhe besimin për shkak të dikujt. Ka ardhur momenti të shpërbleheni. Mos harroni se korriku është muaji i pakteve dhe marrëveshjeve të biznesit. Mos hezitoni se do të fitoni shumë. Fusha e ndjenjave do të kalojë në plan të dytë këtë muaj, sepse puna kërkon më shumë vëmendje. Keni kryer disa shpenzime të paparashikuara në shtëpi, por s’është nevoja të mërziteni dhe të hapni konflikte të panevojshme. Më datë 20 dhe 26 do të ndiheni disi të tensionuar. Qershori do të karakterizohet nga dyshime mes partnerëve që janë lidhur prej shumë kohësh. Tradhtitë do të zbulohen. Beqarët do të përjetojnë emocione të mëdha, por kujdes se mos vuani në fund. Meqë muajt e fundit keni pasur shumë punë është normale që tani të ndiheni të lodhur. Iniciativat që keni ndërmarrë nuk ju kanë lënë mundësi të pushoni, ndaj bëni shumë kujdes për shëndetin, sidomos gjatë dhjetë ditëve të fundit të muajit, sidomos më datë 20 dhe 26.
Virgjeresha23. gusht – 23. shtator
Duhet të manovroni me kujdes çështjet me karakter ekonomik, sidomos nëse bëhet fjalë për një rinovim kontrate. Gjatë muajve të fundit keni qenë gjithmonë në pritjeje të një ngritjeje në detyrë, të një pune të re dhe jeni paksa të zemëruar nga ky fakt. Keni punuar mes kaosit dhe janë të paktë ata që ju kanë ndihmuar. Ju dëshironi shumë gjëra, por askush nuk ju ndihmon. Datat 6 dhe 21 do të jenë më të vështirat. Megjithatë, qershori është një muaj interesant për projektet e reja. Do të gjeni pak qetësi pas datës 22 dhe më datë 28 do të nisni një përvojë krejt të re. Qershori është një muaj i favorshëm për ndjenjat. Ata që janë lidhur prej kohësh duket se e kanë humbur atë pasionin e dikurshëm. Bëni kujdes nëse keni probleme me ish të dashurit. Dita më e vështirë do të jetë data 16. Data 22 do të shënojë përmirësime edhe në fushën e ndjenjave. Pas hyrjes së Hënës në shenjën tuaj gjatë ditëve të fundit të muajit, mund të merrni guximin të njiheni me persona të tjerë e të krijoni lidhje të reja. Korriku do të jetë një muaj më vendimtar. Gjysma e dytë e muajit do të jetë më e mirë. Ndiheni shumë shpesh në ankth për çështje ekonomike apo profesionale. Do të ndiheni të lodhur fizikisht. Më datë 8 do të ndiheni shumë nervozë, po ashtu edhe të premten e datës 16. Do ta merrni veten vetëm në fund të muajit.
Peshorja24. shtator – 23. tetor
Më në fund keni kapërcyer ndikimin e keq të Venusit në shenjën tuaj. Ky do të jetë një muaj iniciativash, marrëveshjesh dhe projektesh të reja. Shumë prej jush kanë punuar fort gjatë periudhës janar-maj për t’ia dalë mbanë dhe për t’i paraprirë çdo problemi. Të lindurit në shenjën e Peshores arrijnë të shndërrojnë edhe diçka të mërzitshme në diçka të bukur dhe emocionuese. Studentët janë të favorizuar në këtë periudhë falë Jupiterit në këtë shenjë. Ata që kanë hapur një aktivitet tregtar muajt e fundit, janë përballur me disa vështirësi. Bëni akoma edhe më shumë sukses nëse ky aktivitet është familjar. Qershori, korriku dhe gushti janë muajt idealë për t’u martuar apo për të bashkëjetuar. Ata që duan prej kohësh një fëmijë, tani do të kenë një mundësi më shumë, edhe pse kjo varet shumë nga mosha. Tre javët e para do të jenë më të mirat. Disa nga ju do të gjejnë pasionin që kishin humbur. Ndërsa beqarët bëjnë mirë t’i analizojmë më me kujdes lidhjet e reja, sepse çka vendosni tani, do të ndikojë në gjithë jetën tuaj. Ky muaj do të karakterizohet nga qetësia e familjes, ndërsa ata që kanë lidhje jashtëmartesore do të marrin më në fund një vendim. Bëni shumë kujdes javën e fundit të muajit, sidomos çiftet që janë në krizë prej kohësh. Do të ndiheni shumë mirë fizikisht me përjashtim të datave 22 dhe 30. Kjo formë e mirë fizike do të zgjasë gjatë gjithë verës.
