George H W Bush mban ” Urdhërin e Skënderbeut”.

Përmes përshtypjeve dhe një interviste për TVSH në Krujë ( 12 Nëntor, 1994).

Z. Xhorxh Bush,

presidentit dhe burrit të shquar

të kombit amerikan, mbrojtësit

dhe luftëtarit të madh të lirisë.

Mikut të shquar të Shqipërisë

dhe shqiptarëve, për kontrbutin

e veçantë në çlirimin e popullit

shqiptar dhe popujve të tjerë të

cilët për dekada të tëra vuajtën

nën diktaturën komuniste.

(Kruja)

Sot pasdite ish presidenti i SHBA-së Xhorxh Bush dhe presidenti i Shqipërisë Sali Berisha të shoqëruar nga zonjat bënë një vizitë të shkurtër në kështjellën e Krujës, ata u pritën nga përfaqësues të pushtetit lokal të rrethit. Vizitorët patën mundësi të njihen nga afër me ditarin e jetës, të kulturës dhe të qëndresës së popullit tonë që prej lashtësisë Ilire dhe figurës së Heroit Kombëtar Gjergj Kastrioti Skënderbeu. Xhorxh Bush do të ndalej i befasuar përballë dokumentave të kësaj historie deri në dorëshkrimet e Barletit mbi historinë legjendare, të luftrave të Skënderbeut. Ishte pikërisht ky moment ku u bë Lidhja e Besës Shqiptare (Besëlidhja), u formua qëndresa kombëtare e prijësve dhe 25 vitet e Arbërisë do të mbeteshin në memorjen e kontinentit evropian dhe të botës. Në shenjë të kësaj vizite ai (Xh.  Bush), do të shkruante mbresat e tij dhe veçanërisht do të vlerësonte koincidencën e emrit GJERGJ, të Gjergj Kastirotit që mbrojti kulturën dhe qytetërimin evropian perendimor sikurse dhe Xhorxh Bush në vitet e drejtimit të një shteti të madh kontribuoi në ndërtimin e hapave të demokracisë në vendet e lindjes.

Xhorxh Bush dhe Barbara Bush ishin të emocionuar edhe për dhuratën zemërore që atyre ju dhurua nga ky muze. Pas vizitës në krujë dhe para largimit për në amerikë nga vendi ynë për përshtypjet e kësaj vizite të shkurtër Xhorxh Bush theksoi se:

” Jam shumë i lumtur për këtë vizitë dhe kam respekt të madh për presidentin Berisha dhe natyrisht gjeta  një pritje të ngrohtë nga njerzit kudo. U takova me njerëz të kabinetit qeveritar, parlamentar, piktorë të shquar dhe njerëz që kishin humbur mjaft vite burg para se të vinte liria dhe demokracia. Për mua dhe zonjën Bush kjo ishte një ditë shumë emocionuese për të qënë këtu miq të presidentit Berisha që është mik i madh dhe drejtues i demokracisë dhe lirisë në këtë pjesë të botës”.

           Pyetur mbi ndryshimet e Shqipërisë se Amerika dhe Ju keni qënë simbol për popullin shqiptar, Bush përgjigjet:

“- Vendi ynë beson shumë në demokracinë dhe lirinë dhe administrata jonë shtetërore përpiqet shumë për t’i ndihmuar ato. Ne jemi në krye të listës ndërsa Shqipëria bën pjesë në të. Pata rastin që të shoh progresin që është bërë drejt kësaj rruge në vendin tuaj dhe natyrisht ka probleme dhe do të ketë, por ajo që mund të duket si dramatike është ndryshimi, pra është liria që juve duhet ta besoni. Mund të them se gjatë gjithë rrugës që përshkova ndjeva pritjen e ngrohtë të njerzve”.

             Pra plot 24 vite më pas, mesazhi i asaj interviste  në TVSh lë të kuptohet se:

              Qartësia e mbështetjes nga një aleat i madh u bë më e kthjellët për rrugën që Shqipëria nisi; atë që në një sistem demokratik administrata shtetërore është shërbëtore e popullit.

             Ky fakt në kushtet kur koha kalon dhe këshilla e miqve të vërtetë e model si Xhorxh Bush mbetet, dhe duket se ka akoma hapsirë për veprim tek Shqipëria dhe shqiptarët në mënyrë që tranzicioni i tyre që po troket gati tre dekada t’i kërkojë përgjegjshmëri shtetarëve të zgjedhur.

            Shumë shpejtë vlera në gjuhën e politikës për  46 vite të diktaturës krah 28 të tjerave të premtuara që Shqipëria mori me ndryshimin demokratik, t’i përkasin vërtetë jetës, lirisë dhe mirëqenies së popullit shqiptar.