VOAL

VOAL

Copyright © 2022

VOAL

Flasin deputetët e përmendur në raportin e OSBE

September 14, 2015

Të pyetur nga gazeta Shqip, flasin Paulin Sterkaj, Sadri Abazi, Parid Cara e Agron Çela

Disa nga deputetët e mazhorancës, të përmendur në raportin konfidencial të OSBE që u publikua ekskluzivisht nga lapsi.al, kanë reaguar për përmbajtjen e tij. Ata mbrojnë bizneset e tyre, thonë se kanë respektuar ligjet dhe se raporti nuk është zyrtar. Të pyetur nga gazeta Shqip, Paulin Sterkaj, Sadri Abazi, Parid Cara e Agron Çela shprehen njëzëri se dokumenti konfidencial i OSBE është ndërtuar mbi bazë thashethemesh. Kanë reaguar edhe deputetët e opozitës të përmendur në raport, Roland Keta, Agron Duka, Bedri Hoxha e Kozma Dashi.

Paulin Sterkaj: Nuk ka asnjë të vërtetë për mua çfarë është thënë në atë raport. Unë jam një qytetar i lire dhe cdo akuzë që është bërë për mua në Kuvend për një vrasje është mirë që të pyetet familja e personit për të cilin më kanë akuzuar. Për sa i takon shkollimit tim mund të verifikohet shumë lehtë në Universitetin e Sporteve, ku kam dalë me mesatare 8.5. E kam bërë shkollën në kohën e Enverit dhe jo në kohën e partisë së Saliut. Kam mbaruar edhe për juridik. Nuk më shqetëson aspak raporti në këtë pikë, pasi kam arritur me meritë deri në gradën e nënkolonelit. Ndërsa për bizneset çdo gjë është conform ligjeve dhe fare thjesht e verifikueshme aty ku regjistrohet çdo biznes. Ajo që është publikuar nuk është raport, por shpifje e Sali Berishës, pasi jam një qytetar dhe politikan që kam zbatuar çdo ligj të këtij vendi ndaj dhe jam zgjedhur e votuar në Parlament.

Sadri Abazi: S’e besoj që të jetë një raport zyrtar, por vetëm thashetheme gazetash. Janë më së shumti thashetheme të Sali Berishës që bën nëpër media apo shpik në kuvend. Ajo që është e vetmja e vërtetë është se pikërisht ky, Sali Berisha, ka mbetur i vetmi plak i keq që i ka mbetur Shqipërisë dhe që merret me të tilla gjëra joserioze. Që të shkruash diçka të vërtetë duhet të ketë prova. Nëse është për t’ia futur kot për gjithçka, këtu ia fut vetëm Berisha. Bizneset e mia janë në respektim të çdo ligji.

Parid Cara: Vij nga një profesion i tillë (biznesmen). Kam disa kompani të themeluara shumë komë më parë 2001 – 2011. Në shkur të 2013 vendosa të kthehesha në Shqipëri. Unë kam një të shkuar pune, theksoj vetëm pune dhe jam krenar për këtë.

Agron Çela: Për momentin jam me pushime në Kinë, por nuk jam në dijeni të ndonjë informacioni zyrtar.

Roland Keta: Megjithëse nga OSBE u përgënjeshtrua ky raport, nuk më vjen mirë që një institucion ndërkombëtar nga një anë nxjerr një lajm dhe nga ana tjetër e përgënjeshtron, duke thënë që këto janë fjalë. Normalisht që jo vetëm OSBE, por cilido inditicion që të jetë nuk mund të raportojnë gjëra të tilla, pa i faktuar dhe pa nxjerrë fakte që ato që raportojnë. Gjithësesi këtë shqetësim do ta shpreh edhe në seancën e ardhshme plenare. Unë jam për dekriminalizimin e Parlamentit, por jo që të fyhen intelektualët.

Agron Duka:  Por çfarë raporti është ai? Ndër 700 grupe kriminale që kanë nxjerrë unë regjistrohem me pistoletë në xhep. Këto janë budallallëqe.

Bedri Hoxha: Para vitit 2003 kam punuar me vëllain, isha pjesë e kompanisë së tij, pr unë s’kam asnjë lloj aksioni, pasi po të kisha, do ta kisha darë përgjysmë me OSBE.

Kozma Dashi: Ajo që është paraqitur atke është pasqyruar në raport dhe asgjë më shumë e asgjë më pak. Nuk bëhet dot asnjë kopemt për diçka që s’ka asnjë koment.

Çfarë shkruhet në raportin e OSBE për deputetët: 

Sadri Abazi (PS): Aktivitetet kryesore të Abazit janë ne ndërtim, turizëm dhe prodhimin e duraluminit xhamit. Ai është pronar i Kompanise Usluga, një distributor kryesor i xhamit, duraluminit, materialeve të ndërtimit dhe hidroizolimit, investimit dhe zhvillimit të pasurive, arredimit e pronar i agjencive imobiliare dhe aktiviteteve te asiciuara. Ai pretendon se ka diplomë të IRU nga Akademia e Gjenevës, e cila në të vertete është një institut trajnimi (Unioni Ndërkombetar i Transportit Rrugor). Lidhjet e tij të forta me liderët e PS i kanë siguruar mbrojtje dhe fshehje të aktiviteteve kriminale të kompanive te tij. I krakterizuar nga një arrogancë ekstreme dhe një tendencë për shantazh, ai është gjothnjë nën shoqërinë e vëllëzërve të tij, te cilet janë shumë agresivë. Pasuria e tij përllogaritet në rreth 100 milionë euro.

Anastas Angjeli (PS): Pronar i Universitetit Mesdhetar. Babai i tij është me origjinë greke dhe karriera e tij politike është sponsorizuar nga lobi grek prej vitit 1992.  I përfshirë në aktivitete ekonomike me greqinë, thuhet se ai ka qenë i përfshirë në kontrabandën e naftës Greqi-Shqipëri-Jugosllavi në vitet 90. Ai ka qenë një prej sponsorve kryesorë të marrëveshjes mes Greqisë dhe Shqipërisë, e cila i garantoi një kompanie greke monopolin e depozitave te naftës në portin e Durrësit.

Agron Çela (LSI): Pronar i klubit të futbollit Vllaznia dhe ndërtues, tregtar karburantesh dhe pronar restorantesh. Thuhet se ka qenë një prej bosëve të kontrabandës së naftës me ish-Jugosllavinë.

