Dhjetëra gjyqtarë dhe prokurorë nuk justifikojnë me dokumentacion ligjor një pjesë të pasurive të paluajtshme, huamarrjeve dhe llogarive bankare.
Në zbatim të ligjit të Vetingut, Inspektoriati i Lartë për Deklarimin dhe Kontrollin e Pasurive, ka nisur prej disa ditësh procedurën e kontrollit të pasurive të gjyqtarëve dhe prokurorëve, sipas përparësisë të parashikuar në ligj.
Shqiptarja.com ka mësuar se nga hapja e dosjeve të para të pasurive, janë konstatuar mungesa të theksuara në dokumentacion, kryesisht për justifikimin e pasurive të paluajtshme, të deklaruara para dhe gjatë ushtrimit të detyrës.
Ashtu siç edhe paralajmëroi vetë Unioni i Gjyqtarëve, në fund të vitit të kaluar, në kërkesën drejtuar Gjykatës Kushtetuese për rrëzimin e ligjit të Vetingut, një pjesë e njerëzve të drejtësisë nuk vërtetojnë dot ligjshmërinë krijimit të pasurive.
Edhe pse inspektorët e ILDKP kanë nisur verifikimin e një numri të kufizuar deklaratash pasurie, nisur nga intensiteti i konstatimeve të problematikave të para, numri i gjyqtarëve dhe prokurorëve që mund të penalizohen për shkak të mungesës së dokumentacioni ligjor për justifikimin e pasurisë, pritet të jetë i lartë. ILDKP do të ketë 180 ditë kohë për të kontrolluar vërtetësinë e të gjitha deklaratave të pasurisë. Krahas kontrollit, ILDKPI do të kalojë një kopje të të gjitha dosjeve të pasurive në duart e vëzhguesve ndërkombëtarë, të cilët do të jenë prokurorë dhe gjyqtarë nga SHBA dhe Evropa.
Të gjitha gjetjet e konstatuara nga inspektorët e ILDKP, së bashku me mendimet dhe provat që do të paraqesin prokurorët dhe gjyqtarët e SHBA-BE, për çdo dosje pasurie të kontrolluar, do të reflektohen në një raport, i cili do t’u përcillet organeve të Vetingut.
Në fund të raportit, për çdo gjyqtar apo prokuror, ILDKP do të konstatojë nëse deklarimi i pasurisë është i saktë, nëse ka mungesë të burimeve financiare, është kryer fshehje e pasurisë, është kryer deklarim i rremë apo subjekti gjendet në situatën e konfliktit të interesit. Shkalla e parregullsive dhe e pasurisë së pajustifikuar do të jetë përcaktuese për fatin e gjyqtarit apo prokurorit.
Pamundësia e gjyqtarëve dhe prokurorëve për të paraqitur dokumente për ligjshmërinë e pasurive është parashikuar në ligjin e Vetingut. Pika 2 e nenit 32 të ligjit të Vetingut, parashikon që nëse gjyqtari apo prokurori është në pamundësi objektive për të disponuar dokumentin që justifikon ligjshmërinë e krijimit të pasurive, duhet t’i vërtetojë institucionit të rivlerësimit se dokumenti është zhdukur, ka humbur, nuk mund të bëhet përsëri ose nuk merret në rrugë tjetër. Ligji parashikon që do të jenë institucionet e vlerësimit, ato të cilat do të vendosin nëse mosparaqitja e dokumenteve justifikuese është për shkaqe të arsyeshme.
Shqiptarja.com ka mësuar se jo të gjithë gjyqtarët dhe prokurorët kanë zbarkuar udhëzimin e ILDKPI, të datës 10.10.2016, për mënyrën e deklarimit të pasurive, në pronësi, posedim dhe përdorim, burimet e krijimit të tyre, detyrimet financiare etj. Ky udhëzim me 28 pika, përcakton modalitetet e plotësimit të deklaratës së pasurisë dhe justifikimin me dokumentacion ligjor.