Akrepi24. tetor – 22. nëntor
Vera po afron, stina e arritjeve të mëdha profesionale, por edhe e zgjidhjeve ideale. Të gjithë ata që kanë punuar shumë tani do të shijojnë frytet, sidomos gjatë datave 21-30, ditë kur s’do të mungojnë propozimet e shumta. Ndërsa ata që janë sulmuar me pa të drejtë në punë do të kenë mundësinë që të vërtetojnë “pafajësinë” e tyre. Ditë të tensionuara do të jenë data 13 dhe 14. Skenari do të ndryshojë pas së premtes më datë 16 e deri në fund të muajit. Në fushën e ndjenjave nuk do të ketë ulje-ngritje. Ajo çka të lindurit e kësaj shenje duan të shmangin në një marrëdhënie është mërzia. Ata që kanë pasur probleme në punë, e kanë të pamundur që të mos jenë të tensionuar dhe nervozë edhe në shtëpi. Bëni mirë të shmangni përballjet me familjarët. Çdo ndryshim duhet përballuar me kurajë. Yjet nuk favorizojnë ata që sapo janë ndarë dhe kanë lënë pas një histori të trazuar. Nuk keni fituar ende besimin e duhur për t’u njohur me një person tjetër. Fizikisht do të ndiheni shumë herë më mirë se në maj, megjithatë do të ndiheni të lodhur gjatë ditëve të para të muajit për shkak të stresit. Gjithçka do të përmirësohet pas datës 21. Data ideale për të nisur kura dhe terapi është ajo e 24.
Shigjetari23. nëntor – 21. dhjetor
Yjet ju kanë favorizuar shumë gjatë muajve të parë të vitit, ja pse tani e keni rrugën të hapur për të arritur gjithçka që doni. Ata janë duke bërë punë “part-time” do të shohin se tanimë do të shndërrohen në përfundimtare. Duhet vetëm që ju të ndiqni instinktin. Më datë 16 do të keni një problem financiar ose do të detyroheni të paguani një shumë parash që s’e kishit parashikuar. Qershori s’do të jetë një muaj me të reja të mëdha, por ju duhet të gjeni brenda vetes energjitë që ju kanë humbur. Jeni njerëz të pavarur dhe shumë të qëndrueshëm në zgjedhjet që bëni. Nëse bashkëpunoni me ata që ju rrethojnë do të arrini edhe më shumë. Çiftet që kanë një marrëdhënie të konsoliduar s’do të kenë probleme, edhe pse disa konflikte të vogla s’do t’i shmangin dot. Do ta keni të vështirë të vendosni për pushimet, pasi do të bëni disa shpenzime të paparashikuara për shtëpinë ose fëmijët. Muaji qershor s’është ideali për njohjet e reja. Merreni më shtruar dhe shmangni marrëdhëniet me të lindurit në shenjën e Binjakëve apo të Virgjëreshës. Brenda familjes do të debatoni për paratë apo për një biznes të përbashkët. Ndërsa ata që kanë vendosur të martohen apo të bashkëjetojnë e kanë rrugën të lirë. Për shkak të tensioneve të kohëve të fundit, do të përjetoni ankth dhe nervozizëm. Data 15 ndoshta do të jetë më e vështira. Mos u sforconi kaq shumë. Në fund të muajit do ta merrni sërish veten.
Bricjapi22. dhjetor – 20. janar
Pas disa muajve të mbushur me stres dhe nervozizëm, qershori do të sjellë diçka ndryshe në jetën tuaj. Do ta kini më të lehtë të flisni, të debatoni, por edhe inatoseni për të mbrojtur idetë tuaja. Ditë e tensionuar do të jetë ajo e datës 12. Dhjetë ditët e fundit të muajit do të jenë të stuhishme, sepse edhe nëse diçka nuk ju pëlqen, do ta thoni hapur pa u menduar dy herë. Bëni shumë kujdes në datat 19 dhe 25, sepse keni shpenzuar aq shumë sa tani janë krijuar boshllëqe të mëdha. Firmosni kontrata afatgjata dhe përpiquni të keni ide më largpamëse, mos prisni që frytet e punët t’i korrni menjëherë. Jeta sentimentale do të jetë e qetë këtë muaj, por ata që janë lidhur me të lindurit në shenjën e Gaforres dhe Dashit do të kenë disa probleme. Lidhjet e reja do të kenë mundësi të mira. Edhe ju vetë do të habiteni nga ambienti ku do të njihni njerëz të rinj, ja pse e keni në dorë vetë në doni të bëni përpara. Ata që janë ndarë kohët e fundit nuk duan kurrsesi të nisin një histori të re. Prindërit janë shumë të shqetësuar për fëmijët. Historitë paralele do të jenë krejtësisht të pasuksesshme. Lufta që ju bëni për të mbijetuar nuk mbaron kurrë, ja pse lodhja sa vjen e bëhet më e madhe. Po përpiqeni shumë që të gjeni sërish qetësinë dhe formën fizike.