Tom Doshi (PS): Ai mendohet se ëahtë një ndër njerëzit më te pasur të PS-së dhe si sponsori kryesor i fushatave elektorale të PS, agresiv dhe i dhunshëm (ai është përmendur në Raportin e Departamentit të Shtetit të SHBA për goditjen e një gazetari në hotel Sheraton). Burimi i vërtetë i pasurisë se Doshit është i lidhur me trafikun e drogës, zhvatje dhe kontrabandën e naftës me ish-Jugosllavinë. Ka qenë i persekutuar gjatë diktaturës komuniste. Ka lidhje të forta me krerë të mafias në Shqipëri. Aktualisht thuhet se ai është pas disa kompanive të importit të barnave dhe ka aksione në më shumë se një spital privat. Sipas deklarimit të pasurisë në ILDKPI në 2010 ai përfitoi 4 milionë dollarë nga shitja e një kompanie farmaceutike. Të ardhurat i investoi më pas në pasuri të patundshme në Australi (ai ka nënshtetësi australiane), në blerjen e aksioneve në një kompani të tregtimit të naftës dhe të antibiotikëve. Sipas një kabllogrami të Ëikileaks të vitit 2009, Doshi ka një pasuri të deklaruar ne më shumë se 15 milionë euro dhe dyshohet për trafik droge.

Agron Duka (PR): Ish-Ministër i Bujqesisë me biznese në fushën e prodhimeve ushqimore, ndërtim dhe eksport-import. Dyshohet për evazion fiskal me shmangien e taksave në vlerën e rreth 30 milionë eurove. Thuhet se ka lidhje të forta me grupe kriminale ne Shijak, Durrës e Vlorë.

Mark Frroku (PKD): Në 2013 Frroku deklaroi 1.4 milionë euro të ardhura nga shitja e aksioneve të një kompanie bastesh. Media belge raportoi në janar 2014 se Frroku ishte akuzuar për vrasje dhe i dënuar me 10 vjet burg. Thuhet se Frroku ishte i lidhur me shfrytëzimin e prostitucionit, trafikimin e qenieve njerëzore dhe trafikun e drogës. Vëllai i tij, Arben Frroku, u akuzua nga autoritetet shqiptare për vrasjen e një oficeri të policisë. Hetimet po vazhdojnë, por fakti që identiteti i dëshmitarit kryesor u zbulua ndonëse ishte dëshmitar i mbrojtur, mund të jetë një dëshmi për lidhjet e forta të familjes Frroku. Në vitin 2013 media raportoi se Frroku i dërgoi një mesazh Jozefina Topallit deputetes së PD dhe ish-Kryetares së Parlamentit, sepse ajo e akuzoi atë për lidhje me krimin e organizuar dhe zbuloi se ai ishte i dënuar me 10 vjet burg.

Pirro Kapurani (LSI): I përfshirë në industrinë fasone dhe atë të ndërtimit dhe është pronari i hotelit më të madh në Korçë. Thuhet se ai milionat e para i bëri nga tregtia e paligjshme e arit.

Roland Keta (PD): Një nga bosët lokalë të minierave në Bulqizë. Keta shfrytëzoi mundësitë që i jepte posti i tij si Kryetar i Bashkisë së Bulqizës dhe kryetar i degës së PD-së për të marrë licensa të shumta, një pjesë të së cilave ai ua shiti kompanive të treta. Thuhet se ai është lidhur me grupe kriminale lokale dhe kombëtare, pasi industria e minierave, sidomos për sipërmarrjet e vogla, është një biznes në rrezik që kërkon “mbrojtje” nga dhe ndaj kriminelëve apo grupeve kriminale.

Koço Kokëdhima (PS): Një biznesmen nga qyteti i Fierit, me aktivitete kryesisht në Tiranë, ai është i fokusuar në ndërtim, media, telekomuniacion dhe tregtim të produkteve ushqimore. Supozohet se në mënyrë të dyshimtë privatizoi frigoriferin shtetëror në Durrës me çmime qesharake. Ai është pronar i gazetës Shekulli dhe i një televizioni privat. Lidhjet e supozuara me aktivitete kriminale janë kryesisht të lidhura me lejet e ndërtimit, pastrimin e parave dhe pasuritë e paluajtshme. Flitet për lidhje të dyshimta me interesa, biznese dhe mafian ruse.

Arben Ndoka (PS): Ka qenë i akuzuar për shfrytëzim prostitucioni, pengmarrje dhe trafik droge në Itali dhe i dënuar me 7 vjet burg në Itali. Deklarata e pasurisë në 2012 përfshin dy apartamente me vlerë rreth 200 mijë euro secili, pasuri të patundshme në Lezhë (60 mijë euro plus 70 mijë euro truall) dhe një skaf me vlerë 20 mijë euro.

Gramoz Ruçi (PS): Sekretar i Përgjithshëm i PS, flitet për lidhje të vjetra me trafikantë droge dhe krimin e organizuar. Ruçit i është ndaluar hyrja në SHBA prej vitit 2005, për shkak të mospasjes së drejtë për të marrë vizë.

Ylli Shehu (PR): Shehu thuhet se pagoi 200 mijë euro për të qenë i pari në listën e Partisë Republikane si kandiat për deputet në Tiranë, përveç kontributit të tij për “shpenzimet elektorale”. Shehu nuk ka të shkuar në politikë. Ai ka studiuar për drejtësi (2006-2011) në Universitetin Kristal dhe në 2009-përpara se të mbaronte studimet (sipas CV-së së tij të publikuar në faqen e parlamentit)-ai nisi të punonte si ekspert ligjor në Prefekturën e Kukësit. Përveç një video të transmetuar në emisionin Fiks Fare ku Shehu mezi lexonte një deklaratë gjysmë faqje, nuk ka informacione të tjera rreth tij apo babait të tij, Vesel Shehut, në internet. Origjina dhe shtimi i pasurisë së Ylli Shehut është e panjohur, ndonëse Vesel Shehu, bazuar në informacione të marra në Kukës, thuhet se ka qenë i përfshirë në kontrabandën e duhanit me Kosovën dhe Malin e Zi.

Paulin Sterkaj (PS): Një ish-mundës profesionit me pak ose aspak edukim formal. Ai ka qenë pjesë e PD dhe u akuzua nga një mik për vrasjen e një politikani në Shkodër, disa vite më parë. Sterkaj pretendon të këtë interesa biznesi në hidrokarbure, restorante dhe ndërtim, por shumë pak dihet mbi aktivitetet e tij.

