Presidenti i SHBA Donald Trump tha të Premten se Serbia është zotuar të zhvendosë ambasadën e saj në Jeruzalem dhe se Kosova e Izraeli kanë rënë dakord të normalizojnë lidhjet dhe të vendosin marrëdhënie diplomatike.

Trump, duke folur në Zyrën Ovale para një takimi me udhëheqësit e Serbisë dhe Kosovës, tha se të dy vendet kanë rënë dakord të normalizojnë lidhjet ekonomike, duke përshëndetur atë që ai e quajti një “përparim të madh” më shumë se një dekadë pasi Kosova shpalli pavarësinë nga Serbia më 2008.

Presidenti serb Aleksander Vuçi njoftoi të premten se Serbia do të zhvendosë ambasadën e saj në Jeruzalem deri në korrik 2021 dhe se do të hapë një zyrë përfaqësimi deri atëherë.

Megjithëse Serbia nuk është anëtare e Bashkimit Evropian, kjo shënon herën e parë që një vend Evropian po hap një ambasadë në Jeruzalem.

Trumpi po kryeson bisedimet midis Kosovës dhe Serbisë në atë që disa thonë se është një përpjekje për të paraqitur një tjetër arritje diplomatike përpara zgjedhjeve të SHBA në nëntor.

Në prill, Guardian raportoi se Kryeministri i rrëzuar i Kosovës Albin Kurti fajësoi ambasadorin e Trumpit, Richard Grenell, për marrëveshjen me Serbinë si një përfitim për presidentin e SHBA.

Trumpi i telefonoi Netanyahut gjatë takimit të tij të premten me kryeministrin e Kosovës, Avdullah Huti, dhe i përgëzoi dy udhëheqësit për vendimin e tyre. Huti gjithashtu tha se Kosova do të hapë një ambasadë në Jeruzalem.
Netanyahu tha pas bisedës se Kosova do të jetë “Vendi i parë me një shumicë myslimane për të hapur një ambasadë në Jeruzalem. Siç kam thënë në ditët e fundit, rrethi i paqes dhe njohjes së Izraelit po zgjerohet dhe kombet e tjera pritet të bashkohen me të “.

Më herët të premten, Netanyahu falënderoi Presidentin Serb Aleksandar Vuçi për “vendimin për të njohur Jeruzalemin si kryeqytet të Izraelit dhe për të transferuar në të ambasadën e vendit të tij. Ne do të vazhdojmë me përpjekjet në mënyrë që kombet e tjera evropiane të zhvendosin ambasadat e tyre në Jeruzalem”.

Vitet e fundit Izraeli ka qenë në bisedime me Kosovën në lidhje me hapjen e një zyre për interesat ekonomike në Tel Aviv për të avancuar investimet dhe tregtinë me shtetin e Ballkanit. Aktualisht nuk ka lidhje zyrtare diplomatike midis Izraelit dhe Kosovës dhe Izraeli refuzon të njohë pavarësinë e Kosovës, edhe pse shumë vende të tjera – përfshirë Shtetet e Bashkuara – e kanë bërë këtë.
Një marrëveshje themelore u arrit në gusht 2017, por vetëm tani ka filluar procesi.

Ambasadori izraelit në KB Gilad Erdan shkroi në Twitter se vendosja e lidhjeve me Kosovën është “një përparim tjetër me një vend mysliman që ndërton marrëdhënie me Izraelin. Pas Emirateve të Bashkuara Arabe dhe Kosovës, unë besoj se më shumë vende myslimane dhe arabe do të zgjedhin paqen dhe do t’i lënë palestinezët të izoluar”. Ai shtoi, “Kjo duket të jetë ajo që do të shkaktojë që udhëheqja e ardhshme palestineze të bëjë lëshime për paqen.”

Erdan shtoi, “Unë e përgëzoj Presidentin Trump dhe Kryeministrin për arritjen e madhe. Pas përpjekjeve të SHBA, Serbia dhe Kosova do të hapin ambasada në Jeruzalem, kryeqyteti i Izraelit, dhe nuk ka dyshim se vendet e tjera do të bëjnë të njëjtën gjë.”/voal