VALENTINA MADANI/ Për herë të parë një forcë politike shqiptare do të protestojë para Parlamentit Europian në Strasburg.

Opozita do e zhvillojë protestën ditën e sotme në dyert e Parlamentit Europian ku mësohet se do jenë rreth 40 deputetët që do t’i bashkohen. Deputetët do të ndahen në dy grupe, njëri prej të cilëve mendohet se do hyjë brenda seancës parlamentare evropiane, ndërsa tjetri do të protestojë jashtë ambienteve të Parlamentit Evropian.

Grupi, i cili mendohet se do të hyjë brenda Parlamentit Evropian, do të kërkojë sensibilizim si dhe informim mbi situatën politike në të cilën ndodhet Shqipëria.

Kjo lëvizje e Partisë Demokratike vjen pas skenarëve të kaosit në Kuvend dhe protestës së dhunshme të 7 tetorit, aksione që u ndërmorën nga PD fill pas dënimit të Ervin Salianjit me 1 vit burg për kallëzim të rremë në dosjen ‘Babale’.

Deputetët e opozitës do të ngrenë në diskutim çështjen e Sali Berishës, i cili ndodhet nën masën e sigurisë “arrest në shtëpi”, për privatizimin e ish-kompleksit “Partizani”, ashtu sikurse dhe arrestimin e ish-deputetit tashmë, Ervin Salianjit, të cilat demokratët i kanë cilësuar si “të kapur nga politika”. Deputetët opozitarë kërkojnë sensibilizim për kauzat e tyre, përjashtimet nga Kuvendi pas skenarëve të kaosit, kërkesa për qeveri teknike, apo edhe dënimi i Salianjit dhe masa e sigurisë dhënë për Sali Berishën, të cilat i konsiderojnë të padrejta. Deputetët që do jenë në protestë janë: Gazment Bardhi, Edmond Spaho, Lefter Gështenja, Helidon Bushati, Ramadan Likaj, Flamur Hoxha, Flamur Noka, Edi Paloka, Agron Gjekmarkaj, Jorida Tabaku, Albana Vokshi, Oerd Bylykbashi, Asllan Dogjani, Isuf Çela, Dhurata Çupi, Elda Hoti, Qani Xhafa, Lindita Metaliaj, Xhelal Mziu, Kasem Mahmutaj, Kastriot Piroli, Ilda Dhori, Bledion Nallbati, ` Saimir Korreshi, Petrit Doda, ` Zheni Gjergji etj. Kreu i Grupit Parlamentar i Partisë Demokratike, Gazment Bardhi, njoftoi se Grupi i PD-së nisi dje vizitën zyrtare në Parlamentin Europian.

Deputetët Gazment Bardhi, Flamur Noka, Jorida Tabaku, Agron Gjekmarkaj dhe Albana Vokshi, u takuan sot me eurodeputetët Sandro Gozi dhe Oihane Agirregoitia Martínez, përfaqësues të grupit parlamentar “Renew Europe”.

Lajmi është bërë i ditur nga Kryetari i Grupit Parlamentar të PD Gazment Bardhi, përmes një njoftimi në rrjetet sociale, ku ndër të tjerat shkruan se “është e paimagjinueshme për çdo mik europian të Shqipërisë, që të perceptojnë se vendi ynë, edhe pse vend kandidat për në BE, ka ekzekutuar shtetin ligjor, ka asgjësuar balancën mes pushteteve, dhe ka eliminuar zgjedhjet e lira.” Nisëm sot takimet në Parlamentin Europian me z. Sandro Gozi, eurodeputet dhe Sekretar i Përgjithshëm i Partisë Demokratike Europiane, dhe znj. Oihane Agirregoitia Martínez, përfaqësues të grupit parlamentar “Renew Europe”.

Informimi i plotë mbi situatën në Shqipëri ishte në fokus të bisedës, me dy mbështetës të të ardhmes europiane të Shqipërisë. Është e paimagjinueshme për çdo mik europian të Shqipërisë, që të perceptojnë se vendi ynë, edhe pse vend kandidat për në BE, ka ekzekutuar shtetin ligjor, ka asgjësuar balancën mes pushteteve, dhe ka eliminuar zgjedhjet e lira.