Astrit Veliaj (PD): Pasuria e Veliajt vlerësohet në rreth 50 milionë euro. Deklarimi i pasurisë në 2012: 36 pasuri të patundshme të blear mes 2003 dhe 2013 (me vlerë të pazbuluar) dhe 26 apartamente me vlerë rreth 3.9 milionë euro; 1 332 metër katrorë tokë në Tiranë me vlerë rreth 1.8 milionë euro: 747 metër katrorë tokë dhe një ndërtesë 1 264 metër katrorë në Tiranë (dhuratë nga një person i panjohur, vlera e përcaktuar), borxhe të dhëna 7 personave (4.4 milionë dollar). Edhe pse ka qenë mekanik përpara vitit 1990 ai u bë një biznesmen i suksesshëm në tregti dhe shërbime (1990-1995) dhe ndërtues (1995-2000). Nga viti 200 ai ka qenë president i Universitetit UFO dhe Klinikës Dentare UFo. Thuhet se Argita Berisha e Fatmir Mediu (kryetari i PR) kanë aksione në bizneset e Veliajt.

Fidel Ylli (PS): Ai është një ish-truprojë dhe nip i një zyrtari të lartë të Partisë së Punës së Shqipërisë. Dyshohet se nisi të bëjë para nga kazinotë dhe aktivitete ilegale të lidhura me mafian bullgare. Ai ka në pronësi grupin “House of Arts”, me vlerë rreth 5 milioën euro, grup që përfshin një restorant, dy bare, një stacion radioje dhe një kompani sigurie. Thuhet se ka aksione në disa kompani ndërtimi, por nuk e ka pranuar kurrë publikisht.

Në mbyllje të raportit thuhet se “është thuajse e gjithëpranueshme se shumë deputetë që parqiten si “biznesmenë” janë në fakt fort të dyshuar se kanë lidhje me krimin e organizuar. Këta individë janë tani në Parament, kanë imunitet dhe janë përgjegjës për të hartuar dhe miratuar ligjet që do ta çojnë Shqipërinë përpara në rrugën e integrimit Euro-Atlantik. Sjellja e sëmurë, me gjasë kriminale, e disa deputetëve shqiptarë është shqetësuese dhe nuk është shenjë e mirë për zhvillimet demokratike. Ka një pikëpamje të përgjithshme në Shqipëri se të gjitha partitë kanë deputetë të lidhur me krimin e organizuar dhe pranojnë para nga krimi i organizuar. Ky është një fenomen shumë shqetësues që ne dhe komuniteti ndërkombëtar duhet ta adresojmë në të ardhmen. Një pikë shprese, gjithësesi, është fakti se disa deputetë kanë filluar të kuptojnë se Shqipëria nuk duhet të ketë karaktere të tillë të pëfaqësuar në parlament. Se sa kohë do të duhet për t’i shkulur këta rufjanë nga pushteti, kjo është një pyetje tjetër. Tek e fundit, paraja është gjaku i politikës, dhe në një vend të varfër pa transparencë të financimeve të fushatave elektorale, kriminelët janë një burim i lehtë për fondet e fushatave.”

OSBE e ka pranuar ekzistencën e këtij raporti të hartuar rreth një vit më parë, por duke sqaruar se ai nuk përbën një qëndrim zyrtar të saj. Megjithatë, ai përbën padyshim një nga platformat mbi të cilat prej disa muajsh tashmë, ka nisur beteja për dekriminalizimin e politikës në Shqipëri. Angazhimi i madh i ndërkombëtarëve, krahas presionit të opozitës shqiptare, merr shkas edhe nga këto të dhëna tronidtëse që implikojnë emra të njohur të politikës dhe biznesmenëve politikanë. Data e raportit përkon me fillimin e kësaj beteje për pastrim, e cila mori një hov edhe më të madh pas ardhjes në Tiranë të ambasadorit të SHBA, Donald Lu. Lapsi.al

  • twitter
  • facebook
  • linkedin
Fjalë kyçe: , ,

Komentet

Lajme të ngjashëm

Berisha: Sot ekziston fronti më i gjerë i pakënaqësisë ndaj qeverisë që nga viti 1991. Ne duhet ta bashkojmë këtë front

Kryetar i Partisë Demokratike, Sali Berisha, duke bërë analizën e keqqeverisjes 12-vjeçare të Edi Ramës si kryeministër, theksoi se sot ekziston fronti më i gjerë i pakënaqësisë ndaj qeverisë që nga viti 1991.

‘Sot ekziston fronti më i gjerë i pakënaqësisë ndaj qeverisë që nga viti 1991. Ne duhet ta bashkojmë këtë front’, u shpreh Berisha gjatë takimit me qytetarët në Berat.

Berisha: Shqipëria e sotme, krahasuar me vitin 1991, është vite drite larg, por e vërteta është, për fatkeqësinë tonë, ka edhe disa ngjashmëri të pamohueshme.

Në vitin 1991, një pension ose një rrogë, e cila asokohe me paratë e zhvlerësuara ishte gjithsej 5 deri në 8 dollarë, unë si president merrja 16 dollarë në muaj.

Por çmimet ishin të atilla sa blije diçka, blije ndoshta edhe më pak se sa blen një pensionist sot me 160 euro pension.

Pra, e ka një ngjashmëri këtu.

Kjo qeverisje në 12 vite, hapi një gropë të madhe, një gropë të tmerrshme varfërie, nga e cila shqiptarët, ikën, ikën, ikën, e zbrazën vendin e tyre.

Ishte historike arritja kur ne dolëm në krye të vendeve të rajonit, përfshirë Rumaninë dhe Bullgarinë për rroga dhe pensione, për herë të parë ndoshta në shekuj.

Çfarë ndodhi këto 12 vite?

Të tjerët na kanë tejkaluar ne 4 herë. Pensionisti i Malit të Zi merr një pension 450 euro. Rumuni merr sot rreth 750-800 euro rrogë.

Pra, ky, po ta përfytyrojmë në një mënyrë, ky lëshoi shqiptarët në një gropë varfërie në mënyrën më të pashpirt.

Merrni këtë vit, 8.2 miliardë euro buxheti, taksa tuaja e tëra. Nga 8.2 miliardë euro, u lihen atyre që numërojnë kafshatat, që janë pensionistët, gjithsej 16 milionë euro.

Fermerëve që japin 20 përqind të prodhimit të brendshëm të vendit, u lihen gjithsej 44 milionë euro, nga të cilat gjysma i merren nga aparati shtetëror.