Përpos të tjerave, subjektet e vlerësimit duhet të paraqisnin pranë ILDKP edhe kontratat e lidhura dhe kolateralin e vënë si garanci për kreditë, kusht që jo të gjithë e kanë plotësuar. Po ashtu, duhet të paraqisnin dokumentacionin e plotë ligjor, lejen e ndërtimit, preventivin, situacionin e plotë të dhe shpenzimeve të kryera për ndërtimet, ndërtime, shtesat ose rikonstruksione të pjesshme ose të plota për banesa ose çdo ndërtim tjetër. Ata duhet të vërtetonin huamarrjet dhe huadhëniet, pasuritë e paluajtshme, të luajtshme, likuiditetet etj.
Në muajin nëntor të vitit të kaluar, Unioni Gjyqtarëve të Shqipërisë, në një dokument prej 30 faqesh drejtuar Gjykatës Kushtetuese, deklaronte se gjyqtarët dhe prokurorët e kishin të të pamundur për të justifikuar pasuritë që nga rënia e sistemit komunist.
“Provimi i burimeve të ligjshme për pasuri të vëna përpara detyrës për të dhe për familjarët, është një kërkesë që nuk plotëson asnjë qëllim, por thjesht kërkon të penalizojë subjektet, për pamundësinë e tyre për të gjetur dokumente. Dhe një rrezik i tillë është real, duke patur parasysh kohën e gjatë që mund të ketë kaluar që nga krijimi i pasurisë, rrethin e subjekteve të deklarimit, faktin që familjarët, apo subjektet mund të kenë punuar në emigracion të pasiguruar, apo faktin që ekonomia shqiptare ka qenë informate dhe pavarësisht punës së ndershme, të ardhurat nuk mund të provohen dhe të klasifikohen edhe ligjërisht si burime të ligjshme fitimi pavarësisht se, nuk kanë rrjedhur fare nga detyra, apo abuzimi i subjektit me të”, pretenduan gjyqtarët.
Konstatimet e ILDKP
Deklarimi është i saktë në përputhje me ligjin, me burimet e ligjshme financiare dhe që nuk gjendet në situatë konflikti interesi;
Ka mungesë të burimeve financiare të ligjshme për të justifikuar pasuritë;
Është kryer fshehje e pasurisë;
Është kryer deklarim i rremë;
Subjekti gjendet në situatën e konfliktit të interesit.
Pasuritë jashtë vendit, sfida kryesore e ILDKP
Me fillimin e procesit të verifikimit, një nga sfidat më të vështira të ILDKP do të jetë gjurmimi dhe konstatimi i pasurive të gjyqtarëve dhe prokurorëve jashtë vendit. Ligji i Vetingut parashikon që nëse subjekti i rivlerësimit ose personat e lidhur kanë pasuri jashtë territorit të Republikës së Shqipërisë, ai paraqet deklarimet bankare të viteve të fundit, të dhënat e fundit mbi regjistrimin e pasurisë ose dokumente të tjera që tregojnë vlerën e pasurive që ndodhen jashtë shtetit. Por, numri i subjekteve që kanë deklaruar pasuri jashtë vendit është i papërfillshëm. Në këto kushte, është detyra e ILDKP dhe hetuesve të SHBA-BE, për zbulimin e pasurive të fshehura jashtë vendit.
Procedura e kontrollit të pasurive
1. ILDKPKI-ja, bazuar në deklarimet e pasurive, zhvillon një procedurë të plotë kontrolli në përputhje me këtë ligj, ligjin “Për deklarimin dhe kontrollin e pasurive, detyrimeve financiare të personave të zgjedhur dhe nëpunësve të caktuar publikë”, ligjin “Për parandalimin e konfliktit të interesave në ushtrimin e funksioneve publike” dhe Kodin e Procedurave Administrative.
2. Inspektori i Përgjithshëm i ILDKPKI-së, për qëllimet e rivlerësimit, mund të kërkojë nëpërmjet Drejtorisë së Përgjithshme të Parandalimit të Pastrimit të Parave ose Ministrisë së Drejtësisë dokumentet për pasuritë në pronësi të subjekteve të rivlerësimit dhe personave të lidhur me ta, dokumentet që përdoren jashtë shtetit nga subjektet e rivlerësimit dhe personat e lidhur me ta, ose të dhënat financiare mbi çdo transaksion financiar brenda ose jashtë vendit në përputhje me ligjin “Për parandalimin e pastrimit të parave dhe financimit të terrorizmit” të subjekteve të rivlerësimit dhe personave të lidhur me ta. Këto dokumente ose informacione mund të përdoren në cilësinë e provave përpara Komisionit ose Kolegjit të Apelimit.