Shqipëria është i vetmi vend në Europë që ndërkohë që qeveriset me prova të pakontestueshme nga krimi i organizuar, deri në pikën që organizatat kriminale diktojnë edhe vendet e kandidatëve për deputet në listën e PS, pushteti i kriminalizuar i Edi Ramës synon asgjësimin e opozitës përmes burgosjeve politike të lidershipit të opozitës, duke na rikthyer 34 e më shumë vjet pas dhe duke vënë në pikëpyetje serioze demokracinë”, – shprehet Bardhi. Nga ana e tij lideri demokrat Sali Berisha bëri të qartë se me Ramën do të ketë vetëm betejë.

“Betejë, betejë dhe vetëm betejë. Diktaturës nuk i ulet koka. Meqë jam në këtë moment kam një thirrje për të gjithë intelektualët, kjo thirrje shkon për ata për një arsye, sepse pa diskutim ata janë dija e kombit. Por nuk duhet të harrojmë kurrë që konformizmi i tyre me të keqen me regjimin është armiku i tyre me i madh. Sot çdo qytetar në këtë beteje ka vetëm një armë dhe kjo armë është guximi i tij. Sot janë aktuale fjalët e Papa Gjon Palit 2 “ Mos ki frikë” me të cilët frymëzoi miliona luftëtar antikomunist të ngrihen kundër diktaturave. Aktet e djeshme Rama i ka më qëllim të dyfishtë, i pari për të shfryrë dufin me Ilir Metën dhe së dyti për të mbjellë frikë në të gjithë vendin, por kujtoj fjalët e Papa Gjon Palit- Mos keni frikë- dhe kjo është absolutisht rruga për t’u çliruar nga ky regjim bandit, jam i bindur që kjo diktaturë nuk ka të ardhme”, – tha Berisha./Gazeta Panorama

Në faqen zyrtare të kryeministrisë gjendet i plotë dhe ende i pa sfiduar nga mediat dhe analistët fjalimi i plotë i Ramës “diskutimi publik me pensionistët” me qëllim informimin që do të vijojë në të gjitha qytetet e vendit. Ai cilësohet si angazhim i qeverisë për çështjen e pensioneve, për të adresuar një zgjidhje të shpejtë dhe të qëndrueshme, në këtë aspekt, por në media është servirur si plan ekonomik para zgjedhor dhe propaganda e mirëfilltë për rreth 850 mijë persona që do t’i drejtohen kutive të votimit në vitin 2025. Indeksimi i pensioneve me 4.1%, është rritja me një kokërr vezë ose me një filxhan kafeje që shpesh pensionistët e shprehin me indinjatë dhe e shohin si një mungesë dinjiteti për atë që bën qeveria.

Historia e vezës për t’u bërë pulë nga njohuritë ekonomike të stafit të Ramës është të kuptuarit se vetëm për përfitim politik Rilindja Socialiste çuditërisht i bën lëmoshat në fund të vitit ku muajt paraprirës nuk reflektohen me shumën e përfitimit. Përkundrazi në raportet e asambleve mburrja politike për pensionet shprehet si rritje gjithë vjetore.

Filxhani i kafesë është dhe më i trishtë dhe kjo vjen nga një ngjarje e vërtetë kur disa zonja që kanë punuar në arsim provuan rritjen me indeksin 4.1 me pensionin mujor paraardhës, ditë e cila në Tiranë u pushtua nga një mot me reshje prej tre orësh. Të detyruara për t’u mbrojtur nga shiu në strehën e një kafeneje ato ishin të detyruara ta shpenzonin bonusin aty për aty, pa menduar për ndonjë taksi apo autobus linje pasi gjithçka është një shpenzim që shtrëngon ushqimet, ilaçet, faturat e energjisë dhe ujit me racion e kursim përmbi taksat e tjera që rëndojnë moshën e tretë që më së shumti janë prindër të vetëm me fëmijët të larguar në emigracion.

Këtë panoramë Rama, elita e Rilindjes Socialiste dhe qeveria nuk e harrojnë, por e përdorin pikërisht për zgjedhjet. Nuk do të ndalemi këtu në shifrat e lodhshme krahasuese të kryeministrit përpara një grupi pensionistësh që nuk harroi dhe t’i bënte humor të hidhur duke i kujtuar kohën e pasigurisë që ndërtuan skemat piramidale në vitet ’90, ku si moral opozita e tanishme është arkitektja dhe përgjegjësja e gropës. 

Rama sot ka zbuluar gropën 1 miliardë (nga taksat dhe sigurimet shëndetsore), vetë ka 11 vite që drejton me korrupsion ekonominë dhe e kërkon votën kur pohon se kërkon kohë dhe durim nga pensionistët me një kufi të shtyrë edhe për 6 vite të tjerë nga kjo situatë e sotme. Ja se si shprehet pas gjithë asaj propagande premtimi elektoral:“Unë e kam thënë gjithmonë, pensionet janë ai guri i fundit i këtij muri për Shqipërinë 2030, por ama e kam thënë kohë më parë: do të na duhet kohë. Do na duhet kohë!”

