Masa, e shpallur në mbrëmje nga Lufthansa dhe Swiss, u vendos në dritën e tensioneve aktuale në rajon dhe do të jetë në fuqi të paktën deri të enjten.

Vetëm në fillim të shtatorit Swiss rifilloi fluturimet për në Tel Aviv, pasi i kishte pezulluar në gusht

VOAL- Linja ajrore gjermane Lufthansa njoftoi të martën se do të pezullonte fluturimet e saj drejt dhe nga Tel Aviv dhe Teheran deri të paktën të enjten, për shkak të tensioneve në rajon. Për më tepër, avionët e saj do të shmangin hapësirën ajrore të Izraelit dhe Iranit këto ditë, thuhet në një deklaratë. Swiss, e cila është pjesë e grupit Lufthansa, njoftoi gjithashtu anulimin e fluturimeve LX252 dhe LX253 nga Zyrihu në Tel Aviv dhe anasjelltas, të planifikuara për 18 dhe 19 shtator. Kompania kërkoi falje për shqetësimin e shkaktuar pasagjerëve dhe premtoi se do të rimbursonte biletat ose do të ricaktonte datën e udhëtimit pa pagesë. Vetëm në fillim të shtatorit, transportuesi rifilloi fluturimet për në Tel Aviv, pasi i kishte pezulluar ato në gusht.