Përjashtohen arsimi, në rënie kastastrofale, shkollimi i fëmijëve tanë. Ju e dini që ta mbash arsimin mirë është një përpjekje jetike për kombin dhe ne arritëm, jo në pozicionin që donim, por arritëm ngjitje vertikale në testin e PISA-s. Çfarë ndodhi me këta? Sapo u plotësua 8-vjeçari i tyre në pushtet, Shqipëria regjistroi rënien më të madhe në botë në cilësinë e arsimit, 69 pikë. Kjo është e vërteta.

Çfarë ndodh me spitalet? Dje unë kisha në zyrë një gazetar, që i jam shumë mirënjohës për punën e jashtëzakonshme. Unë jam mjek, e kam dashur dhe e dua me pasion të jashtëzakonshëm profesionin, por disa zhvillime në profesionin tim sot janë tmerruese, janë të paimagjinueshme. Kur sheh ti që nëna, motra, vajza, me sëmundje të rënda, nuk u funksionojnë për tre vite me radhë aparaturat e mjekimit të sëmundjeve të rënda. Dhe i lënë t’i marrin sëmundjet. Nga ana tjetër, vetë vendos kullën e fildishtë tek zyra e vet 5 milionë euro dhe del i përshëndet shqiptarët nga vazoja e blerë 5 milionë duke ushqyer peshqit.

Ilaçet për të sëmurët me sëmundjet më të rënda, mungojnë.

Dje bisedova, ai ka bërë studime të hollësishme. Nuk ishte vetëm aty ajo situatë, është në disa shërbime një situatë e tillë sepse kanë nxitur vjedhjen dhe korrupsionin në çdo qelizë të këtij shteti.

Kjo është e vërteta.

Pra, fitoren e keni në duart tuaja, është në duart tona.

Por kjo kërkon si ligj të parë takime intensive me çdo qytetar të Beratit dhe çdo qytetar shqiptar.

Në fakt, sot ekziston një front, më i gjëri që ka ekzistuar nga viti 1991 i pakënaqësisë ndaj qeverisë.

Na përket ne që këtë front ta bashkojmë dhe të shënojmë në datën 11 maj, fitoren më të thellë që kemi shënuar ndonjëherë. sn

Bardhi fiton gjyqin ndaj Ballukut, avokati i demokratit thirrje zv/kryeministres: Trego ku kanë shkuar 180 mln euro të shqiptarëve!

Kreu i Grupit Parlamentar të Partisë Demokratike, Gazment Bardhi, ka fituar gjyqin kundër ministres Belinda Balluku.

Në një deklaratë për mediat, avokati i Bardhit, Marash Logu, theksoi se u vërtetua se Gazment Bardhi nuk ka bërë asnjë shpifje.

“U vërtetua se Gazment Bardhi nuk ka bërë asnjë shpifje.Bardhi denoncoi abuzimin e shitblerjes së energjisë. Një abuzim për shitblerjen e energjisë që ka kushtuar 180 mln euro. SPAK ashtu si edhe gjykata e posaçme konfirmuan se zoti Gazment Bardhi nuk ka kryer kallëzim të rremë, por ka përmbushur detyrën si deputet dhe kryetar i grupit parlamentar të PD.

 

SPAK konfirmoi se lidhur me denoncimin publik të Bardhit dhe kallëzimit, është regjistruar procedimi penal për veprën penale të shpërdorimit të detyrës.
Në emër të zotit Bardhi kam një apel për zv.kryeministren Balluku. Hajde në SPAK dhe përballu me akuzat që të janë bërë, me vjedhjen 180 mln euro të parave të qytetarëve shqiptarë, trego ku kanë shkuar këto para. bw

E Ngarkuara me Punë Nancy VanHorn takohet me Shefin e Shtabit të FA: SHBA, krenare që qëndrojnë me aleatin e NATO-s në mbrojtje të sigurisë së përbashkët

E Ngarkuara me Punë në Ambasadën Amerikane në Tiranë, Nancy VanHorn ka zhvilluar një takim me Shefin e Shtabit të Forcave të Armatosura, Arben Kingji.

 

Gjatë takimit ata kanë diskutuar për modernizimin e Forcave të Armatosura si dhe bashkëpunimin ushtarak mes Shqipërisë dhe SHBA.

Me anë të një njoftimi, ambasada amerikane në vendin tonë thotë se SHBA janë krenare që qëndrojnë me aleatin e NATO-s në mbrojtje të sigurisë së përbashkët.

“E Ngarkuara me Punë Nancy VanHorn u takua me Shefin e Shtabit të Përgjithshëm Gjenerallejtënant Arben Kingji për të diskutuar mbi përparësitë tona të përbashkëta për modernizimin e Forcave të Armatosura të Shqipërisë dhe forcimin e bashkëpunimit tonë ushtarak. Shtetet e Bashkuara janë krenare që qëndrojnë me aleatin tonë të NATO-s në mbrojtje të sigurisë sonë të përbashkët.”, thuhet në njoftimin e ambasadës. Panorama

Programi Ekonomik i Partisë Demokratike, Koherent, Konservator, i Suksesshëm – Nga Nikola Kedhi

Shqipëria ndodhet në një pikë kritike dhe është në dorën e Shqiptarëve nëse duan të ndryshojnë diçka. Ndërsa miliona shqiptarë largohen në kërkim të mundësive më të mira jashtë vendit, fuqia punëtore po zvogëlohet dhe varfëria po rritet. Sidoqoftë, ekziston një alternativë e qartë, koherente dhe e provuar kurdoherë që funksionon. Duke kombinuar masa ekonomike emergjente me politika konservatore pro-rritje, Shqipëria mund të ndryshojë drejtimin e saj të rënies, të rrisë produktivitetin dhe të ofrojë shpresë për një të ardhme të begatë. Shqiptarët kanë shansin që të votojnë për një alternativë konkrete. Madje më shumë se kaq, të bëhen pjesë e një vizioni optimist e realist për të ardhmen e tyre. Vetëm duke u bërë pjesë, mund të bëjnë zërin e tyre të dëgjohet dhe të kërkojnë llogari pas katër vitesh.

Mes tepsisë, tallavasë, timonit nga njëra anë dhe propozimeve konkrete nga ana tjetër, unë jam i bindur që Shqiptarët nuk do e përdhosin dinjitetin e tyre duke lënë të tallen me ta, ata që e marrin votën e Shqiptarëve për të mirëqenë.