3. ILDKPKI-ja mundëson akses të plotë për vëzhguesit ndërkombëtarë, që të kërkojnë informacione, të konsultojnë, të kopjojnë dhe të hetojnë deklarimet e pasurive të paraqitura nga subjekti i rivlerësimit ose personat e lidhur me të, si dhe dokumentet shoqëruese.
Gazetarja Klodiana Lala tregon detaje nga vrasja e 14-vjeçarit, Martin Cani, pranë shkollës Fan Noli në mes të ditës në Tiranë.
Gazetarja Klodiana Lala tha sot në studion e News 24 se babai i Martinit punonte si kamarier në një lokal përballë Prokurorisë së Posaçme (SPAK).
Ajo tregoi se babai i 14-vjeçarit kishte plane për të shkuar familjarisht në SHBA në janar të vitit që vjen.
Klodia Lala:Kam patur rastin që në 5 vitet e fundit jam takuar pothuajse çdo ditë me babanë e Martinit sepse ai punon kamarier në një lokal përballë prokurorisë së posaçme, ku aty ne shkojmë çdo ditë për shkak se ndjekim procese gjyqësore. Babai i Martinit kishte thënë se ‘bashkë me Martinin dhe familjen do të largohemi në Amerikë në muajin janar sepse kam bërë bashkimin familjar’, kështu më zbuloi një mikeshë e imja që i kishte thënë babai i Martinit. GSH
Karriera politike e Erion Veliaj duket se po perëndon. Pas aferave korruptive me inceneratorin e Tiranës, të cilën e ka kryer së bashku me Edi Ramën, por veçanërisht me vjedhjen spektakolare të “5D”, ku shpiku një super skemë për gëllabërimin e taksave të qytetarëve të Tiranës, skemë e cila habiti dhe frikësoi edhe vetë kryehajdutin Edi Rama, Veliaj duket se e ka të pashmangshme më dorëzimin para drejtësisë.
Megjithë përpjekjet për ujdi me Ramën dhe Dumanin, gjurmët e vjedhjes janë aq brutale se s’ka ujdi që të mund t’i fshijë, kështu kapoja i Rilindjes përflitet se ka vendosur ta dorëzojë ish-beniaminin e tij para zgjedhjeve të 2025.
Vox news ka publikuar së fundi një artikull ku flitet se Blendi Goxhe është thirrur për të qenë drejtues politik i Qarkut të Tiranës, së bashku me Spiropalin dhe Manastirliun me arsyetimin se Tirana është qark i madh dhe ka nevojë për më shumë drejtues.
Por një burim që nuk pranoi të identifikohet tha për Syri-n se ‘bileta’ për Veliajn është prerë. E vetmja gjë që ende nuk po ekzekutohet është fakti se Lali Eri duket ka gjetur fijet në gjykatë, e cila po heziton të ekzekutojë menjëherë vendimin, por që gjasat janë të mos mundet dot më të pengojë çuarjen para drejtësisë të kryebashkiakut të Ramës.
Kujtojmë se prej kohësh Erion Veliaj dhe bashkëshortja e tij Ajola Xoxa janë futur në hetim pasuror, të dyshuar për pastrim parash.
Fushata në Tiranë aktualisht i është besuar Elisa Spiropalit, Erion Veliajt dhe Ogerta Manastirliut.
Voxnews pretendon se Gonxhja do të angazhohet në të gjithë qarkun e Tiranës, por me theks në zonën e Kombinatit.
Zyrtarizimi i këtyre ndryshimeve mund të kërkojë disa ditë, apo javë, por burimet brenda socialistëve theksojnë se lëvizjet bëhen në kuadër të nevojës për të fuqizuar fushatën në qarkun e Tiranës. sn
Qytetarë të shumtë u grumbulluan sot përpara Kuvendit për të protestuar në prag të votimit për buxhetin e vitit që vjen.