Tragjike me këtë moshë që ka me dhjetra vite pune mbi supe në qytet dhe fshat.

E mjerueshme!

Pensioni guri i fundit i këtij muri për Shqipërinë 2030?!

Pse nuk e thua realisht kryeministër, pas 6 vitesh një gur varri, sepse të përcillesh me dinjitet nga kjo jetë të duhen para të kursyera për funeralin. Para të cilat nuk i kursen dot asnjë pensionist shqiptar sepse nuk i del të ushqehet dhe të kujdeset për shëndetin.

Media dhe ATSH dhanë programin elektoral dhe premtimet e Ramës për rreth 850 mijë pensionistë. Asnjë nuk merr kurajën ta sfidojë për të vërtetat.

21 Tetor, 2024

Unioni i Gazetarëve Shqiptarë Profesionistë të Diasporës (UGSHPD)

Verband Albanischer Berufsjournalisten der Diaspora (VABD)

Union of Professional Albanian Journalists of Diaspora (UPAJD)

L’Union des journalistes professionnels albanais de la diaspora (UJPAD)

Organizata joqeveritare amerikane ‘Rrjeti i Aksionit të Bazelit’ tha të hënën se rreth 2 100 tonelata mbetjesh industriale, që dyshohet se përmbajnë lëndë të dëmshme helmuese, të paketuara në 102 kontejnerë, pritet të kthehen në vendin e tyre të origjinës në Shqipëri më 27 tetor nëpërmjet portit italian të Gioia Tauro, pasi kanë lundruar deri në Singapor në rrugën e tyre drejt Tajlandës.

Rrjeti thekson se kthimi i planifikuar mund të shënojë fundin e muajve të intrigave dramatike pasi grupi që mori një informacion nga një sinjalizues, paralajmëroi Shqipërinë, disa vende tranziti dhe Tajlandën për dërgesën masive të asaj që besohet se është lëndë helmuese nga hiri i oxhaqeve metalurgjike.

Pas paralajmërimit, thuhet në njoftim, qeveria e Tajlandës refuzoi importin dhe “Rrjeti i Aksionit të Bazelit’ më pas mori garanci nga linjat e transportit, përfshirë kompaninë daneze Maersk dhe Kompaninë Mesdhetare të Transportit (MSC) se do të siguronin kthimin e sigurt të kontejnerëve në portin e Durrësit në Shqipëri.

Për të pasur transparencë Rrjeti i Aksionit të Bazelit’, kërkon hapjen e kontejnerëve ne Durrës.

Aktualisht, të gjithë kontejnerët janë në portin e vogël Asyaport në Turqi, në pritje të mbërritjes së anijes turke të kontejnerëve Burak Bayraktar, e cila pritet të transportojë të 102 kontejnerët në fjalë nëpërmjet portit Gioia Tauro në Itali për në Durrës.

Kontejnerët u transportuan në muajin korrik nga Shqipëria në Trieste të Italisë, ku u ngarkuan në dy anije me qira të kompanisë Maersk. Ndërsa dy anijet lundronin drejt Azisë Juglindore, grupi Rrjeti i Aksionit të Bazelit’ dhe partnerët e tij dhanë alarmin dhe punuan pa pushim për t’i ndalur anijet nga vendet tranzit dhe të refuzoheshin nga Tajlanda.bw

Grupi Parlamentar i Partisë Demokratike pritet të protestojë sot në Strasburg për disa çështje që lidhen me qeverinë e cila akuzohet për shkelje ligjore.

Shumica e deputetët do të udhëtojnë sot drejt Strasburgut për të protestuar para Parlamentit Europian, në të njëjtën ditë kur PE mblidhet në seancë plenare.

Në skenarin e zbardhur nga gazetari Osman Stafa thuhet se deputetët e PD-së pritet të ndahen në dy grupe. Njëri grup prej 5 apo 6 deputetësh do të hyjnë brenda PE për të zhvilluar takime njoftuese ndaj eurodeputetëve për t’i njoftuar ata sa i takon situatës në Shqipëri dhe shkeljeve ligjore, kushtetuese që ka bërë qeveria e kryeministrit Edi Rama.