Plani që ka paraqitur kryetari i Partisë Demokratike, Sali Berisha, për rimëkëmbjen e Shqipërisë nuk është vetëm për të trajtuar problemet e sotme—është për të vendosur bazat për një ekonomi të qëndrueshme dhe dinamike. Themelet e këtyre politikave qëndrojnë te ai që quhet konservatorizmi i dhembshur, ku lehtësimi ekonomik për ata që janë në varfëri të plotë sot kombinohet me nisma afatgjata për të nxitur rritjen, forcimin e tregut të lirë,prodhimtarinë, krijimin e vendeve të punës, fuqizimin e familjeve.

Paga minimale 500 euro, paga mesatare 1,200 euro, minimumi jetik 200 euro, rritja e konsiderueshme e pensioneve, heqja e taksave për karburantit, lehtësimi për çmimin e energjisë elektrike janë pjesë e masave emergjente që do të merren në muajt e parë. Natyrisht që nuk janë të vetmet. Kam parë mjaft keqkuptime e paqartësi në javët e fundit në lidhje me këtë. Pa diskutim PD do zbulojë së shpejti programin e plotë, por disa aspekte mendoj janë me vlerë të sqarohen.

Kritikë të këtyre masave argumentojnë se ato mund të jenë të paqëndrueshme pa një strategji ekonomike gjithëpërfshirëse. Ky është një shqetësim i vlefshëm. Në afatgjatë, rritjet e pagave duke printuar para pa një rritje përkatëse të produktivitetit mund të çojnë në inflacion, konkurrencë të ulur dhe përfundimisht në kolapsin e vetë masave. Por PD asnjëherë nuk ka thënë se këto janë masat e vetme. Në themel të vizionit të Partisë Demokratike qëndron rritja e prodhimtarisë në vend, me një synim të palëkundur në ndryshimin e modelit ekonomik nga konsumator e importues në prodhues e madje dhe eksportues. Rritja e prodhimtarisë dhe e konkurrencës bën që të krijohen vende pune, të shkohet drejt rritjes së pagave, kushtevemë të mira në punë, uljes së çmimeve, inovacioneve teknologjike, industrializimit etj. Është ky element i produktivitetit i cili bën që këto masa emergjente të krijojnë ndryshim të qëndrueshëm dhe domethënës.

Unë jam një mbështetës i vendosur i ekonomisë së tregut të lirë dhe kapitalizmit, kundër ndërhyrjeve në treg. Ndaj kam parë me kënaqësi se propozimet e paketës së emergjencës nuk rrisin borxhin dhe as nuk kthehen në barrë për taksapaguesit. Paratë për masat e emergjencës janë tashmë në buxhetin e shtetit, por të shpërdoruara në programe jo produktive apo dhe korruptive. Ndërsa fokusi do të jetë dhe te rritja e prodhimtarisë, paratë e kursyera nga të gjithë projektet e alokuara me kosto korruptive do të financojnë masat e emergjencës. Inflacioni është një fenomen monetar, i krijuar nga printimi i parasë nga Banka Qendrore pa rritur prodhimtarinë. Ky program këtë të fundit e ka në qendër.

Për të rritur prodhimtarinë në vend, çliruar tregun nga klientët qeveritarë dhe rritur ekonominë, Partia Demokratike përherë ka propozuar, dhe kur ka qenë në qeveri i ka zbatuar elementët e mëposhtëm:

1- Heqja e barrës së rëndë rregullatore, gjobave, presionit qeveritar dhe kostovetë tepërta administrative, si dhe favorizimet për aktorë specifikë në tregje, duke liberalizuar tregjet. Kjo do t’i japë oksigjen sipërmarrjeve të të gjithë niveleve, të cilat do kenë më shumë hapësira për të rritur rrogat, për të përmirësuar kushtet e punës, për të marrë më tepër punonjës në punë. Sa më shumë sipërmarrje të ketë, dhe sa më shumë ide inovative të ketë në treg, aq më shumë kompanitëdo të konkurrojnë me njëra tjetrën për punonjës. Kjo do të bëjë që njerëzit të kenë më shumë mundësi të negociojnë për pagën e tyre dhe kushte më të mira në punë. Në vitet 1980, politikat ekonomike të Presidentit Reagan fokusoheshin në shkurtimin e burokracisë dhe liberalizimin e ekonomisë, çka çoi në një bum ekonomik. Duke zvogëluar barrën rregullatore mbi bizneset, Shqipëria mund të krijojë një mjedis që nxit sipërmarrjen, meritokracinë dhe lejon bizneset e punonjësit të lulëzojnë.

2- Ulja e Taksave – taksa e sheshtë 10% për çdo qytetar e sipërmarrje dhe ulja e TVSH: Ulja e taksave krijon stimul ekonomik të menjëhershëm duke rritur të ardhurat qëbizneset dhe individët kanë në fund të muajit në xhep. Sa më shumë para të kenë qytetarët në xhep në fund të muajit, aq më shumë do të konsumojnë ata, dhe aq më shumë mundësi do kenë dhe për kursim. Sa më shumë para të kenë sipërmarrjet në fund të muajit, aq më shumë mundësi do kenë për të rritur rrogat, për të zgjeruar kompanitë e tyre. Sa më të mëdha të jenë kompanitë, aq më shumë para do shkojnë në buxhetin e shtetit për punë publike. Ndërkohë këto ulje taksat do pasohen me uljen e TVSh për të gjithë dhe veçanërisht për pensionistët, me anë të kartës së konsumatorit. Do të pasohen me uljen e taksave për karburantet. Të gjithë këto ndihmojnë që ekonomia të ecë përpara. PD e ka bërë këtë reformë në vitin 2007 me rezultate të mira. Reforma tatimore e Trump në 2017 uli normat e taksave korporative, e cila inkurajoi kompanitë të ri-investojnë në bizneset e tyre, të punësojnë më shumë punonjës dhe të rrisin pagat.