Të pranishëm ishin shumë pensionistë, që janë shtresa më e prekur nga keqqeverisja e Edi Ramës. Ata kërcënuan se do të largohen në Kosovë, pasi atje pensionet janë më të larta se në Shqipëri.
“Kemi ardhur për t’u drejtuar në drejtim të parlamentit sepse ai është parlamenti që kemi ndërtuar ne. Kemi kontribuar ne dhe jo Spiropali që të na drejtojë Kuvendi.
Të hyjmë në parlament dhe të verifikojmë punën e kryer tonën. Nuk i lejojmë këta sharlatanë të nëpërkëmbin pensionistët.
Si tha kryeministri, mbeturina protestues. Po ai nuk është kryeministër, është hale. Prandaj i bëj thirrje që ne pensionistët, edhe në kohë të vështirë me shi, të bëhemi të fortë dhe ta shporrim këtë sa ma shpejt. Ilaçi më i fortë është ta largojmë menjëherë këtë kryeministër sepse është Shqipëria që kemi ndërtuar ne.
Ka mobilizuar 1500 forca kundër nesh, pensionistëve. Edhe serbi në vitin 1999 nuk ka mobilizuar kaq shumë forca kundër kosovarëve. Turp e faqja e zezë për këtë kryeministër që mashtron me 100 euro apo 150 euro.
Ose na jep pensionin që meritojmë, ose përndryshe do shkojmë në Kosovë tek Albini ynë se ai ka pensionet më të larta,” tha një pensionist.
Protesta u zhvillua nën kushte të këqija të motit.
Pas fjalimeve të qytetarëve dhe pensionistëve, tubimi u mbyll. sn
Protesta e opozitës para Kuvendit ka nisur me një akt fisnik.
Qytetarët kanë mbajtur një minutë heshtje për vdekjen e Martin Canit, 14-vjeçari i cili u vra me thikë ditën e djeshme në kryeqytet, pasi sherrit mes të miturve.
Partia Demokratike paralajmëroi protestë për të kundërshtuar miratimin e projekt buxhetit për vitin 2025. sn
Detaje të reja janë zbuluar nga vrasja me thikë në zemër e 14-vjeçarit Martin Cani mesditën e djeshme (18 nëntor) pranë shkollës 9-vjeçare “Fan Noli” në Tiranë, nga një bashkëmoshatar i tij.
Gazetari Igli Çelmeta u shpreh në Neës24, se 14-vjeçari i arrestuar si autor i dyshuar i kësaj ngjarje të rëndë, është dërguar në një spital privat në kryeqytet, në mënyrë që të shmangej përplasja me familjarë të viktimës apo të të plagosurit.
Ai tregoi se pas kryerjes së krimit, autori ka pozuar me grushtin lart dhe thikën, armën e krimit, në një makinë që drejtohej nga familjarë të tij.
“Autori së bashku me tre shokët e tij, pas përfundimit të mësimit, sulmuan viktimën dhe u larguan drejt Pazarit të Ri, ku dyshohet se familjarë e dërguan në një spital privat sepse edhe vetë u dëmtua gjatë sulmit. Autori postoi në rrjetet sociale foto nga arma e krimit, foto të bëra në makinën që drejtohej nga familjarë të tij, duke ngritur edhe grushtin në formë krenarie.
Ndër të tjera, ai tregoi se në konflikt janë përfshirë 7 adoleshentë dhe se ngjaja është filmuar nga kamerat e sigurisë.
“Viktima ka thirrur edhe ai 2 shokë të tij me të cilët luanin futboll, gjithçka është filmuar nga kamerat e sigurisë dhe është zbuluar që të përfshirë kanë qenë 7 adoleshentë. Histori horror, makabër. Motivi ende nuk dihet zyrtarisht, shokët japin variante të ndryshme”, tha ai. Panorama
Ky është autori i dyshuar i vrasjes së bashkëmoshtarit të tij të hënën pranë shkollës “Fan Noli” në Tiranë.
Mario P., e ka postuar këtë foto pas vrasjes në aplikacionin Snapchat.
14-vjeçari pozon si për të demonstruar forcën, duke mbajtur një grusht lart. Ndërkohë po në pamje duket dëmtimi që ka marrë në dorë.
