Një foshnjë një muajsh ka humbur jetën mëngjesin e sotëm, dyshohet për shkak të të ftohtit.

Nëna e vajzës së vogël, një 18-vjeçare, e braktisur nga bashkëshorti jetonte në çadër në këmbët “Urës së Dajlanit”, në Durrës.

Sipas të dhënave të para mësohet se ata i përkasin komunitetit rom dhe jetonin në kushte të skajshme të varfërisë.

Nëna Vojsava tregon se e ka gjetur të pajetë foshnjën e saj mëngjesin e sotëm.

Ajo shprehet se është e divorcuar dhe e pastrehë, ndërsa flinte bashkë me foshnjen ku t’i zinte nata.

Policia e Durrësit ka nisur ndërkaq hetimet për këtë ngjarje të rëndë.