Burgosja e Salianjit, mosvotimi i PS për vendimin e GJK, lidhjet e qeverisë me krimin, korrupsioni janë disa nga çështjet e diskutimit në fokus të takimeve.

Po kështu, përveç këtij grupi, pjesa tjetër e deputetëve të shpalosin pankarta para Parlamentit Europian dhe të protestojnë për një kohë të caktuar për të tërhequr vëmendjen e europianëve për situatën në Shqipëri që ata e cilësojnë ngjizjen e një regjimi diktatorial. bw

Një krahasim i Bankës Botërore për vendet e Rajonit ECA (përfshin 19 vende në zhvillim që nga Azia Qendrore, Europa Qendrore dhe Kaukazi në Ballkan, ku përfshihet edhe Shqipëria) tregoi se vendet që kanë një përqindje të vogël të popullsisë me arsim të lartë kanë edhe emigrimin të lartë të trurit.

Sipas grafikut të mëposhtëm Shqipëria ka rreth 13% të popullsisë me arsim të lartë në një kohë që 45 për qind e tyre kanë emigruar.
Ndërsa më shumë se një e treta e personave me arsim të lartë emigrojnë nga Shqipëria, Bosnja dhe Hercegovina, Kazakistani dhe Moldavia dhe më shumë se një e katërta në Armeni, Bullgari, Kroaci, Republikën e Kirgistanit, dhe Maqedonia e Veriut emigrojnë.

Vendet me më pak të diplomuar në arsimin e lartë kanë normat më të larta të emigrimit mes tyre. Një pjesë gjithashtu e madhe e të diplomuarve me arsim të mesëm emigrojnë për të ndjekur studimet e larta jashtë vendit.

Nga 151,274 individë të moshës 20-24 vjeç që migruan në Bashkimi Europian nga vendet e ECA në 2022, rreth 25,967 (17.2 për qind) e bënë këtë për tu arsimuar.

Banka Botërore thekson se disa ka faktorë që mbështesin emigrimin e punëtorëve me kualifikim të lartë. Faktorët “tërheqës” përfshijnë afërsinë e vendeve me Bashkimin Europian, ku kërkesa për fuqi punëtore të kualifikuar është e fortë.

Ndërsa faktorët “shtytës” përfshijnë mundësi të kufizuara pune për disa profesione të specializuara në vendet e origjinës. Banka Botërore sugjeron se vendet e origjinës duhet të përpiqen të zvogëlojnë fuqinë e faktorëve shtytës.

Psh rritja e konkurrencës së pagave dhe produktivitetit në profesionet e rrezikuara me aftësi të larta mund ndihmojnë në dobësimin e stimujve për të emigruar.
Vendet e vogla si Shqipëria mund të përqendrohen në zhvillimin e sektorëve të veçantë, si kujdesi personal dhe ai shëndetësor dhe shërbime për turistët, të cilat mund të ndikojnë në frenimin e të arsimuarve.

Bota e zhvilluar tani ka plot shembuj se si duhet të zhvillohet sistemi i edukimit me ekonominë. Psh Sistemet arsimore në SHBA dhe Mbretërinë e Bashkuar dhe vendet e zhvilluara europiane kanë adoptuar qasje të ndryshme për integrimin kërkimin, edukimin dhe identifikimin e talenteve.

Historikisht, Shtetet e Bashkuara dhe Mbretëria e Bashkuar kanë investuar në qendrat kërkimore brenda në universitet, të cilat kanë zhvilluar mekanizma të fuqishëm për identifikimin dhe edukimin e talenteve, shpesh përmes proceseve konkurruese të pranimeve dhe programe të specializuara duke ofruar edhe bursa.

Universitetet në këto vende kanë lidhje të forta me industrinë, të cilat ofrojnë mundësi identifikimi dhe zhvillimi të talenteve përmes praktikave, programeve të edukimit bashkëpunues dhe kërkimit të sponsorizuar nga industria të projekteve.

Sistemi gjerman zhvilloi një strukturë të dyfishtë në të cilën universitetet fokusohen në mësimdhënie dhe kërkimin në zhvillimet industriale. Ky model nga disa vende evropiane dhe në ato postkomuniste identifikoi talentin përmes performancës në sisteme rigoroze të arsimit të mesëm duke identifikuar në një fazë të hershme talentet./Monitor/

Përse dy globalistët apo dy kryetarët kryesorë të Rilindjes Socialiste njëri për të gjithë Partinë si dhe tjetri për Qarkun e Tiranës e kanë kokën në vend të keq sa herë që na shesin propagandë?