Efektivët e policisë ende nuk e kanë gjetur thikën e përdorur në krim. Sot pritet që të merret në pyetje i riu për të dhënë versionin e tij në lidhje me sherrin.
Policia njoftoi se atij iu vunë pranga për “Vrasje me dashje e kryer ndaj të miturit” dhe “Prodhimi, mbajtja, blerja apo shitja pa leje e armëve të ftohta”.
Aktualisht, i mituri ndodhet në spital jashtë rrezikut për jetën si pasojë e dëmtimit që ka pësuar. sn
Klaudio Prendi, i cili u ekzekutua në mesnatë në zonën e Xhamllikut në kryeqytet, është djali i ish-gjyqtarit Fran Prendi.
Fran Prendi ka ushtruar detyrën e gjyqtarit në ish-Gjykatën për Krimet e Rënda prej vitit 2006, detyre që e vijoi për një vit edhe në Gjykatën e Posaçme.
Në nëntor 2020 ai u largua nga sistemi i drejtësisë me dorëheqje, pa kaluar në filtrat e vetingut.
Firmën e tij si kryesues e mbajnë dhjetëra vendime gjyqësore, mes të cilave ai ndaj Emiliano Shullazit dhe grupit të tij në vitin 2018, si edhe ndaj Salvatore Lettizias, një anëtar i Camorra-s italiane, për masakrën me tre viktima në bulevardin “Zogu I” në vitin 2015.
Klaudio Prendi humbi jetën në spital si pasojë e plagëve të marra. Ndërkohë në zonën e Farkës është gjetur edhe një makinë e djegur, e cila dyshohet se u përket autorëve.
Dhimbja është e madhe në shkollën 9-vjeçare “Fan Noli” në Tiranë, aty ku një ditë më parë një nxënës 14-vjeçar u vra nga bashkëmoshatari me thikë. Të tronditur e të trishtuar nuk janë vetëm nxënësit, por edhe prindërit. Neës24 ka parë nga afër situatën dhe ka folur me disa prindër të fëmijëve që ndjekin shkollën “Fan Noli”. Ata shprehen të shqetësuar dhe të trishtuar.
“Jemi të trishtuar sa s’ka më. Vajza është e tronditur, ka ardhur duke qarë në shtëpi. Jashtëzakonisht të shqetësuar jemi”, tha një prind.
“Po rritet një brez shumë i keq. Të ketë më shumë reputacion nxënësi se mësuesi është t’ia dhesësh racën. Të bëjë më shumë pordhë nxënësi se mësuesi… Thonë bullizim bulizim…”, u shpreh një tjetër prind.
“Si ndihemi sot, nuk na bëjnë këmbët. Në vend se të vijnë me fletore në shkollë, vijnë me lule. S’deshën me ardh në shkollë sot kalamajtë”, tha babai i një fëmije.
Një ish-mësues i shkollës gjithashtu bëri apel që mësuesit dhe drejtoresha të jenë të kujdesshëm.
“Mësuesit duhet të jenë më shumë të kujdesshëm. Drejtoresha mos të rrijë vetëm në zyrë”, tha ish-mësuesi. bw
Tirana u trondit ditën e djeshme nga vrasja e 14-vjeçarit Martin Cani, i cili humbi jetën pas një konflikti me bashkëmoshatarë.
Shokët e klasës i kanë përgatitur një tufë me lule të cilën do ta vendosin tek banka e tij, e cila sot është bosh.
BalkanWeb ka siguruar edhe pamjet nga pas shkollës, vend ku edhe u krye krimi, ku janë vendosur foto të vogëlushit të ndjerë dhe pranë tyre janë vendosur e ndezur qirinj.
“Qofsh i xhenetit vëllai jonë!”, shkruhet në foto.
Gazetari Genc Burimi e ka cilësuar rezolutën për Shqipërinë, të miratuar nga Internacionalja e partive të djathta, si ‘një plumb në lëkurën e Edi Ramës’.
Gjatë bisedës në ‘Task Force’ me Sonila Meçon në SYRI TV, Burimi u shpreh se, për këtë rezolutë kanë votuar të gjitha partitë e mëdha që janë në pushtet në Europë dhe më gjerë.