Ujori21. janar – 19. shkurt
Të lindurve në shenjën e Ujorit u pëlqejnë ndryshimet, vetëm se tani duhet ta kuptoni më mirë se ç’po ndodh me jetën tuaj në aspektin profesional, sepse jo gjithçka do të shkojë vaj. Duhet t’u përshtateni më shumë rrethanave. Të gjithë ata që duan të ndryshojë profesion, pozicion pune apo të transferohen diku tjetër, duhet ta kuptojnë se këto janë vendime afatgjata. Nuk ju mungon dëshira për të bërë sa më shumë gjëra. Nuk ju këshillojmë asnjëherë të rrezikoni pa qenë të sigurt. Studentët duhet të përgatiten mirë për provimet dhe të përqendrohen sa më shumë te gjërat që duan të arrijnë. Në krahasim me muajin e kaluar, klima ka ndryshuar shumë. Në qershor nuk do të hasin probleme çiftet që janë të konsoliduar prej kohësh, por disa keqkuptime nuk do t’i shmangin dot. Do të ishte një mëkat i madh që të shkatërroni një marrëdhënie për arsye shumë të vogla dhe banale apo për një fjalë të thënë në nerva e sipër. Kjo është një periudhë reflektimi. Ata që duan të guxojnë të krijojnë lidhje paralele, as të mos e marrin mundimin, sepse do të gjenden mes dy zjarreve. Këtë muaj nuk do të jeni aq në formë sa në muajin maj, e megjithatë falë Jupiterit dhe Mërkurit në shenjën tuaj, energjitë do të jenë të mjaftueshme. Mos u stresoni shumë. Ditët më të vështira për ju do të jenë datat 7 dhe 20.
Peshqit20. shkurt – 20. mars
Nuk do të përpiqeni shumë për të realizuar diçka të rëndësishme, sidomos studentët. Marsi ka ndikim shumë të mirë në shenjën tuaj pas datës 4, ndërkohë që Dielli ju ndihmon që prej 21 majit. Kjo është një periudhë interesante dhe shumë pozitive për ata që kanë një aktivitet privat. Ata që duan të blejnë një shtëpi, të nisin që tani kërkimet, sepse stina e verës do të jetë ajo e zgjidhjeve të shpejta për çdo problem. Një muaj frytdhënës që edhe pse Saturni ndikon negativisht, ju do të arrini të firmosi çdo kontratë apo marrëveshje që keni dashur prej kohësh. Kujdes se shpenzimet po rriten, sidomos më datë 6. Tregohuni më shumë dorështrënguar. Për sa i përket fushës së ndjenjave duhet të keni parasysh se nëse rrini të mbyllur në shtëpi, sigurisht që vetmia do të zgjasë edhe më shumë. Beqarët do të kenë mundësi të njohin njerëz të rinj. Jeta në çift do të jetë shumë e bukur për ata që kanë një marrëdhënie të gjatë dhe në vjeshtë ndoshta do të marrin lajmin e mirë të pritjes së një fëmije. Nëse dikush nga ju ka një problem ligjor me ish-bashkëshortin, atëherë këtë muaj do të gjejë një zgjidhje, sidomos nëse ky problem ka lidhje me fëmijët apo me pronën. Datat 24 dhe 25 janë më të favorshmet për të jetuar dhe shijuar në maksimum pasionin. Në përgjithësi, do të ndiheni mirë fizikisht, me përjashtim të datës 16 kur do të ndiheni në ankth apo do të keni shqetësime të lehta dhe kalimtare. Bëni mirë të pushoni sapo t’ju jepet mundësia, sepse në punë punoni me ritme të çmendura. Shmangni ëmbëlsirat dhe ushqimet e përpunuara. Kontrolloni dietën ditore!
Komentet