3- Reduktimi i Shpenzimeve Qeveritare dhe Ulja Drastike e Shpërdorimeve duke ulur burokracinë e rritur digjitalizimin e shërbimeve dhe sigurinë kibernetike:Qasja konservatore e PD mbron idenë se paratë që individi heq nga xhepi për t’ia dhënë shtetit duhen përdorur me kujdesin më të madh dhe në mënyrë efikase. Si konservatorë ne e shikojmë individin si ruajtës të vendit, ekonomisë dhe pronës së përbashkët, për t’ua lënë brezave të tjerë më mirë se ç’e gjetëm. Ndaj, konservatorët në filozofinë e tyre ulin shpenzimet e tepërta, dhe ulin borxhin, që është një taksë më shumë për të gjithë ne. Kjo qasje ul ndjeshëm dhe mundësinë për vjedhje e korrupsion.PD e ka bërë në qeverisjen 2005-2013, dhe pas 2025 do të ulë drastikisht shpenzimet qeveritare të panevojshme dhe duke drejtuar burimet drejt zonave që gjenerojnë rritje afatgjatë dhe përmirësojnë jetën e njeriut, si infrastruktura, shëndetësia dinjitoze, arsimi shkencor e patriotik, rimëkëmbja e bujqësisë dhe siguria kombëtare. Shtetet e Bashkuara nën Presidentin Bush panë potencialin e prerjes së shpenzimeve të panevojshme, të cilat u përdorën për të financuar nisma pro-rritje dhe për të krijuar një klimë ekonomike ku familjet mund të lulëzonin, edhe nëpërmjet granteve dhe politikave të targetuara për grupe të caktuara si pensionistët, të rinjtë, gratë sipërmarrëse etj.

Këto tre elementë që kanë qenë në çdo qeverisje të PD, do të pasohen nga decentralizimi, zhvillimi i tregjeve financiare në mënyrë të qëndrueshme, reformë pensionesh, turizëm vjetor afatgjatë, pavarësi energjetike etj. Qasja e PD për një kombinim të masave emergjente me politikat prodhuese pro-rritje e pro-familje e që çlirojnë potencialin e çdo individi është në përputhje me parimet e një rryme të konservatorizmit, i parë në politikanë si George W. Bush, BenjaminNetanyahu, Donald Trump, ViktorOrban etj., të cilët janë të mendimit se ndërsa tregjet e lira duhet të udhëheqin shumicën e vendimeve, duhet të ketë edhe rrjeta sigurie për shtresat më në nevojë. Liberalët klasikë mund të mos jenë dakord me këtë kombinim, duke ja lënë në dorë çdo gjë tregut, por konservatorët europianë – e deri diku dhe ata anglo-saksonë, janë më të predispozuar për të ndihmuar me politika të targetuara në forcimin e familjes apo sektorëve specifikë, sidomos atyre që lidhen me sigurinë kombëtare.

Sidoqoftë, sot nuk kemi treg të lirë në vend. Ekonomia oligarkike e instaluar në vend ka lenë pensionistët dhe çdo qytetar shqiptar me të ardhura tejet të ulëta në krahasim me kostot e jetesës. Teksa tregu i lirë do çlirohet nga rikthimi i konkurrencës së lirë dhe do mundësojë rritjen ekonomike, masat e emergjencës të financuara nga paratë e kursyera nga korrupsioni aktual qeveritar (për shembull kostot e frikshme të rrugëve) do të ndihmojnë shtresat më vulnerabël që të rimëkëmben dhe të hyjnë në tregun e lirë kokëlartë.

Çelësi mbetet gjithmonë krijimi i një mjedisi ekonomik ku pagat do të rriten organikisht gjithmonë e më shumë, ndërsa bizneset zgjerohen dhe bëhen më konkurruese në rajon e pse jo dhe në Europë.E ardhmja e Shqipërisë mund të jetë një e ardhme e shpresës, begatisë dhe rritjes. Kemi një mundësi unike që vendi të krijojë një ekonomi të mundësive ku fuqizohet punonjësi i ndershëm dhe përdoren në mënyrë efektive burimet e vendit.

Shqiptarëve mund të mos u pëlqejë asnjë alternativë në tregun politik sot. Mund të jenë të lodhur nga politika. Por Shqiptarët duke ndjekur shembullin e votuesve amerikanë mund të votojnë për xhepin e tyre. Nuk kanë asgjë për të humbur. Përkundrazi! Duke prerë shpenzimet qeveritare të panevojshme, duke ulur taksat, duke inkurajuar industritë e sektorët prodhues dhe duke rritur produktivitetin, ne mund të sigurojmë që paga më të larta dhe standardet e jetesës janë të qëndrueshme në afatgjatë, e qytetari të fund të muajit të ketë më shumë para në xhep.Shqipëria mund të udhëheqë me shembull në rajon, duke treguar që konservatorizmi i dhembshur nuk është vetëm një imperativ moral, por një strategji efektive për krijimin e një ekonomie të fortë dhe dinamike. Është bërë në vende të tjera me sukses të plotë. Nuk ka përse të mos e bëjnë dhe shqiptarët.

Me udhëheqje të guximshme dhe një vizion të qartë, Shqipëria mund të rikthejë popullsinë e saj të dëbuar, të rindërtojë ekonominë dhe të ngrihet nga hiri i krizës aktuale. Është koha për të vepruar, për t’u bashkuar rreth një vizioni optimist, shpresëdhënës e realist për Shekullin Shqiptar, për të zbatuar këto reforma dhe për të bërë Shqipërinë një vend të mundësive për të gjithë. sn

Besim Ndregjoni: At Anton Harapi, në përvjetorin e lindjes pushkatuar nga diktatura komuniste pa varr ne token shqiptare!

At Anton Harapi, në përvjetorin e lindjes pushkatuar nga diktatura komuniste pa varr ne token shqiptare!

At Anton Harapi Anton misionar i madh e fesë dhe i idealeve kombëtare e shpirtërore, mund të themi si teolog, filozof, sociolog dhe prozator, autor i një “Lahute Malcie” në prozë, “Andrra e Pretashit”, që teksa shpalon virtytet shqiptare, i bashkëngjit dhe ato gjuhësore, që do të përthellohen te “Vlerë shpirtnore”, “Shqiptari dhe bota e tij” dhe “Valë mbi valë”.
Ky shqiptar i madh sebashku me 6000 burra dhe gra shqiptare nuk ka nje varr ne token e kombit qe i sherbeu me devotshmeri! Shteti shqiptar hesht prej 35 vitesh per keta burra e gra shqiptare qe dhane jeten per liri! Heshtja turperon keto barbare qe heshtin para krimit! Lavdi ne shekuj ketyre burrave qe na lane nje Shqpni te lire!
Besim Ndregjoni

 

 

 

 

‘Martirizim i liderit të opozitës’, Burimi: SPAK do që të ndalojë Berishën të fitojë zgjedhjet

Gazetari Genc Burimi, i ftuar në emisionin “Kafe Shqeto” në Syri TV, ka analizuar zhvillimet më të fundit politike lidhur me paraqitjen e Sali Berishës në SPAK. Sipas tij, kjo situatë tregon një përpjekje për martirizimin e liderit të opozitës, e cila meriton reagime të forta. Burimi ka sugjeruar se një protestë përpara GJKKO-së do të ishte më se e drejtë, pasi ajo ka marrë një masë që nuk i është kërkuar as nga SPAK dhe as nga vetë Berisha.