‘Falenderoj SYRI-n që informon shqiptarët për zhvillimet.
Disa javë më parë, një anëtar i CDU-së gjermane, Gunter Krischbaum bëri një reagim personal dhe mediat e pushteti i dhanë jehonë nga mëngjesi deri në darkë.
Sot falë SYRI-t shqiptarët mësojnë se, ndryshe nga Krischbaum është një CDU zyrtare që flet, se anëtar i kësaj internacionaleje të qendrës së djathtë, kemi përfaqësues të shquar të CDU-së, Manfred Weber, mbrojtësi më i flaktë i Kosovë.
Ke Elmar Brok, të firmosë Weberi dhe Brok një rezolutë ku thuhet se, në Shqipëri drejtësia është e blerë, kjo më shokon mua.
Në Shqipëri, sot drejtësia është bërë mashë e Edi Ramës për të manipuluar zgjedhjet.
Në këtë internacionale ke Kroacinë, kryeminsitrin aktual, Plenkoviç. Ke Orbanin e Hungarisë që Rama e merrte si aleat.
Kjo rezolutë është plumb në lëkurën e Edi Ramës.
Shqipëria është vendi ku pushtet janë të një personazhi. Sipas rezolutës, Shqipëria njohu rotacion në 2013 dhe që atëherë nuk ka më rotacion, Shqipëria është bërë vendi i mafias dhe korrupionit.
Shqipëria është vendi ku drejtësia ndihmon mazhorancën të mbajë pushtetin, duke futur në burg dhe jep emrat e 5 të burgosurve politik, Berishën, Metën, Salianjin, Mediun dhe Belerin.
As një gazetar shqiptar nuk kishte bërë diçka kaq të kompletuar’, tha Genc Burimi në SYRI TV.
Kreu i grupit parlamentar të PD-së Gazment Bardhi ka kërkuar dy minuta pushim për pastrimin e foltores.
Bardhi e mori fjalën pas kryeministrit Edi Rama dhe kolegut Flamur Noka dhe kërkoi që të pastrohej vendi ku do të fliste. Më herët të njëjtin konstatim bëri dhe deputeti Noka. “Të pastrohet urgjentisht foltorja”, deklaroi Noka, i cili iu përgjigj kryeministrit për buxhetin për pensionet etj.
Pas tij dhe Bardhi kërkoi pushim deri sa të pastrohej vendi.
“Kërkoj 2 minuta pushim, të pastrohet foltorja se nga nervat e ka bërë pis”, tha Bardhi. bw
Ditën e sotme, kryetari i Partisë Demokratike, Sali Berisha mori pjesë në një bashkëbisedim live me shqiptarë dhe aktivistë të diasporës në Londër.
Në këtë takim ishin të pranishëm edhe Floriana Garo, anëtare e kryesisë së PD, Alfred Lela, drejtor i komunikimit në PD si edhe Besart Xhaferri, kryetar i FRPD.
Ky takim shërbeu si një dëshmi e angazhimit të opozitës dhe mbështetjes së saj të fuqishme për shqiptarët kudo nëpër botë. Qytetarë të të gjitha moshave mirëpritën liderin opozitar, Sali Berisha i cili dha një mesazh të fuqishëm mbi sfidat aktuale dhe vizionin e tij për një Shqipëri më të drejtë dhe demokratike.
Entuziazmi i vazhdueshëm dhe thirrjet e mbështetësve reflektonin besimin në udhëheqjen e tij dhe dëshirën për ndryshim.
Gjatë fjalës së tij, Kryetari i PD, Berisha bëri thirrje të fuqishme drejtuar shqiptarëve, veçanërisht atyre që jetojnë jashtë vendit, për t’u angazhuar në zgjedhjet e ardhshme me qëllim që të mbështesin opozitën dhe të punojnë për ndryshimin e regjimit aktual, të cilësuar si një “narkoshtet”.
Berisha e cilësoi qeverinë e kryeministrit Edi Rama, si një diktaturë që shkel të drejtat demokratike dhe përdor taktika të frikësimit dhe korrupsionit për të ruajtur pushtetin.
