voal.ch – Sapo të hartohet aktakuza, këshilltari i shtetit të Gjenevës, që sapo dha dorëheqjen do të gjykohet në muajt e ardhshëm.

Gjykata e Policisë së Gjenevës është ngarkuar të gjykojë Këshilltarin e  Shtetit në ikje Pierre Maudet.

Ministria publike në fakt njoftoi sot, të martën, se kishte hartuar një padie kundër vetë Maudet, dy sipërmarrësve dhe një zyrtari.

Pierre Maudet jep dorëheqjen dhe rikandidon

Në fillim të korrikut, aktakuza u bazua për faktet në lidhje me udhëtimin tani të njohur të Pierre Maudet në Abu Dhabi  ndodhi në 2015.

Fatura prej disa dhjetëra mijëra franga ishte paguar nga Princi i Kurorës i Emirateve Mohammed bin Zayed Al Nahyan.

Prokurori synon gjithashtu të ndjekë penalisht këshilltarin e shtetit Pierre Maudet që posa dha dorëheqjen edhe për një sondazh të kryer në favor të tij në 2017 dhe që kushtoi më shumë se 30,000 franga.

Operacioni financiar ishte kryer nga dy sipërmarrësit në fillimin e udhëtimit në Abu Dhabi. Ndërkohë janë arkivuar fakte si financimi nga grupi hotelier Manotel një mbrëmje me rastin e ditëlindjejes të Maudet në 2018.

Procesi dhe zgjedhjet

Aktakuza u njoftua në verë dhe  sipas avokatit të Maudet Grégoire Mangeat “këto padi nuk përmbajnë asgjë të re” dhe se “akuzat gjithmonë mbeten shumë të brishta,” shtoi ai.

Procedimet do të zhvillohen në muajt e ardhshëm, ndoshta në gjysmën e parë të 2021. Çështja ka rënduar mbi politikën e Gjenevës për dy vitet e fundit. Duke u ndjerë një viktimë, Pierre Maudet javën e kaluar njoftoi dorëheqjen si dhe kandidaturën në zgjedhjet shtesë që pritet të mbahen në fillim të marsit  2021./watson.ch/EB