Ai e konsideron këtë si një moment kritik për opozitën dhe demokracinë në vend. Duke e krahasuar situatën me një ngjarje në SHBA, Burimi ka sjellë në vëmendje takimin e fundit mes Giorgia Melonit dhe Donald Trump-it.  Ai ka treguar se Trump ka realizuar një film kritik ndaj drejtësisë amerikane, duke mbrojtur avokatin e tij të “martirizuar”. Në këtë kontekst, Burimi thekson se kritikat e Berishës ndaj drejtësisë shqiptare janë mëse të justifikuara.

Gjithashtu, ai shprehu dëshirën për një reagim më të ashpër ndaj SPAK-ut dhe elementëve të tij, që po pengojnë Partinë Demokratike. Për Burimin, duhet të ketë një presion publik të qartë që SPAK-ut t’i refuzohet një mandat i dytë.

‘A nuk duhej të bëhej një protestë edhe para GJKKO-së, e cila sot është fajtore për marrjen e një mase që nuk i është kërkuar nga askush, as nga SPAK-u dhe as nga Berisha? Pra, a nuk meriton sot edhe GJKKO-ja të ketë një protestë si shenjë pakënaqësie para dyerve të saj?

Ky është një martirizim i liderit të opozitës.
Pra, është minimumi i minimumit kjo që bën Berisha sot, duke kritikuar SPAK-un.

Të jap një shembull: besoj e kemi parë dje takimin e Melonit me Trump, dhe çfarë i sugjeroi Trump Melonit? I sugjeroi të shihnin bashkë filmin që Trump ka bërë kundër drejtësisë amerikane, filmin që quhet “The Eastman Dilemma”.
Eastman është emri i avokatit të Trump-it, i cili është martirizuar, është masakruar nga drejtësia amerikane. Kështu që, kur presidenti i fuqisë së parë në botë, që është garant i drejtësisë amerikane, bën një film kundër drejtësisë amerikane dhe ia shfaq atë kolegëve perëndimorë, nuk mendoj se Berisha është në një rrugë të gabuar me këtë që po bën, duke kritikuar ashpër drejtësinë.

Ajo që do të doja të shihja është që të ketë pankarta kundër atij SPAK-u, kundër atyre elementëve në SPAK, si Dumanit etj., për të cilët nuk duhet të ketë më mandat të dytë. Sepse gjithçka që bëjnë sot është të pengojnë Partinë Demokratike dhe Berishën të fitojnë zgjedhjet, në mënyrë që, duke i marrë zgjedhjet Rama me mbi 92 deputetë në parlament, këtij SPAK-u t’i rishikohet mandati i rinovuar.

As mos ta mendojnë! Kjo duhet t’u bëhet e qartë dhe me pankarta.’- u shpreh Burimi.

Dita e Ujit të Bekuar, besimtarët ortodoksë kremtojnë sot Shfaqjen e Perëndisë (Theofaninë)

Më 6 Janar besimtarët ortodoksë shqiptarë dhe në mbarë botën kremtojnë Shfaqjen e Perëndisë (Theofaninë), apo Pagëzimin e Krishtit, apo siç njihet dhe Dita e Ujit të Bekuar.

Fillimisht ishte vetëm një festë e shfaqjes së Perëndisë në botë, në formë njerëzore. Ajo përfshinte kremtimin e Lindjes së Krishtit, adhurimin e Magëve dhe gjithë ngjarjet e fëmijërisë, si rrethprerjen dhe paraqitjen në Tempull, si edhe pagëzimin prej Joanit në Jordan. Nuk ka dyshim, që kjo festë, si edhe Pashka dhe Rushajet, u kuptua si përmbushja e një feste të mëparshme judaike, në këtë rast, Festa e Dritave.

Epifani do të thotë shfaqje e sipërme. Festa quhet shpesh, sikurse është në librat e shërbesave orthodhokse, Theofani, që do të thotë shfaqje e Perëndisë. Theksi në këtë festë është në shfaqjen e Jisuit (Jezusit), si Mesia njerëzor i Izraelit dhe Bir hyjnor i Perëndisë, Njëri nga Trinia e Shenjtë me Atin dhe Shpirtin e Shenjtë.

Tipari kryesor i festës së Epifanisë është Bekimi i Madh i Ujit. Ai kryhet dy herë, në vigjiljen e Epifanisë, mbas Meshës së Shën Vasilit dhe mbas Meshës së vetë ditës.

Shërbesa fillon me këndimin e himneve të veçanta dhe me temjanisjen e ujit, që është vendosur në mes të kishës.

Në 6 Janar në shumë vende është zakon që Bekimi i Ujit të bëhet në det, lumë, liqen apo në ndonjë pellg uji. Kur nuk është mundësia, bekimi bëhet në kishë.

Kur këndohet përlëshorja e festës, kremtuesi zhyt kryqin në ujë tri herë dhe pastaj vazhdon, duke spërkatur me ujin në katër drejtimet e horizontit.

Pastaj, ai bekon popullin dhe shtëpitë e tyre me ujin e shenjtëruar, i cili qëndron për shpëtimin e gjithë njerëzve dhe gjithë krijimit, të cilin Krishti e ka prekur nëpërmjet “epifanisë” së tij në mish, për jetën e Botës.

Shenjtërimi dhe spërkatja me ujin e Epifanisë nuk është një ritual pagan. Por, është shprehja e faktit më qendror të vizionit të krishterë për njeriun, si dhe për jetën dhe botën e tij. Kjo është dëshmia liturgjike, që na tregon se vokacioni dhe destinimi i krijimit është, që të jetë i “mbushur me tërë plotësinë e Perëndisë” (Efesianët 3:19). sn

Shqipëria në errësirë, ‘black out’ energjetik në gjashtë qytete të vendit. Pa drita nga Durrësi në Sarandë

Qytetet e Fierit, Durrësit, Sarandës, Vlorës, Beratit dhe Lushnjës kanë mbetur pa energji elektrike pasditen e sotme në mënyrë të papritur.