Lideri demokrat, Sali Berisha theksoi se Shqipëria ka më shumë të burgosur politikë sesa vende të njohura për represion si Bjellorusia dhe Rusia, duke vënë në dukje se edhe liderë të partive opozitare janë arrestuar për shkak të qëndrimeve të tyre kundërshtuese. Akuzat përfshijnë përpjekjet e qeverisë për të dobësuar opozitën, duke përdorur mjetet e shtetit për të shtypur çdo kundërshtim.
Sipas Berishës, një pjesë e rëndësishme e këtij mesazhi është përkushtimi për të sensibilizuar dhe mobilizuar diasporën shqiptare. Statistikat e përmendura flasin për një numër të madh emigrantësh shqiptarë, rreth 1.9 milionë të larguar nga vendi, me një thirrje të drejtpërdrejtë që ata të votojnë dhe të kontribuojnë për “shpëtimin e Shqipërisë”. Ky veprim përshkruhet si një betejë për të ruajtur votën e lirë dhe për të sfiduar regjimin aktual.
Gjithashtu, Kryetari i PD, Sali Berisha theksoi përkeqësimin e gjendjes ekonomike dhe varfërinë, që vjen si rezultat i keqmenaxhimit dhe korrupsionit, duke akuzuar qeverinë për përdorimin e fondeve të vendit për qëllime të dyshimta dhe duke e lidhur këtë fenomen me rritjen e ndërtimeve të larta të njohura si “kulla të drogës”. Në të njëjtën kohë, Berisha ritheksoi rritjen e varfërisë dhe përkeqësimin e kushteve të jetesës për shumicën e popullsisë.
Berisha gjatë takimit të mbajtur me shqiptarët në Londër akuzoi për ndërhyrje në punët e brendshme të Kosovës dhe për vendosjen e sanksioneve ndaj saj, duke e krahasuar Ramën me figura të tjera rajonale që shihen si kundërshtarë të interesave të Kosovës. Këto veprime, sipas Berishës dëshmojnë për një qëndrim të rrezikshëm dhe të papranueshëm ndaj interesave kombëtare.
Fjala e kryetarit të PD për shqiptarët u mbyll me një apel për veprim dhe me falënderime të sinqerta për mbështetësit e opozitës, duke i motivuar ata të qëndrojnë të angazhuar dhe të luftojnë për një të ardhme më të mirë për Shqipërinë.
Berisha në takimin me shqiptarët në Londër tha:
“Ju keni mision të luani një rol përcaktues në zgjedhjet e ardhshme, në fitoren e opozitës arkivimit të narkoshtetit. E një shteti që nuk njeh asnjë parim përveç vjedhjes dhe frikësimit të shqiptarëve.
Kjo është një diktaturë, miqtë e mi, është vendi me të burgosur politikë më shumë se Bjellorusia dhe Rusia. Në Shqipëri lider të partive kryesore opozitare janë të arrestuar.
Ne, të gjithë sëbashku do t’i japim Edi Ramës përgjigjen që meriton. Ky është një armik i egër i kombit dhe unë ju them ju, se në histori asnjë pushtues, asnjë diktaturë nuk ka dëbuar nga Shqipëria shqiptarët se sa regjimi i Edi Ramës. Me program, me qëllim, vetëm e vetëm që të mbeten sa më pak kundërshtarë të tij në Shqipëri.
Vetëm në hapësirën e Shengenit para një muaji u njoftua se kanë ikur para një muaji 1.9 milionë shqiptarë.
Duhet t’i gjejmë kudo që janë të votojnë për vendin e tyre, për shpëtimin e Shqipërisë.
Betejë me votën e lirë të shqiptarëve kudo që janë.
Edi Rama do vijë në Londër, me vëzë dhe domate. Edi Rama është bërë për Kosovën, një armik po kaq i egër sa Vuçiç, është bërë vëlla me Vuçiçin, argat i Vuçiçit. Ka vendosur sanksione ndaj Kosovës, i pari që vendosi sanksione ndaj Kosovës. A mund të imagjinoni ju, u përpoq të rrëzojë qeverinë e Kosovës.
Sot, është trefishuar mjerimi, varfëria e skajshme, sepse paratë grabiten dhe plaçkiten.” bw
Komentet