 

Raportohet se energjia elektrike është ndërprerë rreth orës 17:30 në këto qytete.

Sakaq, mësohet se shkak i ndërprerjes është bërë një defekt në linjat e transmetimit 220 KV.

 

Nëpërmjet linjave alternative u është dhënë tension nënstacioneve të rajoneve të prekura, ndërsa autoritetet po punojnë për rikthimin e energjisë tek të gjithë abonentët.

Ndërkohë kanë marrë energji linjat e spitaleve në këto rajone. bw

Berisha të hënën në SPAK, PD mobilizohet për protestë para Prokurorisë së Posaçme! Zbardhet mesazhi drejtuar strukturave

Apeli i GJKKO caktoi masën e sigurisë “detyrim paraqitje” ndaj ish kryeministrit Sali Berisha. Kështu kreu i PD do të duhet që të jetë në SPAK dy herë në muaj, ekzaktësisht të hënën e parë dhe të tretë të çdo muaji.

 

Për muajin janar, Berisha do të duhet të paraqitet në datën 6. Ndërkohë Partia Demokratike është mobilizuar që po në këtë datë në orën 09:30 të protestojë para ambienteve të SPAK.

Në mesazhin drejtuar strukturave thuhet se demokratët duhet të protestojnë për të mbështetur të drejtën, që sipas tyre është në anën e Sali Berishës.

“Te dashur miq. Ditën e Hënë ne ora 9:30 të mobilizojmë të gjithë strukturat e degëve për të protestuar përpara  SKAP- it si vegël  në duart e Ramës për të përndjekur kundërshtarët  politik ..Do jemi aty në   mbështetje të së drejtës, të ligjit  dhe së vërtetës që është në anën e Kryetarit të PD Prof Dr Sali Berisha… Ne ora 9:30 përpara selisë SKAP-it”, është ky mesazhi që u është dërguar strukturave të PD.

Kujtojme qe Sali Berisha është shprehur se do të zbatojë vendimin e Apelit të GJKKO-së që i caktoi atij masën “detyrim paraqitje”, ndersa theksoi se edhe këtë vendim do ta çojnë në Strasburg.

“Avokatët ia përcjellin Strasburgut edhe këtë vendim. Do të paraqitem, sepse Parlamenti ka dhënë autorizim për arrestimin tim. E kam bërë të qartë, që unë, gjersa është një proces që buron nga parlamenti, do paraqitem. Nuk kam kërkuar gjë tjetër, vetëm parlamentin. Këtu nuk ka nevojë sepse parlamenti ka dhënë një autorizim për arrestimin tim, pastaj se çfarë bëjnë këta me njëri-tjetrin, urdhëro tani”, tha Berisha. Panorama

Paralajmërimi i Këlliçit: Erion Veliaj mund të arratiset në Zvicër këto ditë!

Drejtuesi Politik i PD për Tiranën dhe ish-deputeti, Belind Këlliçi, është shprehur se kryebashkiaku i Tiranës, Erion Veliaj, mund të arratiset në Zvicër.

Komentet Këlliçi i bëri në emisionin ‘Off the Record’ me gazetarin Andrea Danglli në A2 CNN, ku tha se SPAK duhet të kishte vendosur masë sigurie për kryebashkiakun, pasi ka rrezik që ai të prishë provat, ose të arratiset.

Ai gjithashtu hoqi edhe një paralele të Veliajt me masat e SPAK ndaj ish-kryeministrit Sali Berisha, duke thënë se Prokuroria e Posaçme nuk po ndjek të njëjtin standard.

“Ti çon kryetarin e opozitës, për një vepër të dyshuar para 20 vitesh detyrim paraqitje, e mban edhe 330 ditë në arrest shtëpie se mos prish provat, ndërkohë lë një delinkuent si kryetari i Bashkisë Tiranë, e lë në zyrë për të shkuar e për të prishur provat.

Do të të jap një lajm ekskluziv? Çfarë do të thotë SPAK nëse ditët në vijim do të arratiset në Shqipëria kreu i Bashkisë Tiranë, jo në Amerikë, por në Zvicër. Ja po j’ua them juve. Le të themi se unë po e shtroj këtë pyetje si hipotetike, do e shohim në 2 javët e ardhshme sesi do të rrjedhin ngjarjet”, tha Këlliçi.

Shpopullohet fshati Drenie në Patos, banorët: Rruga është e amortizuar

Fshati Drenie në Patos, është një nga zonat më të thella të kësaj bashkie. Dhe duket se për shkak të largësisë nga qendra e bashkisë, ky fshat është lënë pa investime në infrastrukturë dhe shërbim shëndetësor.

SYRI TV

Mungesa e infrastrukturës është një nga shkaqet kryesore të shpopullimit të këtij fshati.

Rruga është e amortizuar krejtësisht, ndërsa gjatë dimrit është e pamundur të përshkohet nga automjetet për shkak të baltës.

Në fshat nuk ofrohet as shërbim shëndetësor për banorët.

Për shkak të këtyre situatave, sot fshati Drenie ka vetëm 45 shtëpi, nga rreth 250 të tilla që ka pasur disa vite më parë.

75% e të rinjve në Shqipëri janë beqarë

Pjesa më e madhe e të rinjve në Shqipëri nuk janë në një marrëdhënie romantike. Kjo është një nga gjetjet e studimit të fondacionit gjerman Friedrich Ebert, sipas të cilit 75% e të pyeturve nga mosha 14-29 vjeç në vitin 2024 kanë pohuar se nuk janë në një lidhje. Sakaq, një numër shumë i vogël, 11.5% janë të martuar, 5.6% janë të lidhur dhe bashkëjetojnë, ndërsa 6% janë të lidhur, por nuk jetojnë bashkë.

Në krahasim me studimin e vitit 2019, vihet re se ka një rënie të të rinjve që nuk janë në një marrëdhënie dhe një rritje të atyre që bashkëjetojnë. Kjo përforcon idenë se në 4 vitet e fundit ka një tendencë në rritje të të rinjve për të qenë në marrëdhënie, por jo në mënyrë institucionale.

Një fakt interesant është se divorci nuk është i përhapur tek të rinjtë shqiptarë.

Studimi tregon gjithashtu se faktori më i rëndësishëm që të rinjtë marrin në konsideratë për të zgjedhur partnerin e tyre është niveli i edukimit. Faktori i dytë që ndikon në zgjedhjen e partnerit është aprovimi i familjes, pasuar nga statusi financiar apo gjendja ekonomike.

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend